Tingla Hayot | #freePalestine 🇵🇸

Insof (!)

Garri Potter bo'lishyapti, Karib Dengizi qaroqchilari ham, hatto eski o'zbek kinolariga ham qo'l urib ko'rishdi bu vebinarchilar..

Aslida esa Squid Game'dagi oynadan sakrab o'tish sharti kabi hammani shu ko'prikdan o'tkazishga olib borishyapti. Yakunda esa g'olib faqatgina o'zlari..

@Tingla_Hayot

Ramazon Hayiti Muborak bo'lsin. O'tkan Ramazon oyidagi qilingan ibodatlar, yaxshi amallar - kun tartibimizga aylansin. Bu muborak oy har gal islohni o'zimizdan boshlashimiz kerakligini eslatadi.

Hayitlik berishni, eng muhimi - olishni ham unutmang 😁

@Tingla_Hayot

To'rt yil o'qish nimaga kerak va nima uchun kerak emas degan savolga optimal javob:

— Kursdoshlarimni deyarli hammasi bizga dars beradigan o'qituvchilardan yaxshiroq dars beradi.

(#)

— Xudo xohlasa juda zo'r narsa tayyorlayapman. Har holda yana bir sohaga qiziqdim va natijasi bilan bo'lishaman. Umumiy jihatdan ilk professional tayyorlagan ishim shu bo'ladi. O'qiganingizda kichik ishdek tuyulishi mumkin, lekin ayni dam men shu uchun uxlamay izlanib/o'qib chiqyapman. Nasib bo'lsa bunga arziydi.

@Tingla_Hayot

Botga yozgan hammaning xotira va ajib niyatlarini o'qib chiqdim. Amalga oshganda ham yozishni esdan chiqarmang. Aytishlaricha @khon_live kanalimni qaytarishim kerak ekan, qolaversa bir vaqtlar kitob o'qib turgan ekanman. Hozir negadir "tipik"lashib ketayotganimni tikka aytganlar ham bo'ldi.

Xullas birma-bir javob berib chiqyapman. Hali ham shu yerda ekaningiz - baxt ekan minde o'ylab qarasam. Rahmat 🙂

@TinglaHayot_bot

— Oxirgi ikki oy davomida ko‘chadagi kichkina supermarketlarni diqqat bilan kuzatishni boshladim. Aniqrog‘i ulardagi bir xillik meni hayron qoldirdi. Butun boshli do‘kon nomini qaysidir brendga sotib yuborishgandek, go‘yo. Kolbasa mahsulotlari yoki gazli ichimliklar butunlay do‘konlarni nomini qamrab olgan. Ularning kelishuv strategiyasi va yoki shartlaridan umuman xabarim yo‘q, lekin bu shu qadar urchib ketganki — ba’zi joylarda bu sifatli do‘konning mana shunaqa banneri bo‘lishi kerakdek taassurot qoldiryapti. Mening u brendlarga nisbatan hech qanday xusumatim yo‘q. Ammo bu narsani o‘zlariga ep ko‘rib do‘konlariga osayotgan tadbirkorlarga hayron qolyapman.. Balkim bu moliyaviy holatingizga yaxshi plyus olib kelar, nimadirlar tekin tushayotgandir va yoki qanaqadir chegirmalarga ega bo‘layotgandirsiz.. Qaydam, menimcha esa har bir do‘konning kichkina segmentda bo‘lsa ham nomi bo‘lishi kerak. Nomi bo‘lmagan taqdirda ham bunaqa arzon va doimiy bo‘lmagan, qolaversa, hammaniki bilan bir xil bo‘lgan narsalardan uzoq yurish kerak. Bu g‘ashimni keltiryapti.

