Vodiydan xabarlar | Bizni kuzating

🌐 Медиа макон: дунё янгиликлари

⚡️ Илон Маск ҳукумат жараёнларини геймификация (ўйинга айлантириш) қилмоқчи ва экспертлар буни оқилона маркетинг стратегияси дейишмоқда;

⚡️ Meta компанияси WhatsApp ва Instagram'ни сотиб олгани учун судга тортилади;

⚡️ Трамп TikTok иловасини тақиқлаш тўғрисидаги қонун лойиҳасига қарши овоз берган Вакиллар палатаси аъзоси Гаэтсни Бош прокурор лавозимига номзод қилиб кўрсатмоқда;

⚡️ Pew Researh маълумотларига кўра, Х дан фойдаланиш бироз пасаймоқда, WhatsApp эса ўсиб бормоқда;

⚡️ The Wall Street Journal ўз мақолаларининг сунъий интеллект ёрдамида яратилган резюмеларини синовдан ўтказади, улар янгилик сюжетларининг бошида "Асосий лаҳзалар" графасида акс этади;

⚡️ Сунъий интеллектга эга Perplexity қидирув тизими шу ҳафтада ўз платформасида рекламаларни синовдан ўтказишни бошлайди;

⚡️ Сунъий интеллект билан шуғулланадиган етакчи компаниялар: OpenAI, Google ва Anthropic сунъий интеллектнинг янада мукаммал моделларини яратишга ҳаракат қилмоқда.
〰️〰️〰️〰️〰️

Telegram |WhatsApp| Youtube | Facebook | Instagram | Медиабанк | Сайт

🏵 Бир гуруҳ фаоллар "Диний бағрикенглик" кўкрак нишони билан тақдирланди

Бугун "Wyndham Tashkent” меҳмонхонасида 16 ноябрь – Халқаро бағрикенглик куни муносабати билан мамлакатимизда диний-маърифий ривожланиш йўлида ҳисса қўшган турли соҳа мутахассислари, шу жумладан, Ахборот ва оммавий коммуникациялар агентлиги директорининг маънавият ва маърифат ҳамда давлат тилини ривожлантириш бўйича маслаҳатчиси Фатхиддин Муҳиддинов "Диний бағрикенглик" кўкрак нишони билан тақдирланди.

Дин ишлари бўйича қўмита раиси Содиқ Тошбоев юксак мукофотга сазовор бўлганларни қутлади ва миллатлараро дўстлик ҳамда диний бағрикенглик ришталарини мустаҳкамлашдаги хизматларини алоҳида эътироф этиб, келгусидаги ишларига муваффақиятлар тилади.

Маълумот учун: "Диний бағрикенглик" кўкрак нишони билан жамиятда бағрикенглик ғояларининг мустаҳкамланиши, турли миллат ва элат ҳамда диний конфессия вакиллари ўртасида ўзаро дўстлик ва ҳамжиҳатлик муносабатларининг янада мустаҳкамланишига хизмат қилаётган ходимлар мукофотланади.

💐 АОКА жамоаси фахрли устоз Фатхиддин Муҳиддиновни юксак эътироф билан самимий муборакбод этади! Серқирра фаолиятлари ва тажрибаларида зафар ёр бўлишига, мукофотлар давомли бўлишига тилакдошмиз!

Telegram |WhatsApp| Youtube | Facebook | Instagram | Медиабанк | Сайт

Наманганда ижтимоий соҳа объектлари куз-қиш мавсумига тўлиқ шай ҳолатга келтирилди

Бугун Наманган вилояти ҳокими Шавкатжон Абдураззоқов Наманган шаҳридаги ижтимоий соҳа объектларининг куз-қиш мавсумига тайёргарлик ҳолатини ўрганиш давомида “Маърифат” маҳалласида жойлашган 38-сонли мактабда бўлди.

Вилоят раҳбари мактабнинг замонавий шарт-шароитлар билан таъминланганлиги, шунингдек, ёш авлоднинг билим олиши учун яратилган имкониятлар билан яқиндан танишди.

Жорий йил бошида таълим муассасасида янги 540 ўринли ўқув биноси ва 288 квадрат метр майдонли спорт зал қурилиб, фойдаланишга топширилган. Шу билан бирга, 490 ўринли қўшимча ўқув биноларини мукаммал таъмирлаш ишлари ҳам амалга оширилди.

Ҳозирда мактабда 1 153 нафар ўқувчи таҳсил олмоқда. Улар учун барча зарур шароитлар яратилган, хусусан, қишки мавсум учун иссиқлик тизими доимий барқарор ҳолатда сақланиши таъминланган. Вилоят ҳокими таълим муассасасидаги иссиқлик тизими, барча техник жиҳозлар узлуксиз ишлашини таъминлаш зарурлигини алоҳида таъкидлади.

Sayt | Telegram | Instagram | Facebook |Twitter | YouTube

"Пахталикўл" сув узатиш иншоотида реконструкция ишлари олиб борилмоқда

Наманган вилояти ҳокими Шавкатжон Абдураззоқов Янги Наманган туманидаги "Пахталикўл" сув узатиш иншоотида бўлиб, Европа тараққиёт тикланиш банки маблағлари асосида амалга оширилаётган реконструкция ишлари билан танишди.

Бу ерга 5 та янги двигателлар олиб келинди. Бундан ташқари, барча ёритиш чироқлари энергия тежамкор лампаларга алмаштирилиб, уларнинг ҳар бирига ҳаракат қурилмалари ўрнатилмоқда. Бунинг натижасида «Пахталикўл» сув узатиш иншоотида бир ойда ўртача 120-140 минг квт электр энергиясини иқтисод қилишга эришилади.

Вилоят раҳбари жараённи тезлатиш ва бунда сифатга алоҳида эътибор қаратиш юзасидан масъулларга кўрсатмалар берди.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh