🌹 Tabrizlik Shams 🌹 | Shams Tabriziy | Oshiqlarga salom bo'lsin 🌹

Агар инсон қалбида соғинч бўлмаса, у ҳақиқий ишқни англолмайди. Ҳар соғинч ишқнинг бир шаклидир.

Бизнинг руҳимиз фақат Оллоҳга етишишни хоҳлайди, чунки соғинчнинг илдизи Ундандир. Ва ўша соғинч бизни Ишққа етаклайди. Ишқни қалбингда сақла ва унинг йўлидан юр.

Шамс Табризий
@Tabrizlik_Shams - Ошиқларга салом бўлсин ❄️

Инсон ҳар ерда Оллоҳнинг намоён бўлишини кўриши лозим. Агар гулга қарасанг, Унинг раҳматини кўрасан, агар тоғга қарасанг, Унинг улуғворлигини ҳис қиласан.

У ҳар ердадир, фақат кўра оладиган кўз, ҳис қиладиган қалб керак.

Шамс Табризий
@Tabrizlik_Shams - Ошиқларга салом бўлсин ❄️

ҚУТБ ҲАҚИДА

Ибн ал Арабийнинг таъкидлашича, ҳар бир замонда дунёда фақат БИР қутб бўлади. У "қутб ал-ақтаб" (энг олий қутб) деб аталади ва бутун авлиёлар ҳалқасининг марказида туради. Қутб Оллоҳнинг нури билан ҳар тарафни ёритади ва инсонлар учун маънавий раҳбар бўлади.

Шунингдек, Қутб ўзига ҳеч қандай мартаба ёки мақтов талаб қилмайди. У фақат Оллоҳнинг розилиги учун хизмат қилади.

Қутб барча авлиёлар ҳалқасининг раҳбари бўлиб, унинг атрофида:

Ғавс: Етук ёрдамчи вазифасини бажаради.

Абдоллар: Ер юзидаги маънавий тартибни таъминлайдиган 40 киши.

Нажоблар: 70 нафар бўлиб, уларнинг вазифаси миллатлар ҳолатини кузатиш.

Бу тизим Оллоҳнинг иродаси асосида ҳаракат қилади ва қутб ушбу тизимнинг марказий шахси ҳисобланади.

Одатда Қутбларнинг мақоми одамлардан махфий бўлади. Уларнинг шахсий ҳаёти ва мартабаси фақат Оллоҳ томонидан аниқлаштирилади. Қутблар оддий инсонлар каби ҳаёт кечиришади, лекин маънавий жиҳатдан улар олий даражада турадилар.

@Tabrizlik_Shams - Ошиқларга салом бўлсин ❄️

АВЛИЁЛАРНИНГ БАЪЗИ ТУРЛАРИ:

1. Қутблар

Қутб — бутун оламнинг маънавий маркази ҳисобланадиган авлиё. У Оллоҳнинг ёрдами билан бутун инсониятга маънавий раҳбарлик қилади.

Қутблар иккига бўлинади:

Қутб ал-Ақтаб — энг олий қутб.

Ғавс — муҳтожларга ёрдам берувчи авлиё.


2. Абдоллар

Абдоллар — ер юзидаги жамоатларни қўллаб-қувватлайдиган маънавий шахслар. Улар жуда покиза қалб эгалари бўлиб, уларнинг сони доимий равишда 40 нафар бўлиши ҳақида айтилади.

3. Автодлар

Автодлар — маълум минтақалар ёки умматлар учун масъул бўлган авлиёлар.

4. Нажоблар

Улар ер юзидаги халқларнинг ҳолатларини кузатиб, Оллоҳга дуо ва мурожаат қилиш вазифасини бажаради.

5. Аҳли бадр (313 нафар авлиёлар)

Бу авлиёлар Бадр жангида қатнашган саҳобаларнинг маънавий ворислари деб ҳисобланади. Улар дунёда тинчлик ва адолатни таъминлашда иштирок этадилар.

