Adolat SDP | Rasmiy kanal

📍#Тошкент_шаҳар_Кенгаши

Депутат ўрганишлари давом этмоқда

Олий Мажлис Қонунчилик палатаси депутати Ойдин Абдуллаева ва “Адолат” СДП Сиёсий Кенгаши раиси ўринбосари Улуғбек Расуловлар Тошкент шаҳар Сергели тумани 71-сонли оилавий поликлиника фаолияти билан танишди.

Мазкур тиббиёт муассасасининг биноси янгидан қурилиб топширилган. Аммо бугунги кунда бинонинг сиғими талабга жавоб бермайди. Онконазорат учун хона йўқ. Аҳолини онкологик назорат қилиш учун барча жиҳозлар мавжуд бўлсада, онконазоратни амалга оширадиган мутахассис штат бирлиги йўқ экани аниқланди.

Тиббиёт муассасасининг мутасаддилари билан ўтказилган суҳбат чоғида  соғлиқни сақлаш соҳасидаги таклифлари тингланди. Унга кўра, Сергели туманида марказий кўп тармоқли поликлиника йўқ. Кўп йиллардан бери аҳолига хизмат қилиб келган аввалги марказий поликлиниканинг биноси ва моддий-техник базаси Янгиҳаёт тумани тасарруфига ўтиб кетган. Шу боис, Сергели туманида марказий поликлиника барпо этиш эҳтиёжи кучли. Негаки, лаборатория, стерилизация каби тиббиёт учун муҳим бўлган фаолиятнинг амалга ошиши учун муносиб шарт-шароит керак.

Аниқланишига кўра, Сергели тумани учун марказий поликлиника қуриш масаласи 2025 йил Инвестиция дастурига киритилган. Аммо унинг амалга ошиши ҳақида хабар йўқ. Сергели туманида шифохона йўқлиги сабабли беморларга ордер бериш муаммоси мавжуд. Туманда ишлаб турган аввалги 13-сонли касалхона биноси эскиргани сабабидан фаолияти тўхтатилган, унинг ўрнига уй-жой комплекси қурилган.

Юқоридаги масалалар юзасидан ўтказилган суҳбат чоғида депутат Сергели туман 13-сонли касалхонанинг ўрнини босадиган шифохона барпо этиш масаласи юзасидан Соғлиқни сақлаш вазирлигига депутат сўрови жўнатишига келишиб олинди.

Adolat.uz | Facebook | Telegram | Instagram |Twitter  | YouTube

📍#Бухоро_вилоят_Кенгаши

Депутат Мақсуд Қурбонбоев Бухородаги онкология марказида: муаммолар ва таклифлар ўрганилди

Олий Мажлис Қонунчилик палатаси депутати Мақсуд Қурбонбоев Республика ихтисослаштирилган онкология ва радиология илмий-амалий тиббиёт маркази Бухоро вилояти филиалида бўлиб, у ердаги мавжуд шароитлар, муаммолар ҳамда таклифларни ўрганди.

Учрашувда, депутат тиббиёт муассасасининг моддий-техник базаси, даволаш жараёни ва беморларга яратилган шароитлар билан яқиндан танишди. У шифокорлар ва беморлар билан суҳбатлашиб, муассасанинг фаолиятини янада самарали ташкил этиш бўйича фикр ва мулоҳазаларни тинглади.

Шунингдек, Мақсуд Қурбонбоев филиал ҳудудида жойлашган ижтимоий дорихонани ҳам кўздан кечирди. У дорихона ассортиментида беморлар учун зарур дори воситаларининг етарли даражада мавжудлиги, нарх-наво ҳамда хизмат кўрсатиш сифати билан қизиқди. Депутат дори воситаларининг етказиб берилишида шаффофлик ва аҳолига қулайлик яратиш муҳимлигини таъкидлаб, тегишли масъулларга зарур тавсиялар берди.

