Продам канал с доходом 138090

Всего за 55 000. Срочно нужны деньги.

Статистика Избранное

Abdusattor

Гео и язык канала: Узбекистан, Узбекский

Категория: Блоги

Shaxsiy rivojlanishga oid maqsadli kanal
✉️ Takliflar uchun: @AbdusattorFD_bot

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Abdusattor

7 Mar, 18:13

Charchatadigan sayohat

Ba’zida oldimizda uzoq, charchatadigan sayohat turadi.

Bir tomondan, yo‘l davomida, nola qilish mumkin: “Nega bunchalik uzoq yuribmiz?”, “Qachon yetib boramiz?”, “Yana qancha yo'l qoldi?”, “Bir joyda o‘tirish qanchalik noqulay”, “O‘zi nima uchun rozi bo‘ldim?” – har birimizning atrofimizda bunday tanish odamlar bor, to‘g‘rimi?

Ikkinchi tomondan, shunchaki tinchlanib, kitob o‘qib, biror narsa tinglab, ko‘zlarni yumib tafakkur qilib ketish, mashinadagi suhbatni qo‘llab-quvvatlash, telefonni tozalash va boshqa ko‘p narsalarni qilish mumkin – bunday odamlar ham mavjud.

Birinchi va ikkinchi odam ham o‘sha manzilga bir vaqtning o‘zida yetib boradi. Faqat birinchisi butun yo‘l davomida o‘zini qiynagan bo‘ladi, ikkinchisi esa hayot kechirgan bo‘ladi.

Hayotda ham xuddi shunday.

@abdusattor

16.3k 3 158 20

Abdusattor

6 Mar, 18:08

Kichik g’alabalar

Katta g‘alabalar kichik g‘alabalar ko‘pligidan keladi.

100 km marafon yugurmoqchi bo‘lsangiz, siz xohlaysizmi xohlamaysizmi kichik marafonlar g‘alabalarini qo‘lga kiritasiz. Birinchi 10 km, keyin 21 km va eng katta g‘alabagacha. Til o‘rganishda, har bir o‘zlashtirilgan so‘z g‘alaba. Kundalik hayot kichik g‘alabalarga to‘la, hattoki, har kuni kerakli vaqtda uyg‘onish ham kichik g‘alaba, to‘g‘ri ovqatlanish ham kichik g‘alaba.

Eng qiziq tarafi shundaki, omma kichik g‘alabalarni qadriga yetmaydi va ularni yutuq sifatida ham ko‘rmaydi. Ular oddiy kichik natijalar eng yirik o‘zgarishlarga olib kelishini bilganida edi, ularning oddiy kundalik hayotga qarashi butunlay o‘zgarardi.

Kichik g‘alabani ta’mini sezgan inson, katta g‘alabani ta’mini sezish qo‘lidan kelishini tushunadi.

Kichik g‘alabalarni ta’mini sezish uchun Maqsad Club'ga qo‘shilishingiz mumkin.

@maqsadmanager ga + qoldiring!

29.5k 1 361 19

Abdusattor

5 Mar, 17:52

00:33

Видео недоступно для предпросмотра

Смотреть в Telegram

Ushbu videoda YouTube’ning asoschilaridan biri Stiv Chen platformaning birinchi kunlarida, faqatgina 40 ta video yuklanganidan qanday tushkunlikka tushganini aytib beryapti. Startup oldidagi texnik cheklovlar, sekin o‘sish va kelajak haqidagi noaniqliklar kabi muammolar, uni platformaning kelajagidan umidsizlantirgan.

Shunga qaramay, YouTube’ning yo‘li keskin o‘zgarib ketadi. 2006-yilda Google YouTube’ni 1,650,000,000 dollar evaziga sotib oladi va bugungi kunda Stiv Chenning boyligi 500,000,000 dollar deb hisoblanadi. Bu, onlayn video kontentini inqilob qilgan va internetning eng muhim platformalaridan birini yaratgan inson ham oddiy odamlar kabi bir xil ishonchsizlikdan va qo’rquvlardan o’tishini ko’rsatadi.