6. Авом авлиёлар

Бу турдаги авлиёлар ҳаётида оддий инсонлар каби кўринадилар, лекин уларнинг қалби Оллоҳнинг нурида бўлади. Улар шунчаки ўз вазифаларини ҳалоллик ва фидойилик билан бажаради.

7. Махфий авлиёлар

Уларнинг мартабаси ниҳоятда баланд бўлади, лекин улар ўз мақомларини ошкор қилмайдилар. Фақат Оллоҳ уларнинг даражасини билади.

@Tabrizlik_Shams - Ошиқларга салом бўлсин ❄️

Агар ҳали ҳам ғазабланаётган бўлсанг, демак ўзинг билан бўлган курашинг тамом бўлмабди.

Агар ҳали ҳам хафа бўлаётган бўлсанг, демак кўнгил уйингнинг ғиштлари мустаҳкам бўлмабди.

Агар ҳали ҳам бировларни айблаётган бўлсанг, демак фикрларинг етарлича тиниқлашмабди.

Агар ҳали ҳам эвазсиз севолмаётган ва севгингда ажратаётган бўлсанг, демак, ҳали ҳам ақл ва мантиғингни қўллаб, ичингдаги севгининг камол топишига тўсқинлик қилмоқдасан.

Агар ҳали ҳам “МЕН” демоқдан воз кечолмаётган бўлсанг, демак тизгинларинг ҳали ҳам нафсингни қўлида ва сен бу тутқунликка бўйин эгмоқдасан.

Агар ҳали ҳам мусибатлардан ғамгин бўлаётган бўлсанг, демак, асл моҳиятни англаб етмабсан.

Агар ҳали ҳам шикоят қилаётган бўлсанг, демак, ҳақиқатни кўролмаяпсан...

Шамс Табризий
@Tabrizlik_Shams - Ошиқларга салом бўлсин ❄️

ДУНЁДАГИ ЭНГ КУЧЛИ ҚУВВАТ - ИШҚ

Ишқ дунёдаги энг кучли шифобахш қувватдир. Ҳечнима унингчалик чуқур кириб бора олмайди - у нафақат инсон жисмоний вужудини ва нафақат ақлини, балки қалбини ҳам даволайди.

Агар инсонда севиш қобилияти бўлса, унинг барча жарохатлари шифо топади...

Инсон моҳиятидаги энг яширин жойлар фақатгина Ишқ билан даволаниши мумкин.

Кимки Ишқ сирини билган бўлса, демак у Ҳаётнинг буюк сирини билипти.

Ошо
@Tabrizlik_Shams - Ошиқларга салом бўлсин ❄️

ИМОМ ҒАЗЗОЛИЙ РОҲИМАҲУЛЛОҲ НАСИҲАТЛАРИ:

• Йўл ва кўчаларда тўпланишиб турманг;
• Суҳбатлашиш учун дўконларни танламанг;
• Одобсиз, тарбиясиз ва бадхулқ кишилар билан тортишманг;
• Фикр билдирганда: «Бу – менинг қарашларим», деб айтинг;
• Бирор нарса ёки бирортасини мақтаганда, ошириб юборманг;
• Яхши гапга диққат билан қулоқ солинг;
• Хушбўй ҳидли нарсалардан фойдаланганда, меъёрни билинг;
• Айрим орзулар рўёби учун ўзингизни ўтга-чўққа ураверманг;
• Сизга нисбатан муомала меъёрини бузганларга ҳам вазмин бўлинг;
• Бойлар саховати қошида ўзингизни зинҳор камситилгандек ҳис қилманг;
• Сўз бердингизми, бажаришга қатъийлик билан киришинг;
• Фақат ва фақат рост гапиринг;
• Ҳар ерда мақбул сўз айтинг, чиройли гапиришга ҳаракат қилинг;
• Вужудингиз роҳатини истасангиз, оз енг ва оз ичинг!
• Тингловчингиз бўлгандагина гапиринг;
• Битта сўзни қайтараверишдан сақланинг;
• Ҳеч кимни алдаманг, масхараламанг;
• Сотган нарсангизни ёқтирмай, қайтариб олиб келишса, қабул қилинг;
• Ёлғон сўзлашни тажриба қилманг ва одатланманг;
• Чанқаганда, сув ичишдан олдин оғзингизни чайқанг;
• Бозорда юрганда, ҳеч кимга озор берманг;
• Эгасининг рухсатини олмасдан, бировинг нарсасига тегманг;
• Оғзингизда луқма билан гапирманг;
• Гапирганда қўл, бармоқлар билан ортиқча ишорат қилманг.

