Bugun kanalga yetarlicha xabar yozdim.

Bir narsani ham aytishim lozim. Qo'shnim turmush o'rtog'i bilan ajrashayotgan ekan. Ayoli xohlayotgan ekan ajrashishni.

Sababini so'rasam, aniq sababi yo'q ekan.

Men o'zim sababini topganday bo'ldim. U ayol doimo instagramda faol. O'zimda ham chiqib qoladi barcha "Baxtli juftliklar"ni u ayol Instagramda doimo kuzatib, "like va komment qoldiradi".

O'zining turmush o'rtog'i juda sodda va kamtarin inson. Unday Instagram yoki ijtimoiy tarmoqlarda faol emas. Tushunmaydi.

Faqat oilasi uchun erta-yu kech mehnat qiladi va farzandlarining o'qishiga g'amhorlik qiladi.

Hayolimga boyagi savolga javob keldi, ammo qo'shnimga aytmadim.

O'ylashimcha: u ayol ijtimoiy tarmoq illuziyasiga aldanib qolgan. "Baxtli juftliklar" hayotini o'zining hayoti bilan solishtirgan.

Turmush o'rtog'ini boshqa muvaffaqiyatliroq, daromadli, ko'rinish jihatidan va yutuqlari ko'p erkak kishilar bilan solishtirgan.

O'zining hayotini boshqa ayollarning hayoti, tashqi ko'rinishi, yutuqlar, moliyaviy ahvoli va jamiyatdan tomonidan qilinayotgan e'tibor bilan solishtirgan.

Qarasaki, ahvol tang va "baxtli juftliklar" hayoti bilan o'zining hayoti, turmush o'rtog'i va boshqa ayollar o'rtasida katta farq bor.

Ammo, bir jihatga e'tibor bermagan. Ijtimoiy tarmoq - haqiqatlar o'z holicha namoyon bo'ladigan joy emas. Filtirsiz va yolg'onlarga to'la hudud.

Go'yoki hamma baxtli, boy-badavlat, muvaffaqiyatli tasvirlanadi ijtimoiy tarmoqlarda.

O'zining hayoti zerikarli ko'rinib ketgan. Depressiyaga sabab bo'lib, yechim sifatida ajrashishni tanlagan. Ammo aldanayotgani haqida xabari yo'q.

Mana nima sababdan oilalarda avvalgidan tezroq ajrashishlar kuzatilmoqda. Ijtimoiy tarmoq ko'zni ko'r qilmoqda.

Biz o'z hayotimiz bilan boshqalar hayotini solishtirib holatimizni abgor holatga olib kelamiz.

https://t.me/asatullayev_blog