Асланов билан футбол

Демак, плей-оффда қуйидаги жамоалар рақиб бўлиши мумкин. Масалан, «Аталанта»га «Спортинг» ва «Брюгге»дан бири тушади. Иккинчиси «Боруссия»га рақиб бўлади. «Реал»га ё «Манчестер Сити» ёки «Селтик» тушиши мумкин. «Сити» «Реал»га тушмаса, «Бавария» билан ўйнайди ва ҳоказо.

Аталанта, Боруссия -Спортинг, Брюгге
Реал, Бавария - Манчестер Сити, Селтик
Милан, ПСВ - Фейенорд, Ювентус
ПСЖ, Бенфика - Монако, Брест

Қуръа эртага бўлади. Муҳим жиҳат, бир мамлакат жамоалари ҳам ўзаро тўқнаш келиши мумкин.

@aslanov_futbol

«Барселона» «Аталанта» билан ўйинда 66 фоиз аниқ узатмасини ўз томонида амалга оширди. «Аталанта» яриммайдонида атиги 34 фоиз.

Бу Флик жамоаси учун анормал. Одатда «Барселона»да бу нисбат тенгликда бўлади. Ҳатто бир киши камайиб қолганда ҳам, «Реал»га қарши ўйинда ҳам 54 фоиз узатма рақиб томонида амалга оширилган. Деярли барча топ-рақибларга қарши ўйинларда шунақа. «Бенфика» билан 64 фоиз, «Атлетико» билан ҳатто 68 фоизга чиққан.

Гасперини «Барселона»ни деярли ўтказмаяпти ҳужумга.

@aslanov_futbol

Айни пайтда «Манчестер Сити» рақиб яриммайдонида 306 марта тўп узатмасини амалга оширди, «Брюгге» эса рақиб томонида 36 марта.

Дарвозага зарбалар сони 5-6.

@aslanov_futbol

"Манчестер Юнайтед" Италиянинг "Лечче" клубидан Патрик Доргуни 30 миллион еврога сотиб олмоқда. Бу Рубен Аморимнинг Манчестердаги илк трансфери бўлади.

Луи ван Гаалнинг илк трансфери Люк Шоу бўлганди.

Эрик тен Хаг эса келганидан сўнг биринчи бўлиб "Фейенорд"дан Тайрел Маласияни сотиб олганди.

Бу учала трансфердаги умумийлик шуки, ҳар уч футболчи чап қанот ҳимоячиси ҳисобланади. Қачонки, ниҳоят "Манчестер Юнайтед" чап қанот ҳимояси муаммосини ҳал қилса, ҳаммаси яхши бўлиб кетса керак.

@aslanov_futbol

Ушбу қизил карточка туфайли Люис Скеллига берилган уч ўйинлик дисквалификация олиб ташланди.

Аслида, ҳакамлар қумитаси доим ҳакамлар қарорини оқлашга ҳаракат қилади. Заррача асос топилса, шуни келтириб беришади. Яъни бир вазиятда ҳакам карточка берсаям, бермасаям, уни оқлаш мумкин ва бу доим шундай ишлаб келади. Ҳатто VAR ҳам қачонки умуман асоссиз қарорлар қабул қилинганда ёки нимадир назардан четда қолганда аралашади холос.

Дисквалификацияни бекор қилиш бўйича эса сал бошқача тизим - уч нафар аноним собиқ футболчи вазиятни ўрганиб ўз қарорини айтади ва кўп овоз олган қарор қабул қилинади. Люис Скелли ҳолатидаям шундай бўлган.

Қизил карточкани баҳолашда барибир футболчи ракурсида ҳам қараб кўриш керак, ўйин моментларини улар яхшироқ ҳис қилишади, футболчи қачон атайлаб, қачон эҳтиётсизлик билан қоида бузганини яхши сезишади. Ҳакам ўша қўполликни оғир деб топган, аммо демак бошқа томондан қараганда ўйин эпизоди бўлиб чиқди.

