🔻Тезкор 24


Гео и язык канала: Узбекистан, Узбекский
Категория: Новости и СМИ



Гео и язык канала
Узбекистан, Узбекский
Категория
Новости и СМИ
Статистика
Фильтр публикаций


​​Экспертиза Андижондаги 5 ойлик келин зўрланмаганини кўрсатди. Аёлнинг ўзи ҳам ёлғон кўрсатма берганини тан олган.

Андижонда беш нафар эркак дала шийпонида 18 ёшли келинни зўрлагани, келиннинг яқинлари қонунбузарларга чора кўришни сўраётгани ҳақида хабар берилганди. 25 май куни вилоят прокуратураси жабрланувчи ҳамда гумон қилинган шахсларнинг барчаси суд-тиббий экспертизасидан ўтказилиб, олинган ашёлар бўйича судга оид биология, судга оид криминалистика ва судга оид микротола экспертизалари тайинланганини маълум қилган. ИИВ ахборот хизматининг ёзишича, суд-тиббий экспертизасининг хулосасига кўра, жабрланувчининг баданида зўрлик аломатлари билан боғлиқ тан жароҳатлари мавжуд эмаслиги, 13-14 ҳафталик ҳомиладор эканлиги ва ҳомиласи ривожланаётганлиги аниқланган.

Шунингдек, судга оид толали материалларни криминалистик текшириш экспертизасининг хулосасига кўра, жабрланувчи О.О.нинг кийимларида гумондорларнинг кийимларига тегишли толалар мавжуд эмаслиги аниқланган.

Жабрланувчи О.О. яқин қариндошлари ва ҳимоячиси иштирокида сўроқ қилинганида уни ҳеч ким зўрлаб номусига тегмаганини, айрим шахслар (қонунчилик талабларига асосан шахс ҳақидаги маълумотлар сир сақланади) моддий манфаатдор бўлиш эвазига уни зўрлаб номусига теггани ҳақида ариза ва кўрсатма беришга мажбур қилгани, агарда ушбу кўрсатмани бермаса, турмуш ўртоғи билан бирга яшаттирмасдан, ажратиб юборишини айтгани сабабли, иложсизликдан ёлғон кўрсатма берганини маълум қилган.

Шунингдек, ишга алоқадор бўлган ва гувоҳ тариқасида сўроқ қилинган шахслар ҳодиса куни жабрланувчи О.О.га тегишли бўлган шийпон атрофида бегона эркакларни кўрмаганини ҳамда дала шийпонидан аёл кишининг ёрдам сўраб бақирган овози эшитилмаганини маълум қилган.

Ўтказилган тергов ҳаракатлари давомида жабрланувчи О.О. маълум қилган беш нафар шахс воқеа содир бўлган куни ҳодиса жойида, яъни жабрланувчи О.О.га тегишли бўлган дала шийпонида умуман бўлмагани аниқланган.

Тергов ҳаракатлари давомида тўпланган инкор қилиб бўлмас далилларга асосан фуқаро О.О.нинг зўрланганлиги тўғрисидаги важлари ўз тасдиғини топмагани сабабли жиноят ишининг гумон қилинувчиларга тегишли қисмини Жиноят-процессуал кодексининг 83-моддасига (жиноий ҳодиса юз бермаган ёки шахснинг қилмишида жиноят таркиби бўлмаса) асосан тугатиш масаласи кўриб чиқилмоқда.

Ҳозирда фуқаро О.О. ва бошқаларнинг туҳмат қилгани ҳолатига ҳуқуқий баҳо бериш мақсадида тергов ҳаракатлари давом эттирилмоқда.

«Шу ўринда, фуқаролардан ҳамда блогерлардан ваколатли идоралар томонидан тасдиқланмаган турли асоссиз хабарларга таянмасликларини, тергов ҳаракатларига аралашмасликларини, ҳар бир хабар юзасидан қонуний қарор қабул қилинишини ҳамда ҳақиқатга тўғри келмайдиган, ваҳима чиқаришга қаратилган маълумотлар ва материалларни ҳар қандай шаклда тарқатиш учун жиноий жавобгарлик мавжудлигини яна бир бор эслатиб ўтамиз», — дейилади хабарда.

Таъкидланишича, келгусида тергов ҳаракатлари натижаси юзасидан қўшимча маълумот берилиши таъминланади.( манба )

хабарларни кузатиб боринг
➨︎ @Tezkor24


​​Самарқандда ҳайдовчи ухлаб қолиши оқибатида "Isuzu" дарё қирғоғига ағдарилиб кетди.

29 май куни соат 05:30 ларда Самарқанд шаҳри ҳудудидан ўтувчи М-37А автомобиль йўлининг 35-км.да, «Тошкент-Навоий» йўналишида ҳаракатланиб келаётган "Isuzu" русумли юк автомобилининг ҳайдовчиси ухлаб қолиши оқибатида бошқарувни йўқотиб, Зарафшон дарёсининг қирғоғига ағдарилиб кетган.

