Botir Ziyatov

Qanchadir vaqtdan keyin o‘tmishga qarab sun'iy intellekt siz qanday yashagan ekanmiz desak keragov

@botirziyatov

Trae (trae.ai) loyihasi Xitoyning mashhur kompaniyasi ByteDance ga tegishli.

Bu kompaniyaning mashur loyihalari:
- TikTok
- CapCut

@botirziyatov

DigitalOcean’dan 10 ta bepul VPS olish – 60 kunga

DigitalOcean — AQShda joylashgan, arzon va qulay bulutli server xizmatlarini taklif qiladigan kompaniya.
Agar siz ushbu havola orqali ro‘yxatdan o‘tsangiz, 200 dollar bepul balans olasiz.

Bu balansni VPS serverlar va boshqa xizmatlar sotib olishga ishlatishingiz mumkin.
Bepul balans 60 kun davomida amal qiladi.

E’tibor berishingiz kerak bo‘lgan narsa:
- Karta bog‘lash: Kartani bog‘laganingizda, hisobingizdan 1 dollar vaqtinchalik olinadi, keyin esa qaytariladi.

@botirziyatov

Internetda savol berildi.

O‘zingizni faqat dasturchi deb o‘ylab, shu rol bilan cheklab qo‘yishingizning sababi nimada?

Javoblar:

* Uzoq vaqt davomida dasturchi bo‘lgandan so‘ng fikrlashlar o‘zgaradi va ijodkorlik yo‘qolib boradi.
* Biz universitetga kirganimizdan boshlab shunday "tarbiya" olamiz.
* Bizga ko‘proq yaxshi xodim bo‘lishni, jamiyatga moslashishni o‘rganganmiz va shu orqali rivojlanyapmiz.

@botirziyatov

Oxirgi paytlardan O‘zbekistondan bazi saytlarga kirishda muammolar bo‘lmoqda. yoki faqat manga shunday. Lekin boshqalarda ham ko‘rdim bu holatni.

Bunga sabab TLS 1.3 va QUIC protokollarini bloklangani bo‘lishi mumkin.

Juda ko‘p saytlar ayniqsa CloudFlare da turgan saytlarning ko‘pida shu protokoll odatda yoqilgan bo‘ladi.

ChatGPT ning aytishicha:
TLS 1.3 barcha ma’lumotlarni shifrlab uzatadi, hattoki qo‘shimcha ma’lumotlarni (metadata) ham yashiradi. Natijada tarmoqlar yoki hukumat trafikni tahlil (DPI – Deep Packet Inspection) qila olmaydi, bu esa nazorat qilish imkoniyatini cheklaydi.

@botirziyatov

Telefonni kompyuter sifatida ishlatib bo‘lmasa, endi kuchli protsessor uchun telefon sotib olishni rejalashtirmayman

-- Android Authority sharhlovchisi

@botirziyatov

Odamlar hozir ham YouTube, Instagram va boshqa saytlaridan audio va videolarni yuklab oladigan botlar va saytlarni ishlab chiqishda davom etmoqda.

Lekin internetda bunaqa sayt va ilovalar juda ko‘p.

bir yigit shunday sayt ishlab chiqganini yozibdi. pastida odamlar kommentda shunday yozgan:

Ilgari foydalangan saytlarimiz endi reklamalar bilan to‘lib ketgan
- ko‘p saytlarda kuklash tugmasini bosganimizda hamma joydan uyatli reklamalari chiqib ketadi va bu yoqimsiz.
- So‘nggi paytlarda boshqa ko‘p yuklash dasturlari ishlamay qoldi.
- telegram botlar ham tinmasdan reklama yuboradi.

bunday ilova va saytlarga doim talab bor ekan degan xulosa keladi.

@botirziyatov

Cursor.com domeni bir paytlar 6 ming dollarga sotib olingan va 1 yil o‘tib u 399 ming dollarga sotildi!

Cursor loyihasi haqida:
Cursor — bu AI yordamida kod yozish, tahrirlash va tushunishni osonlashtiradigan zamonaviy dasturchi yordamchisi.

Dastlab, Cursor brendi Cursor.so va Cursor.sh domenlari ostida faoliyat boshlagan.
- Cursor.so: 2021-yilning 11-dekabrida ro‘yxatdan o‘tgan.
- Cursor.sh: 2023-yilning 5-aprelida qo‘shildi.
Hozirda bu ikkala domen Cursor.com ga yo‘naltirilgan.

- 2022-yilning 20-yanvari: Cursor.so o‘zini sun'iy intellekt asosida ishlaydigan email yozish vositasi sifatida tanitgan.
- 2022-yilning 12-noyabri: Sayt o'z faoliyat yo‘nalishini o‘zgartiradi va endi AI yordamida CAD (kompyuter yordamida chizma yaratish) vositalarini taklif qiluvchi xizmatga aylanadi.

- 2022-yilning 30-noyabrida ChatGPT ishga tushirildi, bu esa texnologik startaplar uchun yangi imkoniyatlar yaratdi.
2023-yil boshida Cursor.so AI yordamida dasturlashga oid xizmatlarni taklif qila boshladi.

- 2023-yilning 18-yanvari: Cursor.so yangi sahifasini ishga tushirdi va o‘zini AI asosidagi dastur kodlarini tahrir qilish vositasi sifatida taqdim etdi. Slogan: “Code editing, redefined: Refactor, understand, and write code effortlessly using Cursor's AI source editor.”
- 2023-yilning 16-marti: Cursor dasturi Mac foydalanuvchilari uchun yuklab olishga tayyor bo'ldi. Yangi slogan: “Build Software. Fast. Write, edit, and chat about your code with GPT-4.”

