#обуначиларимиздан #таҳрирсиз
“Ўзбекистон Президенти Ш.Мирзиёевга
Ўзбекистон Олий суди раиси Б.Исламовга МУРОЖААТНОМА
Мен Ўрунбоев Рустамжон Андижон шахрида яшайман, хозирда нафақадаман.
Юрбошимиз томонидан тадбиркорликка кенг йўл очиб берилганлиги сабабли ўғилларим Ўрунбоев Абдулатиф ва Ўрунбоев Адхамжонлар 2023 йилда “Altezza group” МЧЖни ташкил қилиб, тўқувчилик ва тикувчилик сохасида ишлаб чиқариш ва хизмат кўрсатиш фаолияти билан шуғулланишни бошланган эдилар.
Кейинчалик фаолиятини кенгайтиришди ва 2024 йил июл ойига келиб жамиятда жами 163 нафар ишчилар ишлаб келишаётган эди.
Ўрунбоев Абдулатиф Тошкент Тўқимачилик ва енгил саноат институтининг “Енгил саноат буюмларини конструкциясини ишлаш ва технологияси (йигирилган ип ишлаб чиқариш)” таълим йўналишининг 5-курсида сиртдан таълим олади. У ўзи ушбу соханинг мутахассиси бўлганлиги сабабли 2 йил ичида 500 та иш ўрни яратишлигини ва тадбиркорлигини хам шунга яраша кенгайтиришлигини режа қилиб, ушбу режасини амалга оширишни бошлаб, ишчи ўрнини 163 тага етказган эди.
Ўғлим Ўрунбоев Абдулатиф эса 2023 йил октябр ойида Андижон шахар Найман МФЙда жойлашган “Silver textile” МЧЖдаги офисда, қурувчи Б.Юлдашев билан қурилиш жараёнида бўлган хисоб-китобдаги тафовутлар масаласида жанжаллашиб кетишиб, жанжал вақтида унга ўртача оғир тан жарохати етказганлиги учун, жиноят ишлари бўйича Андижон шахар судининг 2024 йил 1 август кунги июл кунги ҳукми билан ЖКнинг 105-моддаси 2-қисми “и” банди билан 3 йилга озодликдан маҳрум қилинган, хозирда жазо ўтамоқда.
Жабрланувчи Б.Абдуллаев билан ўғлимни ўртасида мулкий низо келиб чиққанлиги, яъни ўғлим ундан 17000 АҚШ доллари хақдор эканлигини ва шу суммани қайтаришни талаб қилганлиги учун, жабрланувчи жиноят иши бўйича хеч қандай мулкий даъвоси йўқлигини билдирсада, лекин ўғлимга нисбатан оғир жазо тайинлашни талаб қилганлиги сабабли суд шундай қарорга келди деб хисоблайман.
Вахоланки ўғлим муқаддам судланмаган ва ўзи содир этган жиноят бўйича моддий ва маънавий зарарни тўлашга тайёрлигини айтиб келган. Хозирда хам суд томонида белгилаб бериладиган, жиноят оқибатида етказилган зарарни тўлиқ тўлаб беришга тайёрмиз.
Андижон вилоят ИИБ хузуридаги тергов бошқармаси томонидан тергов қилинаётган жиноят иши бўйича катта ўғлим Ўрунбоев Адхамжон Ўзбекистон Республикаси ЖКнинг 167-моддаси 3-қисми “а” банди ва 228-моддаси 1 ва 3-қисмлари билан айбланувчи тариқасида иштирок этишга жалб қилинди ва жиноят ишлари бўйича Андижон шахар судининг 23.12.2024 йил кунги ажримига асосан унга нисбатан “уй қамоғи” эхтиёт чораси қўлланилди.
Шундан сўнг ўғилларим Ўрунбоев Абдулатиф ва Ўрунбоев Адхамжонлар ташкил қилган “Altezza group” МЧЖни фаолиятини давом эттирадиган одам қолмаганлиги учун ўзим вақтинчалик юритишга харакат қилдим.
Лекин мени ёшим 62 га кирганлиги ва бу сохани тушунмаганлигим учун юрита олмаяпман. Яъни ишчиларнинг озиқ-овқати, ойлик иш хақи, махсулотларни олиб келиш, қайта ишлаш ва сотиш ишларини билан шуғуллана олмаяпман. Натижада орадан 15 кун ўтиб 2025 йил январ ойининг 11 кунига келиб, жамиятдаги ишчи хизматчилар сони 163 тадан 90 тага тушиб қолди. Яъни қўпол қилиб айтадиган бўлсам 73 та одам ишсиз қолди ва шунча оила боқувчисиз қолди.
Келгусида ахвол шу тарзда давом этаверса жамият ёпилиб, қолган 90 та ишчи-хизматчилар хам ишсиз қолиб кетиши учун реал хавф юзага келди. Қолаверса 2 та ўғлимни, уларнинг аёллари ва 7 нафар вояга етмаган фарзандларини таъминлаш мени ўзимни зиммамда қолиб кетди.
Хурматли Шавкат Миромонович ва Бахтиёр Джахангирович мени холатимни тушунишларингни ва ўғлим Ўрунбоев Абдулатифга озодликдан махрум қилиш билан боғлиқ бўлмаган жазо тайинланиши ва бу орқали бутун оиламизни ва жамият ишчиларини, уларнинг оилаларини мушкул ахволдан чиқаришга амалий ёрдам беришингизни сўрайман.“ - дейилмоқда хабарда.
"BASTION" каналига аъзо бўлинг ва дўстларингизга улашинг!👇
@bastiongr
