Öz’A tomonidan e’lon qilingan statistik ma’lumotlarda partiya a’zolari soni kam körinayotganligi bevosita partiya Markaziy kengaşida qabul qilingan ikkita qaror bilan boğliq:Birinçi, 2019 yilda boşlangan, barça partiyalar a’zolarini yagona elektron platformaga qayd etadigan tizim joriy etilgaç, a’zolarimizni tahlil qilib oliş imkoniyati yuzaga keldi. Yangi a’zolarda masala yöq, lekin avvalgi a’zolar platformaga şoşilmasdan, tahlil qilib kiritilmoqda.
“Özi bilmasdan a’zo bölib qolgan” a’zolarni platformaga qayta kiritmoqçi emasmiz.
Partiyaga a’zolik masalasida qaraşimiz qat’iy:
safimizda ğoyalarimizga xayrixoh va ularni amalga oşişiga hissa qöşiş niyati bölganlar bölişi kerak;
Birinçi masala
ikkinçisiga sabab böldi. A’zolikni asl maqsadini unutib, statistikaga moslaşib qolgan tuman partiya taşkilotlarining iş falsafasi qayta körib çiqildi.
Tuman bölinmalariga iş haqi va saqlaş harajatlari uçun ajratilayotgan mablağlarni partiyaning yuqori böğimlarida kamayib ketgan iş haqini oşiriş va eskirib ketgan moddiy-texnik bazani yangilaş uçun yönaltirişga qaror qilindi.
Tuman bölinmalarimizda esa iş haqi a’zolik badalining miqdoriga boğlandi, ya’ni, köp badal - köp iş haqi.
Soxta a’zo badal tölamaydi-ku, töğrimi?! Partiyaning xayrixoh a’zosi esa maoşidan 5-6 ming söm a’zolik badalidan qoçmaydi.
Xarajatga nisbatan samara körsatkiçi 5 foizga ham bormaydigan tuman partiya taşkilotiga raislik qilayotgan xodim
har oyda 1,5 million sömga rozi bölib ötirganidan köra, tumanida 2 ming faol a’zosi bölsa 6 million sömgaça maoş olişi mumkin. Bu işga munosabatni ham, manfaatdorlik va yakuniy natijadorlikni ham jiddiy özgartiradi, deb umid qilayapmiz.
Partiya a’zolikka jalb qiliş va badal tölaş tizimini qulaylaştirdi.
Dunyoning istagan burçagidan partiyaga a’zo bölişingiz mumkin. Buning uçun saytimizning
partiyaga a’zolik bölimida a’zolik jarayonini boşlaşingiz kerak.
A’zolik badallari, qonunga zid bölmagan xayriya yoki homiylik mablağlari
Payme ilovasi orqali qulay ötkazilişi mumkin.
A’zolikni yana ham qulayroq bölişi uçun
telegramda @MT_azolikbot botimiz işga tuşirildi.
Pasportingiz nusxasi, har qanday şakldagi rasmingiz va telefon raqamingizni yuborsangiz, partiyaga a’zo böldim deb hisoblaşingiz mumkin. Qolgan işlarni partiya xodimlari oldingizga borib yoki telefonda yakunlab qöyadilar.
Milliy tiklaniş partiyasining yagona maqsadi minglab yillik qadriyatlarimizga tayangan holda, davlatimizni qudratli va xalqimizni farovon qilişga hissa qöşişdir.
Bu maqsadga faqat birgalikda harakat qilsak erişişimiz mumkin.
@alisherQodir