@abdusattor

37.7k 2 307 28

Abdusattor

4 Mar, 15:20

Репост из: Maqsad Club

“Siz insoniy vazifalarni bajarishni istamaysizmi? Nega tabiat talab qilganidek ishlamaysiz? To'g'ri, albatta dam olish ham kerak. Biroq tabiat bunga ma'lum bir me'yor belgilagan, ovqatlanish va ichish uchun qo'yilganidek. Lekin siz bu me'yordan ham, zarur bo'lganidan ham oshirib yuboryapsiz. O'z ishlaringizda esa bu me'yorga yetmayapsiz, ya'ni imkoniyatlaringizning chegaralariga bormayapsiz, chunki siz o'zizni sevmaysiz. Agar o'zingizni sevganizda, tabiatingizni va uning talablarini ham sevardingiz.

Shunday insonlar borki, ular o'z san'atini sevib, butunlay ishga qurbon bo'lishadi, hatto cho'milishni va ovqatlanishni ham unutishadi. Siz esa o'zingizning tabiatingizni, duradgor duradgorligini, raqqosa raqsni, shuhratparast odamning shon-shuhratni qadrlashichalik ham qadrlamaysiz.

Ularning barchasi, ish bilan band bo'lishganida, ko'ngilariga yoqadigan narsalarni ko'paytirish uchun ovqat yemaslikni va uxlamaslikni afzal ko'rishadi. Jamiyatga foydasi tegadigan ish siz uchun unchalik ahamiyatli va harakatga loyiq emasmi?”.

Eng qizig'i shundaki Rim imperatori Mark Avreliy bu xatlarni o'zi uchun, shaxsiy kundaligiga yozib borgan va "Siz" deganida birovlarni emas, o'zini nazarda tutgan. O'sha vaqtdagi dunyoni boshqargan insonni, o'ziga bo'lgan munosabatini qarang.

47.9k 0 251 2.2k

Abdusattor

3 Mar, 18:12

Dunyodagi eng zo’r tana

Dunyodagi eng zo‘r sportchini o‘ylang, o‘sha insonni jismoniy holati ertagani o‘zida sizda bo‘ladi. Nima deb o‘ylaysiz? Sizga berilgan yangi tanani qancha vaqtda yana hozirgi holatingizga qaytarib qo‘yasiz? Qaytarib qo‘yasiz, ishoning. Chunki u tanani eng yuqori darajadagi formada ushlab turish uchun qanday jismoniy mashg‘ulotlar, kun tartibini, nima yeyishini bilmaysiz. Ko‘nikmangizni o‘zi yo‘q.

Nima demoqchiman? Ba’zida tayyor natija xohlaymiz, ammo xohlaymizmi xohlamaymizmi biz u natijaga tayyor emasmiz. Chunki har qanday yirik natija ko‘nikmalarni talab qiladi, ko‘nikma yo‘q ekan o‘zgarishlarga tayyor emasmiz. Tayyor bo‘lish uchun esa ma’lum bir yo‘lni bosib o‘tish kerak. Va aynan shu yo‘l bizni yutuqlarga tarbiyalaydi.

@abdusattor

56.9k 4 389 3k

Abdusattor

2 Mar, 18:33

Muhim narsa uzoq vaqt talab qiladi

Tez yo‘qotilgan vazn nosog‘lom natijaga olib keladi
Tez olingan bilim tez unutiladi
Tez topilgan pul tez yo‘qotiladi

Biz tez natija olish targ‘ib qilinayotgan zamonda yashayapmiz, tezlik muhim, lekin hayotning oltin qoidasi haqiqatdan ham muhim narsalar uzoq vaqt talab qiladi. Ammo shu o‘rinda, harakatlar sekin bo‘lsin degani emas, aksincha harakat doim tez bo‘lish kerak, ammo natijani tez kutmaslik kerak. Tez olingan natija odatda past sifatli bo‘ladi.

Maqsad hamjamiyatida biz buni asoslangan sabr deymiz, ya’ni siz qo‘lingizdan kelganini maksimal tez va sifatli ravishda qilasiz, undan keyin esa sabr qilasiz. Agressiv sabr qilasiz.

