Telegram-канал "FC ANDIJON" — @andijonpfc

FC ANDIJON

30 Jan, 19:41

Rustam Turdimurodov: “Tezkor gol urishimni oʻylamagandim”

“Andijon” klubi Ukrainaning “Vorskla” jamoasiga qarshi uchrashuvda 4:3 hisobida gʻalaba qozonganidan xabardorsiz.

“Burgutlar” safida hujumchi Rustam Turdimurodov 2-daqiqadayoq tezkor gol urdi. Bu orqali u jamoasining Antaliya yigʻinidagi oʻrtoqlik uchrashuvlari doirasida ilk goli muallifiga ham aylandi.

Turdimurodov ushbu bellashuv borasida oʻz fikrlari bilan oʻrtoqlashdi.

- “Andijon”ning Antaliya yigʻini doirasidagi ikkinchi oʻrtoqlik uchrashuvida “Vorskla”ni magʻlub etdi va siz jamoaning ilk goli muallifiga aylandingiz. Tezkor gol urishingizni oʻylaganmidingiz?

- Toʻgʻrisini aytsam, tezkor gol urishimni oʻylamagandim. Kutilmaganda boʻldi, vaziyat yuz berdi va bundan foydalanib qoldim.

- Oʻyin sizda qanday taassurot qoldirdi?

- Birinchi uchrashuvdan koʻra yaxshiroq va qiziqarliroq oʻtdi. Mashgʻulotlarda qoʻllayotgan uslublarimizni oʻyinda koʻproq qoʻllay oldik, deb oʻylayman. Aynan biz xohlagan narsalarimiz koʻproq oʻxshadi.

- Lekin, bilishimcha siz ham hisobning 4:3 bilan yakunlanishini kutmagan boʻlsangiz kerak-a?

- Yoʻq, bunisini kutmagandim.

- Bungacha “Vorskla”ni qanday tasavvur qilgandingiz?

- Har doimgidek ukrain klublaridagi futbolchilar boʻydor, gavdali, tezkor va kuchliroq boʻlishadi. Shuni kutgandim. Ammo oʻzimizdan ustun tomonlarini koʻrmadim. Ularga qarshi birinchi marta oʻynadim.

- Oʻyin davomida sizga yoqqan va yoqmagan jihatlari nimada boʻldi?

- Yoqqan tomoni aytib oʻtganimdek, mashgʻulotda bajarayotgan usullarimiz oʻyin davomida koʻrindi. Yoqmagani esa oʻzim uchun hali jismonan toʻliq tayyor boʻlmaganimni aytgan boʻlardim. Ammo asta-sekin jismoniy tarafdan ham qoʻshib boryapman.

- Bunday yigʻinda eng muhimi oʻyin amaliyotini shakllantirish uchun oʻrtoqlik uchrashuvlari hisoblanadi. Oldinda yana bir qancha bellashuvlar kutmoqda. Yana nimalarga eʼtibor qaratilmoqda?

- Aytishim mumkinki, jismoniy holat barchada yaxshi. Koʻproq himoyadan hujumga oʻtishga urgʻu qaratyapmiz. Oʻyinlarimiz koʻp. Mashgʻulotdagi usullarimizni oʻyinga olib chiqishga harakat qilyapmiz...

- ...Va shu holat “Vorskla” bilan uchrashuvda koʻrindi.

- Ha, oʻyin mobaynida ancha koʻzga tashlandi. Oʻzim ham mazza qilib oʻynadim. Ancha oʻxshadi.

👍 @andijonpfc

😃😃😃😃😃😃 | 😁😁😁😁