@aslanov_futbol

Абдуқодир Ҳусановнинг дебюти ҳақида Вадим Лукомскийнинг бир фикри қизиқ туюлди. Унинг айтишича, айнан Ҳусановнинг ўйин бошидаги хатоси ҳар икки жамоанинг ўйин стратегиясига таъсир қилган ва якунда айнан шу фактор “Манчестер Сити”нинг ғалабасига сабаб бўлган экан.

Аслида “Манчестер Сити” рақиб жарима майдони яқинида кўп яримҳимоячилар ёрдамида тўпни назорат қилиш ва вазиятлар яратишга одатланган. “Челси” эса тезкор қарши ҳужумларда ўзини ёмон ҳис қилмайди. Шундан келиб чиқсак, ўйининг картинасини тахмин қилиш қийин эмасди.

Аммо Ҳусанов хато қилиб, кейин сариқ карточка ҳам олгач, биринчидан, “Челси” рақиб ҳимоясининг ожиз нуқтасини аниқлаб, бундан фойдаланишни мақсад қилди ва юқори прессингни кўпайтирди. Иккинчидан, Ҳусановнинг яна хатолардан асраш мақсадида, “Манчестер Сити” яримҳимоячилари бироз орқароқда тўпни назорат қилишни, ҳимояга эътибор қаратишни бошладилар – табиийки, олдинги чизиқда футболчилар камайгач, “Манчестер Сити” юқорилатиб узатмаларга ўтди. Хавфли вазиятлар айнан Гундўған, Силва, Ковачич каби футболчиларнинг марказий ҳимоячилар зонасидан узун пасларидан сўнг юзага кела бошлади.

Оқибатда, рақиб марказий ҳимоясида футболчилар сони кўпайгач, "Челси" кўнгилдагидек қарши ҳужум қила олмай қолди, “Манчестер Сити” эса учала голни ҳам узун паслар ёрдамида киритди.

Кечадан буён Ҳусанов ҳақида ҳеч нарса қўймапман, шунинг учун ёздим.

@aslanov_futbol

“Барселона”нинг ушбу мавсумдаги 32 ўйинидан 15 тасини йирик ҳисобида ютгани ҳақидаги фактни ўқиб қолдим ва бошқа пешқадам жамоаларни ҳам текшириб кўрдим.

“Барселона” мана шу 15 ғалабасининг 5 тасида ўз дарвозасини дахлсиз сақлаб қолган экан. Ҳаммаси бўлиб 10 ўйинда (“Бенфика” билан 5:4 ниям қўшсак) Флик шогирдлари 5+ гол уришнинг уддасидан чиққан. Бу даҳшат натижа.

Европада кейинги ўринларда “Реал” ва “Бавария” бормоқда, фарқ унча катта эмас. Ҳар икки клуб мавсумда 13 мартадан йирик ғалабага эришишибди. Бу жамоаларнинг “Барселона”дан фарқли жиҳати, йирик ҳисобда ютилган кўпроқ ўйинларда ўз дарвозасини ҳам унутиб қўйишмаган. “Реал” 13 йирик ғалабадан 8 тасида гол ўтказмаган бўлса, “Бавария”да бундай ўйинлар сони 10 та. “Реал” атиги 4 марта, “Бавария” эса 8 марта 5+ гол уришни уддалаган.

Инглиз клубларида йирик ҳисоблар камроқ, бу табиий. “Ливерпул” ва “Арсенал” ҳисобида 8, “Манчестер Сити”да эса 7 та йирик ғалаба мавжуд.

Италия жамоалари ичида “Интер” ва “Аталанта”да 7 тадан йирик ғалаба бор. Қизиғи, “Аталанта” мана шу 7 ғалабанинг бештасида 5+ гол уришни ҳам уддалаган бўлса, “Интер” барча йирик ғалабаларида умуман гол ўтказмаган.

