Юрист блогер /расмий канал

❗️БУГУН БАРЧА ҲОДИМЛАР БИР СОАТ ВАҚТЛИРОҚ УЙЛАРИГА КЕТИШЛАРИ МУМКИН!

📃Меҳнат кодексининг 187-моддасига асосан,

➖ байрам (ишланмайдиган) кунлар арафасида кундалик иш муддати барча ҳодимлар учун камида бир соатга қисқартирилади деб белгиланган.

✅ Эртага 8 март, — хотин-қизлар байрами, дам олиш куни сифатида белгиланган кун. Бугун 7 март, демак бугун барча ҳодимлар ишдан 1 соат эртароқ уйларига қайтишлари мумкин.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

⚡️МУҲИМ

❗️ХОТИН-ҚИЗЛАР ВА ЁШЛАРГА 33 МИЛЛИОН СЎМГАЧА ТАЪМИНОТСИЗ КРЕДИТ БЕРИЛАДИ

📄 Президентнинг 13.10.2020 йил кунги ПҚ-4862-сон қарорига асосан,

➖ тадбиркорлик ташаббусига эга жисмоний шахслар, шу жумладан ёшлар ва хотин-қизларга ўз бизнесини ташкил этиш учун ҳамда белгиланган тартибда давлат рўйхатидан ўтган кичик тадбиркорлик субъектларига 33 миллион сўмгача бўлган миқдордаги микрокредитлар таъминотсиз ажратилиши кўрсатилган. Фақат талабгор шахслар нодавлат таълим ташкилотлари, профессионал таълим муассасалари, Бизнес ва тадбиркорлик олий мактаби ҳамда унинг ҳудудий филиаллари махсус сертификатини олган бўлишлари талаб этилади

✅ Ушбу таъминотсиз кредитлар «Микрокредитбанк» АТБ хамда АТ Халқ банки томонидан хар бир талабгорга 33 миллион сўмгача бўлган миқдорда берилади.

✏️ Ушбу ва бошқа турдаги имтиёзли кредитларни олиш, кредитни қайтариш, кредит тарихи билан боғлиқ муаммоли ҳолатлар хамда бошқа шу каби ҳуқуқий саволларингиз бўлса қуйида бизга ёзиб қолдиришларинг мумкин!


Савол юбориш  👇
@yuristdan_javob_bot

Каналга уланиш 👇
             @Yurist_Blogerr

❗️ЎЗИНИ ЎЗИ БАНД ҚИЛГАН ШАХСЛАРНИНГ НОРМАТИВ ДАРОМАДИ ҚАНДАЙ АНИҚЛАНАДИ ?

⚡️САВОЛ;
Мен ижтимоий нафақа олиш учун Солиқ органига тўлов қилиб ўзини ўзи банд қилдирганлар рўйхатига киритилсам, шунда менга ҳар ойлик қанча норматив даромад ёзилади ?

⚡️ЖАВОБ;
Ҳукуматнинг 654-сон қарори билан тасдиқланган Низомда,

➖ ўзини ўзи банд қилган фуқароларнинг даромадлари миқдорини аниқлашда даромад аниқланаётган даврда меҳнатга ҳақ тўлаш энг кам миқдори (Ҳозирги кунда 1 155 000 сўм)нинг икки баравари (2 310 000 сўм) миқдорига тенг бўлган бир ойлик ўртача норматив даромад миқдори қабул қилинади деб белгиланган.

✏️ Яъни, Сиз ўзингизни банд қилиш орқали ҳар ойда манашу 2 310 000 сўм даромад топаётган шахсга айланасиз. Сиз ўзини ўзи банд қилганликдаги фаолиятингиз натижасида амалда қанча даромад топаётганингиздан қатъий назар Сизни бир ойлик норматив даромадингиз манашу суммага тенглаштирилади.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️ҲОЗИРГИ ОДАМЛАР СОДДА ЭМАС..

✏️ Бир куни толиби илм устози пиру комилдан сўрабди: « Устоз, Роналдо билан Месси ҳамма жойда бирга гапирилади, айтингчи улар ака-уками ?» Шунда устоз: «Йўқ бўтам йўқ. Бу икки боксчининг бир-бирига умуман алоқаси йўқ» деб жавоб берган экан.

➖ Қизиғи шундаки, ўшанда шогирт устозининг жавоби тўғрилигига хаммани ишонтирмоқчи бўлган эмиш.

