📌 #xotira
Menda faqat,
Xudo bor, Siz bor va so'z bor.
Boshqasini bilmayman.
Uzoqda yashayman dunyodan...
Ichim - bomdod, tashim - bomdod,
dilim - xufton.
Tasbehlar teraman havodan.
Menda faqat,
Xudo bor, Siz bor va so'zlar bor.
Yerdagi umrim - savatdagi suv.
Sajdadan sajdagacha borman, tirikman
Hecham ko‘rmay turib Sog‘inganim U.
Muhtojligim Udir va murodim U.
Menda faqat,
Xudo bor, Siz bor va so'z bor.
Va bir kun sizdan bunyodlarga
Ona bo‘lganda,
Siz "sizlar"ga aylanib,
So‘z "so‘zlar"ga ulanib,
Jannat ham bo‘larmi mening poyimda...
Uyimda, bag'rimda, jami borimda,
Menda faqat Xudo bor, Siz bor, so'zlar bor...
Xonzodabegim Jamalova
© @YaxshiKunlar