Фақат чемпионат ўйинлари эмас, еврокубок ва ички кубок ўйинлари натижалари ҳам олинди.

@aslanov_futbol

Иордания билан ўйин натижаси умуман аҳамиятсиз. Бугун бирга майдонга тушган футболчилар ҳеч қачон худди шу таркибда расмий ўйинда ўйнамайдилар. Умуман йиғилган бу футболчилар гуруҳини бир жамоа дейиш ҳам шарт эмас.

Муҳими, мураббийлар штаби йиғин ёрдамида кўзлаган мақсадга етган бўлишлари. Энг асосий мақсад эса Иорданияни ютиш бўлмаган, бу шубҳасиз.

@aslanov_futbol

Агар кимнидир, ёш авлодни футболга қизиқтирмоқчи бўлсанглар, у «қанақа, нима ўзи?» деб сўраса, «Барселона»нинг ўйинини кўрсатинглар.

@aslanov_futbol

«Тоттенҳэм»да АПЛда охирги 11 ўйинда атиги 1 ғалаба бор. «Саутҳэмптон» устидан. 7 мағлубият. Охирги 7 ўйинда атиги 1 очко.

Албатта, жароҳатларнинг ўрни катта, айни дамда жамоанинг 9 нафар футболчиси шерикларига ёрдам бера олмаяпти. Аммо тан олиш керак, ҳозирги потенциали учун ҳам бу жуда ёмон натижа.

Постекўғлининг ўз услубига ўта содиқ бўлиб, вазиятга мослаша олмаслиги панд беряпти. Ўтган мавсумдаям жамоа қийин ҳолатларга тушган, аммо инқироз бу қадар чўзилмаганди.

Яна бир фактор, назаримда Англияда ўртамиёналарда ўсиш бор. «Борнмут», «Фулҳэм»  «Брентфорд», «Ноттингем» каби клублар анча жамоавий кучайган, яъни энди бироз инқироздаги топ-клуб фақат айрим футболчиларнинг индивидуал маҳоратига таяниб бу жамоаларга қарши натижа қилиши осон бўлмаяпти. Топ клуб даражасида йўқотишсиз бораётган биргина жамоа «Ливерпул» холос.

Постекўғлининг курсиси қимирлаб қолгани аниқ. Энди ҳамма таркибга қайтса ҳам, ҳозир алмаштиришсиз ўйнашга мажбур бўлаётган футболчилар чарчаб қолган бўлишади, яна жамоа тўлиқ формасига қайта олмайди. Ўтган мавсумда «МЮ» билан шундай бўлганди.

@aslanov_futbol

Абдуқодир ҳақида машҳур россиялик журналист Игорь Рабинердан инсайд:

«Ҳусановга яқин бўлган инсон билан гаплашдим. Ҳаммаси жойида, жамоада барча қувватлаган, хусусан Грилиш алоҳида ёнига келган. Голга сабаб бўлган хато эса хаяжондан эмас, ҳатто «Ланс»даги дебютда хаяжон кўпроқ бўлганини айтди. Кўпроқ сабаб, ўйин тонуси билан боғлиқ. У «Ланс»даги сўнгги ўйинини ахир 22 декабрда «ПСЖ» билан бир ой олдин ўтказганди. Шундан сўнг «Сити» билан музокаралар бошланди, натижа жароҳатдан сақлаш мақсадида клуб уни нафақат ўйинлар, балки умумий гуруҳ машғулотларидан ҳам четлатди. Катта пул масаласи.

Манчестерга келгач эса икки марта машғулот ва бирданига «Челси». Шу ҳолатдаям Пеп ишонгани қизиқ, демак у машғулотларда нимадир кўрсата олган. Ҳусанов инглизчани тушунади, фақат гапира олмайди. Французчада сўзлаша олади.

