💠Zangiota tumani hokimining 2024-yil 8-avgustdagi 133-10-138-F/24-sonli farmoyishiga asosan, hududdagi sanoat mahsulotlarini ishlab chiqaruvchi korxonalar samaradorligini oshirish bo‘yicha MAXSUS SHTAB tashkil etilgan.

Ushbu shtab sanoat korxonalarining faoliyatini tahlil qilish, mavjud muammolarni aniqlash va ularni bartaraf etish, shuningdek, ishlab chiqarish hajmini oshirishga ko‘maklashish maqsadida ish olib bormoqda.

Kuni kecha shtab a’zolari “Istiqlol” mahalla fuqarolar yig‘ini hududida joylashgan maishiy texnikalar hamda polietilen mahsulotlari ishlab chiqaruvchi sanoat korxonalariga tashrif buyurdi.

Tashrif davomida korxonalarning ishlab chiqarish jarayonlari, texnologik imkoniyatlari va ishchi-xodimlar uchun yaratilgan sharoitlar o‘rganildi.

Tadbirkorlar bilan ochiq muloqot o‘tkazilib, ularning faoliyatida uchrayotgan muammolar va takliflar tinglandi.

Aniqlangan masalalar tegishli mutasaddilarga yetkazilib, ularni hal etish bo‘yicha chora-tadbirlar belgilandi.