Ўрганишлар давомида депутат муассасанинг раҳбарияти ва ходимлари билан ҳам учрашиб, мавжуд муаммоларни ҳал қилиш бўйича тегишли давлат идоралари билан ҳамкорликда иш олиб боришини билдирди. Шунингдек, соғлиқни сақлаш тизимини янада ривожлантириш ва беморларнинг сифатли тиббий хизматлардан фойдаланишини таъминлаш борасида ўз таклифларини илгари сурди.

Мазкур ўрганиш онкологик касалликларга чалинган беморларга кўрсатилаётган хизматлар сифатини ошириш, муаммоларни аниқлаш ва уларни ҳал қилишга хизмат қилиши кутилмоқда.

Adolat.uz | Facebook | Telegram | Instagram |Twitter  | YouTube

📍#Тошкент_шаҳар_Кенгаши

Депутат онкология диспансери фаолияти билан танишди

Олий Мажлис Қонунчилик палатаси депутати Ойдин Абдуллаева ва “Адолат” СДП Сиёсий Кенгаши раиси ўринбосари Улуғбек Расуловлар Тошкент шаҳар Онкология диспансери фаолияти билан танишди. Ушбу тиббиёт муассасасида бирламчи тизимда аҳолига онкологик ёрдамни янада сифатли ташкил этишни йўлга қўйиш мақсадида касалликларни эрта аниқлаш ва профилактикаси юзасидан амалга оширилаётган ишлар ўрганилди.

Онконазорат хонаси фаолияти, моддий-техник база билан таъминланганлик даражаси, скрининг ўтган ва аниқланган беморларнинг электрон базаси мавжудлиги, беморлар маршрутизацияси, химиопрепаратларнинг мавжудлиги, нур аппаратларининг ишлаш ҳолати каби соҳа учун муҳим бўлган омиллар ўрганилди.

Шу билан бирга, соҳанинг давлат бюджети ҳамда маҳаллий бюджет томонидан молиялаштирилиш ҳолати ҳам ишчи гуруҳ назаридан четда қолмади.

Мутасаддилар билан ўтказилган суҳбат чоғида юртимизда аҳолини онконазоратга жалб қилиш, аҳолини онкология касаллигидан ҳимоялаш борасида қонунчиликка киритиш зарур бўлган таклифлар қабул қилиб олинди.

Adolat.uz | Facebook | Telegram | Instagram |Twitter  | YouTube

📍#Сурхондарё_вилоят_Кенгаши

Депутатларимиз Термиз шаҳар марказий поликлиникаси фаолиятини ўрганди

Олий Мажлис Қонунчилик палатасидаги "Адолат" СДП фракцияси аъзолари Зуҳриддин Мавлонов, Манзура Салимова ва Эркин Ҳайитовлар Термиз шаҳар кўп тармоқли марказий поликлиникаси фаолияти билан танишдилар.

Унда депутатларимиз бошчилигидаги ишчи гуруҳ аҳоли орасида онкологик касалликларнинг олдини олиш ва барвақт аниқлаш бўйича амалга оширилаётган ишлар ҳолатига эътибор қаратилди.

Ўрганиш жараёнида аҳолига кундузги стационар хизматлар, тиббий суғурта, электрон поликлиника тизимлари йўлга қўйилганини эътироф этилди. Тиббий муассасада олиб борилаётган ишлар, кафолатланган дори-дармонлар, кадрлар захираси бўйича поликлиника раҳбарияти ва ходимлари билан суҳбатлашилди.

Шунингдек, поликлиникадаги Онконазорат хонаси ҳам кўздан кечирилиб, интернет тармоғига уланганлиги, колпоскоп ва компьютерлар билан жиҳозланганлиги аниқланди.

Касалликларни барвақт аниқлаш ва аҳолига тиббий хизмат кўрсатиш тизимларини янада такомиллаштириш бўйича шифокорларнинг фикр ва таклифлари тингланди.