✏️ Гап шундаки, ҳозирги кунга келиб расмийларимиз орасида анашундай шогиртга ўхшаган, анорни олма эканлигига бошқаларни ишонтирмоқчи бўлиб юрганлар кўпайиб бораётгандек назаримда. Лекин, ҳозирги кунда одамлар ким нимани гапиряпти, нимага гапиряпти, кўзлаган мақсади нима ва қаердан олиб гапиряпти хаммасини тушунадиган даражага етиб бўлган. Агар расмийларимизнинг ўзлари ҳали буни тушунмаган бўлса ва эски анъаналарини давом эттираверса, ҳалқ орасида кулги бўлгани қолади холос...


✈️ @Yurist_Blogerr

⚡️ФУҚАРО ПЕНСИЯГА ЧИҚИШИ УЧУН ЕТАРЛИ ИШ СТАЖИГА ЭГА БЎЛМАСА НИМА БЎЛАДИ ?

📄 "Фуқароларнинг давлат пенсия таъминоти тўғрисида"ги Қонунга кўра,

➖ пенсия тайинлаш учун етарлича иш стажига эга бўлмаган шахсларга ёшга доир пенсиялар камида 7 йил иш стажи мавжуд бўлган тақдирда, бор стажга мутаносиб миқдорда тайинланади

📃 Юқоридаги қонуннинг 7-моддасига асосан, ёшга доир пенсия олиш ҳуқуқига:

➖ эркаклар — 60 ёшга тўлганда ва иш стажлари камида 25 йил бўлган тақдирда;
➖ аёллар — 55 ёшга тўлганда ва иш стажлари камида 20 йил бўлган тақдирда эга бўладилар.

✏️ Демак, иш стажи манашу 20 ёки 25 йиллик талабга жавоб бермайдиган фуқароларга ёшга доир пенсия ишлаган иш стажига мос равишда тайинланавериши мумкин. Фақат, энг кам стаж етти йилдан хам кам бўлмаслиги керак!

Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️Аёллар TBC Bank'ни танламоқда

Пул шунчаки туриши керак эмас, у — ишлаши лозим. Шунда муҳим мақсадлар учун жамғариш осонроқ бўлади. Ўзбекистонлик 61 000 эркак ва 29 000 аёл ушбу фикрни қўллаб-қувватлади ва аллақачон ўз жамғармаларини сақлаш ҳамда кўпайтириш учун TBC Bank'га омонат қўйишга қарор қилди. TBC Bank омонатларининг энг қулай томони — сиз ўз жамғармангиздан доим фойдаланиш имкониятига эга бўласиз.

Бу нима учун муҳим?
✅ Омонат жамғармаларни қадрсизланишдан ҳимоя қилади.
✅ Пул қўшимча даромад келтира бошлайди.
✅ Молиявий ҳолатингиз барқарор ўса бошлайди.

TBC UZ иловасида омонатни тўғридан-тўғри очинг, бу — тез, қулай ва фойдали.

Омонат шартлари билан бу ерда танишинг.

⚡️МУҲИМ

❗️"АЁЛЛАР ДАФТАРИ"ГА КИРИТИЛГАН ХОТИН-ҚИЗЛАРНИНГ УЙ-ЖОЙИНИ ТАЪМИРЛАШ УЧУН УЛАРГА 11 250 000 СЎМГАЧА МАБЛАҒ БЕРИЛАДИ

📃 Вазирлар Маҳкамасининг 145-сон қарори билан тасдиқланган низомга кўра,

➖ "Аёллар дафтари" рўйҳатида бўлган, боқувчиси бўлмаган эҳтиёжманд хотин-қизлар учун зарур ҳолларда, сектор раҳбари хулосаси асосида оғир турмуш шароитидаги (уй-жойи таъмирлашга муҳтож, бироқ оиласининг моддий имконияти етмайдиган) хотин-қизларнинг уй-жойини таъмирлаш ишлари олиб борилиши кўрсатилган.

➖ Қарорда хар бир уй-жойни таъмирлаш ишларига «Аёллар дафтари» жамғармаси ҳисобидан базавий ҳисоблаш миқдори (Ҳозирги кунда 375 000 сўм)нинг 30 баравари (11 250 000 сўм)гача миқдорда маблағ ажратилиши белгиланган.

