ANDIJON YOSHLAR TEATRI

#Teatr_ijodkorlari_ijodidan

Andijonlik oyimlarim

Joningizga jonim fido,
Iboligim donolarim.
Andijonning orisizlar,
Andijonlik oyimlarim.

Go‘zallikda tengi yo‘qsiz,
Oy yuzingiz parilarim.
Er yigitlar fahridirsiz,
Andijonlik oyimlarim.

Bugun bayram - qutlay sizni,
Mehribonim, mehrligim.
Omon bo‘lsin bu boshingiz,
Andijonlik oyimlarim.

Gavharoy Rahimova

@andyoshlartheatr

#Ehtirom

Sen baribir muqaddassan, muqaddas ayol!

Jonajon yurtimizga nafosat, muhabbat, fasllar kelinchagi bo‘lmish - bahor kirib keldi.  Yangilanish, fusunkor faslning ilk sevikli bayramlaridan biri bo‘lmish - "8 - mart Xalqaro xotin-qizlar kuni" diyorimiz uzra o‘zgacha shukuhda nishonlanmoqda.

Ushbu sana munosabati bilan, go‘zal ayyomni Andijon viloyati Yoshlar teatrining barcha erkaklar jamoasi ham munosib tayyorgarlikda qarshi olib, "Sen baribir muqaddassan, muqaddas ayol!" nomli bayram tadbirini tashkil etishdi.

Har bir ayol-qizlarimizga hikmatga to‘la hayotlari davomida oilaviy tinchlik-totuvlik, sermazmun hayot, sog‘lik, baxt-iqbollari doimo baland bo‘lishligini tilab, ularning teatrdagi ijodiy mehnati samarali, tahsinga sazovor ekanligi ham tabriklarda ifoda etildi.

Bayram teatr xotin-qizlarining chinakam quvonchli bayramiga aylanib, bunda teatrlashtirilgan bayramona sahna namoyishlar, dilrabo taronalar yangradi va barchalariga bayram sovg‘a-salomlari ham ulashildi.

@andyoshlartheatr

#Spektakl_namoyishi

4-5 mart kunlari Andijon viloyat Yoshlar teatri tomonidan o‘zbek xalq ertagi asosida sahnalashtirilgan "Ur to‘qmoq"  spektakli va teatrlashtirilgan shou konsert dasturi Shahrixon tumanidagi 64-ixtisoslashtirilgan davlat umumta'lim maktabi o‘quvchilariga namoyish etildi.

O‘quvchilarga uchbu baryamona sanʼat kechasida teatr sanʼatkorlari tomonidan bir olam quvonchu-shodlik ulashildi.

🎭Teatr yangiliklaridan birinchi bo‘lib xabardor bo‘ling!

@andyoshlartheatr