Postal

Мульти-бот с премиум emoji Постинг+приветствие!

Продам канал с доходом 138090

Всего за 55 000. Срочно нужны деньги.

Статистика Избранное

1 yilda 50ta do‘kon challange | Eminov Ibrohimjon

@dangasa_tadbirkor

Гео и язык канала: Узбекистан, Узбекский

Категория: Блоги

Dangasa inson ham ko’p narsaga erisha olishini shu blogda ko’rsatib beramiz
Avtor: Ibrohimjon Eminov
SMARTLIFE - O’zbekistondagi eng yirik Apple dokonlar tarmog’i asoschisi
(Hozircha 13ta do’kon)
Franshiza haqida batafsil👇
http://smartlife2024.tilda.ws

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

1 yilda 50ta do‘kon challange | Eminov Ibrohimjon

11 Feb, 20:25

Strategiya va Birinchi Buyurtma

Ayb mijozlarda emas. Ular aldanib qolishdan qo‘rqishadi.

Arzon narsaga qimmat pul to‘lashni hech kim xohlamaydi. Shu sabab ko‘pchilik 5-6 mebel ustasiga o‘lcham oldirib, takliflarni solishtirib chiqadi.

Omadsiz muzokaralardan xulosa chiqarishni boshladim. Axir mohir shaxmatchi har bir mag‘lubiyatdan saboq oladi va kuchayib qaytadi.

Endi har bir mijozga mendan avval nechta mebelchi bilan gaplashganini so‘rayman.

Agar birinchisi men bo‘lsam, narxni darrov aytmayman.
Agar 4-5-chi bo‘lib borsam, mendan avvalgi ustalar qanday taklif berganini bilishga harakat qilaman.

Narx berish strategiyasini o‘zgartirdim.

Endi mijozga bitta narx emas, uchta variant taklif qilaman. Va har doim qimmatidan boshlab aytaman.
1. Yuqori narx – Brend, qimmat, eng sifatli materiallar.
2. O‘rta narx – Brendsiz, lekin sifatli va uzoq xizmat qiladigan materiallar.
3. Arzon narx – Sifati noma’lum materiallar, lekin eng arzon variant.

Nega qimmatidan boshlash kerakligini bilasizmi? Chunki narx qimmatlab borgani sari, taklif yoqimsizlashib boradi.

Agar teskari qilsam? Avval eng arzonini taklif qilib, keyin qimmatiga o‘tsam, mijoz “Uka, narxing baland-ku” deb ketib qolishi mumkin.

Lekin qimmatidan boshlab arzoniga tushirsam, mijoz o‘zi sezmagan holda o‘rtadagi narxga tortiladi.

Hech kim eng arzonini tanlamaydi. Mijoz doim puli yetadigan eng qimmatini oladi!

Bu strategiya tezroq buyurtma olish uchun edi. Sababi pochcham faqat o‘lchashga boraversa, mebelni kim yasaydi? Bizni jamoada undan boshqa hech kim yo‘q axir.

Kamroq muzokara qilishimiz, ko‘proq ishlab chiqarishimiz kerak.

Birinchi Haqiqiy Buyurtma

Shu vaqt orasida Quvasoy shahridan bir yigit telefon qildi. Buyurtma berish maqsadida chaqirdi.

Bordik, o‘lchadik.

Dangal bola ekan, so‘zga kelib, buyurtma berdi.

Hattoki, yuqoridagi strategiyani qo‘llashga ham hojat bo‘lmadi. Shunchaki omad keldi.

Buyurtma juda kichik edi. Lekin menga hozir hajm emas, mijozlar soni va tajriba muhimroq edi.

Taxminan 40% oldindan to‘lov oldik. Qolganini mebel o‘rnatib bo‘lgach olishga kelishdik.

Pochcham bu buyurtmaga unchalik qiziqmadi. Saviyasi past ish deb qaradi. Sababi u shogirdlik qilgan joyda faqat zodagonlarning uyiga hashamatli mebellar yasash bilan tajriba orttirgan edi.

Lekin nima bo‘lsa ham birinchi buyurtma olindi.

Yelkamdan tog‘ ag‘darilganday bo‘ldi. Endi orzu qilishni boshladim.