2023-yilning mart oyida Mike Carson ismli bir kishi Cursor.com domenini 6 ming dollarga sotib oldi. Ushbu xarid Cursor.so mahsulotining chiqarilish sanasiga to‘g‘ri keladi. Bu vaqtga kelib, Cursor allaqachon texnologik startaplar dunyosida katta qiziqish uyg‘otgan edi.

2024-yilning may oyida Cursor.com domeni rasmiy ravishda 399 ming dollarga sotib olindi.

umuman olganda:
- Zõr brend tanlovi: "Cursor" degan nom texnologiya olamida hammaga tanish va òta universal.
- AI trendidan foyda olish: ChatGPT va GPT-4 òxshagan texnologiyalar rivojlanib, Cursor’ni yanayam mashhur qildi.

@botirziyatov

IBM dan ochiq kodli dasturchilar uchun bepul server

IBM Cloud ochiq kodli dasturchilar uchun:
- 2 yadroli protsessor,
- 8GB operativ xotira,
- 100GB disk bilan server berimoqda.

Serverni olishni asosiy sharti: Loyiha ochiq kodli bo‘lishi

@botirziyatov

2024-yilda bazi odamlarni ko‘rdim,

ular Korporativ hayotdan ozod bo‘lib, o‘z ishlarini yo‘lga qo‘yishdi.

Ishda charchadim, uyda vaqtim yo‘q deb nolimang, tushindizmi "Botir"

Ba'zida uyga kech qaytsam, yarim soat vaqtim bo‘lsa ham, kompyuterni ochib kod yozaman.
Bir-ikkita funksiya yozilsa ham, oldinga bir qadam bo‘ladi.

@botirziyatov

Yangi trend qanday paydo bo‘ladi:

- Avval biror yangi narsa, loyiha, texnologiya paydo bo'ladi (Telegram, AI Coding, ChatGpt, ...)
- ishlbilarmonlar, dasturchilar, shu trendga qo‘shilishga shoshiladi
- Bazilar pul ishlashni boshlaydi

Keyin "mutaxassislar" paydo bo‘ladi:

- "Telegramda pul ishlash, ..." bo‘yicha kanallar ochishadi
- Treninglar tashkil qilishadi

Natija:

- "Mutaxassislar" pul ishlaydi
- Trening sotib olganlar aldanadi
- Keyin yangi trend (Instagram) paydo bo‘ladi
- Sikl qaytadan boshlanadi

Biz esa chetdan, ee bu bo‘lmagan narsa deb kuzatamiz...

@botirziyatov

JetBrains 2024-yil dasturchilar hisoboti

Dunyo bo‘ylab 23 mingdan ortiq dasturchi orasida o‘tkazilgan so‘rovnoma natijalariga ko‘ra.
Eng mashhur dasturlash tillari reytingi:
- JavaScript hamon peshqadam - dasturchilarnig 61% i undan foydalanadi. Ya'ni har 10 ta dasturchidan 6 tasi JavaScript da ishlaydi.
- Python ikkinchi o‘rinda - dasturchilarnig 57% i foydalanadi. Bu til ayniqsa so‘nggi yillarda tez rivojlandi. 2017-yilda atigi 32% dasturchi ishlatgan bo‘lsa, hozir deyarli ikki baravarga ko‘paygan.

Muhim o‘zgarishlar:
- TypeScript ning tez o‘sishi ko'zga tashlandi. 2017-yilda atigi 12% dasturchi ishlatgan bo‘lsa, hozir 36% gacha yetdi.
- Rust tili ham sekin-asta mashhur bo‘lib bormoqda. Uning xavfsizlik va xotirani boshqarish xususiyatlari tufayli ko‘plab dasturchilar bu tilni C++ o‘rniga ishlatishni afzal ko‘rishmoqda.

Dasturlash yo‘nalishlari:
- Kompyuter dasturlari yaratish (53%) hozirda mobil ilovalar yaratishdan (30%) ancha oldinda.
- AWS eng mashhur bulutli xizmat bo‘lib qolmoqda - dasturchilarnig 46% i undan foydalanadi.

@botirziyatov

Bazi saytlar bor, ularni bir qarashda eee deb uncha e'tibor qilmaymiz,
oddiyku, bekorchilik deymiz, lekin u saytga kirayotgan odamlar sonini eshitsak boshni ushlab qolamiz. 😠

Masalan, 2006-yilda ishlab chiqilgan onlayn boshqotirma saytini olaylik.
jigsawplanet.com

Sayt bitta asosiy funksiyani bajaradi: odamlar saytga rasm yuklaydi, sayt uni avtomat tarzda onlayn boshqotirmaga aylantiradi, boshqalar esa uni yig‘ib o‘ynaydi.

Qiziq tomoni, bu sayt 2024-yilda ham aktiv auditoriyaga ega, yiliga 1,67 milliardta kirish, oyiga esa 13 milliondan oshiq tashrif buyuruvchilar bor.
Bu juda katta son, va juda katta 💵

agar loyiha dunyo bozori uchun mo‘ljallab ishlab chiqilsa, kutilmagan natijalar ga erishish mumkinligini ko‘rish mumkin

@botirziyatov