@abdusattor

66.4k 6 522 2.9k

Abdusattor

1 Mar, 16:56

Majbur bo’lish

1519 yilda Ernan Kortes Meksikaga 600 kishi bilan qo‘nib, asteklarning kuchli imperiyasini zabt etishni maqsad qiladi. Uning odamlari safardan charchagan, ko‘pchilik muvaffaqiyatga shubha qilardi: asteklarning qo‘shini o‘n minglab jangchilardan iborat edi, ularning boyligi va qudrati haqidagi mish-mishlar qo‘rquvni kuchaytirardi. Ekipajning bir qismi hatto Kubaga qaytish uchun isyon ko‘tarishni rejalashtiradi.

Kortes chekinish qo‘shinni ruhiy jihatdan sindirishini tushunib, radikal qaror qabul qiladi. U o‘z kemalarini yoqib yuborishga buyuradi.

Va bu qaror samara beradi: orqaga yo‘l qolmagan askarlarni oldida faqatgina g'alaba qozonish tanlovi qoladi. Kortés mahalliy qabilalar bilan ittifoq tuzib, ayyorlik va harbiy ustunlik yordamida 1521 yilda asteklarni poytaxtini egallaydi.

Ba’zida tanlovlar borligi inson uchun ziyonga ishlaydi, chunki g'alabadan tashqari tanlov qolmaganida, g'alaba qozonishga majbursiz.

@abdusattor

62.9k 3 485 3.1k

Abdusattor

1 Mar, 03:42

Ramazon 30 chellenji

Barchangizni Ramazon bilan tabriklayman. Umid qilamanki ushbu oy sizlar uchun ruxan va jismonan o’sishingiz uchun imkoniyat bo’ladi.

Bu oy kundalik hayotimizga sezilarli o’zgarishlar kiritadi, o’zgarishlar ichida esa yangi odatlar shakllantirish uchun eng qulay imkoniyati.

Maqsad Club’ida biz “Ramazon 30” chellenjimizni boshladik. Bu chellenj o’tmishda qilgan chellenjlarimizni yeg’indisi bo’ladi va oyni oxirida kuchliroq inson bo’lib chiqishimizga yordam beradi. Bu uchun maxsus @Maqsad30bot odatlar trekeri botimiz bor.

Chellenjimiz mana bu mavzular ustida qurilgan:

🌐 Maqsad YouTube kanali

1. Raqamli qullar
2. Shakar ommaviy narkotik

😎 Maqsad Club (Darsliklardan parchalar)

1. Extimollik nazariyasi
2. Diqqat
3. Yurish sizni qutqaradi
4. O’zgarish uchun yondashuv

Agarda siz ham bizga qo’shilishni istasangiz, barcha kerakli ma’lumot bundan oldingi postni oxirida.

51.6k 2 399 649

Abdusattor

28 Feb, 21:32

Dehqon hech narsa ekmay meva kutsa, qanchalar ahmoq bo‘ladi?
Mantiqan olib qaraganda, hech kim bunday qilmaydi deyishingiz mumkin, ammo fundamental o’zgarish qilmay, katta natijadan umid qilish, ommaviy normallik.

Har qanday ma’lumot bilim bo’lmasligi mumkin, lekin har qanday bilim ma’lumot bo’ladi. Va balki aynan sizni shaxs sifatida o’sishingiz uchun kerak bo’lgan ma’lumotlar aynan bizni hamjamiyatimizda bo’lishi mumkin.

🏆 Maqsad Club’iga ga 9 oy bo’ldi.

Bu loyiha shaxsan o’zimni tubdan o’zgartirib yubordi. Shu kungacha hamjamiyatimizda zamonaviy inson fundamental o’sishi uchun kerak bo’ladigan ko’plab ko’nikmalarni muhokama qilib keldik. Umumiy olganda hozirgi kungacha 35 dan oshiq videolar joylandi. Ularning ma'lum bir mavzularini yuqoridagi rasmlarda ko’rishingiz mumkin.

Mart oyida, katta podkastlar, falsafa va jamiyatshunoslik yo’nalishlarini qo’shyapmiz. Hamjamiyatimiz asta sekinlik bilan o’z yo’lida rivojlanishni davom etyapti. Bizga qo’shilish uchun @maqsadmanager + belgisini qoldiring, obuna narxi hali ham 88,000 so’m.

@abdusattor

43.2k 0 214 398

Abdusattor

28 Feb, 17:03

Nima uchun inson hattoki o‘z hayoti uchun mas’uliyatni olishdan qo‘rqadi?

Chunki mas’uliyat olgan zahotidan, u o‘zidan boshqa hech kim uning hayotini boshqarmayotganini tan olishga majbur bo‘ladi. Bu esa yashash uchun juda noqulay, chunki aybdorlar yo‘q va o‘z hayoti ustida o‘zi ishlashi kerak bo‘ladi.

Ba’zilar uchun mas’uliyatni boshqalarga yuklash qulayroq, bu odamning energiyasini juda samarali tejaydi, lekin faqat hayotning ma’lum bir nuqtasigacha. Chunki har qanday odam bir kun kelib mas’uliyat doim o‘zida bo‘lganini tushunadi, lekin odatda juda kech bo‘ladi.

Inson hayotidagi har qanday qarorni aslida o‘zi qabul qilganligini tushunganida, u ro‘yobga chiqmagan minglab ssenariylarni hayolida aylantirishni boshlaydi. Chunki, shaxsiy mas’uliyatini tan olgan inson, haqiqatdan ham ozod inson. Ozodlik esa, har doim cheksiz imkoniyat va tanlovlar beradi.

@abdusattor

54.6k 3 582 434

Abdusattor

27 Feb, 18:16

⚡ Charchoqdan chiqing – o‘rningizdan turing

“Hech narsa qilgim kelmayapti, chunki energiyam yo‘q. Aslida, energiyam yo‘q, chunki hech narsa qilmayapman.”

Energiya osmondan tushadigan sovg‘a emas – siz uni o‘zingiz yaratasiz. Harakat qilmasangiz, mitoxondriyalar – tanangizdagi kichik zavodlar – sekinlashadi, quvvatingiz so‘nadi. Ular oziq-ovqat va kisloroddan tanangizning asosiy energiya manbasini – yaratadi. Lekin harakat qilmasangiz, bu zavodlar “uyquga ketadi”.

Yugurishni xohlamaysizmi? 50 metr yugurib ko‘ring, energiyani his qilishni boshlaysiz. Jismoniy mashqni hohlamay qilganingizdan keyin o‘zingizni tirikroq his qilasiz – chunki mitoxondriyalar harakat bilan tiriladi va energiyangiz oshadi. Harakat energiyani uyg‘otadi. Harakat qiling!

@abdusattor

58.8k 8 1k 391

Abdusattor

1 Jan, 21:55

🗓Yangi yildan boshlash

Kalendar har qanday ramziy sanaga yaqinlashganida inson o‘zgarishlar haqida o‘ylab qoladi. Buning asosiy sababi biz inson sifatida bir xillikdan zerikib qolamiz, shu sababdan ramziy sanalarda psixologik yangi davrga o‘tganligimizni sezgimiz keladi. Bu tug‘ilgan kun, oyni boshi, yangi yil yoki kalendar yozni boshlanishi bo‘lsin.

Va eng qiziq tarafi shundaki, ramziy sanalardan boshlash haqiqatdan ham ishlaydi. Bu mavzuda bir nechta tadqiqot ham bor, ilmiy tilda bu hodisani “Yangi boshlanishlar effekti” deydi va bu effektning kuchi aynan ramziy sanalar yangi boshlanishlar uchun psixologik yengillik berishida. Masalan, fitnes ilovalarning statistikasiga ko‘ra odamlar jismoniy mashg‘ulotlarni va to‘g‘ri ovqatlanishni aynan shunday ramziy sanalarda boshlashgan. Va bu kabi misollar juda ham ko‘p.

Faqat bu yerda aynan boshlash haqida gap ketyapti, natija haqida emas. Natija uchun esa sizga to‘g‘ri reja va ma’lum bir shaxsiy tizim kerak bo‘ladi.

@abdusattor

65.3k 11 346 4.5k

Abdusattor

25 Dec 2024, 15:53

Yuqorida yozganimni tasdiqlash uchun, kanalga boost berib yuboringlar-chi. Olov reaksiya ham sizlarga g‘alati tuyulib turgandir. O‘zgartirarmiz balki? 😎

https://t.me/abdusattor?boost

Bu kanal qoʻshimcha funksiyalarni ochishiga yordam berish uchun unga ovoz bering.