Hali 1000-lab oilalarga mebel yasab beramiz…

Bilmasdimki, meni qanday muammolar kutib turganini.

(Davomi bor…55ta reaksiyadan keyin)
@dangasa_tadbirkor

320 0 2 4 56

1 yilda 50ta do‘kon challange | Eminov Ibrohimjon

11 Feb, 07:40

Birinchi Uchrashuv

Buyurtmani o‘lchash uchun pochcham bilan birga bordik.

Uy egasi samimiy kutib oldi. Oddiy, lekin insofli odamga o‘xshaydi. Oshxonasi uchun mebel buyurtma bermoqchi ekan.

Ishga kirishdik.

Pochcham o‘lchamlarni olib, qog‘ozga nimalarnidir yozardi. Usta sifatida o‘z ishi bilan band.

Men esa mijoz bilan gaplashishga kirishdim.
• “Qanday uslub yoqadi?”
• “Ranglar bo‘yicha o‘ylab qo‘ygansizmi?”
• “Qaysi turdagi materiallar sizga maqul?”

Maqsad – mijozning xohishini tushunish. Ko‘pchilik ustalar faqat “o‘lchab ketib, narx chiqarib beraman” deb ishlaydi. Mening esa strategiyam boshqacha – mijozning ichki ehtiyojini tushunib, unga eng mos variantni taklif qilish.

Mijoz sifatli, lekin haddan tashqari qimmat bo‘lmagan variant izlayotgan ekan.

O‘lchamlar olindi.

Narxni hisoblab aytdik.

Mijoz esa:
“Boshqa mebelchilardan ham narx va takliflarni bilib, kimniki to‘g‘ri kelsa, o‘sha odamga buyurtma beraman,” dedi.

Tushundimki, bu sohada buyurtma olish oson emas ekan.

Menga esa hozir daromad topish juda muhim.

Shu o‘ylar bilan mijoz uyidan chiqdik va pochcham bilan uy-uyimizga tarqaldik.

Huddi shunday holat 2-3 marta takrorlandi.

Men reklama qilaman, mijoz qo‘ng‘iroq qiladi, o‘lchaymiz, narx aytamiz… va kutamiz.

Lekin hech kim darrov “ha” demaydi.

Nimadir o’ylab topmasam bo’lmaydi. Siz meni o’rnimda Nima qilgan bo’lardingiz?

(Davomi bor…)
@dangasa_tadbirkor

416 0 2 7 31

1 yilda 50ta do‘kon challange | Eminov Ibrohimjon

10 Feb, 19:23

Birinchi buyurtma

Birinchi zakazni olish men o‘ylagandek oson kechmadi.

Qayerdan mijoz topishim mumkin?
Kimlar mebel buyurtma beradi?
Odamlar mebelchilarni qayerdan qidirishadi?

Shu savollar miyamda aylanardi. Ko‘pchilik Farg‘onada mebelni OLX’dan yoki tanishlari orqali topishini tushundim. Demak, birinchi qadam – OLX’ga e’lon joylash!

Bepul e’lon tayyorlay boshladim. Lekin muammo bor edi: pochcham qilgan ishlarning sifati yaxshi bo‘lgan rasmlari yo‘q.

Uning telefoni eski, kamerasi xira. Mijozlarga qilgan mebellarini umuman rasmga ham tushirmagan ekan.

Nima qilish kerak?

Internetdan rasmlar olib joyladim. Agar mijoz so‘rasa, “bu internetdan, sizga shunaqa stil qilamiz” deb aytaman. Muhimi – qo‘ng‘iroqlar kelsin.

Keyin Instagram va Telegram kanal ochdim. Tanish-bilishlarga “mebel bilan shug‘ullanyapman” deb e’lon qildim.

Kutish boshlandi.

Kun o‘tdi… Jimlik.

Ikkinchi kun… Jimlik.

Hech kim qo‘ng‘iroq qilmayapti.

Pul tikish kerak! OLX’ga pullik e’lon yoqdim. Atigi 30 ming so‘m, lekin odamlar ko‘proq ko‘radi.

Shu payt bir narsa esimga tushdi. Ko‘pchilik usta mijozga qog‘ozda chizib tushuntiradi. Lekin odam tasavvur qilolmaydi, shu sabab ba’zi mijozlar ikkilanishadi.

3D Max dizayner kerak!

Tanish-bilishlar orasidan qidirishni boshladim. 3D chizib bera oladigan odam topsam, mijozlarga real vizual taqdim qila olamiz.

Bu fikr miyamda aylanyapti, OLX’da e’lon yuribdi.

Va nihoyat…

Telefon jiringladi.

Ichimdan “ha, bo‘ldi” deb qo‘ydim. Birinchi mijoz!

Hayajon bilan salom berdim. Gapimiz darrov tutashdi. Sotuvda tajribam bor edi, shu sabab uchrashuvni osongina kelishdik.

Lekin darrov boramiz demadim, “o‘lib turgan ekan ” degan tasavvur paydo bo‘lishini xohlamadim. Shuning uchun, “hozir bandmiz, falon kuni bo‘shaymiz” deb uchrashuv vaqtini biroz kechiktirdim.

Manzilni oldim. Telefonni qo‘ydim.

Hamma gap endi shu uchrashuvda.

(Davomi bor… 50ta reaksiyadan keyin)
@smartlife_founder

439 0 2 10 64

1 yilda 50ta do‘kon challange | Eminov Ibrohimjon

10 Feb, 16:20

Hamkorlik

Menda bor-yo‘g‘i 200 dollar pul va 3.000 dollarga yaqin qarz bor edi.

Qayerga yurishni, nima qilishni hali bilmasdim.

Yaxshiyamki, qarz beruvchilar zudlik bilan pul talab qiladigan odamlar emas edi. Hech bo‘lmaganda, vaqt bor edi. Har kuni qo‘ng‘iroq qilib, asabimni buzishmaydi. Lekin bu vaqtni foydali o‘tkazish kerak edi.

Asosiy muammo – daromad keladigan joy yo‘q.

O‘yladim. Ko‘p o‘yladim. Shu payt otamning oldinroq aytgan gapi yodimga tushdi.

Ular bir kuni shunchaki aytib qolgan edilar:
“Pochchang juda mohir usta, premium mebellar yasaydi, lekin mijoz topishda qiynalayapti shekilli.”

O‘sha gap hozir miyamda yangradi. Pochcham!

Ular premium mebel sohasida 10 yillik tajribaga ega mutaxassis edilar. Ishining ustasi, mijozlarga sifat bera oladigan usta. Lekin sotuv va marketing ko‘nikmalari yo‘qligi sababli unchalik katta daromad qilolmasdilar.

Fikr tez shakllandi.

Birinchi qilgan ishim – dadamdan ruxsat so‘rash.

Sababi quda taraf bilan sherikchilik qilish – munosabatlarni riskka qo‘yish degani. Agar ish yurishmasa, bu faqat biznesga emas, oilaviy rishtalarga ham ta’sir qilishi mumkin edi.

Dadam rozi bo‘ldilar.
“Pochchang tilla yigit, u seni o‘z ukasidek ko‘radi. Ishlaringiz yurishib ketsa, ikkalangizga ham manfaat bo‘ladi.”

Shoshilmay bo‘lmaydi.

Tezda aloqaga chiqdim va hamkorlik taklif qildim.

Uchrashdik. Sodda, lekin adolatli kelishuv qildik.
• Men reklama va sotuv bilan shug‘ullanaman.
• Pochcham esa buyurtmalarni bajarib, mebelni yasab, o‘rnatib beradilar.

Pochcham bilan kelishish qiyin bo‘lmadi. Ular juda samimiy va saviyali inson.
“Ikkala tomon manfaat ko‘rsa, boshlaymiz,” – dedilar.

Shunday qilib, birinchi imkoniyat paydo bo‘ldi.

Endi mening vazifam – buyurtma topish.

Ichimda bir g‘urur va hayajon bor edi. Hech bo‘lmaganda, bir narsa boshlandi.

Lekin…

(Davomi bor… 50ta reaksiyadan keyin)
@dangasa_tadbirkor

470 0 4 5 71

1 yilda 50ta do‘kon challange | Eminov Ibrohimjon

10 Feb, 08:51

Qaror

Nima bo‘lsa bo‘ldi.

