Otasi oldida bo'lmagan (balki qayoqdadir sizsiz yashayotgandir, balki vafot etgandir) barchaga murojaat:
- Ey darddoshim, hech o'ksinmang, "Dadajon" deya yugurib borib, barcha sizni qiynayotgan muammolaringiz, qalbingizni siqayotgan dardlarni aytib, bir yechim topib beradigan, barcha sizga qarshi bo'lsa ham, qalqondek sizni himoya qiladigan, ko'zingizdan oqqan yoshlar uchun dunyoni ostin-ustun qilib yuboradigan dadangiz yo'qligidan xafa bo'lmang, g'am chekmang, hali shunday baxtli kunlar keladiki, bu dunyoda birga bo'lolmaganlarimiz bilan, inshaaAlloh, Jannatlarda birga bo'lamiz, birga bu o'tkinchi g'amlarni unutib, faqat yaxshi damlarni yashay boshlaymiz. Robbimiz bizdan bu dunyoda suyganlarimizni olib, tuganmasdek ko'rinayotgan musibatlar bilan sinayotgan bo'lsa, demak, bir mukofoti bordir barchasining.
Alloh bor-ku, nimadan tashvishlanasiz?
Alloh bor-ku, bashariyat sizga zarar yetkazmoqchi bo'lsa ham, Uning iznisiz hech narsaga qodir emas.
Alloh bor-ku, doim qalbimizdan o'tayotganlarni biladigan, barcha narsani O'z qudrati va irodasi bilan qamrab olgan, O'ziga yaqinlashtirish uchun barcha eshiklarni yopib, Unga qaytishingizni kutayotgan Mehribon Zot bor-ku?! Nimadan tashvishlanasiz?
@xorazm_namozvaqtlari kanali🇺🇿
Taskin izlagan qalblar uchun !