Введите текст для поиска
Расширенный поиск каналов

Продам канал с доходом 138090

Всего за 55 000. Срочно нужны деньги.
img
реклама

Ta'limga oid (Perevod)

@Talimgaoid_perevod
Гео и язык канала: Узбекистан, Узбекский
Категория: Образование

O'qishni ko'chirishga oid ma'lumotlar berib boruvchi yagona rasmiy telegram kanal
Bog'lanish:
@TalimgaoidBot
Tijoriy hamkorlik:
t.me/United_agentligi/43

Связанные каналы  |  Похожие каналы
Гео и язык канала
Узбекистан, Узбекский
Категория
Образование
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

Ta'limga oid (Perevod)

2 Feb, 14:49

Открыть в Telegram Поделиться Пожаловаться
❔Qishki perevod natijalarini qayerdan bilish mumkin?

"Qishki perevod" natijalari 15-fevralga qadat rasmiy e'lon qilinadi. Odatda tavsiya etilganlar ro'yxati vazirlik tomonidan e'lon qilinmaydi, faqat oliygohlar o'z rasmiy sahifalariga joylashlari mumkin (shunda ham barcha emas).

Natijalar e'lon qilinsa albatta kanalimizda bu haqida ma'lumot beramiz hamda imkon qadar tavsiya etilganlar ro'yxatini e'lon qilamiz.

Kanalimizni diqqat bilan kuzatib boring!

O‘qishni ko‘chirishga oid yangiliklar:

🌍 @Talimgaoid_perevod
2.2k 0 29 8 11
Ta'limga oid (Perevod)

30 Jan, 16:07

Открыть в Telegram Поделиться Пожаловаться
⚡️Nostrifikatsiya uchun ro'yxatdan o'tish va imtihon tartibi haqida batafsil

Nostrifikatsiya (xorijiy diplomlarni O'zbekiston hududida tan olinishi) uchun ro'yxatdan o'tishning 2 xil usuli mavjud:

➖ My.gov.uz sayti orqali
➖ Davlat xizmatlari markazi orqali

🗂 Kerakli hujjatlar:

➖ Xorijiy davlatlarda ta’lim olganlik to‘g‘risidagi diplom (o'zbek tiliga tarjima qilingan va notarial tasdiqlangan pdf holatda)
➖ Diplom ilovasi (o'zbek tiliga tarjima qilingan va notarial tasdiqlangan pdf holatda)

👨‍🦱 DXM orqali murojaat qilinganda:

➖ pasport;
➖ Diplom va ilovaning asl nusxasi;
➖ Diplom va ilovaning o'zbek tiliga tarjima qilinib, notarial tasdiqlangan nusxasi.

💵 Nostrifikatsiya uchun to'lov mavjud bo'lib, u bazaviy hisoblash miqdoring 3 barobarini (1 125 000 so'm) tashkil etadi.

🖋 Ariza 10 ish kunida ko'rib chiqiladi va hujjatlarda kamchilik mavjud bo'lmasa imtihonga kirish uchun tegishli ruxsatnoma shakllanadi.

💻 Imtihon va o'tish bali haqida:

Test sinovlari 50 ta savoldan iborat bo‘lib, har bir test savoli uchun 2 daqiqadan, jami 100 daqiqa vaqt beriladi. Har bir to‘g‘ri bajarilgan test savoli 2 ball bilan baholanadi. Imtihondan o'tish 56 balni tashkil etib, undan kam to'plangan holda testdan o'tolmagan hisoblanib, diplom tan olinmaydi.

👫 Test sinovlaridan o'tolmagan talabgor qaytadan ro'yxatdan o'tishi mumkin va qayta ro'yxatdan o'tishda bazaviy hisoblash miqdorining 2 barobari (750 ming so'm) to'lov amalga oshiradi.


O‘qishni ko‘chirishga oid yangiliklar:

🌍 @Talimgaoid_perevod
4.9k 0 63 27 11
Ta'limga oid (Perevod)

30 Jan, 07:49

Открыть в Telegram Поделиться Пожаловаться
⚡️Bitta jurnalning obuna narxi 63 million so‘m – Toshkent davlat texnika universiteti

Toshkent davlat texnika universiteti tomonidan 2025-yilga Rossiyada (!) chop etiladigan jurnallarga 679 002 588 so‘mlik obuna shartnomasi tuzibdi.