Ortga yo‘l yo‘q. Ota-onamga bor haqiqatni aytdim.

Avvaliga yashirmoqchi bo‘ldim. Balki biror yo‘l topib, hammasini o‘zim hal qilarman deb o‘yladim. Lekin ichimdagi ovoz tinchlik bermasdi.

“Voqelikni boricha tan ol.”

Uyda rol o‘ynab yurishni xohlamadim. Axir ota-onam – dunyoda meni eng ko‘p yaxshi ko‘radigan insonlar. Ular meni tushunishadi, to‘g‘rimi?

Otam xotirjam qabul qildilar.
Onam esa boshimni silab, kayfiyatimni ko‘tarishga urindilar.

Lekin men yoqtirmaydigan bir narsa boshlandi. O‘rnimga kelajagimni hal qilish ishlari boshlab yuborildi.

Onam: “Kazandagi buvingning oldiga borasan, universitetga kirasan.”
Otam: “Shaxmatdan yana dars bera boshlaysan, o‘zingni tiklab olasan.”

Ular menga yordam berishayotganini tushunaman. Lekin ularning suhbatlarini eshitarkanman, miyamda faqat bitta o‘y yurardi:

“Axir men 20 yoshdaman. Mening ham o‘z fikrim bor. Balki bir marta bo‘lsa ham, so‘rab ko‘rarsizlar?”

Lekin tushunib yetdim: Ota-onam uchun men 40 yoshga kirganimda ham yosh bola bo‘lib qolaveraman.

Shu o‘y bilan bor kuchimni to‘pladim. Yuragim gupillab urgan holda otamning xonalariga kirdim.

– Dada, men tadbirkorlikni juda yaxshi ko‘raman. O‘zimni faqat shu sohada baxtli his qilaman.

Ular jim. Gapimni davom ettirdim.

– Menga bir yil vaqt bering. Agar shu vaqt ichida natija ko‘rsata olmasam, sizlar aytgan yo‘ldan yurishga roziman.

Bilmadim, bu so‘zlarni qanday ayta oldim. Chunki odatda otam oldida shunday hayajonlanardimki, ikki gapni bog‘lab ayta olmasdim.

Ba’zan xonalariga kirishdan oldin 15 daqiqa tayyorlanardim. Gapirishga qiynalib, shunchaki ortga qaytib chiqardim. Lekin o‘sha on…

O‘sha on – bu men uchun taqdirning burilish nuqtasi edi.

Agar sukut saqlasam, hayotim butunlay boshqacha yo‘nalishda ketardi. O‘zim yoqtirmagan sohamda ishlashga majbur bo‘lardim.

Otam… kutilmaganda rozi bo‘ldilar.

Bizning uyda esa “Dadam nima desa – shu bo‘ladi.”

Onam qaytib bu mavzuni ochmadilar.

Endi men yo‘lga chiqdim.

(Davomi bor…)
@dangasa_tadbirkor

544 0 6 9 38

1 yilda 50ta do‘kon challange | Eminov Ibrohimjon

9 Feb, 18:39

Qayta Tirilish

Hayolan o‘zimni tashqaridan kuzatdim. Shu holda, shu ko‘rinishda siqilib o‘tirganimni ko‘rib, o‘zimga o‘zim savol berdim:

Nega aynan shunday qiyofada, shunday kayfiyatda o‘tiribman?

Bu holat menga tanish edi. Qorong‘i xona, depressiya, o‘zini ayblash, odamlardan qochish… Bu manzarani ilgari ham ko‘rgandim. Qaerda?

O‘ylay boshladim… Haaa, kinolarda!

Hayolimda bir nechta film sahnalari gavdalandi. Shu yerda o‘tirganim xuddi o‘sha filmlarning qahramonlari singari edi. Ular ham shunday siqiladi, xonaga qamaladi, hayotdan voz kechgandek bo‘ladi.