Ўйиндаги илк ҳаракатлар нормал бўлди, олдинга яхши пас амалга оширди. Балким шундан сўнг диққатини йўқотиб қўйди, ўша ўйин ва машғулотлардан узоқ бўлгани учун тонус етишмади. Аммо кейин ўзига келди, жамоа ғалаба қозонди - демак айни дамда у нормал руҳий ҳолатда.

Абдуқодирга омад!»

@aslanov_futbol

Шу тўполонда ўтиб кетибди: «Ювентус» Италия чемпионати доирасида бу мавсумда биринчи марта мағлубиятга учради. Ўтган мавсум охириниям қўшганда 29 ўйинлик (19 таси дуранг) мағлубиятсиз сериядан сўнг ниҳоят Антонио Контенинг «Наполи»сига ютқазди.

Энди кучли бешликда ҳали мағлубият нималигини билмаган биргина жамоа қолди - «ПСЖ».

@aslanov_futbol

Ўйин ҳақида яна бироз фикрлар:

- «Сити» биринчи голни урган вазиятда Нуньез офсайд чизиғидан қочиб кетди, қайтган тўпни эса Гвардиол дарвозага йўллади. Гап мезбонларнинг икки қанот ҳимоячилари ҳақида бормоқда. Яъни марказий ҳимоячилар жуфтлигига, хусусан Хусановга катта зонада анча қийин бўлганини тасаввур қилаверинг.

- Ўша уч минутликдан кейин Хусанов яхши ўйнади. Ҳатто унга қўйилган баҳо ҳам бирмунча кўтарилди. Шунчаки, шериклари унинг ҳолатини тўғри тушуниб, қийин паслар беришмагани, фақат осон тўплар бериб, хотиржам бўлиб олишига қўйиб, Бернарду ва Гундоған билд-апда Хусановнинг вазифасини тақсимлашгани тахсинга лойиқ.

- Алмаштириш ёмон ўйин туфайлимас, сариқ карточка сабабли бўлганини тушуниш керак. Дуранг туфайли «Сити» янаям олдинга чиқишга мажбур эди, бу эса «Челси»га айнан оғриқли нуқтага, сариқ карточкаси бор Хусановга босим қилиш имконини берарди. Рисксиз ўйнаш, подкатлардан ва агрессиядан воз кечиш биз билган ва «Сити» сотиб олган Хусанов эмас, деганидир. Сариқ билан шунга мажбур эди у. Пеп томонидан идеал тайминг - ҳам Хусановга хатони унутиб, ўйинни ҳис қилиш учун вақт берди, ҳам 2-таймдаям бироз ўйнатиб, мухлислар олқиши орқали шогирдини қувватлади, ҳам энг ноқулай паллада иккинчи хатодан асраб қолди.

- Ўйин ғалаба билан якунлангани, яъни якунда Хусановнинг хатоси ҳеч нарсага таъсир қилмагани жуда муҳим, буни олқишлардан билса бўлади. Ҳар холда агар очко йўқотилганда, табиийки, айбдор изланар, асосий урғу Хусановнинг хатоси-ю, уни майдонга туширган Пепга қаратилар эди. Мухлислик бешавқат.

- Иккинчи таймда бир неча сониянинг ўзида ҳам Аканжи, ҳа Стоунз янада қўполроқ хато қилишгани, аммо гол бўлмаганини кўрдингиз. Бўлиб туради. Ўйинни шу пайтгача футбол кўриб юрмаган жуда кўп ватандошларимиз томоша қилишди, буни сездим. Хув тепада «Лидс даври» ҳақида ёзганимдек, эски футбол мухлисларининг олдимиздаги ҳафта учун вазифаси - бундай хатолар футболда бўлиб туришини, Рамос, Пике, айниқса ван Дейк ҳам жуда кўп шундай ҳолатга тушганини айтиб, «меҳмонларни» юпатиш :)

@aslanov_futbol