Ro‘yxatda bir dona jurnal narxi 63 million so‘m deb ko‘rsatilgan! Yana bittasiniki 61 million so‘m! Shu ikki dona jurnalning o‘zi bitta avtomobilning narxiga teng. Qolgan summalar haqida ham gapirishning ham hojati yo'q.

❕ Tasavvur qilyapsizmi oddiy jurnal uchun shu qadar katta summa?! Bu summaga yarasha jurnalda shu qadar qimmatli ma'lumotlar bitilganmikin deb o'ylab qolasan kishi?

👏Mutaxassislar odatda obuna masalasini qurilish mavzusi kabi "pul yeyish vositalaridan biri" sifatida ko'rishadi.

PS. Bu shartnomaning qonuniyligi o‘rganilishi lozim...

O'qishni ko'chirishga oid yangiliklar:

🌍 @Talimgaoid_perevod
6.1k 0 13 4 31
Ta'limga oid (Perevod)

29 Jan, 11:55

Открыть в Telegram Поделиться Пожаловаться
⚡️Farg‘onada ham 3 ta davlat oliygohlari qayta tashkil etiladi

🏛 Farg‘ona politexnika instituti va Toshkent axborot texnologiyalari universiteti Farg‘ona filiali negizida Farg‘ona davlat texnika universiteti;

🏛 Qo‘qon davlat pedagogika instituti, Toshkent davlat texnika universiteti Qo‘qon filiali hamda O‘zbekiston davlat san’at va madaniyat instituti Farg‘ona mintaqaviy filiali negizida Qo‘qon davlat universiteti;

🏛 O‘zbekiston davlat jismoniy tarbiya va sport universiteti Farg‘ona filialini qo‘shib yuborish yo‘li bilan Farg‘ona davlat universiteti.

🗓 2025/2026-o‘quv yilidan:

➡️mazkur universitetlarning malaka talablari va o‘quv dasturlari yuqori 300 talik ro‘yxatga kirgan xorijiy oliy ta’lim tashkilotlarining dasturlari asosida ishlab chiqiladi;

➡️iqtidorli talabalar uchun darslar xorijiy tillarda o‘qitiladigan alohida guruhlarda tashkil etiladi;

➡️Farg‘ona davlat texnika universitetida Ilg‘or muhandislik maktabi va “spin-off” korxonalari faoliyati tashkil etiladi hamda yirik ishlab chiqarish korxonalari va tashkilotlari sanoat hamkori sifatida biriktiriladi.

🎓Tugatilayotgan oliy ta’lim tashkilotlarida tahsil olayotgan barcha talabalar o‘qishini yangidan tashkil etilgan tegishli universitetlarda davom ettiradi.

O'qishni ko'chirishga oid yangiliklar:
🌍 @Talimgaoid_perevod
6k 0 13 1 12
Ta'limga oid (Perevod)

28 Jan, 07:55

Открыть в Telegram Поделиться Пожаловаться
☄️Nukusda ham ikkita davlat oliygohlari birlashtirilmoqda

🔰 Navoiy davlat konchilik va texnologiyalar universiteti huzuridagi Nukus konchilik instituti hamda Toshkent axborot texnologiyalari universiteti Nukus filiali negizida Nukus davlat texnika universiteti tashkil etiladi.

📌 Sanoat, texnika-texnologiya, muhandislik sohalari uchun oliy ma’lumotli mutaxassislar va ilmiy-pedagogik kadrlar tayyorlash, qayta tayyorlash hamda ularning malakasini oshirish Universitetning asosiy vazifalaridan biri etib belgilandi.

✔️ Universitetda Ilg‘or muhandislik maktabi faoliyati tashkil etiladi.

🗓 2025/2026-o‘quv yiligacha Universitetda tajriba-ishlab chiqarish (“spin-off”) korxonasi tashkil etiladi.

🗓 2025/2026-o‘quv yilidan:

➡️ Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi.

➡️ Amudaryo muhandislik-texnologiyalar texnikumida muhandislik sohalaridagi kasblar bo‘yicha kasbiy ta’lim dasturlarida to‘liq davlat granti asosida o‘rta bo‘g‘in kadrlari tayyorlash yo‘lga qo‘yiladi.