Ҳодиса оқибатида ҳеч ким тан жароҳати олмаган.( манба )

хабарларни кузатиб боринг
➨︎ @Tezkor24


​​Бухоролик фолбин аёл алдов йўли билан фуқародан 1300 доллар пул ва моддий бойлик ундиргани маълум бўлди.

Бухорода ўзини «фолбин» деб эълон қилиб, жодугарлик билан шуғулланиб келган 33 ёшли аёл фуқаронинг ишончига кириб, унинг 1300 долларга тенг пули ва моддий бойлигини қўлга киритгани аниқланди. Бу ҳақда «Дарё»га вилоят ИИБ ахборот хизмати раҳбари Шуҳрат Жалолов маълум қилди.

Маълум бўлшича, Бухоро шаҳрининг Жўбор кўчасида яшовчи, 1988 йилда туғилган аёл У.Т. ўзини «фолбин» деб эълон қилиб, бир нечта фуқаронинг ишончига кириб, даромад қилиб келган. 2021 йилнинг апрель ойида У.Т. хонадонига келиб, шахсий ҳаётида кетма-кет муаммоларга дуч келаётганини айтган 32 ёшли фуқаро Ш.Т.нинг дардини тинглаб, унинг ишончига кирган. Фуқаронинг шахсий муаммоларидан устамонлик билан фойдаланиб, унга шамлардан фойдаланиб, илоҳлар билан гаплаша олишини билдирган. Айнан шу йўл билан унинг ҳам мушкулини осон қилиши ва унинг келажагини олдиндан айтиб бера олишини айтиб, эвазига У.Т.дан 3000 доллар талаб қилган. Оғир аҳволдаги фуқаро фолбин аёлнинг ёлғонларига ишонган ва ўзида мавжуд бўлган 1300 доллар пулини, шунингдек, пулга ҳисоблаб, сўнгги русумдаги қўл телефонини совға қилган.

Бироқ орадан вақт ўтса-да, шахсий ҳаётида ўзгариш сезмаган Ш.Т. яна У.Т.га мурожаат қилган. Фуқаронинг йўллари фақат ўзининг дуоси билан очилишига шаъма қилган аёл ундан яна моддий манфаатдор бўлишга уринган. Аммо унинг бу галги уринишлари зое кетган.

Ўзининг алдангани ва ишончининг суиистеъмол қилингани ҳақида ҳуқуқ-тартибот идораларига маълум қилган Ш.Т.нинг аризаси юзасидан тезкор суриштирув ишлари олиб борилган. Мазкур ҳолат юзасидан Бухоро шаҳар ички ишлар органлари фаолиятини мувофиқлаштириш бўлими томонидан 19 май куни У.Т.нинг фирибгарлик жиноятини содир этгани аниқланган. Аёлга нисбатан Жиноят кодексининг 168-моддаси 2-қисми, «а» банди (фирибгарлик) билан жиноят иши қўзғатилган.

«Ушбу жиноят ишида гумонланаётган ‘фолбин’ қонун олдида жавоб бериши, шубҳасиз. Аммо ҳали ҳам фолбинга доимий ‘мижоз’ бўлиб, боз устига яқинлари ва танишлари, оила аъзоларини етаклаб келувчи фуқароларни алданиб қолмасликка, фолбин ва жодугарлик билан шуғулланувчи шахсларга ишонмасликка чақирамиз», — дейди Шуҳрат Жалолов.( манба )

хабарларни кузатиб боринг
➨︎ @Tezkor24


​​Сурхондарёда Damas ва «КамАЗ» тўқнашувида икки киши ҳалок бўлди, 8 ёшли қиз ва яна бир киши оғир тан жароҳатлари олди.

Сурхондарё вилоятининг Шўрчи туманида Damas ва «КамАЗ» иштирокида ЙТҲ юз берди. Оқибатда икки киши ҳалок бўлди, яна икки киши оғир тан жароҳатлари олди. Бу ҳақда вилоят ЙҲХБ хабар берди.

Маълум қилинишича, воқеа 24 майга ўтар кечаси, М41 Бишкек—Душанбе—Термиз халқаро автомобиль йўлининг Шўрчи тумани «Гулистон» маҳалласи ҳудудидан ўтувчи 1501-километрида юз берган. Денов—Шўрчи йўналишида ҳаракатланиб келаётган «КамАЗ» юк машинаси йўлнинг қарама-қарши томонига ўтиб кетган ва ўз йўналишида ҳаракатланиб келаётган Damas билан тўқнашган.

Оқибатда Damas ҳайдовчиси ва унинг ёнида бўлган йўловчи оғир тан жароҳатлари олиб, воқеа жойида ҳалок бўлган. Шунингдек, Damas’да йўловчи сифатида кетаётган 27 ёшли йигит ва 2-синф ўқувчиси бўлган 8 ёшли қиз оғир тан жароҳатлари билан Шўрчи туман тиббиёт бирлашмасининг жонлантириш бўлимига ётқизилган.

ЙТҲ оқибатида «КамАЗ» йўл четидаги зовурга ағдарилиб кетган.

Суриштирувларда «КамАЗ» ҳайдовчиси етарли малакага эга бўлмагани, ҳайдовчилик гувоҳномасини олганига энди бир йил бўлгани, юк машиналарини бошқариш ҳуқуқини берувчи гувоҳномани бир йил аввал олгани аниқланган.( манба )

хабарларни кузатиб боринг
➨︎ @Tezkor24


​​«Полиэтилен пакетлар барча муаммоларнинг сабабчиси». Ободонлаштириш бошқармаси ходими ёмғир ёғса, Тошкент кўчаларини нима учун сув босишига ойдинлик киритди.

Тошкент шаҳрида 23 май куни соат тахминан 19:35 дан сўнг кучли ёғингарчилик (жала) кузатилиши оқибатида кўчаларни сув босгани тўғрисида хабар берилганди. Пойтахт ҳокимлиги бу каби ноқулайликлар нима сабабдан юзага келаётганига ойдинлик киритди.

Маълум қилинишича, Тошкентга хизмат кўрсатувчи коммунал хизмат ходимлари ва техника таъминотида аввалги йилларга қараганда анча ўсиш бор. Авариявий вазиятларда фойдаланиш учун махсус машиналар харид қилинган, ишчилар сони ортган. Бироқ шунга қарамай, ёғингарчилик вақтида йўлларга сув тошиши каби муаммолар кузатилмоқда.

Ободонлаштириш бошқармаси ходими Хайрулла Турсуновнинг сўзларига кўра, пойтахтда ёғган ёмғир натижасида кўплаб марказий ва ички кўчалар сув тўпланишидан азият чекади.

«Биз соат 19:00 дан иш бошладик ва сал кам 3 соат мобайнида Миробод туманининг марказий ва ички кўчаларини ёмғир сувларидан тозаладик. Аслида, ҳар куни бу кўчаларни ва ариқларни тозалаймиз, супурамиз. Бироқ эртаси куни худди иш қилинмагандек, яна шу аҳвол! Савол беришингиз мумкин, нега ҳар куни ариқлар тозаланса ҳам, сув оқиб кетмаяпти, деб.

Кеча тозалаган ариқларимизнинг барчасини полиэтилен пакетлар, бир маротабалик қоғоз стаканлар ва баклажкалар тўсиб қўйган ва сув оқиб кетишига имкон бўлмаган. Айниқса, полиэтилен пакетлар — барча муаммоларнинг сабабчиси. Ариқларнинг зовурларга қуйиладиган қисмида темир панжаралар ўрнатилган, ўша ерни тозалаб ташласак, муаммо ҳал. Бироқ унга қадар вақт керак бўлади ва йўлларга сув тошади», — дейди Турсунов.

Тошкент шаҳар ҳокимининг уй-жой коммунал масалалари бўйича ўринбосари вазифасини бажарувчи Шохруҳ Раҳимжоновнинг айтишича, 23 май куни ходимлар соат 19:00 дан 01:30 га қадар тинмай ишлаган, 300 нафар ободонлаштириш ходимлари ёғаётган ёмғир остида хизмат қилган. Шунингдек, 20 тадан ортиқ техника тўпланиб қолган сувларни тортиб олган, чиқиндиларни олиб чиқиб кетган ва бошқа вазифаларни бажарган. Шунингдек, ФВВ ходимлари ҳам бу жараёнга жалб этилган.

Сув, асосан, Амир Темур, Генерал Узоқов кўчалари, «Ашхобод» боғи яқинидаги туннел ва «Миробод» деҳқон бозорининг олд томонидан тошган.

«Бу кўчалар доим автомобиллар ва одамлар билан гавжум, қолаверса, уларда чиқинди ташлаш учун қутилар етарли. Бироқ кимларнингдир эринчоқлиги ёки шунчаки одати боис мана шундай кўнгилсиз ҳолатлар юзага келмоқда.

Машинадан чиқинди отаётганингизда ёки қўлингиздаги бўш пластик идишни ариққа ташлаётганингизда битта меники нима ҳам бўларди, деб ўйларсиз. Аммо сиз каби ўйлайдиганлар кўпайиб кетаётганлиги боис 300 нафардан ортиқ оила бошлиқлари ўша тунни ариқлардаги сиз ташлаган чиқиндиларни тозалаш билан ўтказди», — дейди Раҳимжонов.( манба )

хабарларни кузатиб боринг
➨︎ @Tezkor24


​​Фото: Тошкентда ойнаванд бекат-дўкон ичига кириб кетган Lacetti.

Тошкент шаҳри Мирзо Улуғбек туманида Lacetti ойнаванд бекат-дўкон ичига кириб кетди. Ҳолат акс этган сурат ижтимоий тармоқларда тарқалди. Унда айтилишича, воқеа 25 май куни «Чимган» бекатида юз берган.

Ҳолат юзасидан ҳозирча расмий маълумот берилмади.

Эслатиб ўтамиз, 2021 йилнинг январь ойида Тошкент шаҳри Мирзо Улуғбек тумани Қорасу-6 даҳасида жойлашган Makro супермаркетига Lacetti кириб кетганди.

Ҳолат ҳайдовчи ўт олдиргич калит ва фарзандини қаровсиз қолдириб, ўзи супермаркет ичига кириб кетганида автомобилда бўлган 8 ёшли фарзанди ўт олдиргич калитни бураб юбориши оқибатида юз берган. Автомобиль ҳаракатланиб кетган ва супермаркет ойнасини синдириб, ичкарига кириб тўхтаган.( манба )

хабарларни кузатиб боринг
➨︎ @Tezkor24


​​Ангрендаги ЙТҲда ҳалок бўлганлар сони 7 кишига етди. Ҳолат бўйича жиноий иш қўзғатилди.

Ангренда йирик йўл-транспорт ҳодисаси содир бўлгани ҳақида хабар берилганди. Фавқулодда вазиятлар вазирлиги ЙТҲда 8 транспорт воситаси иштирок этгани ҳамда 5 киши вафот этгани ҳақида маълум қилганди. Тергов департаменти воқеа бўйича қўшимча маълумот берди.

Қайд этилишича, 2021 йилнинг 24 май куни соат 9:00 ларда фуқаро 40 ёшли М.У. бошқарувида бўлган тиркамали MAN русумли юк машинасида Ангрен шаҳар ҳудудидан ўтган А-373 М-39 Тошкент–Ўш автомобиль йўли бўйлаб Ўш йўналишидан Тошкент йўналиши бўйича бошқариб, ушбу йўлнинг 183-километрда рул бошқарувини йўқотган.

Оқибатда йўналиш бўйлаб ҳаракатланиб кетаётган темир йўл кесишмасига етмасдан тўхтаб турган фуқаро 43 ёшли И.О. бошқарувида бўлган Lacetti, 30 ёшли К.Р. бошқарувида бўлган Nexia-2, 44 ёшли Э.М. бошқарувидаги Cobalt, 46 ёшли И.О. бошқарувидаги Lacetti, 45 ёшли М.З. бошқарувидаги Lacetti, 39 ёшли К.М. бошқарувидаги Nexia-3 ва Matiz русумли автомашиналар билан тўқнашиб, йўл-транспорт ҳодисасини содир этган.

ЙТҲ оқибатида жами 7 нафар шахс ҳодиса жойида вафот этган ва 14 нафар шахс олган тан жароҳатлари билан шифохонага мурожаат қилган.

Мазкур ҳолат юзасидан Тошкент вилоят ИИББ ҳузуридаги Тергов бошқармаси томонидан Жиноят кодексининг 266-моддаси 3-қисми «а» банди (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Ҳозирда тергов ҳаракатлари олиб борилмоқда.( манба )

хабарларни кузатиб боринг
➨︎ @Tezkor24


​​Андижонда тез ёрдам машинаси иштирокида ЙТҲ содир бўлди. Икки киши жароҳат олгани айтилмоқда.

Андижон тумани Сердар Пател кўчасида содир бўлган йўл-транспорт ҳодисаси оқибатида Андижон шаҳар тиббиёт бирлашмасининг икки нафар ходими жароҳатланди. Бу ҳақда «Дарё» мухбири Умиджон Мамарасулов хабар берди.

«Дарё» манбасининг маълум қилишича, ЙТҲ 2021 йилнинг 24 май куни соат 8:56 да Андижон тумани Сердар Пател кўчасида содир бўлган.

Андижон—Жанубий Оламушук йўлида ҳаракатланиб келаётган тез тиббий ёрдам бўлимининг Damas машинаси Nexia автомобили билан тўқнашган. Бу ҳақда Республика шошилинч тез ёрдам илмий маркази Андижон филиалига соат 9:04 да хабар берилган. Ҳодиса натижасида бўлим шифокори ҳамда ҳайдовчиси ўрта оғир тан жароҳати билан филиалга ётқизилган.( манба )

хабарларни кузатиб боринг
➨︎ @Tezkor24


​​Бухорода Кореяга ишга юборишини айтиб, эвазига фуқародан 5 минг доллар олмоқчи бўлган шахс ушланди.