Lekin men bir narsani tushundim: siqilib o‘tirish kino qahramoniga hech qanday yordam bermaydi.
Agar film qahramoni iroda ko‘rsatmasa, hech qanday o‘zgarish bo‘lmaydi. U shunchaki yo‘qoladi. Eng yomoni, agar bunday siqilish uzoq davom etsa, u o‘zini o‘ldirish bilan yakunlanadi.

Men esa… mening kinoyim baxtli yakun topishi kerak!

O‘zimni shu darajaga olib kelishim noto‘g‘ri ekanini angladim. Bir lahzalik tafakkur, miyamdagi bu tahlillar, balki, 12 yil davomida professional shaxmat bilan shug‘ullanganimning samarasi edi. Men har doim vaziyatni tahlil qilardim, eng yaxshi yurishni tanlardim. Bu esa eng yaxshi yurish emasdi.

Soniyalarda siqilishdan to‘xtadim. Va shartta yotib uxlavordim.

Ertaga hammasi boshqacha bo‘ladi.

(50ta reaksiyadan keyin Davomi bor…)
@dangasa_tadbirkor

621 0 5 3 79

1 yilda 50ta do‘kon challange | Eminov Ibrohimjon

9 Feb, 16:58

50ta reaksiyadan keyin davomini joylaymiz😎

576 0 0 11 36

1 yilda 50ta do‘kon challange | Eminov Ibrohimjon

9 Feb, 15:49

Depressiya

Ichki kurash

Shu paytda hayotim shunday qulab tushgan ediki, unga nisbatan hech qanday hissiyot ham qolmagandi. Go‘yo hammasi menga emas, kimdir boshqaga bo‘layotganday.

Qorong‘i xonada yolg‘iz o‘tiribman. Telefon jim. Tashqarida hayot davom etayapti, lekin men uchun u yo‘q. Hech kim bilan gaplashgim kelmaydi.

Kayfiyatsizligimni sezgan oila a’zolarim birin-ketin xonamga kirib, ahvolimni so‘rayapti. O‘zlarini qanday tutishni bilishmaydi. Qanday yupatishni ham. Lekin men hech narsaga javob berishga ham holim yo‘q.

Shu qadar o‘zimni ojiz his qilyapmanki, boshimni tik ushlab o‘tirishga ham kuchim yetmaydi.

Hech narsa qiziq emas. Hech bir so‘z, hech kim.
O‘zimni yashash ishtahasi yo‘qolgan odamday his qilyapman.

Hayolim ikki tarafga tortayapti.

Birinchisi – nega men hammaga qarshi chiqib, biznes boshladim? Axir atrofdagilar oldindan aytishgandi: “O‘zbekistonda biznes qilish qiyin, o‘xshamaydi, boshingni og‘ritma”. Eshitmagandim. O’zimga ishongandim. Va mana…

Ikkinchisi – bu qarzlarni qanday qaytaraman? Ota-onamga bankrot bo‘lganimni qanday aytaman? Axir endigina ularning ishonchini qozonayotgan edim-ku…

O‘zim bilan o‘zim kurashayotgan edim. Lekin bu jangda hali mag‘lub bo‘lmagandim.

(Davomi bor…)
@dangasa_tadbirkor

610 0 4 73

1 yilda 50ta do‘kon challange | Eminov Ibrohimjon

9 Feb, 13:05

Depressiya

2018-yil, iyul. Jazirama issiq. Quyosh asfaltdan olov bo‘lib ko‘tarilayapti. Atrofda havo dim, nafas olish ham og‘ir.

Harakatlanayotgan mashinalar shundoq ham issiq shaharni battar qizdirayotganday. Men esa eski Damasning ichida ketayapman. Tashqarida 40 daraja issiq, ichkarida esa undan ham battarroq. Bu mashinada konditsioner yo‘q, shunchaki oynani ochib shamol kutish kerak. Lekin hozir shamol ham yordam bermaydi.

Tanam muzlab borayotganday… lekin bu jazirama tufayli emas. Ichimda bir sovuq bor. Yuragimni siqayotgan, hayotimni siqayotgan…

Uyga qaytyapman. Boshimda faqat bitta narsa: Nima uchun bankrot bo‘ldim?
Nega aynan men?
Hech kim ishonmasa ham, o‘zim qattiq ishongandim-ku… nega?

