Andijon viloyati Prokuraturasi

Андижон вилояти прокурори М.Абдухакимов Балиқчи туманига бориб, туманнинг ижтимоий-иқтисодий аҳволини ўрганди.

Дастлаб, тумандаги "Сарновул" маҳалласига борилиб, узунлиги 4 км.ни ташкил қилувчи сўритоклар, 320 та хонадонга 2 сотихдан қуриб битказилаётган лимонария иссиқхоналарининг ва узунлиги 1,5 км.ни ташкил қилувчи пиёдалар йўлакчасининг қурилиш ишлари билан танишилди.

Сўнгра, лойиҳа қиймати 13 млрд. сўмни ташкил қилувчи "ELB" спорт товарлар ишлаб чиқаришга ихтисослаштирилган корхонанинг қурилиш ишлари билан танишилиб, мавжуд муаммолар муҳокама қилинди, янги иш ўринлари яратиш юзасидан керакли кўрсатмалар берилди.

Шунингдек, вилоят прокурори сектор раҳбарлари билан учрашиб, энергетика соҳасида тежамкорликни таъминлаш, қурилиш соҳасида сифат ва муддатларга риоя этилишини назорат қилиш, тадбиркорликни қўллаб-қувватлаш орқали янги иш ўринлари яратиш, камбағалликни қисқартириш, бириктирилган ёшлар муаммоларини ҳал этиш юзасидан кўрсатмалар берди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

#Қонунчиликдаги_янгиликлар

❗️Ҳуқуқни муҳофаза қилиш академиясида “Киберхавфсизликни ҳуқуқий таъминлаш” магистратура мутахассислиги очилади

“Рақамли технологиялар воситасида содир этиладиган жиноятларга қарши курашиш соҳаси учун профессионал кадрлар тайёрлаш тизимини жорий этиш чора-тадбирлари тўғрисида”ги Президент қарори (17-сон, 22.01.2025 й.) қабул қилинди

🏢 Қарорга кўра, 2025/2026 ўқув йилидан ҳар йилги қабул параметрлари (квоталари) доирасида қуйидаги йўналиш ва мутахассислик жорий этилади:

🔹Ички ишлар вазирлиги Академиясида бакалавриатнинг “юриспруденция” таълим йўналишида ўқиш муддати тўрт йилни ташкил этадиган “Рақамли технологиялар соҳасида жиноятларга қарши курашиш фаолияти” йўналиши;

🔹Ўзбекистон Республикаси Ҳуқуқни муҳофаза қилиш академиясида ўқиш муддати бир йилни ташкил этадиган “Киберхавфсизликни ҳуқуқий таъминлаш” магистратура мутахассислиги.

✅ Истеъдодли номзодларга қуйидаги имтиёзлар тақдим этилади:

▪️“Рақамли технологиялар соҳасида жиноятларга қарши курашиш фаолияти” йўналишига математика, информатика, дастурлаш ва ахборот технологиялари бўйича нуфузли халқаро, минтақавий ҳамда республика олимпиадалари совриндорларини дастлабки танловдан муваффақиятли ўтгандан сўнг ўқишга якка тартибдаги якуний суҳбатсиз қабул қилинади;

▪️“Киберхавфсизликни ҳуқуқий таъминлаш” магистратура мутахассислигига Рақамли технологиялари вазирлиги томонидан белгиланадиган нуфузли халқаро IT-сертификатга эга номзодларни танловнинг мутахассислик фанлари бўйича “информатика ва ахборот технологиялари” фанидан имтиҳон топширишдан озод этилади.

🗓 2025 йил 1 июлгача ИИВ Академияси тузилмасида мавжуд штатлар доирасида киберҳуқуқ, аниқ фанлар, рақамли технологиялар ва ахборот хавфсизлиги ҳамда криминалистик экспертизалар кафедраларини ўз ичига олувчи Киберхавфсизлик ва рақамли криминалистика факультети ташкил этилади.

🖥 Ҳуқуқни муҳофаза қилиш академиясининг ахборот-таълим портали орқали суриштирувчилар, терговчилар ҳамда прокуратура органларининг тезкор-қидирув фаолиятини амалга оширувчи ходимлари учун масофавий шаклда “Рақамли криминалистика” йўналиши бўйича доимий махсус ўқув курслари ташкил этилади.

Каналга уланиш👇👇👇
https://t.me/huquqiyaxborot

Андижон вилояти прокурори М.Абдухакимов раҳбарлигида вилоят прокуратураси органларининг барча тезкор ходимлари иштирокида ижро ва меҳнат интизомига риоя қилиниши, жиноятчиликка қарши курашиш аҳволи юзасидан танқидий йиғилиш ўтказилди.

Йиғилишда, ижро ва меҳнат интизоми, жиноятчиликка  қарши курашиш ва уни барвақт олдини олиш, суриштирув, дастлабки тергов ва тезкор-қидирув соҳасида амалга оширилган ишлар аҳволи атрофлича ҳамда танқидий муҳокама қилинди.

Муҳокама жараёнида суриштирув ва тергови тўхтатилган жиноят ишларини фош этиш ҳамда тезкор-қидирув тадбирларини олиб боришда йўл қўйилган хато ва камчиликларга алоҳида тўхталиб, бу борада масъулларнинг ҳисоботлари тингланди.

Тадбир якунига кўра, муҳокама қилинган масалалар бўйича билдирилган таклифлар инобатга олингани ҳолда келгусида амалга оширилиши лозим бўлган вазифалар ва зарур чора-тадбирлар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Андижон вилояти прокурори М.Абдухакимов бошчилигида ҳаво ҳарорати кескин совуқ бўлган даврларда аҳоли ва истеъмолчиларга энергия ресурсларини узлуксиз етказиб бериш ҳамда талон-тарож қилиш ҳолатларини олдини олиш бўйича ташкил этилган штаб аъзолари иштирокида йиғилиш ўтказилди.

Унда, аҳоли ва ижтимоий соҳа объектларига кўмир маҳсулотларини ҳамда энергия ресурсларини ўз вақтида етказиб бериш, оқова сув хизмати ҳамда таъминот корхоналарида ташкил этилган диспетчерлик хизмати фаолиятида йўл қўйилаётган хато ва камчиликлар муҳокама қилинди. 

Сўнгра, "Ҳудудгаз Андижон" газ таъминоти филиалига қарашли марказий газ омбори фаолияти билан танишилиб, масъулларга истеъмолчиларни суюлтирилган газ билан узлуксиз таъминлаш чораларини кўриш юзасидан топшириқлар берилди.

Шунингдек, Андижон шаҳрида жойлашган РК-2 марказий қозонхона фаолияти билан танишилиб, кўп қаватли уйлар ва ижтимоий соҳа объектларини иссиқлик таъминоти билан таъминлаш бўйича масъулларга тегишли кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook