Azimjon Zukhurov | Rasmiy blog

ТОШКЕНТ ВИЛОЯТ СУДИДА БАРДАК: ОДИЛ СУДЛОВ УЧУН НАВБАТ КУТАМИЗМИ?

Бугун соат 11:00 га белгиланган фуқаролик иши тафтиш инстанциясида кўриб чиқилиши керак эди. Орадан 1 соат 50 дақиқа ўтди, лекин суд мажлиси ҳали ҳам бошланмади. Сабаб? Суд залининг бандлиги.

Маълум бўлишича, бу бино бир вақтнинг ўзида фуқаролик, иқтисодий ва маъмурий ишларга хизмат қиляпти. Суд жараёнларини ташкил қилиш шунчалик қийинми? Фуқаролар соатлаб эшик тагида кутиб туриши одил судловга хизмат қиладими?

Кимдир адолат излаб келади, кимдир ўз ҳақи учун курашади. Лекин натижа – навбат кутиш, тартибсизлик ва ноаниқлик. Фуқароларни сарсон қилишнинг янги усулими бу?

Суд иши – тақдир масаласи. Бундай эътиборсизлик адолатга ишончни емирмайдими?

@yurist_zukhurov

Hayot tarzini intizomga solish uchun nimalar qilish kerak:

🔰 Musulmon kishi, avvalo, hayotida zarur bo'lgan ishlarni tartibga solish kerak
A) Namozni

🔰 Kishi kunidan baraka topish uchun namozni avvalgi vaqtidagi o'qish kerak.

B) Uyquni vaqti doim tartibga solingan bo'lishi kerak (bir xil vaqtda turib, bir vaqtda yotish)
(Imkoniyat bo'lsa, aqliy mehnat qiladiganlar qaylula qilishi kerak)

Tongda uxlagan kishini rizqida baraka bo'lmaydi

Ertalab doim tolibi ilm uyg'oq bo'lish kerak

Uyquni sunnatga xoslab tartiblash kerak

🍽 Taomni tartiblash-doimo bir xil vaqtda bo'lish kerak

Har kim o'z kasbi, faoliyatiga qarab kundalik reja bo'lish kerak.

🫧 Kimnidir intizomli kishini namuna qilib, hayotidan ibrat olib harakat qilish( Shayx hazratlari)

🫧 Uzoq, katta vaqtli ishlarni kesimlarga, bosqichlarga bo'lish.
Ikkinchi va uchinchilarni birinchi bo'layotganda o'ylamaslik kerak.

🫧 Aniq maqsad, marra bo'lish kerak.

Allohga o'sha ish mahbub bo'ladi, nimaga sizga manfaat bo'lgani uchun

📌 Nizomni buzadigan eng yomon narsa bir kun qilib, bir kun qilmaslik.

📍Intizomni hosil qilish uchun nimadandir kechish kerak.

Tartibni reja qilganda kunni to'ldirmaslik kerak, zaruriyat bo'lib qolsa, reja buziladi.

Hayotda tartib qo'ysangiz, 3-4 kun qiynalasiz, keyin shu narsaga o'rganib qolasiz, va usiz turolmay qolasiz( shayx Hazratlari)

Yo'l harakati qoidalariga amalni ko'rib, jamiyatni qandayligini bilsa bo'ladi

© Hasanxon Yahyo Abdulmajid

МЧЖларнинг таъсис шартномасини давлат рўйхатидан ўтказиш бекор қилинди

ЎРҚ-1025-сон Қонунга кўра, айрим қонун ҳужжатларига қуйидагиларни назарда тутувчи ўзгартириш ва қўшимчалар киритилмоқда:

🔹унитар корхона ва қўшимча масъулиятли жамият шаклларини тугатиш;

🔹масъулияти чекланган жамиятларнинг таъсис шартномасини давлат рўйхатидан ўтказиш ҳақидаги талабни бекор қилиш;

🔹юридик шахсларни қўшиб юбориш, қўшиб олиш ва ташкилий-ҳуқуқий шаклини ўзгартириш орқали қайта ташкил этишда корхоналарнинг ҳуқуқ ва мажбуриятлари топшириш ҳужжатида акс эттирилган ёки акс эттирилмаганлигидан қатъи назар қайта ташкил этилаётган юридик шахсга ўтказилиши;

🔹корпоратив шартнома, консорциум ва консорциум шартномаси каби институтларнинг ҳуқуқий мақомини белгилаш;

🔹хўжалик жамиятлари кузатув кенгашларининг акциялар, корпоратив облигациялар ва бошқа қимматли қоғозларни чиқариш тўғрисидаги қарорларини ҳуқуқий ҳужжатларга мувофиқ муҳим факт сифатида ошкор этиш;

🔹қимматли қоғозлар бозорини тартибга солиш бўйича ваколатли давлат органи томонидан қимматли қоғозлар чиқарилиши давлат рўйхатидан ўтказилганлиги, шунингдек қимматли қоғозлар бозорида профессионал фаолиятни амалга оширишга доир лицензия берилганлигига тааллуқли ахборотни эълон қилиш.

