Advokat Qosimov

Фарғона вилояти ИИБ нинг маълум қилишича, жорий йилнинг 17 декабрь соат 13:45 ларда Фарғона шаҳар, Янгийўл маҳалласидаги “Petrolium” пропан газ қуйиш шохобчасида 5 м. куб сиғимли контейнерга газ қуйиш жараёнида ёриқ келиб чиқиб, газ моддаси ташқарига сизиб чиқиши оқибатида, портлаш ва ёнғин содир бўлган.

Натижада, 1 нафар фуқаро воқеа жойида ҳалок бўлган, шу ҳудудда бўлган бир нечта фуқаролар турли даражада тан жароҳати олиб, шифохонага ётқизилган. Кўрсатилган тиббий ёрдамга қарамасдан улардан 3 нафари шифохонада вафот этган.

Мазкур ҳолат юзасидан Фарғона вилоят ИИБ томонидан Жиноят кодексининг 257-моддаси 2-қисми “а” банди ҳамда 259-моддаси 2-қисми “а” банди билан жиноят иши қўзғатилган.

Ҳозирги кунда жиноят иши доирасида 5 нафар шахс процессуал тартибда қамоққа олинган, 2 нафар шахсларни ушлаш чоралари кўрилмоқда.

Маълумот учун, Жиноят кодексининг 257-моддаси 2-қисми “а” бандида техника хавфсизлиги, саноат санитарияси ёки меҳнатни муҳофаза қилишнинг бошқа қоидаларини шу қоидаларга риоя этилиши учун масъул бўлган шахс томонидан бузилиши одам ўлишига сабаб бўлганлиги учун, 259-моддаси 2-қисми “а” бандида ёнғин хавфсизлиги қоидаларининг шу қоидалар бажарилиши учун масъул бўлган шахс томонидан бузилиши одам ўлишига сабаб бўлгани учун жавобгарлик белгиланган.

Бу жиноятлар учун муайян ҳуқуқдан маҳрум қилиб, икки йилдан беш йилгача озодликни чеклаш ёхуд беш йилгача озодликдан маҳрум қилиш жазолари назарда тутилган.

Каналга уланиш👇
👉@advokatqosimov👈

#имтиёз

Ассалому алайкум, бир саволим бор эди : тўланган контрактнинг 12 фоизини қайтариб олиш мумкинлигини эшитдим.
Мени фарзандим хусусий мактабда ўқийди ва тўлови анча қиммат.Биз ҳам шу тўлаётган тўловимиздан 12%ни қайтариб олишимиз мумкинми?

📚📖 Амалдаги Солиқ кодексининг 378-моддасига кўра фарзандларига нодавлат таълим ташкилотлари ва (ёки) мактаблар кўрсатадиган таълимга оид хизматлар учун ота-она (фарзандликка олувчилар) томонидан солиқ солинадиган даромадлари хисобидан ҳар бир фарзанд учун тўланадиган ойига 3 миллион сўмгача бўлган тўловларининг 12 фоизи қайтарилади.

✳️ Хулоса қиладиган бўлсак,бундай вазиятда сиз агар тўловни солиқ солинадиган даромадингиз хисобидан амалга оширган бўлсангиз, 3 миллион сўмгача бўлган миқдорнинг 12 фоизини қайтариб олишингиз мумкин.



Каналга уланиш👇
👉@advokatqosimov👈

Конституциямизнинг 55-моддасига кўра ҳар кимга ўз ҳуқуқ ва эркинликларини суд орқали ҳимоя қилиш, давлат органларининг ҳамда бошқа ташкилотларнинг, улар мансабдор шахсларининг қонунга хилоф қарорлари, ҳаракатлари ва ҳаракатсизлиги устидан судга шикоят қилиш ҳуқуқи кафолатланади.

Бироқ ушбу конституциявий кафолат дастлабки тергов даврида амал қилмайди. Чунки ЖПК нинг 382-моддасида суриштирув ва дастлабки тергов ҳаракатларини юритишда қонунларнинг ижро этилиши устидан назорат прокурор томонидан амалга оширилиши белгиланган. Агар терговчининг бирон бир қарори юзасидан жиноят ишлари бўйича судга мурожаат қилинса, бу прокурор ваколатига киради, прокурорга мурожаат қилинг, деган жавоб берилади.

Бироқ дастлабки терговга нисбатан прокурор назорати кўпинча бир тарафлама олиб борилади.

Масалан, прокуратура терговчиси тадбиркорлик субъектининг раҳбари содир этган фирибгарлик жиноят иши бўйича тафтиш тайинлаб, тафтишда бошқа масалалар билан бирга солиқ, экспорт-импорт масалалари бўйича ҳам текшириш ўтказишни кўрсатган. Тадбиркорлик субъектига нисбатан тайинланадиган тафтиш қўзғатилган жиноят иши доирасидан четга чиқмаслиги лозимлигидан келиб чиқиб, адвокат қарорга эътироз билдирса, терговчи “Бемалол прокурорга шикоят қилишингиз мумкин” деб жавоб беради.

Прокурорга ёзилган шикоятлар эса аксарият ҳолларда рад қилинади. Чунки одатда прокурорнинг шикоятга берилаётган жавоб хатини терговчининг ўзи ёзиб, прокурорга имзога киритади.

Аслида Конституция тўғридан-тўғри амал қилиши ва ҳар бир фуқарога суриштирувчи, терговчи ёки прокурорнинг қарори устидан судга шикоят қилиш ҳуқуқи амалда таъминланиши керак. Чунки Конституция ҳар қандай мансабдор шахснинг ҳар қандай қарорига нисбатан судга шикоят қилиш ҳуқуқини беради.

Балки, янги ташкил этилаётган тергов судьяси институти шу каби муаммоларни ҳал қилиб, конституциямизнинг амал қилмаётган нормалари ишлашига сабабчи бўлар.

Тергов судьялари фаолиятини тартибга солувчи қонун ҳали қабул қилинмаган бўлсада, бу институтдан умидимиз катта.

Каналга уланиш👇
👉@advokatqosimov👈

Қуйидаги жойларда тамаки маҳсулотларини истеъмол қилманг!

✅савдо ва хизмат кўрсатиш объектларида, шу жумладан умумий овқатланиш корхоналарида;
✅кинотеатрларда, театрларда, циркларда, концерт, кўрик ва кўргазма залларида ҳамда оммавий дам олиш учун мўлжалланган бошқа ёпиқ иншоотларда;
✅клубларда, дискотекаларда, компьютер залларида, Интернет жаҳон ахборот тармоғидан фойдаланиш хизматларини кўрсатиш учун жиҳозланган хоналарда ёхуд бошқа кўнгилочар  жойларда;
✅музейларда ва ахборот-кутубхона муассасаларида;
✅ жамоат транспортларида;
✅ ер ости ўтиш жойларида, метрополитен станцияларида, транспорт бекатларида ва автотранспорт воситалари вақтинчалик сақланадиган ёпиқ жойларда;
✅ темир йўл вокзаллари, автовокзаллар, аэропортлар, дарё бандаргоҳлари, метрополитен станцияларига кириш жойидан камида беш метр масофада бўлган очиқ ҳаводаги жойларда;
✅ ёнғин хавфи мавжуд бўлган жойларда, шу жумладан автомобилларга ёқилғи қуйиш шохобчаларида;
аэропортларнинг, темир йўл ва автомобиль вокзалларининг, дарё бандаргоҳларининг биноларида;
✅ корхоналар, муассасалар, ташкилотлар ва давлат органларининг биноларида, шу жумладан лифтларда, зинапояларда, вестибюлларда, ҳожатхоналарда, дам олиш хоналарида;
✅соғлиқни сақлаш тизими ташкилотларида, дорихоналарда, таълим ташкилотларида, маданият муассасаларида, жисмоний тарбия-соғломлаштириш ва спорт иншоотларида, санаторий муассасаларида ва тиббий-ижтимоий муассасаларда;
✅ уй-жой хизматлари, меҳмонхона хизматлари, вақтинчалик жойлаштириш ва (ёки) вақтинчалик яшаб туришни таъминлаш бўйича хизматлар кўрсатиш учун мўлжалланган хоналарда;
✅кўп квартирали уйларнинг йўлакларида, шунингдек болалар ва спорт майдончаларида;
✅хиёбонларда, боғларда, пляжларда.

"Алкоголь ва тамаки маҳсулотларининг тарқатилишини ҳамда истеъмол қилинишини чеклаш тўғрисидаги" Қонунга кўра юқоридаги жамоат жойларида тамаки маҳсулотларини истеъмол қилиши тақиқланади.

Каналга уланиш👇
👉@advokatqosimov👈

“Тоштурма”да аҳвол қандай?

