Yurisprudensiya

Bugun xalqaro talabalar kuni

Talabalik bu nafaqat o‘qish yoki imtihonlar, balki orzularni amalga oshirish uchun boshlang‘ich nuqta, hayotga dadil qadam tashlash davri.

Har biringizda alohida iste’dod, kuch va imkoniyat bor. Bugungi mehnatingiz ertangi kuningizni, shuningdek, Vatanimiz kelajagini belgilaydi. Qiyinchiliklardan cho‘chimang, xatolarni saboq deb qabul qiling va o‘z maqsadlaringiz sari dadil harakat qiling!

Sizning o‘z ustingizda qilayotgan mehnatingiz nafaqat shaxsiy hayotingizni, balki atrofingizdagi insonlar hayotini ham yaxshilaydi. Har kuni yangi bilimlar, yangi imkoniyatlar uchun yo‘l ochadi.

Talabalik kunlaringiz zavqli va unutilmas bo‘lsin! Omad, ilhom va chinakam yutuqlar tilayman!

Kanalga a'zo bo'lish uchun
👉 Yurisprudensiya

⚡️ Sovrinlarning umumiy qiymati 40 mln soʻmlik tanlov

🇺🇿 “Huquq bilimdonlari - Umummilliy Konstitutsiya imtihoni” oʻtkaziladi

📝 Oʻzbekiston Respublikasi Konstitutsiyasining 32 yilligi munosabati bilan Adliya vazirligi va TDYUUning Maqsadli kapital (Endowment fund) jamoat fondi hamkorligida Huquq bilimdonlari - Umummilliy Konstitutsiya imtihoni oʻtkaziladi.

❗️Tanlovda ishtirok etish uchun @huquqbilimdonibot telegram botini ishga tushirishingiz lozim.

🔰 Gʻoliblar quyidagi miqdorda ragʻbatlantiriladi:
3️⃣-oʻrin 8 mln soʻm;
2️⃣-oʻrin 12 mln soʻm;
1️⃣-oʻrin 20 mln soʻm.

Imtihonda qatnashib bilimingizni sinovdan oʻtkazing va gʻolib boʻling!

Kanalga a'zo bo'lish uchun
👉 Yurisprudensiya

Hozirgi kunda O‘zbekistonda 1 milliondan ortiq talaba bor ekan, tasavvur qilyapsizmi? Bu degani, bir necha yildan keyin 1 millionta mutaxassis yetishib chiqadi. Endi tasavvur qiling, shu 1 million nafar odamning har biriga o‘z mutaxassisligi bo‘yicha ish topib berish kerak...

Yo biliming, yoki ..... bo'lishi kerak)

Kanal a'zo bo'lish uchun
👉 Yurisprudensiya

Kontrakt narxlari juda baland, odamlarning real daromadiga mos emas. Bu ahvol ko‘pchilikni ta’lim olish huquqidan mahrum qilmoqda. Ta’lim olish faqat boylar uchun emas, har bir inson uchun bo‘lishi kerak! Bolalikdan orzu qilgan o‘qish joyida pul yetmagani uchun o'qiy olmaslik naqadar og‘ir ekanini tasavvur qilasizmi? Kontrakt summasini adolatli qilib belgilash va har kimga o‘z kelajagini qurish imkonini berish shart!

Kanalga a'zo bo'lish uchun
👉 Yurisprudensiya

Talabalarga, kontrakt bo‘ladimi yoki grant, baribir stipendiya berilishi shart

Nega? Chunki ta’lim olish xarajati kun sayin oshyapti, stipendiyalar esa 3 yildan beri ko‘tarilmayapti. Talabalar kitob, yo‘lkira, yotoqxona, ovqatlanish uchun katta xarajat qilmoqda. Bugungi kunda ko‘pchilik talabalar darsdan tashqari ishlashga majbur, chunki stipendiya miqdori nafaqat yetarli emas, hattoki yo‘q!

Kontrakt asosida o‘qiydiganlar o‘zlari to‘layotgan katta summaga qaramay, davlat tomonidan qo‘llab-quvvatlanmayapti. Grand asosida o‘qiydiganlarning esa stipendiyasi oldingidek juda past. Bu esa nafaqat ularning o‘qish sifati, balki kelajakdagi ijtimoiy va kasbiy imkoniyatlariga ham ta’sir qiladi.