✏️ Фақат ўша гап! Бизда аксарият имтиёзлар автоматик равишда қўлланилмайди. Қонунчиликдаги имтиёзларни билган билади, билмаган Тик Токда видео кўриб юраверади. Шунинг учун ўзингизга керакли имтиёзни излаб ўзингиз боришингиз керак. Имтиёз Сизни топиб келмайди...


Бепул савол-жавоб👇
        @yuristdan_javob_bot

Каналга уланиш👇
           @Yurist_Blogerr

❗️ЎЗГАЛАР ПАРВАРИШИГА МУҲТОЖ БОЛАГА ҚАРАБ ТУРГАН ШАХСГА ҲАР ОЙДА 745 000 СЎМДАН НАФАҚА БЕРИЛАДИ

📄 Президентнинг 17.02.2022 йил кунги ПФ–74-сон Фармонига асосан,

➖ Ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган боланинг қонуний вакилига ҳар ойлик нафақа тўлови (парваришлаш нафақаси) жорий этилган.

✅ Парваришлаш нафақасини тўлаш ва етказиб бериш харажатлари республика бюджети маблағлари ҳисобидан қопланади.

📄 Президентнинг 12.08.2024 йил кунги 108-сон Фармонига кўра,

➖ ҳозирги кунда парваришлар нафақасининг аниқ миқдори 745 000 сўмни ташкил қилмоқда


Бепул савол-жавоб👇
        @yuristdan_javob_bot

Каналга уланиш👇
           @Yurist_Blogerr

❗️ ҲАҚ ТЎЛАНАДИГАН МАЖБУРИЙ ЖАМОАТ ИШЛАРИГА КИМЛАР ЖАЛБ ЭТИЛИШИ МУМКИН ЭМАС ?

📃 Маъмурий жавобгарлик тўғрисидаги кодекснинг 28 прим 1-моддасига кўра,

➖ Ҳақ тўланадиган жамоат ишларига мажбурий равишда жалб этиш ҳуқуқбузарни ижтимоий фойдали жамоат ишларини бажаришга мажбурий равишда жалб этишдан иборат бўлиб, у судлар томонидан саккиз соатдан икки юз қирқ соатгача бўлган муддатга тайинланади.

✅ Ҳуқуқбузарлар ҳақ тўланадиган жамоат ишларини ўташи мумкин бўлган жойлар (объектлар) ва ҳақ тўланадиган жамоат ишларининг турлари мазкур жазонинг ижросини назорат қилувчи органлар — ички ишлар органларининг пробация бўлинмалари томонидан белгиланади.

❗️Ҳақ тўланадиган жамоат ишлари пенсия ёшига етган шахсларга, ўн саккиз ёшга тўлмаган шахсларга, ҳомиладор аёлларга, уч ёшга тўлмаган болалари бор аёлларга, биринчи ва иккинчи гуруҳ ногиронлиги бўлган шахсларга, доимий ишга эга шахсларга, ҳарбий хизматчиларга нисбатан қўлланилмайди.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

⚡️МУҲИМ

❗️УЙ-ЖОЙ УЧУН СУБСИДИЯ АЖРАТИШ ҚАНДАЙ ҲОЛЛАРДА РАД ҚИЛИНАДИ ?

📃 Вазирлар Маҳкамасининг 182-сон қарори билан тасдиқланган низомга асосан,

➖ қуйидаги ҳолларда ариза берувчига субсидия ажратиш рад этилади:

❌ тақдим этилган аризада кўрсатилган маълумотлар ижтимоий мезонларга мос келмаганда;

❌ тақдим этилган маълумотлар нотўғри ёки сохта бўлганда; (Бунда ариза кўриб чиқиш жараёнига ўтказилмайди ва автомат равишда рад этилади.)

❌ илгари ипотека кредитлари бўйича субсидиядан фойдаланган (аввал олинган субсидияли ипотека кредитини сўндирган ва уй-жойни бошқа шахсга бегоналаштириб юборилган тақдирда ҳам) ариза берувчи шу жумладан турмуш ўртоғи такрорий мурожаат қилганда;

❌ жорий йилда ҳудуд учун ажратиладиган субсидия сони тугаганда;

❌ ойлик даромад белгиланган нормадан кам ёки кўп бўлганида;

❌ аризани кўриб чиқишда ариза берувчининг турмуш ўртоғи томонидан аввал топширилган ва кўриб чиқиш жараёнида бўлган ариза аниқланганда.

❗️Юқорида кўрсатилмаган бошқа асослар бўйича субсидия ажратиш рад этилишига йўл қўйилмайди.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️ИШ ҲАҚИНИ УНДИРИШ БЎЙИЧА ДАЪВО МУДДАТИ ҚАНЧА ?

⚡️САВОЛ:
Мен ўзим ишлаб келаётган ташкилотда 2024 йилнинг декабрь хамда 2025 йилнинг январь ойлари учун иш ҳақимни ололмадим. Энди мен суд тартибида ойлигимни ундириб олмоқчиман. Саволим шуки, қонунчиликка кўра, иш ҳақини ундириш бўйича судга даъво қилиш муддати қанча ?

⚡️ЖАВОБ:
Меҳнат кодексининг 560-моддасида,

➖иш ҳақини ундириш юзасидан даъволар бўйича — ходим ўзининг ҳуқуқи бузилганлиги тўғрисида билган ёки билиши керак бўлган кундан эътиборан олти ойлик муддат амал қилиши белгиланган.

❗️Сиз ушбу 6 ойлик муддат ичида судга даъво қилиб нафақат ўша икки ойлик иш ҳақингизни, балки Меҳнат кодексининг 333-моддасида белгиланган тартибда ойлигингизни кечиктирилган ҳар бир куни учун Марказий банкнинг ўша вақтдаги қайта молиялаш ставкасининг ўн фоизи миқдорида пуллик компенсация билан биргаликда иш берувчидан ундириб олишингиз мумкин.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

⚡️ ДИҚҚАТ

❗️ ИПОТЕКА КРЕДИТИ БЎЙИЧА СУБСИДИЯГА АРИЗА ТОПШИРИШ МУДДАТИ ҚАЧОНГАЧА ДАВОМ ЭТАДИ ?

⚡️ САВОЛ;
Бугундан уй-жой учун бериладиган субсидияга аризалар қабули бошланганидан ҳабарим бор, лекин мен оилавий муаммоларим сабабли бугун ариза топшира олмадим. Саволим шуки, ушбу субсидия учун ариза топшириш яна қанча вақт давом этади ?

⚡️ЖАВОБ;
Президентининг 21.02.2025 йилдаги ПФ-26-сон фармонида,

➖ ипотека кредитлари бўйича субсидиялар ажратиш юзасидан аризалар тасдиқланган параметрлар доирасида 2025 йил 3 мартдан 1 ноябрга қадар қабул қилинади деб кўрсатилган.

✏️ Мазкур асосга кўра, уй-жойга субсидия олиш учун аризаларни қабул қилиш 2025 йилнинг 3 мартидан бошлаб 1 ноябрга қадар давом этиши керак.

✏️ Лекин, бир ҳолатга эътиборли бўлиш лозим! Ипотека кредитлари бўйича субсидиялар чекланмаган миқдорда ажратилмайли. Ушбу субсидиялар ҳудудлар кесимида ва белгиланган лимитлар доирасида ажратилади. Ҳозирги шароитда уйларнинг баҳоси бебаҳо бўлганлиги сабабли нақд пулга уй сотиб олиш учун жуда кўпчилигимизни имкониятимиз етмайди. Шу боис аҳоли орасида мазкур субсидияга эҳтиёж баланд. Эҳтиёж баландми, демак аризалар қабули 1 ноябргача давом этмайди. Сиз яшаб келаётган ҳудуд учун белгиланган анашу лимитлар бугун тугаса бугун, эртага тугаса эртага ариза қабул қилиш тўхтатилиши мумкин.

✏️ Шунинг учун бугун оилада муаммо чиқарган турмуш ўртоғингизга қараб, — "Мени тушун, азизам тушун, уй олмасам бўлмайди, оиламиз учун" денгда, эртага биринчи навбатда ариза топширгани боринг!


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️УЙ-ЖОЙ УЧУН СУБСИДИЯ ОЛИШГА ОЙЛИК ДАРОМАД ҚАНЧА БЎЛИШИ КЕРАК ?

