XazonRezgi (Official Channel)

" Ижарага берилган эр "асарини ўқиб бўлсам ҳам қайта қайта ўқиб чиқяпман,... шу қадар инсон руҳиятини сўз шеър орқали ифодалаш.... таърифга тил ожиз... асар учун ташаккур... яна янги асарлар кутиб қоламан

Эридан доим калтак ейдиган хотин бир куни мулланинг олдига бориб, дуо қилиб қўйишни сўради. Шунда мулла унга бир халтачани бериб,:
– Мана буни олинг. Бу ўқилган халтача. Қачонки, эрингиз сиз билан жанжаллашса, токи жим бўлмаганча тишлаб туринг, – дебди.

Аёл айтилганидек қилибди ва бир ойда эридан умуман калтак емайдиган бўлибди. Мулла қандай дуодан фойдаланганини мулладан бориб сўраганида у шундай жавоб қилибди:
– Аслида бу оддий халтача. Ҳамма ҳикмат эр билан жанжаллашмасдан жим ўтиришда!

©интернет

@Xazon_Rezgi

Чумчуқларни ўлдиришнинг оқибати

1958 йилда Хитой раҳбари ҳосилларни еб, қишлоқ хўжалик маҳсулотларининг камайишига сабаб бўляпти деган важ билан чумчуқларни ўлдиришга буйруқ беради.

Деҳқонлар ўн минглаб чумчуқларни ўлдира бошладилар. Қанча кўп чумчуқ ўлдирган кимсалар мукофот олар, уларга миллий қаҳрамонга қилгандек муомала қилинарди.

Бунинг натижасида барча далаларни чигирткалар босиб, ҳосилларни хонавайрон қилди. 1958—1961 йилларда Хитойда "Буюк очлик" юз берди. Бунинг оқибатида 15 млн.дан ортиқ киши очликдан ҳалок бўлди.

Норасмий маълумотларда очликдан ҳалок бўлганлар сони 40 млн.дан ошгани айтилган.

Ризқим кўпайсин деб бир махлуқнинг ризқини қиймаслик керак. Бандаларнинг ризқлари Аллоҳ таолонинг қўлида бўлиб, У Зот ўша ризқларни ҳикмат билан тақсимлаб қўйган.

Бутун борлиқ махлуқотларининг ризқини мукаммал тақсимлаб қўйган Аллоҳ Покдир!

©интернет

@Xazon_Rezgi

ЖАННАТ ТУПРОҒИ

Муаллим ўқувчилардан имтиҳон олди. Жавоб варақаларини текширгач , уларни яна шогирдларига тарқатди. Шунда ўқувчилардан бири:
- Устоз, менинг жавобларимга бирорта ҳам тузатиш киритмагансиз, хатоси йўқ. Аммо, нега менга ўн балл эмас, саккиз балл қўйдингиз? - деб сўради. Муаллим:
- Сен тузган жумлалар менга маъқул келмади, шу туфайли икки балл кам қўйдим, - деб жавоб берди.

Аслида, ўқувчи имтиҳоннинг барча саволларига тўғри жавоб берган, ёзма ишни ҳам маъноли ёзган эди. Бироқ, устоз унинг синфдаги энг иқтидорли, аълочи бола эканини тан олгиси келмаётганди. Ўқувчи баҳосидан ҳадеб норози бўлганини кўриб, муаллим унинг таъзирини бериб қўймоқчи бўлди:
- Агар менга жаннат тупроғидан олиб келсанг, сенга ўн балл қўйиб бераман, -деб шарт қўйди.
Эртаси куни ўқувчи халтачани тўлдириб тупроқ олиб келди.
- Бу нима? - сўради устоз.
- Жаннат тупроғи, - дея жавоб берди бола.
- Қаердан олдинг буни?
- Онамни тупроқ устидан юргизиб, ўшандан олиб келавердим. Эсингизда бўлса, бизга "Жаннат оналар оёғи остидадир", деган ҳадисни ўргатган эдингиз.

Бундай жавобни эшитган устоз шогирдининг заковати-ю фаросатига қойил қолиб, унга энг юқори баҳони қўйди.

@xazon_rezgi

Тарихдан маълумки, Соҳибқироннинг аёллари Бибихоним ниҳоятда оқила ва закий бўлишлари билан бир вақтда, жуда гўзал ҳам бўлганлар. Ҳикоя қилинишича, бир куни Бибихоним сайр қилиб юрганларида бир қурувчи уста уни кўриб қолади ва шунда "Шу аёлнинг висолига бир мартагина етсам, жонимдан ҳам кечишга тайёр эдим!", дейди. Бу гап Бибихонимнинг қулоқларига етиб боради ва уни кўриш учун ҳузурига олиб келишларини буюради. Қурувчи келгач, Бибихоним унга ҳар хил нақшлар туширилган тухумларни беради ва "Сенга кўп куч бўлади, буларнинг барини еб ол" дебди. Ҳаяжонланиб кетган қурувчи тухумларни шоша-пиша ея бошлайди. Тухумларни еб бўлганидан кейин Бибихоним "Тухумларнинг қайси бири энг мазали экан?", деб сўрайди. Қурувчи ҳаммасининг таъми бир хил эканлигини айтади. Шунда, Бибихоним "Кўрдингми, аёллар ҳам худди шундай!" деб, устанинг бошини танасидан жудо қилишни буюрибди.

@xazon_rezgi