Бухоро вилоятида фуқарони Корея давлатига юборишни ваъда қилиб, ундан 5000 доллар олмоқчи бўлган шахс қўлга олинди. Ҳолат ҳуқуқ-тартибот идораси ходимлари ҳамкорлигида ўтказилган тезкор тадбирда аниқланди, дея хабар берди «Дарё» мухбири.

Таъкидланишича, Бухоро шаҳрида яшовчи фуқаро И.О. 32 ёшли Ҳ.Ж.нинг ишончига кириб, уни ваколатли танишлари орқали давлат томонидан ажратилган квоталар асосида Корея давлатига ишлашга юборишни ваъда қилган. Эвазига эса ундан 5000 доллар талаб қилган. Фуқаро Ҳ.Ж. эса иқтисодий шароитидан келиб чиқиб, бу ҳақда ҳуқуқ-тартибот идораларига мурожаат қилишга мажбур бўлган.

Бош прокуратура ҳузуридаги Департаментнинг Бухоро шаҳар бўлими ҳамда ДХХ ходимлари томонидан тезкор тадбир ўтказилган. Тезкор тадбир давомида И.О. фуқаро Ҳ.Ж.дан 5000 доллар пора олаётган вақтида ушланган.

Мазкур ҳолат юзасидан фуқаро И.О.га нисбатан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.( манба )

хабарларни кузатиб боринг
➨︎ @Tezkor24


​​Самарқандда опасини пичоқлаб ўлдирган аёл 10 йилга қамалди.

Самарқанд вилояти Каттақўрғон туманида ўзаро келишмовчилик оқибатида опасини пичоқлаб қўйган сингилга суд ҳукми ўқилди. Бу ҳақда Олий суд матбуот хизмати хабар берди.

Маълум қилинишича, 2021 йил 19 январь куни соат 18:30 ларда ўзаро тортишиб қолган опа-сингил бир-бирини фоҳишаликда, енгилтабиатликда айблаган. Бу вақтда аёлларнинг иккиси ҳам спиртли ичимлик таъсирида — маст бўлган.

Жанжал оқибатида сингил опасини пичоқлаб, ўлдирган.

«Опам ҳар доим ичгани, онамни ҳақорат қилгани учун ўртамизда можаро юз берди. Жаҳл устида пичоқ урдим, айбимга иқрорман, қилган ишимдан пушаймонман», — дейди айбланувчи.

Судланувчига Жиноят кодексининг 97-модда (қасддан одам ўлдириш) 2-қисми «б» банди билан 57-моддасини қўллаб, 10 йил муддатга озодликдан маҳрум этиш жазоси тайинланди.( манба )

хабарларни кузатиб боринг
➨︎ @Tezkor24


​​Тошкентда кучли таъсир қилувчи дори воситалари савдоси билан шуғулланган жиноий гуруҳ қўлга олинди.

Тошкентда Давлат божхона қўмитаси Контрабандага қарши курашиш ва божхона аудити бош бошқармаси ходимлари томонидан ДХХ билан ҳамкорликда кучли таъсир қилувчи дори воситаларининг ноқонуний савдоси билан шуғулланувчи бир гуруҳ шахсларнинг жиноий фаолиятига чек қўйилди, деб хабар бермоқда қўмита матбуот хизмати.

Маълум қилинишича, дастлаб Тошкентнинг Чилонзор туманида олдиндан кузатувга олинган 2 нафар фуқаро — Ж.С. ҳамда А.К. 300 дона «Тропикамид» номли кучли таъсир қилувчи дори воситасини сотаётганида тўхтатиб қолинган.

Шундан сўнг А.К.нинг вақтинча яшаб келаётган хонадони белгиланган тартибда кўздан кечирилганида, фуқаро И.Ж. томонидан улгуржи сотиш учун қадоқлаб қўйилган 496 дона «Тропикамид» ва 19 дона «Зардекс Габапентин» номли кучли таъсир қилувчи дори воситаси ноқонуний равишда сақланаётганлиги фош қилинган. И.Ж.га тегишли Lacetti кўздан кечирилганида, мазкур автомашина салонида 1 дона қалбаки 100 доллар купюраси борлиги аниқланган.

Тадбир давомида жиноий гуруҳ раҳбари — фуқаро Х.С.нинг жиноий фаолиятига ҳам чек қўйилган. У ҳайдаб кетаётган Captiva тўхтатилиб, белгиланган тартибда кўздан кечирилганида, машина салонида 29 дона «Селофен Залеплон» номли кучли таъсир қилувчи дори воситаси топилган.

Шундан сўнг ушбу шахс яшаб келаётган Чилонзор туманидаги хонадон кўздан кечирилганида, 520 дона «Селофен Залеплон», 219 дона «Регапен Прегабалин» ва 2 дона «Тропикамид» номли кучли таъсир қилувчи дори воситаси борлиги аниқланиб, ашёвий далил сифатида олинган.

