Bugun Shavkat Mirziyoyev raisligida “Yashil makon” loyihasi doirasida bahorgi ekish mavsumini tashkil qilish va chiqindilarni boshqarishni takomillashtirish yuzasidan videoselektor yigʻilishi boʻlib oʻtdi. Davlatimiz rahbari “Yashil makon” doirasidagi ustuvor vazifalarni belgilab berdi.
Bahor mavsumida mahallalarda va koʻp qavatli uylar atrofida, yoʻllar va kanallar boʻyidagi yerlarga daraxt ekish chora-tadbirlari belgilab olindi.
Poytaxtda amal qilayotgan yirik qurilish loyihalarida maydonning kamida 30 foiziga daraxt ekish majburiyati barcha viloyatlarda joriy qilinishi belgilandi.
Yirik sanoat korxonalarida, barcha sanoat zonalari atrofida yashil hududlar tashkil qilish zarurligi koʻrsatib oʻtildi.
Ijtimoiy obyektlarga koʻchatlarni bepul yetkazib berish boʻyicha oʻtgan yili boshlangan amaliyot bu yil ham davom ettiriladi. Ularga 4 milliondan ziyod koʻchat bepul tarqatilishi belgilandi.
Yigʻilishda vazirlar va hokimlar tizim tashkilotlari tomonidan ekilgan koʻchatlarning unib-oʻsishi va toʻgʻri parvarish qilinishiga alohida eʼtibor berishi lozimligi taʼkidlandi.
Koʻp qavatli xonadonlarda aholini chiqindini saralagan holda shoxobchaga olib borishga ragʻbatlantiradigan tizim joriy etiladi.
Bizni kuzating
Facebook | Instagram | Twitter | YouTube