UrDPI Pedagogika fakulteti

"Yangi Oʻzbekistonda uzluksiz taʼlim" kitobining taqdimoti boʼlib o‘tdi

Bugun, Namangan davlat pedagogika institutida O‘zbekiston Xalq demokratik partiyasi raisi, pedagogika fanlari doktori, professor Ulugʻbek Inoyatov muallifligidagi "Yangi Oʻzbekistonda uzluksiz taʼlim" nomli kitobining taqdimoti bo‘lib o‘tdi.

Unda respublika OTMlari rahbarlari, xususan Urganch davlat pedagogika instituti rektori Feruza Madraximova ham onlayn ishtirok etib, oʻz fikr-mulohazalarini bildirdi. Ushbu kitob taʼlim tizimi xodimlari, tadqiqotchilar, ota-onalar, keng jamoatchilik uchun ensiklopedik toʻplam sifatida xizmat qiladi.

©️Urganch davlat pedagogika instituti matbuot xizmati
🌐Web-sayt ✅Telegram💬Facebook 🌐Instagram  🎞 YouTube

#Prezident_topshirig‘i_ijrosi

🇺🇿 🇺🇿 O‘zbekiston Respublikasi Prezidentining 2024-yil 6-maydagi PF-73-sonli Farmonida belgilangan vazifalarning ijrosini ta’minlash maqsadida “Ta’lim muassasalarida yoshlar orasida psixofaol moddalarning noqonuniy aylanmasiga qarshi kurashish ishlarini tashkil etish mexnanizmlari to‘g‘risida”dagi uslubiy qo‘llanma taqdimoti Markaziy studiya tomonidan tashkil etildi.

Jahon iqtisodiyoti va diplomatiya universitetining konferensiya zalida tashkil etilgan taqdimotda Qoraqalpog‘iston Respublikasi, viloyatlar va Toshkent shahrida joylashgan oliy ta’lim muassasalari, xususan Urganch davlat pedagogika instituti mas’ullari ham onlayn ishtirok etdilar.

Yig‘ilishda OTMlarning Yoshlar masalalari va ma’naviy-ma’rifiy ishlar bo‘yicha birinchi prorektorlari va dekan o‘rinbosarlari, professor-o‘qituvchilar, tyutorlar, “Qalqon” guruhi a’zolari, profilaktika inspektorlari va psixologlar qatnashdi.

©️Urganch davlat pedagogika instituti matbuot xizmati
🌐Web-sayt ✅Telegram💬Facebook 🌐Instagram  🎞 YouTube

🤩 Urganch davlat pedagogika instituti Kengashining navbatdagi yig‘ilishi bo‘lib o‘tdi

Bugun, 28-yanvar sanasida Urganch davlat pedagogika instituti Kengashining navbatdagi 6-sonli majlisi bo‘lib o‘tdi. Unda institut rektori, Kengash raisi Feruza Madraximova hamda kengash aʼzolari ishtirok etdilar.

Kengash avvalida Oliy attestatsiya komissiyasining xulosasiga ko‘ra ilmiy daraja va unvon olgan professor-o‘qituvchilarga diplomlar topshirildi.

Kengash davomida Talabalarning TTJ va ijara xonadonlarida yashash sharoitlari, bo‘sh vaqtini mazmunli tashkil etish bo‘yicha masʼullar tomonidan amalga oshirilgan ishlar hamda institut tasarrufidagi Akademik litsey faoliyati, ijro intizomi, o‘quv-uslubiy, ilmiy va maʼnaviy-maʼrifiy sohalarda olib borilayotgan ishlar samaradorligi to‘g‘risida hisobotlar tinglandi. Shuningdek, sohaga oid boshqa qator masalalar yuzasidan hisobot va axborotlar berildi.

Kengash yakunida institut professor-o‘qituvchilari tomonidan tayyorlangan bir qator darslik va o‘quv qo‘llanmalar Oliy taʼlim, fan va innovatsiyalar vazirligining muvofiqlashtiruvchi Kengashiga tavsiya qilindi.

©️Urganch davlat pedagogika instituti matbuot xizmati
🌐Web-sayt ✅Telegram💬Facebook 🌐Instagram  🎞 YouTube