Avvaliga hamma narsa reja bo‘yicha ketayotganday tuyulgandi. Ishonch, mehnat, orzular… Lekin hayot rejalarga qaramaydi.

O‘sha paytda dunyo ikkiga bo‘linganday edi: tashqarida hayot davom etardi, ichimda esa – qop-qora bo‘shliq.

Qanday qilib bunday ahvolga tushdim? Va eng muhimi, bundan qanday chiqib ketaman?

(Davomi bor…)
@dangasa_tadbirkor

653 0 6 27

1 yilda 50ta do‘kon challange | Eminov Ibrohimjon

9 Feb, 05:49

#Challange da nima gap?

1. Brend platforma qilyapmiz - Barcha marketing harakatlari bir nuqtaga olib borishi uchun

2. Smartlife ichki akademiyasini quryapmiz. Masshtablashish kadrlarni tezkor o’stirish metodikasini talab qilyapti.

642 0 2 16

1 yilda 50ta do‘kon challange | Eminov Ibrohimjon

21 Jan, 03:39

Biznesingizdagi moliya xavfsizligini ta’minlash uchun oddiy 3 qadam:

1-qadam: Pul oqimining sxemasini tuzing
Biznesingizdagi pulning bo‘limlar o‘rtasida qanday harakatlanishini aniq sxema shaklida chizing.
Sxemada:
• Har bir bo‘lim va u yerdagi pulga mas’ul shaxs nomi ko‘rsatiladi.
• Pulning harakati strelkalar orqali aks ettiriladi.

2-qadam: Nozik nuqtalarni aniqlang
Sxemani tahlil qilib, pul yo‘qolish xavfi yuqori bo‘lgan joylarni toping.
Misol: Kassir eng nozik nuqta bo‘lishi mumkin, chunki barcha pul u orqali o‘tadi. Agar nazorat bo‘lmasa, bu katta xavf tug‘diradi.

3-qadam: Nazorat o‘rnating
Nozik nuqtalarda pul harakatini nazorat qilish tizimini joriy eting.
Misol:
• Kassir mustaqil qaror qabul qilmasligi kerak
• Xarajat qilish uchun moliyachidan ruxsat olish majburiyatini joriy qiling

Lifehack:
Agar muammoga yechim topa olmasangiz, sizga o‘xshash, ammo ko‘proq tajribaga ega yirik biznes egalariga murojaat qiling. Yechim uchun haq to‘lashdan tortinmang. Bu sizning xavfsizligingizga xizmat qiladi.

1.4k 0 11 28

1 yilda 50ta do‘kon challange | Eminov Ibrohimjon

20 Jan, 22:19

Bunaqasi O‘zbekistonda hali bo‘lmagan!

Endi Smartlife iPhone’larning batareya yaroqlilik ko‘rsatkichiga (yomkost) ham kafolat beradi! 💡

Bu nimani anglatadi?
• Bizdan ishlatilgan ikkinchi qo‘l iPhone sotib olayotgan mijozlar endi batareya holati haqida qayg‘urishmaydi.
• Siz sotib olgan iPhone’ning yomkosti sun’iy ko‘tarilgan emas, balki haqiqiy va kafolatlangan holatda bo‘ladi.

Nega bu muhim?
Hozirda bozorda ko‘p iPhone’lar yomkostini maxsus dasturlar orqali sun’iy ravishda oshirib, mijozlarni aldash holatlari uchramoqda. Natijada, foydalanuvchilar qisqa vaqt ichida batareya quvvati tez pasayganini sezib, qiyinchiliklarga duch kelishadi.

Smartlife bilan bu muammolar yo‘q!
• Har bir iPhone to‘liq diagnostikadan o‘tadi va uning holati aniq tasdiqlanadi.
• Biz batareyka yaroqliligiga ham kafolat berib, sizning xotirjamligingizni ta’minlaymiz.
• Agar Yomkost 15 kun ichida 2%dan ko’p tushib ketsa, boshqa iPhonega alishtirib beramiz.