Депутатларимизнинг жойлардаги ўрганишлари давом этмоқда.

Adolat.uz | Facebook | Telegram | Instagram |Twitter  | YouTube

📍#Сурхондарё_вилоят_Кенгаши

Айни кунларда Ўзбекистон "Адолат" СДПнинг Олий Мажлис Қонунчилик палатасидаги фракцияси аъзолари мамлакатимиз ҳудудларида "Аҳоли ва тиббиёт муассасаларини арзон ҳамда сифатли дори воситалари ва тиббий буюмлар билан таъминлаш даражасини ошириш" ҳамда "Ҳудудларда аҳоли орасида онкологик касалликларнинг олдини олиш ва барвақт аниқлаш" борасида амалга оширилаётган ишлар ҳолатини ўрганмоқдалар.

Жумладан, депутатларимиз Зуҳриддин Мавлонов, Манзура Салимова ва Эркин Ҳайитовлар Термиз шаҳридаги вилоят кўп тармоқли болалар шифохонаси қошида жойлашган дорихоналар фаолияти билан танишишди.

Ўрганишлар давомида мазкур дорихоналарда аҳолига етказиб берилаётган дори воситалари ва тиббий буюмларнинг сифати ҳамда уларнинг нархи, шунингдек, маҳаллий ишлаб чиқарувчилар томонидан етказиб берилаётган дори-дармонлар ва тиббий воситаларга ҳам эътибор қаратилмоқда.

Фракциямиз аъзолари ушбу ўрганишларда асосида амалдаги меъёрий-ҳуқуқий ҳужжатларни такомиллаштириш, маҳаллий бюджетдан ажратилган маблағларни мақсадли сарфлашни таъминлаш, электрон ҳисобот ва назорат тизимларини йўлга қўйиш бўйича таклифлар ишлаб чиқишни мақсад қилишган.

Adolat.uz | Facebook | Telegram | Instagram |Twitter  | YouTube

📍#Наманган_вилоят_Кенгаши

Депутат Наманганда тиббиёт соҳасидаги муаммоларни ўрганмоқда

Олий Мажлис Қонунчилик Палатаси депутати Дилмурод Исмоилов "Адолат" СДП Наманган вилоят Кенгаши етакчилари иштирокида тузилган ишчи гуруҳ Наманган шаҳри ҳудудидаги бир қатор дорихоналарда бўлиб, аҳолини арзон ва сифатли дори-дармонлар билан таъминлаш ҳолати бўйича ўрганиш ишларини олиб борди.

Жумладан шаҳардаги "Shifo-Malham farm" ва "Farm-Scales" МЧЖга қарашли дорихоналарда ўрганишлар олиб борилди. Тиббиёт ходимлари ҳамда аҳолининг фикр-мулоҳазалари тингланди.

Билдирилган фикрларга қараганда, четдан кириб келаётган дори воситалари нархига хорижий валюталар курсидаги номутаносибликлар ўз таъсирини ўтказаётганлиги айтиб ўтилди.

Шунингдек, шифокорлар томонидан беморларга тавсия этилаётган рецептларда бир хил таъсир қилувчи дори-дармонларни ёзиш ҳолатлари учраб туриши, дорихонада ҳар хил нархда сотилиши ва боз устига таъсир жиҳатдан бир хиллиги ҳақда сўз борди.

Мавжуд муаммоларнинг олдини олиш учун дорихона мутасаддиси электрон рецепт шаклини жорий этишни таклиф этган бўлса, бошқа бир йигит одамлар ўз саломатлиги учун қайғурмай қўйгани ҳақида гапириб, тиббий маданиятни шакллантириш, спортга бўлган эътиборни кучайтиш зарур, деган таклифларни билдириб ўтди.

Депутат мавжуд муаммоларни аниқлаб, назоратига олди. Ҳудуддаги ўрганишлар давом этмоқда.

Adolat.uz | Facebook | Telegram | Instagram |Twitter  | YouTube