@Tabrizlik_Shams - Ошиқларга салом бўлсин ❄️

Инсонлар турли хил бўлиб, ҳар хил сифатлар билан яратилганлар. Агар Оллоҳ барча бир хил бўлишини хоҳлаганда эди, шубҳасиз, шундай қилган бўларди.

Мана шу фарқларни ҳурмат қилмай, ўзини “тўғри” деб билганларига бошқаларни ҳам мажбурлашлик, Оллоҳнинг муқаддас низомини ҳурмат қилмасликдир!

Шамс Табризий
@Tabrizlik_Shams - Ошиқларга салом бўлсин ❄️

Яхши гап бўлса ҳам, ёмон гап бўлса ҳам, қандай қилиб бўлмасин ўзимизга қайтиб келади.

"Бизнинг дунёимиз овозларимизга аксу садо қайтарадиган тоғларга ўхшайди. Яхши гап бўлса ҳам, ёмон гап бўлса ҳам, қандай қилиб бўлмасин ўзимизга қайтиб келади. Шунинг учун агар бирон одамда сизга нисбатан ёмон фикр бўлса ва сиз у ҳақида ёмон гапирсангиз, ўзингизга баттар ёмон қиласиз. Сиз ёмон қувват доирасидан чиқиб кета олмай, қолиб кетасиз.

Бунинг ўрнига сиз бу одам ҳақида қирқ кечаю қирқ кундуз фақат яхши гапиринг ва яхши ўйланг. Қирқ кун ўтгач ҳаммаси ўзгаради, чунки ўзингиз ичдан ўзгарасиз."

Шамс Табризий
@Tabrizlik_Shams - Ошиқларга салом бўлсин ❄️

ЧИН ОШИҚ АҲДИ

Ўзини билмаганлар айтадурлар ўзга ёр ахтар,
Кўнгилни бевафога бермагил бир ғамгузор ахтар.
Агарчи дилрабони топмассен узга диёр ахтар.

Ўзга ёр ахтариб ман дашту сахронларни кезмамдур,
Қиёмат тонги отунча бу паймонимни бузмамдур.

Бобораҳим Машраб
@Tabrizlik_Shams - Ошиқларга салом бўлсин ❄️

РОБИЯ, ЎЛИМ ҲАҚИДА

Ривоятларга кўра, Робия ал Адавия ўлимни на қўрқув билан, на афсус билан қарши олган. Унга кўра, ўлим – бу илоҳий ишққа етаклайдиган дарвоза, Худо билан юзма-юз келишнинг бир ҳолидир.

Кунларнинг бирида у шундай деган экан:

"Мен нафақат ўлимдан қўрқмайман, балки уни орзу қиламан. Чунки менинг юрагимдаги ишқ мени Яратувчининг олдига етаклайди."

@Tabrizlik_Shams - Ошиқларга салом бўлсин ❄️

Қандай офатга йўлиқсангиз ҳам, бўш келманг. Ҳаттоки олдингиздаги барча эшиклар ёпилиб қолса ҳамки, У сизга ҳечким билмайдиган яширин сўқмоқни кўрсатиб беради.
Бу тор сўқмоқлар орасида қанчалар кўп жаннат боғлари борлигини сиз балки ҳозир кўрмаётгандирсиз.

