BUVAYDA AKM

#Zulfiyaxonim izdoshlari
#Buvayda
#Sening yoshlaring

Zulfiyaxonim nomidagi maxsus nomdor stipendiya sohibasi !!!

Erkinova Mushtariybonu Hamidulla qizi Buvaydalik.
Pediatriya, Stomotologiya, Xalq tabobati va Tibbiy pedogogika fakultetidan Zulfiya nomidagi nomdor stipendiyaga loyiq deb topildi. 1-kurs talabasi bo’lib shunday mukofotga loyiq ko’rilgani Mushtariybonu uchun katta iftixor hissini berdi. "Bu muvaffaqiyat nafaqat mening shaxsiy mehnatim va intilishlarimning natijasi, balki oilamning qo’llab-quvvatlashi, ustozlarimning yo‘l-yo‘riqlari va do‘stlarimning yordamining mahsulidir "-deydi qahramonimiz.
Zulfiya nomidagi stipendiya  Mushtariybonuga katta mas'uliyatni ham anglatishini, ustozlarining qo‘llab-quvvatlashidan ilhomlanib, bilim olishda yanada ko‘proq harakat qilishini, tibbiyot sohasida yangi yutuqlarga erishish uchun astoydil ishlashga, ayniqsa, shifokorlik kasbiga bo‘lgan muhabbati va insonlarga yordam berish istagini yanada mustahkamlagani haqida tòlqinlanib sòzladi.
Mushtariybonuga orzu-maqsadlarini amalga oshirish yòlida ulkan muvofaqqiyatlar tilaymiz!
Biz shunday bilimli, izlanuvchan qizimiz bilan faxrlanamiz!
Ta'lim bergan ota-onasiga, uztozlariga rahmat deymiz!
@buvaydaakm

Kitob—bilim, tajriba va hikoyalarni yozma shaklda yetkazish vositasi. U turli janrlarda bo‘lishi mumkin: badiiy adabiyot, ilmiy, tarixiy, falsafiy yoki badiiy bo‘lmagan...

Kitoblar inson tafakkurini rivojlantirish, tasavvurni kengaytirish va bilim olish uchun muhim manba hisoblanadi. O‘qish odati insonning so‘z boyligini oshiradi, tanqidiy fikrlash qobiliyatini rivojlantiradi va dunyoqarashini kengaytiradi.

Siz ayni damda qaysi kitobni oʻqimoqdasiz yoki sizga qanday kitoblar yoqadi?

Bizga yozing!

@buvaydaakm1

Uni erkaklar va ayollar, bolalar va qariyalar kiyardi. Va har bir mintaqada do‘ppilar o‘ziga xos farqli jihatlarga ega bo‘lgan. Shartli ravishda do‘ppilar bir nechta guruhlarga bo‘linadi. Bular: Toshkent, Buxoro, Samarqand, Farg‘ona, Xorazm-Qoraqalpoq va Qashqadaryo-Surxondaryo do‘ppilaridir. Shuningdek, do‘ppilar bayrambop, diniy va kundalik bo‘ladi. Ushbu milliy bosh kiyimi yumshoq yoki qattiq matodan tikilib, kashta yoki munchoqlar bilan bezatiladi, unga yumaloq yoki kvadrat shakl beriladi.
Biroq, bugungi kunda har kim ham do‘ppi naqshida yashiringan ma’nolar haqida o‘ylamaydi. Axir har bitta bukilish, rasm, chiziq o‘zining chuqur ma’nosi va siriga ega. Hozirgacha xalq orasida do‘ppilar haqidagi afsonalar va rivoyatlar saqlab kelinadi.