Davlat ta’limni rivojlantirishni xohlasa, barcha talabalarga stipendiya berishi va uning miqdorini oshirishi shart. O‘z bilimiga, vaqtiga va mehnatiga sarmoya kiritayotgan yoshlar moliyaviy jihatdan qiynalmasligi kerak!

Ta'limdan daromad qilish yoki iqtisod qilishni maqsad qilish yaramaydi. Bu yondashuv tufayli yoshlarning ta’lim olish imkoniyatlari cheklanadi, bu esa kelajakda jinoyatchilikning oshishiga olib kelishi mumkin. Hozirgi kunda tergov izolyatorlarining to‘lib borayotganini ko‘rib turibmiz, bu yoshlarning ta’lim olish va munosib yashash imkoniyati yetishmayotganining natijasi.

Kanalga a'zo bo'lish uchun
👉 Yurisprudensiya

Yuridik markazlardagi doʻstlarimizga!

Adliya boʻlimlari tarkibidagi Yuridik markazlarda faoliyat yuritayotgan aka-ukalarimga maslahat, hushyor boʻling.

Mehnat shartnomasini bekor qilishga oid notoʻgʻri buyruqlarni “oʻtkazib yuboryapsiz”.

Achchiq boʻlsa ham aytaman, ana shu xato buyruqlar ortidan chiqadigan ishga tiklashga oid sud qarorlarining undiruvlar qismiga siz ham javobgarsiz.

Boshqa buyruqlar loyihalarida yetti oʻlchasangiz, ishdan boʻshatishga oid buyruqlarini yuridik koʻrikdan oʻtkazishda, YETMISH OʻLCHAB BIR KESING.

Nizoli buyruqlar loyihalari kelganda “tezlashtirib beringlar” deydiganlarga “poshyol” deng kerak boʻlsa.

©yuristkadr

Kanalga a'zo bo'lish uchun
👉 Yurisprudensiya

Mansab soxtakorligi haqida

Mansab soxtakorligi – bu davlat idoralari yoki mahalliy tashkilotlarda ishlaydigan mansabdor shaxslarning rasmiy hujjatlarni ataylab noto‘g‘ri yoki soxta ma’lumotlar bilan to‘ldirishi yoki bunday soxta hujjatlarni yaratib, ulardan foydalanishidir.

Bu kabi harakatlar:
- Shaxsiy manfaat uchun amalga oshiriladi (pul, lavozimga erishish yoki boshqalarni aldash).
- Fuqarolarning huquqlari yoki davlat manfaatlariga zarar yetkazadi.

Masalan, mahalla fuqarolar yig‘inlarida (MFYlarda) hujjatlarni soxtalashtirish holatlari ko‘p uchraydi. Bu quyidagicha bo‘lishi mumkin:
- Fuqaro yashamagan manzilda "yashaydi" deb ko‘rsatish.
- Yolg‘on ma’lumotlar asosida moddiy yordam yoki imtiyozlar ajratish.
- Huquqiy hujjatlarni tasdiqlashda qalbakilashtirish.

Jazo choralari (O‘zbekiston JK 209-moddasiga asosan):

Jarima: 37,5 mln. so‘mdan 112,5 mln. so‘mgacha (bazaviy hisoblash miqdorining 100-300 baravari).
Majburiy jamoat ishlari: 360 soatgacha.
Ozodlikdan cheklash: 1 yildan 2 yilgacha.
Ozodlikdan mahrum qilish jazosi: 3 yilgacha.

Kanalga a'zo bo'lish uchun
👉 Yurisprudensiya

Odamlar fikri emas, hayotning qadri muhim

Bir kun kelib, bu dunyodan ketamiz. O'shanda oila a'zolaringizdan boshqa deyarli hech kim uchun bu voqea biror katta o'zgarish qilmaydi, ko'pchilik hayotini odatdagidek davom ettiradi. Do'stlar, tanishlar, hamkasblar va boshqa odamlar bir-ikki eslashar, ehtimol, achinishar.

Atrofdagi odamlar siz haqingizda nima o’ylayapti, qanday baho berayapti deb o’zingizni qiynab yurishga hech qanday asos yo'q. Hayotingizni o'z qadriyatlaringizga, o'zingiz uchun muhim bo'lgan narsalarga asoslangan holda yashang. O'zingizni o'zingiz uchun isbotlang, boshqalar uchun emas.

Odamlarning fikri – keladi va ketadi, lekin siz yashayotgan lahzalar, qadrli xotiralar – mana shular muhimdir.