Халқ тилида “тоштурма” деб юритиладиган Зангиота туманидаги 1-сон тергов ҳибсхонасида сақланаётган шахсларнинг айтишича, хоналар ўта совуқ, деразалар яхши ёпилмайди, айримларининг ойналари синиқ.

Сақланаётган шахслар учун ётоқ койкалари етарли эмас ва ҳоказо.

“Жиноят ишини юритишда қамоқда сақлаш тўғрисида” ги Қонуннинг 26-моддасига кўра ушлаб турилганлар ва қамоққа олинганларга қонунчиликда белгиланган санитария, гигиена ҳамда ёнғин хавфсизлиги талабларига жавоб берадиган маиший шароитлар яратилади.
Ушлаб турилганлар ва қамоққа олинганларга алоҳида ётоқ жойи, кўрпа-тўшак, идишлар ҳамда овқатланиш асбоблари берилади.

Ушлаб турилганлар ва қамоққа олинганлар сақланадиган камералар вентиляция жиҳозларига ҳамда иситиш тизимига, шунингдек кўзга зиён етказмайдиган ҳолда ўқиш ёки ёзиш учун етарли табиий ва сунъий ёруғликка эга бўлиши керак. Камераларнинг деразалари сунъий вентиляция тизими мавжудлигидан қатъи назар, тоза ҳаво киришини таъминлаши лозим.

Қамоқда сақлаш жойларида бир кишига тўғри келадиган яшаш майдонининг нормаси икки ярим квадрат метрдан, аёллар ва вояга етмаганлар учун эса уч квадрат метрдан кам бўлмаган ўлчамда белгиланади.

Каналга уланиш 👇
👉 @advokatqosimov 👈

Жума билан табриклаш таъқиқландими?

2-3 кундан буён кўпчилик сўраяпти: Янги қонун чиқиб, жума билан табриклаш таъқиқланибди, ҳаттоки, одамлар жавобгарликка тортиляптимиш, шу тўғрими?

Жума билан табриклаш таъқиқланмаган, бунинг учун бирон бир жавобгарлик ҳам назарда тутилмаган. Ҳохласангиз бошқа кунлар билан ҳам табриклайверинг, ҳеч ким қаршилик қилмайди.

Лекин айрим ҳолларда табриклаш билан бирга диний материаллар ҳам, масалан, диний маъруза ёки диний қўшиқлар ҳам жўнатилиши мумкин. Бу эса жавобгарликка сабаб бўлиши мумкин.

“Виждон эркинлиги ва диний ташкилотлар тўғрисида” ги Қонуннинг 10-моддасига кўра диний мазмундаги материаллар диний таълимотнинг ақидавий асосларини, тарихини, диний таълимот мафкурасини ва шарҳларни, турли диний таълимотларнинг маросимлар ўтказиш амалиётини, шунингдек алоҳида шахсларнинг, тарихий фактлар ва ҳодисаларнинг диний нуқтаи назардан баҳосини акс эттирувчи маълумотларни ўзига олган ҳар қандай материаллар диний материаллар ҳисобланади.

Ўзбекистон Республикаси ҳудудида диний мазмундаги материалларни тайёрлаш, олиб кириш ва тарқатиш жамиятда конфессиялараро тотувлик ҳамда диний бағрикенглик бузилишига олиб келадиган, диний зўравонлик ва бошбошдоқликка чорлайдиган ғоялар ҳамда қарашлар тарқалишининг олдини олиш мақсадида диншунослик экспертизасининг ижобий хулосаси олинганидан кейин амалга оширилади.

Яъни, интернет тармоғида, жумладан, телеграмм, фейсбук, твиттер каби ижтимоий тармоқларда диний мазмундаги материалларни тарқатишга диншунослик экспертизасининг ижобий хулосаси олинганидан кейингина йўл қўйилади.

Биз одатда диний материални кўриб, ижобий экспертиза ҳулосаси олинган ёки олинмаганлигини аниқлай олмаймиз. Ижобий экспертиза ҳулосаси мавжудлигини аниқлаган тақдирда ҳам ушбу материални тайёрлаган инсонларнинг муаллифлик ҳуқуқи бор. Шунинг учун яхшиси диний материалларни ҳеч кимга жўнатмаган маъқул.

Бундан ташқари, айрим ижтимоий тармоқларда, масалан ютюб, тик-ток ёки фейсбукда диний материалларни ўз профилингизда сақлашингизнинг ўзи ҳам тарқатиш деб бахоланади. Чунки бу ижтимоий тармоқларда ниманидир тарқатиш уни профилингизга қўйиш орқали амалга оширилади.

