"Roʻyxatdagilar nima deydi?!"

Siyqasi chiqqan mavzu, lekin amaliy maslahatimni aytmoqchiman.

Siz oʻzgartira olmaydigan narsalarga ummuman e'tibor qilmang. Vaziyatni oʻzgartira olmasangiz, munosabatni oʻzgarting.

Koʻcha sovuq. Yozgi kiyim kiyib chiqib, havoni yomonlamaysizku. Chunki bilasiz havo sovuq va uni isitib qoʻyish qoʻlingizdan kelmaydi. Lekin issiq kiyinib chiqsangiz boʻladi. U oʻzingizga bogʻliq. Vaziyat oʻzgargani yoʻq, lekin munosabatingiz oʻzgardi.

Odamlarning gapi ham sovuq havodek gap. Sizga yoqsa yoqmasa oʻzgaritra olmaysiz. Odamlar barbir gapiraveradi. Hop, nima qilish kerak? Issiq kiyinish kerak, ya'ni gapni oʻziga olmaslik kerak.

Roʻyxat tuzing. Unga quyidagilarning ismlarini yozing:
- Oila a'zolaringiz
- Eng yaqin kishilaringiz(doʻstlar)
- Siz havas, hurmat qiladigan odamlar (ustozlar, ulamolar)

Har doim nimadir qilmoqchi boʻlsangiz "bu ishimga odamlar nima derkin?" deb oʻylamang .

Oʻrniga:
Bu ishimga shariat nima derkin?
Bu ishimga roʻyxatdagilar nima derkin?

Yoki kimdir sizga nimadir dedi. Darhol roʻyxatdagi ismlarga qarang. Shu gapni aytgan odam(lar) roʻyxatda yoʻqmi? Boʻldi. Sekund oʻylamang. Tikka ignor qiling.

"Odamlar nima deydi" deb emas. "Shariat, roʻyxatdagilar nima deydi" deb yashang!

@azizbekmuxtorov_blog