Kanalga a'zo bo'lish uchun
👉 Yurisprudensiya

Alkogol iste'mol qilib, mashina haydaydiganlarni kamida 3-4 yilga haydovchilik huquqidan mahrum qilib, qaytadan imtihon topshirganidangina prava berish kerak. Shunday qilinsa, balki biroz hushyor yurishar.

Kanalga a'zo bo'lish uchun
👉 Yurisprudensiya

Huquqni muhofaza qilish organlarida ishlashning o'ziga xos ijobiy va salbiy tomonlari bor

Ijobiy jihatlari: Bu kasb obro'-e'tiborga ega, jamiyatda hurmat bilan qarashadi. Oyliklar o'z vaqtida beriladi, 7-15 million so'm atrofida bo'ladi va ijtimoiy himoya yaxshi. Shuningdek, lavozim va unvonlar bo'yicha ko'tarilish imkoniyatlari mavjud, shaxsiy rivojlanish uchun yaxshi sharoit yaratiladi.

Salbiy jihatlari: Ish vaqti ba'zan chegaralanmagan – hafta davomida 40 soat emas, ikki kunda 40 soat ishlashga to'g'ri kelishi mumkin. Doimiy nazorat va javobgarlik, shuningdek, tinimsiz stress hamroh bo'ladi. Bu esa ruhiy va jismoniy salomatlikka ta’sir qilishi mumkin.

Umuman olganda, bu soha barqarorlik, daromad va hurmatni ta'minlaydi, lekin kuchli mehnat, sabr va mas'uliyatni talab etadi.

Kanalga a'zo bo'lish uchun
👉 Yurisprudensiya

Davlat xavfsizlik xizmatida (DXX) ishlash uchun quyidagi asosiy talablar keltirilgan:

1. Oliy ma'lumot: DXXga ishga kirish uchun oliy ma'lumot talab qilinadi. Ko'pincha yuridik, xalqaro munosabatlar, iqtisodiyot, axborot texnologiyalari, harbiy fanlar, xorijiy tillar yoki boshqa tegishli sohalardagi mutaxassisliklar afzal hisoblanadi (harbiy xizmatni o'tagan bo'lishi kerak)

2. Maxsus tayyorgarlik: Nomzodlar maxsus tayyorgarlikdan o'tishi kerak. Bu tayyorgarlik DXXning o'ziga xos talablari va faoliyat yo'nalishlariga mos keladi. Unda jismoniy tayyorgarlik, maxfiy ma'lumotlar bilan ishlash qobiliyati va xavfsizlik choralariga rioya qilish ko'nikmalari rivojlantiriladi.

3. Jismoniy va psixologik tayyorgarlik: DXXning ko'p vazifalari yuqori jismoniy va psixologik chidamlilikni talab qiladi. Nomzodlar tibbiy va psixologik ko'rikdan o'tishi lozim.

4. Qonunchilik va xavfsizlik sohasidagi bilimlar: Davlat xavfsizligi, jinoyat huquqi, konstitutsiyaviy huquq, terrorizm va ekstremizmga qarshi kurashish, hamda razvedka va kontrrazvedka faoliyatlari bo'yicha chuqur bilimlar talab qilinadi.

5. Maxfiylikni saqlash qobiliyati: DXX xodimlaridan yuqori darajada maxfiylik va davlat sirlarini saqlash qobiliyati talab qilinadi. Buning uchun maxsus ishonchlilik tekshiruvidan o'tkaziladi.

6. Tillarni bilish: O'zbek tilini mukammal bilish talab etiladi. Xorijiy tillar, ayniqsa, rus, ingliz, va boshqa strategik tillarni bilish katta afzallik hisoblanadi.

7. Xarakter va psixologik xususiyatlar: Xavfsizlik xizmati xodimlari yuqori darajadagi intizom, mas'uliyat, sinchkovlik va stressga chidamli bo'lishi kerak.

8. Ish tajribasi: Ba'zan boshqa davlat idoralarida, jumladan harbiy xizmatda yoki huquqni muhofaza qilish organlarida ishlash tajribasi afzal ko'riladi.

DXXga ishga kirish jarayoni qattiq seleksiya va ko'p bosqichli tekshiruvlarni o'z ichiga oladi, bu jarayonda har bir nomzodning yuridik, jismoniy va psixologik holati sinovdan o'tadi.

Kanalga a'zo bo'lish uchun
👉 Yurisprudensiya

Jamiyatimizda gender tengligi tamoyillariga qanchalik rioya qilinmoqda?

Menga kelgan murojaatlarning ko'p qismi noqonuniy ishdan bo'shatish yoki ishga qabul qilishni noqonuniy rad etish holatlariga bog'liq. Mehnat huquqi sohasida huquqlari eng ko'p buzilayotgan jins vakillari esa ayollardir. Homilador ayollar va uch yoshga to'lmagan bolasi bor ayollarni ish beruvchilar ko'pincha ishga qabul qilishni rad etishmoqda. Yangi qabul qilingan Mehnat kodeksining 392-moddasida homiladorligi yoki farzandlari borligi sababli ishga qabul qilishni rad etish yoki ish haqi miqdorini kamaytirishni taqiqlash belgilangan bo'lsa-da, amaliyotda ayollarning mehnat huquqlari to'liq kafolatlanmagan.

Mehnat huquqi sohasida xotin-qizlarning rolini oshirish maqsadida quyidagini taklif qilaman: mulkchilik shaklidan qat'iy nazar korxonalar, muassasalar va tashkilotlarda xodimlarning kamida 40 foizini xotin-qizlar tashkil etishini belgilovchi qonun yoki qonun osti hujjati qabul qilinishi kerak (ayrim sohalar bundan mustasno). Faqatgina shu yo‘l bilan xotin-qizlarning mehnat huquqlarini to‘liq kafolatlash imkoni yaratiladi.

Kanadaga nazar tashlasak, u yerda xotin-qizlar mamlakatdagi iqtisodiy va ijtimoiy resurslarning muhim qismi hisoblanadi. Kanadada ayollar va erkaklar o‘rtasidagi tenglik inson huquqlariga bo‘lgan yondashuvning ajralmas qismi sanaladi. Ayollar mamlakat ishchi kuchining deyarli yarmini tashkil etadi va iqtisodiyotga 18 milliard dollardan ortiq hissa qo‘shgan holda, 800 000 kompaniyaga egalik qilmoqda. Kanada ayollarining mamlakat byudjeti daromadlariga to‘laydigan soliqlari ulushi 50 foizni tashkil etadi. Advokatlar, menejerlar va buxgalterlarning 50 foizini ayollar tashkil etadi, shuningdek, universitetlarda erkaklarga qaraganda ikki barobar ko‘p ayol talaba tahsil oladi.

Kanalga a'zo bo'lish uchun
👉 Yurisprudensiya

Koʻrishguncha…  #meningadliyam

Mehnat faoliyatimdagi navbatdagi bosqichga qadam qoʻyar ekanman, yillar davomida oila aʼzolarimdek boʻlib qolgan qadrdon hamkasblarim, ustozlar, shogirdlar bilan xayrlashishga toʻgʻri kelmoqda.

Mehnat faoliyatimni adliya tizimidan boshlab, vazirlikning turli boshqarmalarida, uchta hududiy boshqarmada ishlab bir haqiqatni tushunib yetdimki, Adliya bu – shunchaki bir vazirlik yoki tizim emas, adliya bu – katta oila, adliya bu – qadriyatlarga sodiqlik, adliya bu – jamoaviy mehnat orqali birgalikda yutuqlarga erishish, demakdir.

Oʻtgan ikki yarim yil davomida turli dunyoqarashga ega, lekin mehnatsevar va bilimli hamkasblar bilan birgalikda ishladik, bir-birimizdan koʻp narsa oʻrgandik. Koʻp tajribalar orttirdik.

Aholini huquqiy bilimlarini oshirishda qiziqarli kontentlar yaratishga, huquq va manfaatlarini himoya qilishga, sidqidildan xalqimizga xizmat qilishga va adliya qadriyatlariga sodiq qolishga chin dildan harakat qildik. Bu saʼy-harakatlarimiz natijasida koʻp yutuqlarga erishdik, sinovli qiyinchiliklarni ham boshimizdan kechirdik.

Har qadamda obyektiv boʻlishga, adolat tarozisini mahkam tutishga, jamoa aʼzolarimizga samimiy va ular bilan ishlashda eskicha yondashuvlardan qatʼiy voz kechib kreativ boʻlishga harakat qildik.

Keyingi faoliyatimda ham qadriyatlarimizga sidqidildan sodiq qolib, barcha vatanini sevuvchi vatandoshlarimiz bilan samarali hamkorlikda ishlashga umid qilaman.

Rahbariyat va masʼullar oʻzgaraveradi. Biroq qadriyatlar  va talablar,masʼuliyat oʻzgarmaydi. Shunday ekan, xodimlar oʻzlarini isloh qilishda davom etib, jamiyat uchun yengilliklar yaratish yoʻlida yanada samaraliroq ishlashlari juda muhim.

Xayrlashuv chogʻida zamonaviy fikrlovchi, joʻshqin hamda serqirra bilimga ega hamkasblarimizga birgalikdagi faoliyat uchun chuqur minnatdorchilik bildiraman.

Farg'ona viloyat Adliya boshqarmasi boshlig'i Abdummanop Buriev

Ma'lumot uchun, Akmal Buriyev bir mandatli saylov okruglari boʻyicha Qonunchilik palatasiga deputat etib saylangan

Kanalga a'zo bo'lish uchun
👉 Yurisprudensiya

⚡️ Davlat xavfsizlik xizmati akademiyasiga nomzodlarni saralash test sinovlari

📆 Amir Temur nomidagi O‘zbekiston Respublikasi Davlat xavfsizlik xizmati akademiyasiga nomzodlarni saralash uchun test sinovlari 2024-yil 17-noyabr kuni o‘tkaziladi.

Test sinovlari 1 smenada tashkil etilib, 10:00 dan 13:00 ga qadar bo‘lib o‘tadi.

📚 Test sinovlari ona tili (o‘zbek, rus, qoraqalpoq), matematika, O‘zbekiston tarixi va chet tili fanlaridan o‘tkaziladi.

⏳ Bunda nomzodlarga jami 90 ta test topshirig‘i va ularni ishlash uchun javoblar varaqasini to‘ldirish bilan birga 3 soat (har 30 ta test topshirig‘iga 1 soat) vaqt ajratiladi.

📌 Test sinovida to‘plash mumkin bo‘lgan maksimal ball – 249 ballni tashkil etadi.

👨🏻‍💻 Nomzodlar test sinovida ishtirok etish uchun ruxsatnomani Bilimni baholash agentligining my.uzbmb.uz saytidan onlayn tarzda yuklab olishlari mumkin.

❕ Nomzodlar test sinovi o‘tkaziladigan hududga ruxsatnomada belgilangan vaqt (soat 08:30)dan kechikmasdan shaxsini tasdiqlovchi hujjat (pasport yoki ID-karta) va ruxsatnoma bilan kelishlari lozim.

Kanalga a'zo bo'lish uchun
👉 Yurisprudensiya

Ijtimoiy tarmoqlarda tanqidiy post joylashtirayotganda yoki tanqidiy fikr bildirayotganda quyidagilarga e'tibor berishingiz lozim, aks holda ma'muriy (jinoiy) javobgarlikka tortilishingiz mumkin:

Hech qachon hech kimni haqorat qilmang, shaxsni obro‘sizlantiruvchi yolg‘on ma’lumot tarqatmang (agar fikringiz aniq dalillarga asoslangan bo‘lsa, qo‘rqmasdan bildiring), tuhmatdan saqlaning. Masalan, Kobul Dusov o‘zining ijtimoiy tarmoqdagi sahifasida Maktabgacha va maktab ta’limi vaziri o‘rinbosarini haqorat qilgani uchun hozirda sud jarayonlari olib borilmoqda.

Shunday ekan, tanqid qilish ham bir san’at.

Kanalga a'zo bo'lish uchun
👉 Yurisprudensiya

2024-yilda boshqa ish haqi va pensiyalar oshirilmaydi, chunki yaqin orada saylov yoki yirik siyosiy jarayonlar rejalashtirilmagan.

Kanalga a'zo bo'lish uchun
👉 Yurisprudensiya

Qarindoshlari sudlangan shaxslar HMQOga ishga kira olmaydimi?

Hozirgi kunda ham qarindoshlari sudlanganligi sababli huquqni muhofaza qiluvchi organlarga qabul qilinmaslik holatlari uchrab turibdi. Bu esa haqiqatdan ham Konstitutsiya va “Davlat fuqarolik xizmati to‘g‘risida”gi qonunga to‘g‘ridan-to‘g‘ri zid keladi. Konstitutsiyaning 28-moddasida va qonunning 10-moddasida aniq aytilgan: shaxsning sudlanganligi uning qarindoshlari huquqlarini cheklashga sabab bo‘la olmaydi.

Lekin amalda, bu holat hali ham uchrab turibdi. Bu esa eskicha qarashlar va noto‘g‘ri tushunchalarning davom etayotganini ko‘rsatadi.

Kanalga a'zo bo'lish uchun
👉 Yurisprudensiya