Айтайлик, сиз кимнидир жума билан табриклаб бир кичик бир диний маърузаси бўлган файл жўнатдингиз ёки профилингизга жойладингиз, агар шу материал бўйича ижобий экспертиза ҳулосаси олинмаган бўлса, унда жавобгарлик келиб чиқади.

МЖтК нинг 184-2-моддасида диний мазмундаги материалларни тарқатиш мақсадида қонунга хилоф равишда тайёрлаш, сақлаш, Ўзбекистон Республикаси ҳудудига олиб кириш ёки тарқатиш учун – материалларни ва уларни тайёрлаш ҳамда тарқатиш учун тегишли воситаларни мусодара қилиб, фуқароларга базавий ҳисоблаш миқдорининг йигирма бараваридан юз бараваригача, мансабдор шахсларга эса — эллик бараваридан юз эллик бараваригача миқдорда жарима солишга сабаб бўлади.

Яъни, сизга қанча жарима қўлланилишидан қатъий назар тарқатишда фойдаланилган телефонингиз ёки компьютерингиз мусодара қилинади.

Шу ҳаракатлар маъмурий жазо қўлланилганидан кейин бир йил ичида қайта амалга оширилса, ЖК нинг 244-3-моддаси билан базавий ҳисоблаш миқдорининг юз бараваридан икки юз бараваригача миқдорда жарима ёки уч йилгача ахлоқ тузатиш ишлари билан жазоланади.

Шунингдек, ижтимоий тармоқлар орқали тарқатилган материаллар диний экстремизм, сепаратизм ва ақидапарастлик ғоялари билан йўғрилган бўлса, бунинг учун ЖК нинг 244-1-моддаси 3-қисмида беш йилдан саккиз йилгача озодликдан маҳрум қилиш жазоси назарда тутилган.

Шунинг учун жума билан табриклашда диний материалларни ҳам қўшиб жўнатишдан сақланинг. Жума билан табриклашда оддий сўз билан ёки оддий бир расмли файл билан табриклаш ҳам етарли, менимча.

Каналга уланиш 👇
👉 @advokatqosimov 👈

🥂🚔 Маъмурий жавобгарлик тўғрисидаги кодекснинг 131-моддасида назарда тутилган жавобгарлик шахснинг маст ҳолда транспорт воситасини бошқарганлиги тасдиқланган тақдирда келиб чиқади!

Жиноят ишлари бўйича Булунғур туман судининг 15.01.2024 йилдаги фуқаро "М"ни Маъмурий жавобгарлик тўғрисидаги кодекс 131-моддасининг 1-қисми билан 1 йилу 6 ой муддатга транспорт воситасини
бошқариш ҳуқуқидан маҳрум қилиш ва базавий ҳисоблаш миқдорининг
25 баравари, яъни 8 500 000 сўм жаримага тортиш хақидаги қарори Олий Суд Жиноят ишлари бўйича судлов хайъати тафтиш инстанциясининг қарори билан бекор қилинди.
Олий Суд Жиноят ишлари бўйича судлов хайъати бундай қарор чиқаришда қуйидагиларга эътибор қаратди:
📌 Биринчидан, фуқаро "М" ЙҲХБ ходимлари томонидан унинг ўз уйидан олиб чиқиб текширилган.Бу пайтда унинг машинаси уйининг олдида турган.
📌 Иккинчидан, ЙҲХБ ЙПХ инспекторига бириктирилган "body camera" хотирасида фуқаро "М"нинг шу куни маст холда транспорт воситасини бошқарганлигига алоқадор видео тасвирлар мавжуд эмас.

‼️Демак шахсларни МЖтКнинг 131-моддаси билан жавобгарликка тортишда қуйидаги иккита "шахснинг маст холда эканлиги ва шу холда транспорт воситасини бошқарганлиги" каби белгиларнинг мавжудлигига эътибор бериш лозим.

Каналга уланиш👇
👉@advokatqosimov👈

👮‍♂ Қўпол процессуал қонунбузилишларга йўл қўйилиб тузилган баённомага асосланган суд қарори бекор қилинди!

Ангрен шаҳар ИИБ ЙҲХБ ходимлари томонидан расмийлаштирилган маъмурий баённомага асосан Жиноят ишлари бўйича Ангрен шаҳар судининг қарори билан фуқаро "С" МЖтК нинг 136-моддаси 1-қисми (мастликни аниқлаш учун текширувдан ўтишдан бўйин товлаш) билан жавобгарликка тортилган.