✅ Hozirda tahsil olayotgan barcha talabalar o‘qishini Universitetda davom ettiradi va bitiruvchi kurs talabalariga belgilangan tartibda Universitet diplomi beriladi.

O'qishni ko'chirishga oid yangiliklar:

🌍 @Talimgaoid_perevod
6.4k 0 24 1 10
Ta'limga oid (Perevod)

27 Jan, 17:03

Открыть в Telegram Поделиться Пожаловаться
candidates_for_30_01_2025.pdf
545.6Кб
⚡️Nostrifikatsiya bo‘yicha navbatdagi test sinovlari 2025-yil 30-yanvar kuni o‘tkaziladi.

📋 Test sinovida ishtirok etishi belgilangan talabgorlar ro‘yxati, test topshiradigan fanlar va test topshirish hududi bilan yuqoridagi PDF faylda tanishish mumkin (my.gov.uz sayti yoki Davlat xizmatlari markazlari orqali ro‘yxatdan o‘tishda topshirgan ariza raqami orqali).

❗️ Talabgorlar imtihon o‘tkaziladigan binoga belgilangan vaqtdan kechikmagan holda shaxsini tasdiqlovchi hujjat (pasport yoki ID-karta) bilan kelishlari lozim.

🖋Izoh: Talabgorlar turli sabablarga ko'ra test topshirish hududini yoki test topshirish tilini o'zgartirish uchun https://t.me/NostrifikatsiyaBBA_bot manzili orqali (ariza raqami, ism, familiya va sharifini keltirgan holda) murojaat qilishlari mumkin.


📍Test o'tkaziluvchi manzillar ro'yxati

O'qishni ko'chirishga oid yangiliklar:

🌍 @Talimgaoid_perevod
5.3k 0 23 7 3
Ta'limga oid (Perevod)

27 Jan, 14:20

Открыть в Telegram Поделиться Пожаловаться
⚡️Rasman: Namanganda ham uchta davlat oliygohlari birlashtirilmoqda

Namangan muhandislik-texnologiya instituti, Namangan muhandislik-qurilish instituti va Namangan to'qimachilik sanoati instituti negizida Namangan davlat texnika universiteti tashkil etiladi.

✅Muhandislik, qurilish, to'qimachilik, axborot texnologiyalari va dasturlash, ishlab chiqarish, qayta ishlash hamda xizmat ko'rsatish sohalari bo'yicha, shuningdek, hududning yuqori malakali kadrlarga bo'lgan ehtiyojiga muvofiq oliy ma'lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda yuridik shaxs maqomisiz Ilg'or muhandislik maktabi faoliyati tashkil etiladi.

✅ 2025/2026-o'quv yilidan ish beruvchi korxona va tashkilotlarning real muammolari asosida bitiruv malakaviy ishlari hamda magistrlik dissertatsiyalari mavzulari bankini shakllantirish va talabalarning bitiruv malakaviy ishi hamda magistrlik dissertatsiya himoyalarini ish beruvchi korxona va tashkilotlarda tashkil etish choralari ko'riladi.

➖ 2026/2027-o'quv yiligacha Universitetning kamida ikkita bakalavriat ta'lim yo'nalishi va uchta magistratura mutaxassisligining xalqaro tan olingan tashkilotlar akkreditatsiyasidan o'tkazilishi ta'minlanadi.

➖ 2025-yildan yirik ishlab chiqarish korxonalarini Universitetga sanoat hamkori sifatida biriktiriladi.


✅NamMT, NamMQI hamda NamTSIda tahsil olayotgan barcha talabalar o'qishini Universitetda davom ettiradi va 2024/2025-o'quv yilidan boshlab bitiruvchilarga belgilangan tartibda Universitet diplomi beriladi.

❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.

O'qishni ko'chirishga oid yangiliklar:

🌍 @Talimgaoid_perevod
5.4k 0 36 16
Ta'limga oid (Perevod)

27 Jan, 09:13

Открыть в Telegram Поделиться Пожаловаться
⚡️Rasman: Buxoroda bir necha davlat oliygohlari birlashtiriladi

Buxoro muhandislik-texnologiya instituti hamda Buxoro tabiiy resurslarni boshqarish instituti negizida Buxoro davlat texnika universiteti tashkil etiladi.

📌 Muhandislik, ishlab chiqarish, oziq-ovqat texnologiyasi, yengil sanoat, neft va gaz, yashil energetika, arxitektura va qurilish, transport va logistika, agrotexnologiya, axborot texnologiyalari va dasturlash sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda neft va gaz muhandisligi sohasida Ilg‘or muhandislik maktabi faoliyati yo‘lga qo‘yiladi.

✅ 2025/2026-o‘quv yilidan:

➖ Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi;

➖ Universitet professor-o‘qituvchilari va doktorantlari yetakchi xorijiy oliy ta’lim va ilmiy-tadqiqot tashkilotlariga ilmiy stajirovka va malaka oshirishga yuboriladi;

➖ Yirik ishlab chiqarish korxonalari va tashkilotlarni Universitetga sanoat hamkori sifatida biriktiriladi;

➖ 2026-yil 1-yanvardan Universitetga akademik, tashkiliy va moliyaviy mustaqillik beriladi.


❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.

O'qishni ko'chirishga oid yangiliklar:

🌍 @Talimgaoid_perevod
5.5k 0 19 1 16
Ta'limga oid (Perevod)

26 Jan, 13:13

Открыть в Telegram Поделиться Пожаловаться
⚡️Diniy ta’lim muassasalari kirish imtihonlariga tayyorgarlik ko‘rish uchun tavsiya etilgan adabiyotlar ro‘yxati

2025-2026 o‘quv yilida O‘zbekiston musulmonlari idorasi tasarrufidagi oliy va o‘rta maxsus islom ta’lim muassasalariga kirish test sinovlariga tayyorgarlik ko‘rish uchun tavsiya etilgan darslik va adabiyotlar ro‘yxati e’lon qilindi.

Kirish imtihonlarida Chet tilidan Arab  tili bo‘yicha milliy yoki xalqaro sertifikatlarga ega bo‘lgan abituriyentlarga imtiyoz (maksimal ball) berish tartibi bekor qilinadi. Chet tili boʻyicha barcha abituriyentlar test sinovlarida to‘liq ishtirok etadilar.

O‘zbekiston musulmonlari idorasi Matbuot xizmati

O'qishni ko'chirishga oid yangiliklar:

🌍 @Talimgaoid_perevod
4.5k 0 27 18
Ta'limga oid (Perevod)

23 Jan, 08:03

Открыть в Telegram Поделиться Пожаловаться
Rankings TOP-1000.xlsx
109.2Кб
#TOP1000

⚡️Diplomlari toʻgʻridan toʻgʻri tan olinadigan TOP-1000 talikka kirgan OTMlar roʻyxati tasdiqlandi

Ushbu ro'yxat 2025-yil uchun yangi e'lon qilingan bo'lib, har yili dunyo reytingida o'zgarishlar bo'lib turadi.

TOP-1000 talik oliygohni bitirgan talabalarning diplomlari O'zbekistonda nostrifikatsiyasiz (imtihon sinovlarisiz) tan olinadi va bemalol har qanday tashkilotlarida faoliyat olib bolishlari mumkin.

O'qishni ko'chirishga oid yangiliklar:

🌍 @Talimgaoid_perevod
8.8k 0 85 15 13
Ta'limga oid (Perevod)

22 Jan, 21:07

Открыть в Telegram Поделиться Пожаловаться
"Qishki perevod" natijalari qachon e'lon qilinadi?

"Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risida nizom"ning ilovasiga ko'ra, bahorgi semestr bo'yicha (xalq tilida qishki perevod) arizalar natijasi fuqaroga 25-yanvardan 15-fevralgacha muddat oralig'ida ma'lum qilinadi.

Demak "qishki perevod" natijasi e'lon qilinishining so'nggi kuni 15-fevral hisoblanadi.

O‘qishni ko‘chirishga oid yangiliklar:
🌍 @Talimgaoid_perevod
6.9k 0 87 79 8
Ta'limga oid (Perevod)

22 Jan, 17:26

Открыть в Telegram Поделиться Пожаловаться
⚡️Nukus, Buxoro, Farg‘ona va Namangan texnika universitetlari tashkil etiladi

Prezident Shavkat Mirziyoyev 22-yanvar kuni oliy ta’lim va ilm-fan sohasidagi ustuvor vazifalarga oid taqdimot bilan tanishdi.