@yurist_zukhurov

Farzandlarimga o'gitlar turkumidan

Uchrashuvlarda bir savolni ko'p berishadi:

— O'zingiz uchun eng qimmatli asar qaysi?

Ko'pincha yarim hazil bilan javob qilaman:
— Mening ikkita eng qimmatli asarim bor: biri — o'g'lim, biri — qizim!
Senlar va nabiralarim menga Xudo bergan eng bebaho boyliksizlar…

Shu bois, diqqat bilan eshitinglar! Bir narsani orzu qilaman. Bu dunyoda men qilgan yaxshi ishlardan aqalli bitta ko'proq yaxshilik qilsang... Bu dunyoda men qilgan xatolardan aqalli bitta kamroq xato qilsang...

🖊️ O'tkir Hoshimov

@yurist_zukhurov

Мулкни сотиш учун хотин (эр) нинг розилиги шарт.

Эр (хотин) ўзининг номига расмийлаштирган умумий кўчмас мол-мулкни тасарруф этиш бўйича битим тузиши учун хотин (эр)нинг нотариал тартибда тасдиқланган розилигини олиши лозим.

Кўрсатилган битимни тузишга нотариал тартибда тасдиқланган розилиги олинмаган эр ёки хотин мазкур битим амалга оширилганлигини билган ёки билиши лозим бўлган кундан бошлаб бир йил давомида бу битимни суд тартибида ҳақиқий эмас деб топишни талаб қилишга ҳақлидир. (ОК-24)

Мурожаат учун: @yuristlik

@yurist_zukhurov

Бегона аёл – эркак учун катта фитна

Дунёдаги энг қадимий синовлардан бири – эркак киши учун бегона аёл фитнаси. Кўплаб буюк шахслар, давлат раҳбарлари ва бойлар айнан шу синовдан ўта олмагани учун йиқилган.

Бегона аёл нафақат оилага, балки эркакнинг ҳаётига, келажагига ва молиявий барқарорлигига таъсир қилувчи омилдир. Бир қарашда оддий кўринган муносабат вақт ўтиши билан:

🔹 Иш ва бизнесда муваффақиятсизликка
🔹 Оилавий бузилишларга
🔹 Қарз ва муаммолар гирдобига тушишга сабаб бўлиши мумкин.

Ҳаётда юксалишни истаган эркак ўзини танийдиган ва қандай йўл тутишни яхши англайдиган инсон бўлиши керак. Унинг қоидаси шундай: “Менинг вазифам – ўзимни, оиламни ва келажагимни ҳимоя қилиш.”

Сиз бу фикрга қўшиласизми?

Манба

@yurist_zukhurov

Билдирилган талаб бўйича суд ҳал қилув қарори қабул қилмаганлиги, биринчи инстанция судининг ҳал қилув қарорини ҳар қандай ҳолда бекор қилиш учун асос бўлади!

Яқинда Олий судда кўрилган бир иқтисодий ишда худди ҳолат шу юз берибди.

Яъни, даъвогар даъвонинг асосини ёки предметини ёхуд даъво талабларини ўзгартириш тўғрисида ариза бермаганлигига қарамасдан, биринчи инстанция суди томонидан даъво аризасида билдирилмаган талаб бўйича яъни мазкур иқтисодий иш бўйича 6 млрд сўм пеня ундириш ҳақида қарор қабул қилган бўлса, даъво талабининг 19,2 млрд сўм жарима ундириш қисми муҳокама қилинмаган.

Апелляция ва тафтиш инстанцияси билдирилган талаб бўйича суд ҳал қилув қарори қабул қилмаганлиги ҳолатига баҳо бермасдан ҳал қилув қарорини ўзгаришсиз қолдириш ҳақида барвақт хулосага келган.

Бироқ, ИПК 302-моддаси бешинчи қисмининг 6-бандига кўра, билдирилган талаб бўйича суд ҳал қилув қарори қабул қилмаганлиги, биринчи инстанция судининг ҳал қилув қарорини ҳар қандай ҳолда бекор қилиш учун асос бўлади.

Бундан кўринадики, судлар қарор қабул қилишда билдирилган талаб юзасидан қарор қабул қилмасдан, аксинча даъво талабидан четга чиққан ҳолда қарор қабул қилиб процессуал ҳуқуқ нормасини бузган. Бу эса ноқонуний қарор қабул қилинишига сабаб бўлган.

Шу боис Олий суднинг Иқтисодий ишлар бўйича судлов ҳайъати
тафтиш инстанцияси суд қарорларини бекор қилган.