Олий суд Жиноят ишлари бўйича судлов хайъати тафтиш инстанцияси қуйидаги асосларга кўра юқоридаги суд қарорини бекор қилибди:
Ангрен шаҳар ИИБ ЙҲХБ ходими: 
📌 хизмат вақтида бош кийимсиз ва махсус мобил видеокамера
қурилмасисиз мулоқотга киришган;

📌 маъмурий баённомани холислар иштирокида қоғоз шаклида тузмасдан,
электрон тартибда расмийлаштирган;

📌 маъмурий баённома расмийлаштиришдан олдин ҳайдовчини Маъмурий
жавобгарлик тўғрисидаги кодекснинг 294-моддасида кўрсатилган ҳуқуқ 
ва мажбуриятлари билан таништирмаган;

📌 ҳайдовчини тиббий кўрикдан ўтишдан бош тортганлиги тўғрисидаги
далолатнома тўлдириб, мазмунини ўқиб эшиттирмасдан туриб, холислар
иштирокисиз далолатнома расмийлаштирган;

📌С.га ўзини таништирмаган ҳолда, алкотестер махсус мосламаси
ёрдамида текширувдан ўтишни таклиф қилмасдан, унга 3 сутка олдин
ичилган вино спиртли ичимлиги ҳам тиббий экспертизада мастлик ҳолатини
келтириб чиқаришини айтиб, уни чалғитиб, ўзининг сўзлари билан
тушунтириш хати ёздириб олган.

Каналга уланиш👇
👉@advokatqosimov👈

Ариза кўрмасдан қолдирилганда, давлат божи масаласи қандай бўлади?

Ўзбекистон Республикаси "Давлат божи тўғрисидаги" қонуннинг 18-моддасига кўра ариза қуйидаги асосларга кўра кўрмасдан қолдирилганда давлат божи қайтарилади:

✅ Ариза кўрмасдан қолдирилганда, агар у муомалага лаёқатсиз шахс томонидан берилган бўлса;

✅ Суднинг ёки ҳакамлик судининг иш юритувида айни бир тарафлар ўртасидаги, айни бир предмет тўғрисидаги ва айни бир асослар бўйича низо юзасидан иш мавжуд бўлса, ариза кўрмасдан қолдирилганда;

✅ Агар тарафлар ўртасида низони ҳал қилиш учун ҳакамлик судига топшириш тўғрисида ҳакамлик битими тузилган бўлса, ариза кўрмасдан қолдирилганда;

✅ Агар тарафлар ўртасида медиатив келишув тузилган бўлса, ариза кўрмасдан қолдирилганда.

‼️Бошқа холларда ариза кўрмасдан қолдирилганда давлат божи қайтарилмайди

Каналга уланиш👇
👉@advokatqosimov👈

Ўзбекистон Республикаси Олий Суди фуқаролик ишлари бўйича судлов хайъатининг ажрими билан ФИБ Шайхонтохур туманлараро судининг ҳал қилув қарори бекор қилиниб, даъво талабини рад қилиш ҳақида янги ҳал қилув қарори қабул қилинган.

Иш мазмуни қуйидагича : Даъвогар шаҳар ИИББ жавобгар "З" профилактика инспектори лавозимидан пенсияга чиққанлиги муносабати билан унга хизмат турар жойи сифатида ажратилган уйдан бошқа турар жой бермасдан кўчириш ҳақидаги даъво ариза билан судга мурожаат қилган.

ФИБ Шайхонтохур туманлараро суди ВМҚ 354-сонли қарори билан тасдиқланган Низомнинг 72-бандига кўра, профилактика инспекторларига ажратилган хизмат уйлари, профилактика инспектори лавозимидан озод этилганда, бошқа ҳудудга ўтказилганда, пенсияга чиққанда, ходим вафот этганда қайтарилиши ҳақидаги қоидага асосланиб, даъво талабини қаноатлантирган.

Олий Суд судлов хайъати Уй-жой кодексининг 80-моддаси талаби бўйича “З” ИИБ тизимида 10 йилдан ортиқ хизмат қилган ходим ҳисобланиши билан бир қаторда айнан шу органдан пенсияга ҳам чиққанлиги сабабли уни фақатгина бошқа турар жой берган ҳолда хизмат турар жойидан кўчириш мумкинлиги ҳақидаги қонун талабини инобатга олиб, фуқаро манфаатига янги хал қилув қарори чиқарган.