📃Қонунчиликка кўра, субсидия орқали уй-жой олмоқчи бўлган талабгор шахс ёки оиланинг қонунчилик ҳужжатларига мувофиқ аниқланиши мумкин бўлган ўртача ойлик даромадлари миқдори:

➖ Қорақалпоғистон Республикаси ва вилоятларда меҳнатга ҳақ тўлаш энг кам миқдори (Ҳозирги кунда 1 155 000 сўм)нинг 2,7 баравари (3 118 500 сўм)дан 8 баравари (9 240 000 сўм)гача;

✅ Тошкент шаҳрида 2,7 баравари (3 118 500 сўм)дан 9,2 баравари (10 626 000 сўм)гача бўлиши талаб этилади.

✏️ Субсидия орқали уй олмоқчи бўлган талабгор шахс ёки оила қайси ҳудудда яшашидан қатъий назар, уларнинг даромади бир ойда энг камида юқоридаги 3 118 500 сўмдан кам бўлмаслиги керак.


Бепул савол-жавоб ⬇️
       @yuristdan_javob_bot

Каналга уланиш 📥
                  @Yurist_Blogerr

⚡️ ДИҚҚАТ

❗️БУГУНДАН УЙ-ЖОЙ УЧУН СУБСИДИЯГА АРИЗАЛАР ҚАБУЛИ БОШЛАНДИ

📃 Президентнинг 21.02.2025 йил кунги ПФ-26-сон Фармонида

✔️ Ипотека кредитлари бўйича субсидиялар тўлашнинг тасдиқланган мақсадли кўрсаткичлари доирасида аризаларни бугун, яъни 3 март куни соат 09:00 дан бошлаб жўнатиш мумкинлиги белгиланган.

➖ Аризаларни Давлат хизматлари марказларига борган ҳолда ёки Ягона портал (my.gov.uz) орқали ўзингиз уйда ўтириб топширишингиз мумкин.

✏️ Мазкур маълумотни барча танишларингизга юбориб қўйинглар! Агар ушбу масалада кимда қўшимча саволлар бўлса қуйида бизга ёзиб қолдиришлари мумкин!


Бепул савол-жавоб 👇
       @yuristdan_javob_bot

Каналга уланиш 👇
                  @Yurist_Blogerr

⚡️ ЭЪТИБОРСИЗ БЎЛМАНГ!

❗️ Кўчмас мулкка бўлган ҳуқуқни давлат рўйхатидан ўтказиш учун ўз вақтида мурожаат этмаганлар 3 750 000 сўмгача жаримага тортилиши мумкин!

📄 Маъмурий жавобгарлик тўғрисидаги кодекснинг 68 прим 1-моддасига кўра,

➖ кўчмас мулкка бўлган ҳуқуқларни давлат рўйхатидан ўтказишни амалга оширувчи органга ер участкасига, бино ва иншоотга бўлган ҳуқуқни давлат рўйхатидан ўтказиш учун ўз вақтида мурожаат этмаслик, — фуқароларга базавий ҳисоблаш миқдорининг ўн баравари (3 750 000 сўм), мансабдор шахсларга эса — ўн беш баравари миқдорида жарима солишга сабаб бўлади.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️ ҲЕЧ КИМ "АЁЛЛАР ДАФТАРИ"ДАН ШУНЧАКИ ЧИҚАРИБ ЮБОРИЛМАСЛИГИ КЕРАК !

✏️ Кўпчилик аёллар, мен "Аёллар дафтари"га киритилган эдим менга ҳеч қандай ёрдам кўрсатмасдан дафтардан чиқариб юборди деб бизга мурожаат қилишади. Ҳош, аслида "Аёллар дафтари" дан чиқариш асослари қандай ?

📄 Вазирлар Маҳкамасининг 145-сон қарори билан тасдиқланган низомга асосан,

➖ хотин-қизлар қуйидаги ҳолларда «Аёллар дафтари»дан чиқарилиши мумкин;

✅ ҳар бир тоифа бўйича белгиланган амалий ёрдамлар тўлиқ кўрсатилганда (индивидуал дастур асосида);

✅ тўлиқ давлат таъминотига олинганда;

✅ ўз аризасига кўра;

✅ «Аёллар дафтари»га ноқонуний киритилганлиги аниқланганда;

✅ бошқа давлатларга доимий яшаш учун чиқиб кетганда;

✅ суднинг озодликдан маҳрум этишни назарда тутувчи ҳукми қонуний кучга кирганда;

✅ шахс вафот этган тақдирда ёки суд қарори асосида бедарак йўқолган деб топилганда.

