"Toshkent MTU" UK Rasmiy kanali

Temir yoʻl transporti chiptalariga talablar ortib borayotganligi sababli tez sotilib ketmoqda va bunday holatlarga “O‘ztemiryo‘lyo‘lovchi” AJ tomonidan aholiga qulayliklar yaratish maqsadida qanday chora tadbirlar olib borilmoqda.

Bayram arafasi hamda ta’tilga oz qolganligi sababli aholining hamda talabalarning temir yoʻl transporti xizmatiga boʻlgan talablari ortmoqda va buning oqibatida ilovalardan elektron chiptalarni xarid qilish keskin koʻpaymoqda.

Ushbu holatni bartaraf etish va aholiga qulaylik yaratish maqsadida “O‘ztemiryo‘lyo‘lovchi” AJ tomonidan qoʻshimcha chora tadbirlar amalga oshirilmoqda va yoʻlovchi poyezdlariga qoʻshimcha vagonlar ulanishi hamda yangi yoʻlovchi poyezdlari qatnovi yoʻlga qoʻyilmoqda.

Bundan tashqari aholi va talabalar temir yoʻl chiptalarini chiptaxonalardan tashqari mobil ilova orqali onlayn xarid qilishlari mumkin.

Temir yoʻl chiptalarini onlayn xarid qilish tartibini yuqoridagi video lavha orqali tanishib chiqishingiz mumkin.

Chiptalarni elektron xarid qilishda siz eticket.railway.uz sayti va Android va iOS ilovalaridan foydalanishingiz mumkin.

🚉“O‘ztemiryo‘lyo‘lovchi” AJ matbuot xizmati

Talabalar uchun sayyor kassalar tashkil etildi

Qishki ta’til munosabati bilan Toshkent shahridagi oliy ta’lim muassasalarida tahsil olayotgan talabalarning doimiy yashash manzillariga yetib borishlarida qo‘shimcha qulaylik yaratish maqsadida sayyor kassalar tashkil etildi.

Mazkur sayyor kassalarda talabalar temir yo‘l hamda avtobus qatnovlariga chiptalarni sotib olishlari mumkin.

Talabalardan ushbu chiptalarni xarid qilish uchun:
✅ shaxsni tasdiqlovchi hujjat
✅ talabalik guvohnomasini taqdim etishlari kerak boʻladi.

Sayyor kassalar quyidagi manzillarda tashkil etilgan:

▫️O‘zbekiston milliy universitetining o‘zbek filologiyasi fakulteti binosi 1-qavati.

Manzil: Olmazor tumani, Talabalar shaharchasi, Universitet ko‘chasi., 4-uy.
📍lokatsiya

▫️Toshkent davlat iqtisodiyot universiteti A-binosida.

Manzil: Yunusobod tumani, Amir Temur ko‘chasi 60-A-uy. Sobiq Toshkent moliya instituti binosi
📍lokatsiya

▫️Toshkent davlat Agrar universiteti binosida

Manzil: Toshkent shahri, Universitet koʻchasi 2- uy
📍lokatsiya

🚉“O‘ztemiryo‘lyo‘lovchi” AJ matbuot xizmati

🚆Qishki ta’til davrida yo‘lovchilarning temir yo‘l transporti qatnovlariga bo‘lgan talabini qondirish maqsadida 2024-yil 15-dekabrdan 2025-yil 12-yanvarga qadar bir qator yo‘nalishlarda qo‘shimcha poyezd qatnovlari tashkil etiladi va vagonlar soni oshiriladi:

✓ Qo‘shimcha qatnovlar:

"Toshkent – Urganch – Toshkent" yo‘nalishida 2024-yil 17-dekabrdan boshlab 18 ta qo‘shimcha qatnov amalga oshiriladi.

"Samarqand – Toshkent – Samarqand" yo‘nalishida 2024-yil 15-dekabrdan boshlab, "Afrosiyob" tezyurar elektropoyezdi qo‘shimcha 30 ta qatnovni amalga oshiradi.

✓ Qo‘shimcha vagonlar:

"Toshkent – Qo‘ng‘irot – Toshkent", "Toshkent – Termiz – Toshkent", "Toshkent – Urganch – Toshkent" va "Toshkent – Sariosiyo – Toshkent" yo‘nalishlarida 2024-yil 20-dekabrdan har kuni 4 ta qo‘shimcha platskart vagonlari qo‘shiladi.

🇺🇿🇨🇳"Temiryo'linfratuzilma" AJ delegatsiyasi Xitoyning "CRRC Zhuzhou Locomotive" kompaniyasida bo'ldi.

O‘zbekiston Respublikasi Prezidentining 2023-yil 10-oktyabrdagi PQ-329 sonli “O‘zbekiston Respublikasi temir yo‘l transporti sohasini tubdan isloh qilish chora-tadbirlari to‘g‘risida”gi Qarori hamda O‘zbekiston Respublikasi Vazirlar Mahkamasining 2024-yil 8-avgustdagi 492-10 sonli “O‘zbekiston temir yo‘llari” AJ lokomotiv parkini yangilash va modernizatsiya qilish chora-tadbirlari to‘g‘risida”gi Qaroriga muvofiq “O‘zbekiston temir yo‘llari” AJ va Xitoyning "CRRC Zhuzhou Locomotive" kompaniyasi o‘rtasida lokomotivlarni xarid qilish va modernizatsiya qilish bo‘yicha hamkorlik yo‘lga qo‘yilgan.

Mazkur tashrif doirasida "Temiryo'linfratuzilma" AJ boshqaruv raisi S.A. Norqabilov boshchiligidagi delegatsiya "CRRC Zhuzhou Locomotive" kompaniyasining ishlab chiqarish jarayonlari va texnologik yangiliklari bilan yaqindan tanishdi. Tashrif davomida yangi lokomotivlarni ishlab chiqarish va mavjudlarini modernizatsiya qilish bo‘yicha strategik hamkorlikning muhim masalalari muhokama qilindi.

Ushbu tashrif temir yo‘l transportini zamonaviylashtirish, energiya samaradorligini oshirish va xalqaro tajribani qo‘llash orqali O‘zbekistonning temir yo‘l infratuzilmasini yanada rivojlantirishga xizmat qiladi.

🌐railwayinfra.uz ❤️‍🔥Telegram  ❤️‍🔥Facebook ❤️‍🔥Instagram