Эътибор қаратиш лозим бўлган нуқта шундаки, юқорида кўрган мисолимиздаги каби судларда баъзида шу каби адашмовчиликлар бўлиб қолиши мумкин. Шу сабабдан ишларни судда кўриш чоғида ҳар бир моддий ва процессуал ҳуқуқ нормаларининг қўлланилишига алоҳида эътибор қаратиш лозим ҳисобланади.

П/с.: Бўлмаса ютиш имкони бор ишларни ҳам сабабсиз ютқизиб қўйилиши ёки катта миқдорда суммаларга тушиб тарафлар емаган сомсасига пул тўлашига тўғри келиши мумкин.

@yurist_zukhurov

Бугун Сенатнинг ялпи мажлисида биққанча қонунчиликка ўзгартириш киритишни кўзда тутувчи норматив ҳужжатлар маъқулланди. Президентга юборилди

1. Маст ҳайдовчиларга жарима миқдори оширилиб, такрорий ҳолатда 3 йилгача озодликдан маҳрум қилиш жазоси белгиланмоқда

Сенаторлар бу ҳақдаги қонунни маъқуллади.

Қонунга кўра, транспорт воситасини маст ҳолда бошқарганлик учун белгиланган жарима базавий ҳисоблаш миқдори 40 баравар (15 млн сўм) этиб белгиланди. Бунга қадар 25 баравар эди.

Ушбу ҳолат такроран содир этилганда, ҳайдовчи жиноий жавобгарликка тортилиб, унга нисбатан 3 йилгача ҳайдовчилик ҳуқуқидан маҳрум қилиш, 2 йилдан 3 йилгача ахлоқ тузатиш ишлари ёки 2 йилдан 3 йилгача озодликдан маҳрум қилиш жазоси тайинланади.

2. Ҳуқуқни муҳофаза қилувчи орган ходимларини видео ёки фотога олиб интернетга қўймаслик бўйича чекловлар ўрнатилмоқда.

Унга кўра, ҳуқуқни муҳофаза қилувчи органлар ходимларининг жамоат хавфсизлигини таъминлаш бўйича хизмат вазифаларини бажараётган пайтда олинган фото ёки видеотасвирни уларни обрўсизлантиришга олиб келадиган тарзда бузиб тарқатганлик, шу жумладан интернетда тарқатганлик учун маъмурий жавобгарлик белгиланади. Мазкур ҳуқуқбузарлик учун жарима миқдори 20 баравардан 50 бараваргача этиб белгиланди.

3. “Ўзбекистон Республикаси фуқароларини, чет эл фуқароларини ҳамда фуқаролиги бўлмаган шахсларни яшаш жойи ва турган жойи бўйича рўйхатдан ўтказиш тўғрисида”ги Қонун кўриб чиқилди. Мазкур қонуннинг қабул қилиниши билан прописка тизими тўлиқ бекор бўлади.

@yurist_zukhurov

Шок маълумотлардан бири, Ўзбекистондаги қарзга чалинишнинг ёшлар ўртасида жуда катта тарқалишидир. 2023 йилдаги тадқиқотларга кўра, ёшларнинг 40% дан ортиғи микрокредитларни олиш орқали қарзга ботган. Уларнинг кўпчилиги, қарзни иш ёки ижтимоий мақсадлар учун олишган, лекин тўлаш бўйича фоиз ва шартлар ҳақида тўлиқ тушунчаларга эга эмаслар.

Бундан ташқари, Ўзбекистонда кўпинча кредитларнинг фоизи жуда юқори бўлиб, қарз олувчиларнинг узоқ муддатли фоизлардан қочиб кетиш имконияти йўқ. Масалан, микрокредитлар ва кредит карталарининг фоиз ставкалари 30% ва ундан юқори бўлиши мумкин, бу эса қарзни тўлаш учун жуда катта йўллар ва вақт талаб қилади.

Шунингдек, аҳолининг қарзга ботган қисми аниқ кўрсаткичларга эга, чунки бугунги кундаги қарзларнинг энг катта қисми уй-жой ва автомобиллар учун эмас, балки кундалик эҳтиёжлар ва тезкор харидлар учун олинган. Бу қарзлар оилавий бюджетда катта иқтисодий тартибсизликларга олиб келади ва айни пайтда одамларнинг ижтимоий ҳолатига ҳам таъсир кўрсатади.

Ниҳоят, Ўзбекистонда қарзга чалиниш билан боғлиқ қонунлар ва ҳуқуқий кафолатлар бўлишига қарамасдан, кўпинча қарз олувчилар ўз ҳуқуқларини билмасдан ва уларнинг аҳамиятини тушунмасдан қарзларни олишади, бу эса оилавий ва ижтимоий қийинчиликларга олиб келади.
Манба

@yurist_zukhurov