Nega iPhone olish uchun eng yaxshi joy — Smartlife?
• Biz nafaqat sifatli mahsulot sotamiz, balki mijozlarimizga g‘amxo‘rlik qilamiz.
• Sizni faqat sotib olish jarayonida emas, balki undan keyin ham qo‘llab-quvvatlaymiz.
• Smartlife mijozlariga doim eng yuqori xizmat ko‘rsatishni maqsad qilgan, chunki siz biz uchun eng muhimsiz!

👉Smartlife – mijozlarining qayg‘usini o‘zinikidek his qiladigan eng yaxshi tanlov!

17.5k 2 20 29

1 yilda 50ta do‘kon challange | Eminov Ibrohimjon

20 Jan, 11:37

Ajoyib yangilik bor

1.1k 0 0 36

1 yilda 50ta do‘kon challange | Eminov Ibrohimjon

15 Jan, 12:15

Qancha ko’p chidasangiz
Shuncha kam hurmat qilishadi!

Odamlar bilan orangizda chegara qo’ying. Odamlar o’zini qadrlaydiganlarni hurmat qilishadi!

1.8k 0 19 54

1 yilda 50ta do‘kon challange | Eminov Ibrohimjon

13 Jan, 13:03

Ishni bilgan amalga oshiradi
Chala bilgan aql o’tgatadi
Bilmagan qoralaydi
Qilolmagan pastkash loy choplaydi

3.2k 2 24 47

1 yilda 50ta do‘kon challange | Eminov Ibrohimjon

12 Jan, 05:15

Eski $ va mayda $ kursi past ekan 1$=3,6 ringit

2k 0 0 10

1 yilda 50ta do‘kon challange | Eminov Ibrohimjon

12 Jan, 05:07

00:15

Видео недоступно для предпросмотра

Смотреть в Telegram

10.4k 1 3 8

1 yilda 50ta do‘kon challange | Eminov Ibrohimjon

11 Jan, 00:10

Qo’rquv bu insonni harakatdan to’xtatuvchi ba’zida esa harakatga undovchi hissiy holat.

Qo’rquvlaringizni o’z manfaatingiz yo’lida ishlata olsangiz rivojlanasiz.

Misol uchun Jahannam olovidan qo’rqadigan odam ko’proq savob qilishga urinadi. Bu qo’rquv insonni yuksaltiradi.

Aksincha qo’rqadigan narsangizdan shunchaki qochib yursangiz o’sish bo’lmaydi. U sizga bir kun albatta yetib oladi.

Misol uchun boy odam boyligini yo’qotishdan qo’rqishi mumkin. Bu qo’rquv uni Exson qilishdan to’xtatadi. Tavakkal ishlarni qilmay qo’yadi. Bu esa xato qarorlarga olib keladi va pullarni yo’qotadi.

Asl mohiyat shundaki: Qo’rquv salbiy yoki ijobiy bo’lmaydi. Bizning unga bo’lgan munosabatimiz uni salbiy yoki ijobiy qiladi.

Kuchli shaxsiyat egalari qo’rquvlarini energiya manbayiga aylantiradilar!

Huddiki it quylaganda qo’rqib tezroq yugurganimiz kabi!

1.7k 1 11 23

1 yilda 50ta do‘kon challange | Eminov Ibrohimjon

10 Jan, 09:04

Qo’rquv - Shu mavzuda gaplashamizmi?

👍 - Ha
👎 - Yo’q

1.2k 0 0 71

1 yilda 50ta do‘kon challange | Eminov Ibrohimjon

9 Jan, 07:24

Diamond beach 🏖️

Baliga borsangiz albatta shu joyga ham keling. Sababi:

- Mo’jizaviy manzaraga qarab ko’zimgiz to’ymaydi
- Suvi juda tiniq va tanaga yoqimli
- yo’l bo’yi go’zal tabiatini tomosha qilasiz
- Orolda to’lqinlar bilan cho’milasiz
- Odam kam sababi piyoda 1kmcha tepalikdan tushish kerak ekan. Qaytib chiqish ham bor😎

1.4k 0 2 26

Показано 20 последних публикаций.

12 556

подписчиков

Статистика канала

Язык сайта

Postal

Продам канал с доходом 138090

1 yilda 50ta do‘kon challange | Eminov Ibrohimjon

Гео и язык канала

Категория

12 556

Популярное в канале