Шу билан бирга, фуқаро Х.С.нинг Чилонзор туманида жойлашган дорихонаси ҳам тезкор тадбир иштирокчилари томонидан кўздан кечирилганида, дорихонада сотувчи Ю.О. томонидан 139 дона «Зардекс Габапентин», 337 дона «Карбамазепин» ва 8 дона «Тропикамид» номли кучли таъсир қилувчи дори воситаси сотувга чиқарилгани аниқланган.

Ўтказилган кенг қамровли тезкор тадбирда дастлабки қиймати 200 миллион сўмдан ортиқни ташкил этувчи 5 турдаги 2069 дона кучли таъсир қилувчи дори воситасининг ноқонуний муомаласига чек қўйилган.

Ҳозирда божхона органлари томонидан ушбу ҳолат юзасидан Жиноят кодексининг тегишли моддаси билан жиноят иши қўзғатилиб, тергов органига юборилган.( манба )

хабарларни кузатиб боринг
➨︎ @Tezkor24


​​Тошкентда 14 сотих ерни 148 минг долларга сотмоқчи бўлган эркак ушланди.

Тошкент шаҳри Яккасарой туманида истиқомат қилувчи эркак 14 сотих ерни 148 минг долларга сотмоқчи бўлганида қўлга олинди.

Маълум қилинишича, у 148 минг АҚШ доллари эвазига мансабдор танишлари орқали Янгиҳаёт тумани ҳудудидан 14 сотих ер майдонини тегишли ҳужжатларни расмийлаштириб, олиб беришни ваъда қилган. Давлат хавфсизлик хизмати ва Иқтисодий жиноятларга қарши курашиш департаменти ходимлари томонидан ўтказилган тезкор тадбирда у 20 минг АҚШ долларини аванс сифатида олган вақтида ушланган.

Терговга қадар текширув ҳаракатлари давомида у мазкур пул маблағини Янгиҳаёт тумани ҳокимлигининг масъул ходимига бериши кераклиги маълум бўлган. Шундан сўнг тезкор тадбир давом эттирилиб, ушбу шахс ҳам 20 минг долларни олган вақтида ашёвий далиллар билан қўлга олинган.( манба )

хабарларни кузатиб боринг
➨︎ @Tezkor24


​​Ўзбекистондаги ОТМларда коррупцияга қарши курашиш бўлимлари очилади.

Олий ва ўрта махсус таълим вазирлиги, Бандлик ва меҳнат муносабатлари вазирлиги ҳамда Молия вазирлигининг «Олий таълим муассасалари бошқарув, техник, хизмат кўрсатувчи ва ўқув-ёрдамчи ходимларининг намунавий штатларига ўзгартириш ва қўшимчалар киритиш ҳақида»ги қарори қабул қилинди. Бу ҳақда Norma хабар бермоқда.

Мазкур қарор билан, республика ОТМларида Коррупцияга қарши курашиш «комплаенс-назорат» тизимини бошқариш бўлими киритилади. Мазкур бўлим унинг бошлиғи ва бош мутахассис билан тақдим этилган. Бўлим бошлиғи лавозими талабалар сони 1500 кишигача бўлган ОТМда назарда тутилмаган.

Намунавий штатлар олий таълим муассасаларининг бюджетдан ташқари маблағлари ва тўлов-контракт асосида ўқитишдан тушган маблағлар ҳисобидан жорий этилади.( манба )

хабарларни кузатиб боринг
➨︎ @Tezkor24


​​Чирчиқда 5 ёшли бола 2 ёшли болани йиқитиб юборгани учун болаларнинг оналари ва бувилари ўзаро жанжаллашди.

Чирчиқда икки аёл 2 ёшли фарзандини йиқитиб юборгани сабаб 5 ёшли боланинг онаси ва бувиси билан жанжаллашди, дея хабар бермоқда Тергов департаменти.

Маълум қилинишича, 2021 йилнинг 17 май куни соат 19:00 ларда 22 ёшли П.Н. онаси 43 ёшли Н.Х. билан Чирчиқ шаҳар Истиқбол кўчаси ҳудудидаги жамоат жойи ҳисобланган 67-сонли ётоқхона олдида жойлашган болалар майдончасида вояга етмаган 2 ёшли фарзандини 25 ёшли Б.М.нинг 5 ёшли фарзанди томонидан итариб юбориб, йиқитганлигини важ қилиб, Б.М. ва онаси Б.И.ни ҳақорат қилиб, уриб, дўппослаганлар.

Натижада Б.М. ва Б.И. Чирчиқ шаҳар тез тиббий ёрдам бўлимига мурожаат қилган.

Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан П.Н ва Н.Х.га нисбатан Жиноят кодексининг 277-моддаси 2-қисми «б» банди (безорилик) билан жиноят иши қўзғатилган.

Ҳозирда тергов ҳаракатлари олиб борилмоқда.( манба )

хабарларни кузатиб боринг
➨︎ @Tezkor24


​​Исроил ва Фаластин ҳарбий ҳаракатларни тўхтатмоқда.

Исроил ва Фаластин ҳукуматлари икки мамлакат ўртасида юзага келган можаронинг тўхтатилишини маълум қилди. Бу ҳақда «ТАСС» хабар берди.

Келтирилишича, Исроил ҳукумати мисрлик воситачига Ғазо секторидаги операцияни тугатиш нияти ҳақида хабар берган. «Исроил бош вазири Биньямин Нетаньяху ҳарбий кампанияни тугатиш нияти тўғрисида мисрлик воситачини расман хабардор қилган», дейилади хабарда.

Ўз навбатида, Фаластин ҳукумати ҳам ўт очишни тўхтатиш ва Исроил билан тўғридан-тўғри музокараларни бошлашга тайёрлигини билдирган. Бу ҳақда Фаластиннинг Москвадаги элчиси Абдул Ҳофиз Нофал маълум қилган.

«Биз расмий хабар бериб, сулҳга тайёр эканимизни ва халқаро ҳамжамият ҳомийлигида учрашув шартларини ишлаб чиқишни тасдиқладик», — дея таъкидлаган элчи.

Аввалроқ Фаластин қайси давлат воситачилигида Исроил билан тинчлик музокараларида қатнашмаслиги маълум қилинган. Шунингдек, Исроил Байдендан Ғазога қарши ҳужумларни тўхтатишга муҳлат сўраганди.( манба )

хабарларни кузатиб боринг
➨︎ @Tezkor24


​​Чилонзорда икки йўлтўсар ушланди.

2021 йилнинг 14 май куни соат 16:20 ларда номаълум шахслар Тошкент шаҳри, Чилонзор тумани Бешқўрғон маҳалласи ҳудудидаги ер ости ўтиш йўли олдида фуқаро 43 ёшли А.Улуғбекни тўхтатиб, эгнидаги шимининг орқа чўнтагидан  300 АҚШ доллар пуллари солинган фуқаролик паспорти ва нархи 300.000 сўмлик «SAMSUNG J1» русумли телефон аппаратини очиқдан-очиқ талон-торож қилиб, ҳодиса жойдан яширинганлар. Бу ҳақда ИИВ ҳузуридаги Тергов департаменти хабар бермоқда.

Тезкор қидирув ҳаракатлари давомида, ушбу жиноятни Сурхондарё вилояти Бойсун туманида яшовчи 33 ёшли А.Муродали ва 38 ёшли Ҳ.Салимлар содир этганликлари, улар муқаддам фирибгарлик, ўғрилик жиноятлари учун судланган бўлганликлари аниқланган.

Мазкур ҳолат юзасидан Чилонзор тумани бўйича ИИО ФМБ ҳузуридаги Тергов бўлинмаси томонидан Ўзбекистон Республикаси Жиноят кодексининг 166 (талончилик) ва 227-моддалари (ҳужжатларни эгаллаш) билан жиноят  иши қўзғатилиб, А.Муродали ва Ҳ.Салимларга нисбатан «қамоққа олиш» тарзидаги эҳтиёт чораси қўлланилган.

Ҳозирда тергов давом этмоқда.( манба )

хабарларни кузатиб боринг
➨︎ @Tezkor24


​​Сурхондарёда ҳайдовчи «Жигули»да 16 нафар фуқарони олиб кетаётгани аниқланди.

Сурхондарё вилояти Узун туманида «Жигули» автомобилига 16 нафар йўловчи миндирган ҳайдовчига чора кўрилди. Бу ҳақда вилоят ИИБ ЙҲХБ ахборот хизмати хабар берди.

Маълум қилинишича, 15 май куни ЙПХ ходимлари томонидан Узун туманида ўтказилган рейд тадбирида «Жигули» автомобили тўхтатилган. Ҳужжатларни кўздан кечириш жараёнида ушбу машинада белгиланган меъёрдан ортиқ одам борлиги аниқланган.

Маълум қилинишича, машинадаги 16 нафар фуқаро деҳқон фермер хўжалиги эгасининг қўл остида ишлайдиган ёлланма ишчилар бўлган. Ҳайдовчи ўзига тегишли ерда уларни ишлатиб, сўнг олиб қайтаётган вақтда ЙПХ инспекторлари томонидан тўхтатилган.