Сиз ҳамду санолар айтинг! Орзуларингиз амалга ошганида ҳамду санолар айтиш осон. Сиз эса орзуларингиз амалга ошмаганида ҳам ҳамду санолар айтинг.

Шамс Табризий
@Tabrizlik_Shams - Ошиқларга салом бўлсин ❄️

ХУДО БИЛАН ИНСОН ОРАСИДА ҲЕЧҚАНДАЙ МАСОФА ЙЎҚ

Тариқат "йўл" деган маънони англатади ва бу Худога олиб борувчи йўл ҳисобланади. Аммо, бунда Худо билан инсон орасида қандайдир масофа борлиги назарда тутилмайди. Чунки Худо билан инсон орасида ҳечқандай масофа йўқ. Зеро, Худо - бизнинг энг туб ва соф МОҲИЯТимиз, теран ЎЗЛИГИмиздир, ва У ҲАЁТНИНГ ўзидир. У бутун борлиқни тўлдириб турган ҳаёт (қувват) Уммондир. Ва У бўлмаса биз ҳам бўлмас эдик. У бутун борлиққа худди хаво каби сингиб кирган. (Биз - балиқмиз, У эса - барча балиқларни ўз бағрига олган Уммон).

Шунинг учун бунда гап Худони қаердандир излаб топишда эмас, балки Уни Ўзлигимизда (ЎЗ Моҳиятимизда) эканини эслаб олишимиз кераклигидадир. Биз ана шуни эсимиздан чиқарганмиз.

Ошо
@Tabrizlik_Shams - Ошиқларга салом бўлсин ❄️

Яшаётган ҳаётимиз қўлимизга тутқазилган рангбаранг ва омонат бир ўйинчоқлардан иборатдир.

Кимдир ўйинчоқни шу қадар жиддий оладики, унинг учун йиғлайди, паришон бўлади. Яна кимдир ўйинчоқни қўлига олар олмас бузади, уни синдириб отади. Ё ортиқча қиймат бериб юборади, ёки умуман қийматини билмайди. Ортиқчаликдан узоқ тур.

Шамс Табризий
@Tabrizlik_Shams - Ошиқларга салом бўлсин ❄️

ХУДО ҲАММАЁКДА БОР ЭКАН, У ҲОЛДА НЕЧУК У САНАМЛАРДА БЎЛМАСИН?

Бутун борлик фақатгина Удир: "Ло иллоҳа иллАллоҳ - Ундан бошқа ҳечким (ҳечнима) йўқдир."

Ҳа, тош ёки дарахтдан санам яратишга зарурат йўқ. Ва бу буюк Ҳақиқат. Аммо бу ғоянинг моҳиятини тушуниб етмоқ керак. Шуни тушунмаслик натижасида бошқалар эътиқод қилган санамлар вайрон қилинган эди.

Ҳамон Худо ҳаммаёкда бор экан, у ҳолда нечук У санамларда бўлмасин? У оддий тошда ҳам бор эса, нечук ишлов берилган тошда ҳам бўлмасин? Ҳамон шундай бўлгач, бошқаларнинг санамлари ва ибодатгоҳлари шунчалар вайрон этилиши зарурмиди?

Ваҳоланки, мусулмонлар ҳам ибодатгохлар қурганлар ва қуришда давом этмоқдалар. Масжид нима ўзи? Ҳа, ичида санами бўлмаган ибодатгоҳ. Аммо, бу ҳолда кўпчилик наздида масжиднинг ўзи санам эмасми?! Одамлар масжидлар ёнидан ўтар эканлар, унга катта эхтиром билан қармайдиларми... Улар бу ерга оддий бўлмаган жой сифатида таъзимда бўлмайдиларми. Оддий уй билан масжид орасида қандай фарқ бор ? Масжиднинг буюклиги нимада? Унинг санамга айланганида эмасми...

Ошо
@Tabrizlik_Shams - Ошиқларга салом бўлсин ❄️