Rivoyatlarga ko‘ra, erkaklar do‘ppisining yuqori qismidagi to‘rtta gul odamning sog‘lig‘ini to'rt tomondan himoya qiladi, do‘ppi chetidagi o‘n oltita gul esa katta va ahil oila bo‘lish (o‘n oltita farzand ko‘rish) tilagini bildiradi. Ushbu do‘ppilar odmi, kamtar va shu bilan birga juda bezakli ko‘rinishga ega. Ular to‘rtta qalampir boshchalari ko‘rinishidagi oq naqshning qora fon bilan keskin birikuvi bilan ajralib turadi. Qorong‘i fonga oq ipak bilan tikilgan gullar inson qalbi va yuragi pokligining ifodasi bo‘lib xizmat qiladi.

Ayollar do‘ppilarini bezashda asosan gullar, mevalar va qushlardan foydalaniladi. Gul naqshlari orasida keng tarqalgani atirgul, gulsapsar, chinnigul, lola, gultojixo‘roz, olma gullari va boshqalar, mevalar orasida esa anor, olcha va gilos, bodom va qalampir tasvirlari va boshqalar hisoblanadi. Gullar ko‘pincha yuqorida va yon tomonda tasvirlanadi. Gullar ichidagi jihatlar, ayniqsa, ehtiyotkorlik bilan ishlanadi. Qushlar ham bezakning asosiy naqshini tashkil qilishi mumkin. Asosan, bu tustovuq, xo‘roz, bulbulning tasvirlaridir. Hunarmand ayollarning go‘zallikka, mukammallikka intilishi ularning mehnatini hunarmandchilikdan eng yuqori san’at darajasigacha ko‘taradi.
O‘zbek do‘ppisi bezagining barcha elementlari — rangi, chiziqlari, rasmlari muhim ma’no yuklamasiga ega bo‘lib, ko‘pincha hayot va o‘lim, yorug‘lik va qorong‘ulik, yer va osmon, yaxshilik va yomonlik kabi umumiy tushunchalar bilan bog‘liq bo‘ladi. O‘zbek do‘ppilari haqli ravishda butun dunyoda talabga ega. Chet ellik sayyohlar bunday bosh kiyimlarini g‘ayrioddiy yodgorlik sifatida sotib olishadi, aksariyat insonlar hatto ular bilan o‘z uylarini bezashadi. Shaxsiy foydalanish uchun esa do‘ppini istalgan bozorda va sayyohlik markazlaridagi maxsus sovg‘alar do‘konlarida xarid qilish mumkin.

Shoiraning “Xulkar” (1947), “Men tongni kuylayman” (1950), “Dugonalar bilan suhbat” (1953) kabi to‘plamlaridagi she’rlarida o‘zbek qizi – Zulfiyaning ovozi ona qalbini, ayol nazokatini, inson orzusini kuylagan otashin she’rlari faqat O‘zbeksitondagina emas, butun Osiyo va Afrika mamlakatlarida ham kitobxonlar diqqatini jalb qildi. O‘zbekiston xalq shoirasi, taniqli jamoat va davlat arbobi Zulfiya, xorijiy mamlakat taraqqiyparvar yozuvchilari va davlat arboblarining mehmoni sifatida juda ko‘p mamlakatlarda bo‘lgan edi.
Zulfiya asarlari ko‘plab chet tillarda, shuningdek, qardosh turkiy xalqlar tillarida nashr etilgan. Zulfiya “Xalqaro Javoharlal Neru” (1968), “Nilufar” (1971) mukofotlari hamda “Hamza nomidagi O‘zbekiston Davlat mukofoti” (1970) laureati, shuningdek, u Bolgariyaning “Kirill va Mefodiy” (1972) ordeniga sazovor bo‘lgan. Zulfiya A.S.Pushkin, M.Yu.Lermontov, N.A.Nekrasov, M.Vohif, L.Ukrainka, M.Dilboziy, S.Kaputikyan, E.Ognetsvet, Mustay Karim, Amrita Pritam, Ye.Bagryana va boshqalarning asarlarini o‘zbek tiliga tarjima qilgan. 
Atoqli shoira 81 yoshida, 1996 yil avgustda vafot etdi.