❗️Низомда «Аёллар дафтари»га киритилган хотин-қизларнинг индивидуал дастурга киритилган масалалари тўлиқ ҳал этилгунга қадар уларни «Аёллар дафтари»дан чиқаришга йўл қўйилмайди деб кўрсатилган. Яъни, кимдир бу дафтарга киритилдими, унга қандайдир йўналишда амалий ёрдам берилиши шарт дегани бу.

✏️ Агар кимдадир бу каби дафтарларга киритишда ёки дафтарлардан чиқариш жараёнида ноқонуний ҳолатлар кузатилган бўлса қуйида бизга ёзиб қолдиринг!


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️БОҚУВЧИСИНИ ЙЎҚОТГАН ХОТИН-ҚИЗЛАР БОҒЧА ПУЛИДАН ОЗОД ЭТИЛГАН

📃 ПФ-87-сон Президент Фармонига асосан,

⚡️ Боқувчисини йўқотган хотин-қизлар учун:

✅ фарзандлари учун давлат боғчаларига тўланадиган ота-оналар бадалидан озод қилиниши;

✅ 3 ёшгача фарзандлари учун нодавлат боғчаларга бюджетдан субсидиялар ажратилиши белгиланган.


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️ ОИЛАДА ИШСИЗ ШАХС БЎЛСА ЎША ОИЛАГА БОЛА ПУЛИ БЕРИЛМАЙДИМИ ?

⚡️ САВОЛ;
Мен болалар нафақасини олиш учун ариза берсам оилангизда расмий даромадга эга бўлмаган шахс борлиги учун деб аризам рад қилиняпти. Қонунчилик бўйича шундай бўлиши тўғрими ?

⚡️ ЖАВОБ;
Ҳукуматнинг 654-сон қарори билан тасдиқланган Низомда келтирилишича,

➖ оилада расмий даромад манбаларига эга бўлмаган ва охирги олти ой мобайнида иш излаб камбағалликни қисқартириш ва бандликка кўмаклашиш органларига мурожаат қилмаган ҳамда камбағалликни қисқартириш ва бандликка кўмаклашиш органларида ҳисобда турмаган, ўзини ўзи банд қилган шахслар рўйхатига киритилмаган ёки ҳақ тўланадиган жамоат ишлари иштирокчиси ҳисобланмаган меҳнатга лаёқатли оила аъзоси мавжуд бўлганда ўша оилага болалар нафақаси тайинланиши рад қилинади деб кўрсатилган.

✏️ Расмий даромад қандай бўлади? Расмий даромад Сиз ишлаётган ташкилотда Сизга меҳнат дафтарчаси юритиладиган ва ишлаган вақтингиз меҳнат стажингизга қўшиладиган иш орқали олган даромадингиз расмий даромад хисобланади


Бепул савол-жавоб 👇
@yuristdan_javob_bot

Каналга уланиш 👇
             @Yurist_Blogerr

❗️ ДИҚҚАТ

✅ ҲУРМАТЛИ ОБУНАЧИЛАР! БУГУН 20:00 ДА НАВБАТДАГИ ЮТУҚЛИ ЎЙИНИМИЗГА СТАРТ БЕРАМИЗ

➖ Ҳабарингиз бор, яқин кунлардан бери мазкур каналимиз обуначилари орасида ютуқли ўйин ташкил қилиб келмоқдамиз. Бугун анашундай ютуқли ўйинимизнинг навбатдаги босқичига соат 20:00 да старт берамиз ва ўйинимиз 22:30 га қадар, яъни икки ярим соат давом этади. Анашу вақт давомида ўйинимиз шартини қайси иштирокчи хаммадан яхши бажарса ўша иштирокчи ғолиб деб топилади ва ғолиб учун белгиланган пул ютуғини қўлга киритади

🛎 Ютуқли ўйинимизга қизиқиш билдирмаган бошқа обуначиларимизни зериктириб қўймаслик учун биз 👉 https://t.me/yurist_yutuqli_oyin 👈 гуруҳини ташкил қилганмиз ва ютуқли ўйинимизда иштирок этмоқчи бўлганларни ушбу гуруҳимизга уланишларини тавсия қиламиз. Ўйин шартлари ва бугунги пул ютуғи миқдори ҳақидаги маълумотларни хам ушбу 👉 https://t.me/yurist_yutuqli_oyin 👈 гуруҳимизга кириб билиб олишингиз мумкин!!!

📱 @Yurist_Blogerr