71.1k 0 33 3.8k

Abdusattor

25 Dec 2024, 15:48

Yordam kerak bo‘lsa, so‘rang

Zamonaviy madaniyat bizga odamlarni bir-biri bilan ishi yo‘qligiga ishontirishga harakat qiladi. Ammo aslida qanchadan qancha odam bir-biriga yordam berishga tayyorligidan siz hayron qolasiz. Chunki bu inson tabiatida bor narsa, biz har doim bir-birimizga yordam berib kelganmiz yovvoyi muhitda tirik qolish uchun bu yagona yechim bo‘lgan. Aynan shunday qilib, odamlar butun insoniyat tarixida bir-birlari bilan ijtimoiy aloqalarni o‘rnatganlar. Yordam bering, yordam kerak bo‘lsa, so‘rang. Buni tanish-bilish yaratish deydi, g‘arb tilida esa networking deb atashadi. Mavzu qiziq bo‘lsa, Maqsad Club’iga tayyorlagan darsligimizdan bir parchasini tinglab ko‘ring, balki “Tanish-bilish” so‘ziga bo‘lgan dunyoqarashingiz o‘zgarar.

🎞 Shu yerda ko'rishingiz mumkin

69.6k 5 226 3.7k

Abdusattor

12 Dec 2024, 18:02

Qiymat yaratishni bilsangiz, hech qachon och qolmaysiz.

Biz har kuni qiymat almashinuvida yashaymiz. Siz taksi bilan foydalanganingizda, kirakash jismoniy mehnati evaziga sizga qiymat berdi, siz kitob sotib olganingizda, yozuvchi aqliy mehnati evaziga sizga qiymat berdi. Siz esa ularga pul qiymatida javob qaytarasiz.

Har qanday daromad qiymatga bog‘liq, uning miqdori esa qiymat noyobligiga. Siz bera oladigan qiymatni qancha kam odam bera olsa, demak shunchalar yuqori darajadagi qiymat almashinuvida qatnashasiz. Kirakash 1 soat mehnatiga 10$ daromad qilsa, kvant muhandisi 10 barobar qilishi mumkin. Hammasi qiymat noyobligiga taqaladi. Agarda kvant fizikani tushunadiganlar, kirakashlik qilishi mumkin bo‘lgan odamlar bilan teng bo‘lganida ularning daromadi bir xil bo‘lar edi. Majoziy ma’noda albatta.

@abdusattor

89.8k 4 358 2.6k

Abdusattor

8 Dec 2024, 14:30

Avtohalokatlarning asosiy qismi e’tiborsizlikdan bo‘ladi, insonlarni bir biri bilan munosabatlari buzilishing asosiy qismi e’tiborsizlikdan, hattoki ko‘plab kasalliklar e’tiborsizlikdan paydo bo‘ladi. Umuman olganda muammolarimizni asosiy qismi e’tiborsizlikdan.

Hayotda muhim bo‘lgan narsalarga e’tibor qaratmadingizmi? Demak ma’lum bir vaqt o‘tganidan keyin bu haqida aniq afsuslanasiz. E’tiborsiz odamlar hammani baxtsiz qilishadi, hamkasblarini, chunki bir ishni bajartirish uchun bunday odamlarga bir narsani bir necha marta qaytarish kerak, turmush o‘rtog‘ini, chunki bunday odamlar oldida qolganlar o‘zlarini yolg‘iz his etishadi va eng asosiysi o‘zlarini, chunki ular birinchi o‘rinda o‘zlariga e’tibor qaratishmaydi va shu sababdan tashqi dunyoga ham.

”Yorug‘liksiz 72 soat” videosining 5:20 daqiqasidagi diskleymerni o‘qib ko‘ring va keyin izohlarga tushing. Kamida 100 ta odam videoda nega soya bor deb yozgan. Ba’zilari bu savolni qiziqishdan bergan bo‘sa, ba’zilari esa o‘zlarini xuddi mani yolg‘onda ushlab olganday tutishgan. Bu juda oddiy misol xolos, lekin sizlarga yetkazmoqchi bo‘lgan xabarimni tushundingiz degan umiddaman.