Манба: Олий Суд амалиёти обзорлари

Каналга уланиш👇
👉@advokatqosimov👈

Прокуратура жамғарма эмас

Конституциямизнинг 143-моддасига кўра Ўзбекистон Республикаси ҳудудида қонунларнинг аниқ ва бир хилда бажарилиши устидан назоратни Ўзбекистон Республикасининг Бош прокурори ва унга бўйсунувчи прокурорлар амалга оширади.

Прокуратура ўз вазифаларини объектив бажариши учун кўриб чиқилаётган масалаларда прокуратуранинг қандайдир манфаатдорлиги бўлмаслиги керак. Агар кўрилаётган масалада прокуратура органларининг манфаатдорлиги бўлса, ҳохлайсизми йўқми, прокурорлар ҳам масалани ўз манфаатларига мос тарзда ҳал қилишга ҳаракат қилишади.

Ҳозирда прокуратура органларининг манфаатдорлиги бор масалалардан бири айбланувчилардан ундирилаётган зарар суммаларини прокуратуранинг махсус ҳисоб рақамларига тўланиши ва бу пул маблағларини банкка депозитга қўйиб, улар ҳисобидан прокуратура органларининг фоиз олишидир.

Шунинг учунми, кўп ҳолларда суд ҳукми билан прокуратура ҳисоб рақамига тўланган зарар суммаси нотўғри ундирилгани аниқланиб, тўловчиларга қайтарилиши белгиланганда, пуллар ўз вақтида қайтарилмайди, прокуратуранинг битта ходими давлат ижрочисига суд ҳукми ноқонуний дейди, бўлди. МИБ ҳеч нарса қилолмайди, қонуний кучга кирган суд ҳукми прокурорнинг оғзаки гапи билан ижросиз тураверади. Чунки бу пулларнинг кўпроқ вақт прокуратура ҳисобида туришидан прокуратуранинг ўзи манфаатдор.

Қонуний кучга кирган суд ҳукми ўз вақтида ижро қилинишини эса шу прокуратуранинг ўзи назорат қилади. Бундай ҳолларда қонуний кучга кирган суд ҳукми ижро қилинишига тўсқинлик қилган прокурорга ҳеч ким чора кўрмайди, чунки манфаатдор ҳуқуқбузар ва манфаатдор назоратчи битта орган.

Аслида қонунчиликда суд ҳукми билан прокуратура депозитидаги пул маблағлари кимгадир тўланишида ёки қайтарилишида прокуратуранинг розилиги олиниши ҳам шарт эмас.

Бундай ҳолатларга барҳам бериш учун айбланувчилардан ундириладиган зарар суммаларидан прокуратура органларининг фойдаланиши, яъни манфаатдор бўлишига чек қўйилиши керак. Чунки прокуратура пул маблағларини депозитга қўйиб фойда оладиган жамғарма ёки тижорат ташкилоти эмас.

Каналга уланиш👇
👉@advokatqosimov👈

21.11.2024 йилдаги ЎРҚ-1003-сонли Қонун билан процессуал қонунчиликка электрон маълумотлар ва рақамли далиллар тушунчаси киритилмоқда.

Киритилган ўзгартиришга кўра электрон маълумотлар электрон курилмалардан ва ахборот тизимларидан, шунингдек ахборот технологияларидан фойдаланган холда яратиладиган, ишлов бериладиган хамда сақланадиган маълумотлардир.

Иш учун аҳамиятга эга бўлган ҳолатлар тўғрисидаги маълумотлар мавжуд бўлган электрон маълумотлар, шу жумладан электрон тарздаги файллар, аудио-, видеоёзувлар, Интернет жаҳон ахборот тармоғида сақланаётган маълумотлар, шунингдек бошқа электрон маълумотлар рақамли далиллардир.

Киритилган ўзгартиришларни илгари бундай далиллар бўлмаган, деб тушунмаслик керак. Илгари ҳам бундай далиллар бўлган, фақат ашёвий ёки ёзма далил сифатида бахоланган. Рақамли далилларни далилларнинг алоҳида тури сифатида киритилиши ва улар учун алоҳида қоидалар белгиланиши одил судловни амалга оширишда жуда муҳим рол ўйнайди.

Қонун 2024 йил 21 ноябрдан кучга кирди.

Каналга уланиш👇
👉@advokatqosimov👈