Андижон вилоят соғлиқни сақлаш бошқармаси

#Биласизми

❗️Туҳмат қилганлик учун қандай жавобгарлик бор?

☑️ Туҳмат, яъни била туриб ёлғон, бошқа бир шахсни шарманда қилувчи уйдирмаларни тарқатганлик учун қонунчиликда маъмурий ва жиноий жавобгарлик назарда тутилган.

Шахснинг бирор ҳаракатларини чамалаб, асоссиз баҳолаб ҳамкасблари билан муҳокама қилиш туҳмат деб баҳоланади.

❕Хусусан, Маъмурий жавобгарлик тўғрисидаги кодексда туҳмат қилган шахсга нисбатан 7 млн 500 минг сўмдан 22 млн 500 минг сўмгача миқдорда жарима солиниши белгиланган.

⏩ Агар ушбу ҳуқуқбузарлик маъмурий жазо қўлланилганидан кейин содир этилса, 66 млн сўмгача миқдорда жарима ёки 300 соатгача мажбурий жамоат ишлари ёхуд 2 йилгача ахлоқ тузатиш ишлари билан жазоланади.

🔰Туҳмат нашр қилиш ёки бошқача усулда кўпайтирилган тарзда, шу жумладан ОАВда, телекоммуникация тармоқларида ёки Интернетда жойлаштириш орқали амалга оширилса, ушбу ҳаракат жиноят ҳисобланади ва айбдор:

▫️75 млн сўмдан 150 млн сўмгача миқдорда жарима;
▫️300 соатдан 360 соатгача мажбурий жамоат ишлари;
▫️2 йилдан 3 йилгача ахлоқ тузатиш ишлари;
▫️1 йилгача озодликни чеклаш билан жазоланиши мумкин.

✅ Агарда туҳмат:

➖ оғир ёки ўта оғир жиноят содир этишда айблаб;
➖ оғир оқибатлар келиб чиқишига сабаб бўлган ҳолда;
➖ хавфли рецидивист томонидан;
➖ ғаразгўйлик ёки бошқа паст ниятларда қилинса:

▫️112.5 млн сўмдан 187 млн сўмгача миқдорда жарима;
▫️360 соатдан 400 соатгача мажбурий жамоат ишлари;
▫️1 йилдан 3 йилгача озодликни чеклаш жазоси тайинланиши мумкин.
@andijonvssb, @andijonssb

Viloyat sogʼliqni saqlash boshqarmasi tomonidan Аndijon shaxar Bekguzar mahallasida tibbiy-ijtimoiy tadbirlar oʼtkazilmoqda.

2024 yil 18-21 dekabrь kuni Bekguzar MFYda mahalla yettiligi aʼzolari bilan hamkorlikda 210 ta xonadonlardagi fuqarolar roʼyxati shakllantirildi. Ishchi guruhi tomonidan mahalla yettiligi aʼzolari oʼrganish savolnomasi va yoʼriqnomalar bilan tanishtirildi, hudud aholisi haqidagi umumiy maʼlumotlar oʼrganildi.
Boshqarma ishchi guruxi tomonidan 2024 yil 19 dekabrь kuni 49 - maktab hududida viloyat davolash-profilaktika muassasalarining 18 nafar malakali mutaxassislari (ginekolog, nevropatolog, pediatr, onkolog, dermatovenerolog,okulist,LOR, xirurg va boshqalar) va hudud aholisiga tibbiy xizmat koʼrsatuvchi Аndijon shahar tibbiyot birlashmasi 5-oilaviy poliklinikasining 25 nafar patronaj brigadasi xodimlari ishtirokida 250 nafar fuqarolarga tibbiy koʼriklar hamda maxsus tibbiy tekshiruvlari (UTT, EKG, laborator taxlillar) tashkil qilindi, koʼchma oftalьmologiya poliklinikasida oftalьmolog koʼruvi oʼtkazildi.
Oʼtkazilgan tibbiy koʼrik natijasida aniqlangan kasalliklari boʼyicha 21 nafar bemorlarga ambulator tartibda davolanishi tavsiya qilindi, 18 turdagi 5,6 mln soʼmlik dori vositalari taqdim etildi, 8 nafar bemorlarga statsionar sharoitda davolanishi uchun yoʼllanmalar berildi.
2024 yil 20 dekabrь kuni soat 16:00 da boshqarma boshligʼi raxbarligida 49 -maktabda 80 nafar fuqarolar bilan uchrashuv oʼtkazilib oila byudjetini oshirish, tadbirkorlik bilan shugʼullanish boʼyicha yoʼriqnomalar berildi.
Uchrashuvda qatnashgan 38 nafar fuqarolar muammolari bilan murojaat qildilar, muammolar tegishli idoralar bilan bartaraf etish uchun taqdim etildi.
@andijonvssb, @andijonssb