Қоидабузар ҳайдовчига нисбатан Маъмурий жавобгарлик тўғрисидаги кодекснинг 128-моддаси (ҳайдовчиларнинг транспорт воситаларини пиёдалар йўлкаларидан юргизиши, йўл белгилари ва йўл ҳаракатининг бошқа қоидалари талабларига риоя этмаслиги) 1-қисми билан маъмурий баённома расмийлаштирилган.( манба )

хабарларни кузатиб боринг
➨︎ @Tezkor24


​​Наманганда Nexia дарахтга урилиши оқибатида бир йўловчи ҳалок бўлди.

Наманган вилоятидаги Чортоқ—Янгиқўрғон йўлининг 22 километрида содир бўлган йўл-транспорт ҳодисаси оқибатида бир киши ҳалок бўлди. Бу ҳақда вилояти ИИБ ахборот хизмати хабар берди.

Маълум қилинишича, 11 май куни 09:30 ларда «Гулшан» МФЙ ҳудудида 33 ёшли фуқаро ишонч қоғози орқали Nexia автомобилини бошқариб бораётиб, ҳаракат хавфсизлигини таъминлай олмай, йўлнинг ўнг четига чиқиб кетган ва дарахтга бориб урилган.

Авария оқибатида ҳайдовчи бош мия ёпиқ шикасти, юз ва ўнг қўл тирсаклари шилинган жароҳат ташхиси билан шифохонага ётқизилган. Машина ичида бўлган 38 ёшли аёл эса олган тан жароҳатлари оқибатида шифохонада вафот этган.

Мазкур ҳолат бўйича Чортоқ туман ИИБ ҳузуридаги Тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган.( манба )

хабарларни кузатиб боринг
➨︎ @Tezkor24


​​Наманганда Gentra 10 ёшли қизни уриб юборди. Ўқувчи шифохонада вафот этди.

Наманганда Gentra 10 ёшли қизни уриб юборди. Бу ҳақда «Дарё» мухбири Азизбек Абдувалиев хабар бермоқда.

Воқеа 2021 йилнинг 12 май куни Янгиқўрғон—Наманган йўлининг 15-километрида, «Қизилқиё» маҳалласи ҳудудида рўй берди. Янгиқўрғон туманида яшовчи, 1976 йилда туғилган ҳайдовчи Gentra русумли машинасини бошқариб кетаётиб, ҳаракат хавфсизлигини таъминламайди. Автомобиль йўлни кесиб ўтаётган пиёда — тумандаги 4-умумтаълим мактабининг 3-синф ўқувчиси, 2011 йилда туғилган Тоҳира Аъзамовани (исм-фамилия ўзгартирилган) уриб юборади.

Ҳайдовчининг айтишича, тезлиги соатига 80 километр атрофида бўлган, бироқ қиз йўлга тўсатдан югуриб чиққани боис тормоз бериб ҳам машинани тўхтатолмаган. У зудлик билан болани автомобиль салонига олиб, шифохонага етказган, бироқ қизни сақлаб қолишнинг имкони бўлмаган.

Ушбу ҳолат бўйича туман ИИБ тергов бўлими томонидан жиноят иши қўзғатилган. Ҳозирда суриштирув ишлари олиб борилмоқда.( манба )

хабарларни кузатиб боринг
➨︎ @Tezkor24


​​Наманганда Nexia билан тўқнашган Damas ҳайдовчиси вафот этди.

Наманганда Nexia билан тўқнашган Damas ҳайдовчиси вафот этди, ундаги 17 ёшли қиз эса тан жароҳати олиб, шифохонага ётқизилди. Бу ҳақда вилоят ИИБ матбуот хизмати хабар берди.

Ҳодиса 16 май куни соат 17:40 ларда Косонсой—Чуст—Поп—Навбаҳор йўлининг 76 километрида Поп тумани «Юксалиш» МФЙ ҳудудида юз берган. Фарғона вилояти Бувайда туманида яшаган 1981 йилда туғилган фуқаро Damas’ни ишонч қоғози билан бошқариб бораётиб, ҳаракат хавфсизлигини таъминлай олмай, қарама-қарши йўналишда ҳаракатланиб келаётган Поп туманида яшовчи, 1982 йилда туғилган фуқаро бошқарувидаги Nexia-2 билан тўқнашган.

Оқибатда Damas ҳайдовчиси олган тан жароҳати оқибатида шифохонада вафот этган ҳамда шу автомашинада бўлган йўловчи — Фарғона вилояти Бувайда туманида яшовчи, шу тумандаги мактабнинг 10-синф ўқувчиси бўлган 17 ёшли қиз бош мия чайқалиши, чап қўл билак суягининг ёпиқ синиши ташхиси билан тан жароҳати олиб, шифохонага ётқизилган.

Ҳолат бўйича Поп туман ИИБ ҳузуридаги ТБ томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлиши) билан жиноят иши қўзғатилган.( манба )

хабарларни кузатиб боринг
➨︎ @Tezkor24

Показано 20 последних публикаций.

797

подписчиков
Статистика канала