@abdusattor

93.9k 4 290 1.8k

Abdusattor

18 Nov 2024, 17:05

Inson organizmidagi eng yirik iste'molchi ko'zlar hisoblanadi. Atrofimiz haqidagi 90% ma’lumotni biz ko’zlarimiz orqali qabul qilamiz. Ko’z shunchalar noyob organki, u tashqi dunyo bilan ichki dunyoni tog’ridan tog’ri bog’lab beradi.

Va tasavvur qiling, siz 3 kun hech qanday yangi ma’lumot is’temol qila olmaysiz, sizda na ko’rish qobiliyati bo’ladi na o’zingizni nimadir bilan chalg’ita olasiz. Zamonaviy dunyoda har bir daqiqasida o’zini chalg’itishga o’rganib qolgan inson uchun bu qay darajadagi qiynoq bo’lishi mumkin? Manga bu juda ham qiziq bo’ldi. Va hayotimda eng noodatiy 3 kunni yashashga qaror qildim.

VIDEONI KO'RISH UCHUN:
📹 Yorug'liksiz 72 soat

132.9k 17 551 2.4k

Abdusattor

18 Nov 2024, 16:14

Репост из: Maqsad Club

00:30

Видео недоступно для предпросмотра

Смотреть в Telegram

90.5k 0 32 1.2k

Abdusattor

18 Oct 2024, 18:24

00:04

Видео недоступно для предпросмотра

Смотреть в Telegram

O'zbekistondagi eng baland binoning eng yuqori, 52-qavatida mana shu qushni ushlab oldim. Eng qizig‘i, "Nest One" so‘zi "Qush uyasi" degan ma’noni anglatar ekan.

@abdusattor

130.8k 9 139 3.1k

Abdusattor

15 Oct 2024, 14:59

Pul kerak. Iloji boricha ko‘proq kerak. Lekin biz o‘zimizni shaxsiy kurashimizda yutganligimiz uchun bonus bilan kelsin. Jamiyatning sog‘lom qismiga aylanganimiz uchun, qiymatli bilimimiz, hunarimiz uchun kelsin. Shunchaki quruq o‘zi kerak emas. Quruq o‘zini, shunchaki borligi uchun fohishalar ham oladi. Man sizlarga boshidanoq yetkazmoqchi bo‘lgan g‘oya ham shunda. Natijaga kafolat hech qachon yo‘q. Bu dunyoda kafolat izlagan insonning o‘zi sog‘ emas. Tanamiz qanaqa ishlashiga kafolat bera olmaymiz. Hozir sizlarga shu gapni gapirib turganimda, tanamdagi qaysidir bir hujayra kayfiyatini o‘zgartirsa, Xudo ko‘rsatmasin ertaga davolanishim uchun pul yig‘amiz. Urug‘ini ekib qo‘yib, uni oylar davomida parvarishlagan, mehr bergan dehqon hosil ololmaganda qanaqa ahvolga tushadi? Bu qanchalar og‘riqli ekanligini his qilib ko‘rganmisiz? Va bu og‘riqni siz ham hayotingizni bir qismida his qilishingiz mumkin.

📹 “O’ZGARISH UCHUN YONDASHUV” VIDEOSIDAN

131.4k 5 460 1.9k

Показано 20 последних публикаций.

66 280

подписчиков

Статистика канала

Популярное в канале

Muhim narsa uzoq vaqt talab qiladi Tez yo‘qotilgan vazn nosog‘lom natijaga olib keladi Tez oling...

Majbur bo’lish 1519 yilda Ernan Kortes Meksikaga 600 kishi bilan qo‘nib, asteklarning kuchli imp...

Ramazon 30 chellenji Barchangizni Ramazon bilan tabriklayman. Umid qilamanki ushbu oy sizlar uch...

⚡ Charchoqdan chiqing – o‘rningizdan turing “Hech narsa qilgim kelmayapti, chunki energiyam yo‘q...

Dunyodagi eng zo’r tana Dunyodagi eng zo‘r sportchini o‘ylang, o‘sha insonni jismoniy holati ert...