bukhari.uz

Oʻzbekistonga kelib, tarixiy va madaniy meros bilan tanishish, shuningdek, Imom Buxoriy xalqaro ilmiy-tadqiqot markazi kabi muazzam ilmiy muassasalarda boʻlish, umuman, bu muqaddas zamindagi maʼnaviy va diniy qadriyatlarni oʻrganish shaxsan menga katta ilhom beradi.

Markazingizning tashkil etilishi nafaqat Oʻzbekiston, balki butun musulmon olami uchun katta ahamiyatga ega. Bu yerdagi tadqiqotlar, maʼlumot va bilimlar kengroq yoritilishi va yoyilishi lozim. Faoliyatingiz turli davlatlar oʻrtasidagi madaniy aloqalarni yanada mustahkamlash bilan birga, odamlarga Imom Buxoriyning hayoti va faoliyatini yaqindan oʻrganish, uning merosini chuqurroq anglash va islom ilmlari rivojiga qoʻshgan hissasini yakdil eʼtirof etishga imkon beradi.

Biz qatnashayotgan bu kabi festival va tadbirlar esa, musulmon davlatlarlarining oʻzaro munosabatlarini yanada yaxshilab, diniy bilimlarni mustahkamlashga, xalqlar oʻrtasidagi doʻstlik va hamjihatlikni taʼminlashga xizmat qiladi.

Markazingiz bilan universitetimiz oʻrtasida oʻzaro hamkorlik aloqalarini yoʻlga qoʻyib, birgalikda yangi tadqiqotlar oʻtkazish va mushtarak ilmiy-maʼrifiy tadbirlarni tashkil etish masalasini oʻylab koʻrsa arziydi. Bu orqali muassasalarimiz faoliyatini yanada serqirra qilib, mazmunini chandon-chandon boyitishimiz mumkin boʻlardi.

Oʻzbekistonda Prezident Shavkat Mirziyoyev tomonidan diniy sohada amalga oshirilayotgan loyihalar meni hayratlantirdi. Qisqa vaqt ichida bu kabi keng koʻlamli ishlarni tashkil etish kamdan-kam rahbarning qoʻlidan keladi. Oʻzbekiston – Islom sivilizatsiyasining beshigi. Agar Oʻzbekiston tomoni imkoniyat bersa, men ham bu qadimiy oʻlkaga borib ilmiy tadqiqot qilgan boʻlar edim.

Oʻzbekiston mening ikkinchi vatanim. Soʻnggi yillarda Prezidentingiz Shavkat Mirziyoyev Janobi Oliylari tomonidan olib borilayotgan oʻzgarishlarni diqqat bilan kuzatib boryapman. Bu yangilanishlar natijasida Imom Buxoriy, Imom Moturidiy, Islomsivilizatsiyalari markazlari tashkil etilgani meni juda mamnun qildi. Oʻzbekiston vakillari Malayziyaga tashrif buyurganlarida ularni katta xursandchilik bilan kutib olaman. Oʻzbekistonlik tadqiqotchilarga Malayziyada qanday sharoit zarur boʻlsa, ularni hozirlab berishga tayyorman.