Yig‘ilishda Nukus, Buxoro, Farg‘ona va Namangan texnika universitetlarini tashkil etish loyihalari taqdimot qilindi. Unga ko‘ra, yangi yo‘nalishlar ochilib, xorijiy dasturlar tatbiq qilinadi, talabalarning ilmiy-innovatsion jarayonlarda ishtiroki kengaytiriladi, oliygohlarga sanoat hamkorlari biriktiriladi.

Umuman, bu yo‘nalishdagi 35 ta muassasani yiriklashtirish hisobiga, 22 ta texnika universiteti tashkil qilinadi. Shu yil oxirigacha yana 17 ta muhandislik maktabi ochiladi.

So‘nggi yillarda oliy o‘quv yurtlarida ilmiy salohiyat 41 foizdan 45 foizga oshgan. Lekin, aksariyat ilmiy tadqiqotlar sanoat va ishlab chiqarishdagi zamonaviy tendensiyalarni qamrab olmayapti.

Shu bois doktorantura kvotasini taqsimlashda iqtisodiyotning drayver sohalariga ahamiyat qaratish, ilmiy daraja va unvonlar olish tartibini takomillashtirish bo‘yicha ko‘rsatmalar berildi.

O'qishni ko'chirishga oid yangiliklar:

🌍 @Talimgaoid_perevod
6.6k 0 10 1 11
Ta'limga oid (Perevod)

20 Jan, 14:58

Открыть в Telegram Поделиться Пожаловаться
Bugun qishki perevod bo'yicha qabul jarayonlarining so'nggi kuni.

Ertadan kech qolganlar uchun hech qanday hujjat topshirish imkoni berilmaydi.

O'qishni ko'chirishga oid yangiliklar:

🌍 @Talimgaoid_perevod
7.1k 0 43 71 2
Ta'limga oid (Perevod)

18 Jan, 22:01

Открыть в Telegram Поделиться Пожаловаться
❔Shunda savol tug'ilyapti, demak kengi yildan ushbu yo'nalishlarga perevod qilmoqchi bo'lgan talabalar imtihon topshirmaydimi shunda?

Ya'ni sertifikati bo'lsa o'qishi to'g'ridan-to'g'ri "perevod" qilinadimi demak?

O'qishni ko'chirishga oid yangiliklar:

🌍 @Talimgaoid_perevod
7.5k 0 9 54 4
Ta'limga oid (Perevod)

18 Jan, 13:16

Открыть в Telegram Поделиться Пожаловаться
⚡️Abituriyentlar uchun muhim eslatma!

🏛Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.

2025/2026-oʻquv yili uchun respublika oliy taʼlim muassasalarining taʼlim yoʻnalishlari roʻyxati va ularga mos test sinovi (kasbiy (ijodiy) imtihon) topshiriladigan fanlar majmuasiga koʻra chet tili birinchi fan sifatida belgilangan taʼlim yoʻnalishlari roʻyxati ilovada (rasm👆).

E’tibor bering! 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

Tasdiqlangan sertifikatlar ro‘yxati bu yerda👈

O'qishni ko'chirishga oid yangiliklar:

🌍 @Talimgaoid_perevod
8.8k 0 46 4 14
Ta'limga oid (Perevod)

14 Jan, 08:02

Открыть в Telegram Поделиться Пожаловаться
⚡️"Qishki perevod" tugashiga 6 kun qoldi!

🖊 Qishki perevodda faqatgina Davlat OTMlariaro faqat 2 ta uzrli sababga asosan qishda o‘qishni ko‘chirsa bo‘ladi.

➖ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish istagidagilarga;
➖ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirmoqchi bo‘lganlarga (tegishli vazirlik (idora) rahbarining tavsiyasi asosida).


🗂 Talabalar tomonidan hududiy ishchi guruhlarga quyidagi hujjatlar 20-yanvargacha (shu kuni ham) faqatgina offlayn shaklda taqdim etiladi:

➡️ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➡️ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➡️ pasport nusxasi;
➡️ yuqorida qayd etilgan uzrli sabablarni asoslovchi tegishli hujjatlar.


Qishki perevodda arizalar onlayn shaklda sayt orqali to'ldirilmaydi. Kerakli hujjatlar har bir OTMda tashkil etilgan ishchi guruhga talaba yoki uning yaqin qarindoshlari tomonidan shaxsan topshirilishi shart.

❌Qishki perevodda xorijdan va xususiy oliygohlardan o'qishni ko'chirish mumkin emas.

O'qishni ko'chirishga oid yangiliklar:

🌍 @Talimgaoid_perevod
10.2k 0 59 63 15
Ta'limga oid (Perevod)

13 Jan, 20:33

Открыть в Telegram Поделиться Пожаловаться
❔Talabalar stipendiyasi nega kechikmoqda?

Shu mazmunda talabalardan bir qator murojaatlar kelib tushdi. Ushbu masala bo‘yicha Oliy ta’lim vazirligining tegishli mas’ullari bilan bog‘lanib, vaziyatga oydinlik kiritishga harakat qildim.

❓Sababi nimada?

Stipendiya kechikayotganining sababi, ayni kunlarda oliy ta’lim muassasalarining moliyaviy tizimini to‘liq raqamlashtirish ishlari yakuniy bosqichda ekan. Xabaringiz bor, raqamlashtirish jarayonlari bir necha yildan buyon davom etmoqda. Masalan, kontrakt to‘lovlari ilgari faqat bankka borib to‘lanardi, talabaning hisobini (yoki qarzini) onlayn ko‘rib ham bo‘lmasdi, marketing bo‘limi eshigida sarg‘ayish kerak edi. So‘nggi yillarda bu to‘liq raqamlashdi, hozir bitta JShShIR raqamini kiritib, kontraktni onlayn to‘lasa bo‘ladi.

Endi navbat stipendiyaga kelibdi. Va bu ham to‘liq raqamli tizimga o‘tyapti. Shu sababli texnik tomondan kechikayotgan ekan.

Asosiy maqsad, oliy ta’lim tizimida talon-toroj va pul "yeyish"larning oldini olish, deyishdi mas’ullar.

❓Qachon to‘lanadi?

Hozirda tizim deyarli tayyor bo‘libdi, hatto bugundan to‘lov boshlanibdi ham. Masalan, 3 ta OTMda — Guliston davlat pedagogika instituti, Namangan davlat chet tillari instituti va Namangan to‘qimachilik sanoati institutida to‘lov qilingani aytildi.

✅ Mas’ullar uzog‘i 3 kun ichida boshqa OTMlarda ham bosqichma-bosqich to‘lovlar amalga oshirilishini aytishdi. Katta qismi ertaga o‘tar ekan.

©Xushnudbek

O'qishni ko'chirishga oid yangiliklar:

🌍 @Talimgaoid_perevod
9.1k 0 17 3 16
Ta'limga oid (Perevod)

13 Jan, 19:24

Открыть в Telegram Поделиться Пожаловаться
Репост из: Mr. Akhmadjanov
⚡️Xoinlarni hamisha yoningizdan qidiring!

🤳Ayrim xususiy universitetlar talabalariga firibgarlar tomonidan turli telegram va raqamlar orqali “Kontraktdan qarzdorligingiz bor, karta raqamga o’tkazing!”, “Semestringizni yopishimiz kerak” mazmunidagi feyk xabarlar yuborilmoqda ekan.

👨‍🦱Qiziq tomoni ushbu sms xabarlarda talabaning ism-familyasi ham ko'rsatilyapti ekan. Odatda bunday ishlar tizim ichidagi xoinlar tomonidan amalga oshiriladi.

🤝 Masalan bu kabi xabarlar o'sha universitetda ishlayotgan kimdir tomonidan yuborilgan yoki talabalarning ma'lumotlari ichkaridagi o'sha kimdirlar tomonidan tashqaridagi boshqalarga sotilgan bo'ladi.

💵 Xususiy universitetning eng nozik tomoni "ichkarida hamisha xoinlarning mavjudligidir". Sababi buning ortida moddiy manfaat yotadi.

💻Men faoliyat olib borgan xususiy oliygohlarning hammasida xoinlar bo'lgan. Tizimdagi mavjud muammolarga yechim qidirib borganim sari ular kimligi oydinlashavergan. Oxirgi nuqtaga yetganimda esa har doim xafsalam pir bo'lgan. Sababi xususiy oliygohni ildizidan "kemirayotganlar" oliygoh ta'sischisining eng yaqinlari va qarindoshlari bo'lib chiqavergan.

Shunda bir narsani tushunib yetganman. Biznesda har doim ham yaqinlarga ishonib bo'lmas ekan. Eng katta zarba aynan ular tomonidan berilarkan.

Eng qiziq tomoni ana o'sha "xoinlar" hali hanuz o'sha ta'sischilarning ishonchini yo'qotishmagan, xatto qo'lga tushishsa ham. Sms-xabar mavzusida ham aybdorlarni ichkaridan qidirishni tavsiya berardim.

Ijtimoiy tarmoqlardagi rasmiy sahifalarimiz:

🕊Telegram | 📱Instagram
7.5k 0 27 7 4
Ta'limga oid (Perevod)

12 Jan, 13:48

Открыть в Telegram Поделиться Пожаловаться
❔JISMONIY MADANIYAT ta’lim yo‘nalishi bitiruvchilari qanday kasblarni egallashlari mumkin?

✔️ Kasbingiz bo'yicha faoliyatingiz:
➖maktabgacha ta’lim, umumiy o‘rta ta’lim va professional ta’lim muassasalarida jismoniy tarbiya darslari va sport mashg‘ulotlarini tashkil etish va olib borish;
➖sport maktablari, ixtisoslashgan sport maktablari, olimpiya va paralimpiya sport turlariga tayyorlash markazlaridagi sport mashg‘ulotlarini tashkil etish va olib borish;
➖sport maktablari, ixtisoslashgan sport maktablari, olimpiya va paralimpiya sport turlariga tayyorlash markazlari hamda sport turlari bo‘yicha federatsiyalarda tashkiliy-uslubiy faoliyat olib borish;
➖sport jamoalari, sport kulublarida sport mashg‘ulotlarini olib borish va sport musobaqalarini tashkil etish;
➖ishlab chiqarish korxonalarida jismoniy tarbiya va sport tadbirlarini tashkil etish;
➖ta’lim yo‘nalishi bo‘yicha oliy ma’lumotli shaxslar egallashi lozim bo‘lgan lavozimlarda mustaqil ishlaydilar.


✅ Bitiruvchilar quyidagi kasbiy faoliyat sohalari bo'yicha ishlashlari mumkin:

➖Tanlagan sport turi bo'yicha murabbiy;
➖Jismoniy tarbiya o'qituvchisi;
➖direktor:
➖Jismoniy tarbiya va sport bo'yicha yo'riqchi-uslubchi;
➖kabinet mudiri.

O‘qishni ko‘chirishga oid yangiliklar:

🌍 @Talimgaoid_perevod
7.8k 0 40 2 25
Ta'limga oid (Perevod)

11 Jan, 11:38

Открыть в Telegram Поделиться Пожаловаться
❕Yana stipendiya mojarosi

2025-yil 1-yanvardan Oliy ta'lim muassasalarida barcha turdagi stipendiya to'lovlari Hemis dasturi va Billing dasturi orqali amalga oshirilishi belgilab qo'yilgan.

Yanvar oyining 11 kuni o'tib ketgan bo'lishiga qaramay birorta davlat OTMlarida hanuzgacha stipendiyalar va boshqa turdagi to'lovlar tushirib berilmayapti. OTM hisobxonasiga murojaat qilgan talabalarning aytishicha, "oliygoh bilan bog'liq jarayonlar yakunlagan, vazirlik tomonidan pul tushirib berilmayotgani uchun kechikish bo'lmoqda" mazmunida javob olingan.

Aslida to'lovlar har oyning 5-sanasigacha tushirib berilishi shart. Amalda esa qachon tushirib berilishi haqida hech kim aniq ma'lumot bermaydi.

O'qishni ko'chirishga oid yangiliklar:

🌍 @Talimgaoid_perevod
8.3k 0 48 12 44
Показано 20 последних публикаций.