— Marketingda "eye tracking" tushunchasi bor. Bu sizning qaragan narsangizda birinchi nimaga ko‘zingiz tushishi va nimalarni yaxshiroq eslab qolishini o‘rganadi. Shunga qarab reklama bannerlari, umuman ko‘chada ko‘rgan narsalaringiz xotirangizga muhrlanadi. Ba’zan bu passiv ishlaydi. Ya’ni vaqt masalasi — yig‘ilib-yig‘ilib sizga ta’sir ko‘rsatadi. Tushga o‘xshaydi faqat reallikda ishlaydi. Suv olmoqchi bo‘lsangiz random olyapman deb o‘ylaysiz, aslida esa qachondir ko‘rgan reklamangiz ta’siri ostida yoki rangiga qarab olasiz. Xullas, buni kattaroq brendlar faol ishlatishadi va shuning uchun ham bozorda dominantlik qilishadi. Reklamasi yo‘q, ta’mi zo‘r deb aytgan gazli ichimliklaringiz ham kamida shu usuldan foydalanishadi. Avvalgi Ramazon oyida mashhur bo‘lgan oddiy suv bunga misol.

— Foydangizdan ozroq ushlab qolsangiz ham o‘zingizni nomingizga, "style"ingizga ega bo‘ling. Kreativ va noodatiy nomlar bilan tanishmisiz? Masalan Buxoroda "Behtarin" nomli marketni ko‘rdim. Eshitilishi ajib. Yoki Samarqandda mashhur "Optovik"ni olaylik. Nom ruscha bo‘lsa ham bu uch tildagi segmentni ham o‘ziga jalb qila oladi. Ko‘tarasiga demaymiz "optom" deymiz-ku, baribir shunga aytaman-da. Kichkina marketlardan ham misollar keltirardim, lekin oldin aytganimdek hammasi "sotilgan".

— Yoshligimizda hamma do‘konlarning banneri ko‘k va unda "Jamshid-Ziyo" MCHJ yoki "Shukrona-Jasmina" X/K bo‘lardi. Endi noliyotgan narsamni qaranglar-da.. Lekin biz nisbatan yomon bo‘lgan davrimiz bilan yaxshi bo‘lishga intilayotgan davr bilan solishtirmasligimiz kerak. Yaxshi edi, yomon bo‘ldi va hozir o‘sha yomondan yaxshiroq bo‘layotgani vaziyatni bir tekisda ketayotganini bildirmaydi.

@Tingla_Hayot

Tog'a bo'ldim. Jiyan muborak bo'lsin, o'zimga 🤩

- Polvon 💪

Har gal Buxoroga borganimda bir fikr xayolimdan tinimsiz o'tadi: Asl turizm poytaxti Buxoro bo'lishi kerak.. Va yana o'zimni ovutaman, balkim bo'lmayotgani, uning doim ikkinchi darajaga tushib qolayotgani ham shu darajada saqlanib turilishiga bir sababdir, qaydam. Salla desa kallani olib keladiganlar yetarlichaku, shunga aytamanda.

Bu safar ham yangi kashfiyotlar bilan qaytdim. Hech yo'q o'zimga foydasi tegadigan izlanishlar olib borishga manbalar.. Ha tarix zerikarli, uni aniqligiga doim shubha bor va shuning o'zi mening qiziqishlarim bilan uyg'unlashsa - bilim bo'lib bera oladi. Tungi Buxoroning bergan emotsiyasi esa yana qayta borishga undayveradi. Inson yuz tuzilishi bilan "wow" deyolmaydi, ichidan his qiladi bu o'lkaning sehrini.. Xullas uni anglash - vaqt masalasi.

Meni xafa qilgan jihatlar ham yo'q emas, lekin ularni eslamoqchi emasman. Bu tijoratchilar bilan bog'liq va ular ham mijozga qarab xizmat taklif qilishayotgani achchiq haqiqat. Ya'ni men o'z haqiqatlarim bilan ularni yenga olmayman, shuningdek, to'xtatib ham bilmayman.

Har safar kursdoshlarim borligiga, bo'libam ilmga chanqoq ekanliklaridan faxrlanaman. O'tgan safar ham bir kursdoshim sababidan Buxoro haqida fikrim butkul o'zgargandi - bo'lmasa garangsirab (hech baloga tushunmay) yurgandim. Bu safar ham xaloskor rolida yana kursdoshim bo'ldilar. @ParadisePersona'ga tashakkur, sizlar uchun foydali kanallar ko'payishiga yana bir imkon yaratib beryapman.

@Tingla_Hayot

Shu kunlarda talabalarni ko'p narsalardan bezdirsalar, kelajakda o'zlari o'sha kadrlardan beziy boshlaydilar. (#)