Botir Zaripov

Матбуот анжумани: раҳбар кенг жамоатчилик билан учрашди

Бухоро вилоятида 2024 йилда амалга оширилган ишлар, истиқболдаги вазифа ва режалар ҳақида ахборот бериш мақсадида вилоят ҳокими Ботир Зарипов иштирокида матбуот анжумани ўтказилди. Унда вилоятда фаолият кўрсатаётган оммавий ахборот воситалари ходимлари, журналист ва блогерлар, жамоатчилик вакиллари, нодавлат нотижорат ташкилотлари раҳбарлари қолаверса, мутасадди ташкилот ва идоралар раҳбарлари иштирок этди.

➖Бухорода меҳмонхоналар сони 607 тага, сайёҳларга хизмат кўрсатувчи туристик корхоналар эса 186 тага етди

➖Тадбиркорлик субъектлари сони вилоятда 35,4 мингтага етказилиб, бу 2023 йилга нисбатан 10,6 мингтага кўпайган. Тижорат банклари томонидан 2024 йилда 6,5 триллион сўм кредит маблағи ажратилган.

➖Ўтган йилда вилоятда 127 та, жами 6010 та хонадонли кўп қаватли уй-жой фойдаланишга топширилди

Батафсил: https://uza.uz/posts/695455

Тelegram  | Facebook | Instagram

⚡️Assalomu alaykum, hayotimiz quvonchi, fayzu farishtasi bo‘lgan muhtarama onaxonlar! Munis opa-singillar!

Sizlarni go‘zallik va nafosat bayrami - Xalqaro xotin-qizlar kuni bilan chin qalbdan qutlash men uchun ulkan sharaf va saodatdir.

Ushbu shukuhli ayyomda hammamiz bizni dunyoga keltirgan, oq sut berib, mehr va tarbiya berib voyaga yetkazgan buyuk ona siymosiga, moʻtabar ayol zotiga ta’zim qilamiz. Zero, inson qadrini ulug‘lash avvalo azizu mukarrama ayollarimizni ulug‘lashdan boshlanadi.

Davlatimiz rahbari ham “Yurtimizda “Ayol baxtli bo‘lsa, jamiyat baxtli bo‘ladi!”, degan ezgu qarash hayotimiz qoidasiga aylanishi uchun barchamiz birgalikda harakat qilishimiz kerak”, degan edilar.

Darhaqiqat, ayol bor ekan, oila degan muqaddas qo‘rg‘on, farzand degan bebaho ne’mat bor. Ayollarimiz o‘zlarini baxtli his qilishar ekan, albatta, oilamiz, jamiyatimiz ham baxtli bo‘ladi.

Donolar aytganidek, dunyoda ayol mehrining bahosini o‘lchaydigan mezon, tenglashtiradigan boylik yo‘q. Bu ayol degan ulug‘ xilqatda nozikta’b, buyuk qalb, nazokatli ko‘ngil, betakror fidoiylik, ona jasorati mujassamligi natijasidir.

Mana shunday fazilatlar egasi bo‘lgan har biringizga bayram muborak bo‘lsin!

Albatta, oila yumushlari, farzand tarbiyasi bilan birga, turli soha va tarmoqlarda fidokorona xizmat qilayotgan opa-singillarimizning mehnatini munosib qadrlash doimo davlatimiz e’tiborida bo‘lib kelmoqda.

Mazkur quvonchli an’ana joriy yilda ham davom etib kuni kecha Prezidentimizning “8-mart – Xalqaro xotin-qizlar kuni munosabati bilan mukofotlash to‘g‘risida”gi Farmonlariga asosida buxorolik ayollardan 4 nafari davlatimizning yuksak orden va medallari bilan taqdirlanishdi.

Shuningdek, Nilufar Ruxillayeva hamda Dilshoda Bahronova singari zukko qizlarimiz Zulfiya nomidagi davlat mukofotiga sazovor bo‘lishganligini faxr va iftixor bilan tilga olib o‘tishni o‘rinli deb hisoblayman.

O‘zbekiston Respublikasi Vazirlar Mahkamasi tomonidan “Moʻtabar ayol” ko‘krak nishonini ta’sis etish to‘g‘risida qaror qabul qilingan edi.

Mazkur mukofotga bu yil viloyatimizdan 16 nafar xotin-qizlar munosib ko‘rildi.

Fursatdan foydalanib, ushbu mukofotga sazovor bo‘lgan munis ayollarimizni viloyatimiz faollari, keng jamoatchilik hamda o‘z nomimdan muborakbod etaman.

Hurmatli onaxonlar, opa-singillar, munis qizlar!

Barchangizni 8-mart – Xalqaro xotin-qizlar bayrami bilan yana bir bor chin dildan muborakbod etaman. Bamisoli bahor elchisi bo‘lib kelayotgan, o‘zingizdek go‘zal va dilbar mana shu qutlug‘ ayyomda Cizga uzoq umr, sihat salomatlik, baxt va omad, xonadoningizga fayzu baraka tilayman.

Farzandlaringiz va yaqinlaringiz, elu yurtimiz baxtiga hamisha omon bo‘ling!

Buxoro.uz | Facebook | Instagram | YouTube

#hokim_hududlarda
#Shofirkon_tumani
#nazorat_o'rganish

"Zarchabek" mahallasidan o‘tgan kollektor yon tomonini obodonlashtirib, bog‘ yaratishga kirishilganini viloyat hokimi Botir Zaripov yaxshi baholadi. Tuman hokimining qayd etishicha, yoz oylarida shu hududda yashovchi aholi zahkashda paydo bo‘ladigan pashsha, chivin kabi hasharotlardan aziyat chekib kelgan. Shunga ko‘ra bu yerni obodonlashtirib, bog‘ qilish, kollektordan daromad topish maqsadida unda o‘rdak, g‘oz va baliq boqishni tashkil etishga qaror qilingan.

Botir Zaripov bu tashabbusni qo‘llab-quvvatladi. Bunday tajribalarni kengaytirish zarurligini bildirdi.

Shuningdek, rahbar ko‘chat o‘tqazish ishlariga bosh qo‘shishdi.

Buxoro.uz | Facebook | Instagram | YouTube

#hokim_hududlarda
#G'ijduvon_tumani
#nazorat_o'rganish

O‘rganishlarning navbatdagi manzili Gʻijduvon davlat o‘rmon xo‘jaligi bo‘ldi. Xo‘jalik hisobida 37 gektar yer mavjud bo‘lib, ayni kunda bu yerda manzarali va mevali daraxt ko‘chatlarini ko‘paytirishga jiddiy kirishilgan.

Botir Zaripov xo‘jalik mutasaddilari bilan muloqot qilib, joriy bahor mavsumida xo‘jalik tomonidan joylarga yetkazib beriladigan daraxt ko‘chatlari va istiqboldagi vazifalar yuzasidan suhbatlashdi.

Kelgusi kuz va bahor mavsumiga tayyorgarlik ishlari bilan qiziqdi. Bu borada zarur vazifalarni belgilab berdi.

Buxoro.uz | Facebook | Instagram | YouTube