Тошкент вилояти Соғлиқни сақлаш бошқармаси


Гео и язык канала: Узбекистан, Узбекский
Категория: не указана


Тошкент вилояти Ҳокимлиги Соғлиқни сақлаш бошқармаси расмий телеграм канали — t.me/tvhssb
Официальный телеграм канал.
Вилоят Соғлиқни сақлаш бошқармаси Жамоатчилик билан алоқалар хизмати томонидан юритилади.

Связанные каналы

Гео и язык канала
Узбекистан, Узбекский
Категория
не указана
Статистика
Фильтр публикаций


❗️Кексаларда иммунитетни тиклашнинг самарали йўли топилди

🔬 Иммун тизими — организмни турли микроб ва инфекциялардан ҳимояловчи қалқон. Қолаверса, у тана аъзоларимиз фаолиятини тартибга солишда муҳим роль ўйнайди.

👴 Бироқ ёш ўтган сайин одам иммунитети тобора заифлашиб бораверади. Қариш жараёни ва иммун тизими ўртасидаги боғлиқликни ўрганган тадқиқотчилар хулосаси шундай. Яъни кексаларда тимус бези ҳажми кичрайиб, гормонлар ишлаб чиқарилиши озайиши ва лимфоид тўқималар атрофияси кузатилиши — тасдиқланган илмий факт.

📉 Бунинг оқибати қон таркибида Т-лимфоцитлар миқдори камайишига олиб келади. Шунингдек, лимфоцитлар ўз ҳужайраларимиз ёрдамида фаоллашиш қобилиятини бора-бора йўқотади.

🧪 Ана шу омилга асосланган Буюк Британия олимлари муайян ҳужайраларга таъсир кўрсатувчи муолажа усули орқали кекса инсонлар иммунитетини тиклаш йўлини топди.

🔎 Тадқиқот давомида гематопоетик илдиз ҳужайраларини йўқ қилиш ва уларни янгилари билан алмаштириш ёрдамида иммунитет тизими мувозанатини тиклаш мумкинлиги ўрганилди.

💉 Бунинг учун дастлаб сичқонлар устида тажриба ўтказилиб, 18-24 ойлик ушбу жониворлар организмига гематопоетик илдиз ҳужайраларининг бир қисмини йўқ қилишга қаратилган антитаналар юборилди. Натижада танага киритилган янги В ва Т-лимфоцитлари туфайли иммун тизими мустаҳкамланди.

📌 Олимларнинг таъкидлашича, улар битта муолажа курси бу қадар катта самара берганидан ҳайратда.

🩺 Муҳими, даволанган ва даволанмаган ҳайвонлар ўртасидаги тафовут икки ойдан кейин ҳам сақланиб қолди. Масалан, муолажа қилинган жониворлар саккиз ҳафта ўтгач, илгари дуч келмаган вирусга қарши эмланганида, уларнинг иммун тизими бошқа ҳайвонларникига қараганда кучлироқ жавоб реакциясини намоён қилиб, инфекцияга анча самарали қаршилик кўрсата олди.

‼️ Шундан келиб чиқиб, тадқиқотчилар мазкур янги усул кекса инсонларнинг коронавирус сингари хавфли инфекциялар ва бошқа юқумли касалликларга қарши ҳимоя қобилиятини оширишига ишонч билдирмоқда. Якуний хулоса эса инсонларда ўтказиладиган клиник синовлар муваффақиятига боғлиқ.

💬Telegram | 🌐Facebook


Видео недоступно для предпросмотра
Смотреть в Telegram
🩺 Ортиқча тана вазни, семизлик ва қандли диабет олди беморлари зудлик билан ўз овқатланиш ҳамда яшаш тарзини ўзгартиришлари зарур.

❓🏃🏻‍♀️ Хўш, бу жараёнда қандай қоидаларга риоя қилиш лозим?

❓🥗 Соғлом овқатланишни йўлга қўйишда нималарга эътибор бериш керак?

❓🥬 Кунлик таомномага қайси маҳсулотларни киритиш фойдали?


📹 Ушбу саволларга юқоридаги видеоролик орқали батафсил жавоб топасиз.

💬
Telegram | 🌐Facebook


❗️Тошкент вилояти Эндокринология диспансери эндокринолог шифокори амалий ёрдам ва малакали тиббий ёрдам кўрсатиш учун Оҳангарон туманида бўлди.

👩‍⚕️Эндокринолог томонидан Оҳангарон тумани ТТБ жонлантириш бўлимида қандли диабет кетоацидоз ҳолати билан даволанаётган беморлар кўрилди, уларга кўшимча даво муолажалари ва тавсиялар буюрилди.

❇️Бундан ташкари мутахассис томонидан ПҚ-102 Қарор дастурининг бандлари ижроси доирасида инсулин, метформин, глюкометр, тест япрокчалари билан таьминланиш ҳолати ва бўй ўстирувчи гормон қабул қилувчи болаларни рўйхатга олиниши ҳамда Қандли диабет мактабини юритиш буйича туман эндокринологига амалий ёрдам, маслаҳат ва кўрсатмалар берилди.

❇️Шунингдек туман аҳолиси орасида соғлом турмуш тарзини тарғиб этиш, семизлик, йод танкислиги касалликлари буйича тарғибот ва ташвиқот ишларини олиб борилиши кўздан кечирилди.

💬Telegram | 🌐Facebook


#Биласизми

‼️Мактаб ошхонасида нималар сотилиши мумкин эмас?

🍔Гўшт қўшилган, майонез, кетчуп ва орасига сабзавотлар солинган нон маҳсулотлари (гамбургер, чизбургер ва хот-доглар);

🥮 Сунъий таъм, ҳид берувчи моддалар, бўёқлар, ароматизаторлар қўшилган қандолат маҳсулотлари;

🍭 Сунъий консервантлари бўлган “кириешки”, “хрустяшки” ва чипслар, қурт, писта, донали уй шароитида тайёрланган шимиладиган ширинликлар;

🥤Рангли ва рангсиз газланган ичимликлар;

🥩 Ветеринария назоратидан ўтмаган гўшт, балиқ, паррандалар; жигар, тил ва юракдан ташқари барча калла-почалар;

🥚Ташқи қавати тоза бўлмаган, синган, зарур талабларга жавоб бермайдиган тухумлар;

📌 Банкаларнинг герметиклиги бузилган, бомбажли, занглаган, шакли ўзгарган, ёрлиғи бўлмаган ва ишлаб чиқариш вақти ҳамда яроқлилик муддати белгиланмаган, айниқса, уй шароитида тайёрланган ҳар хил турдаги консервалар;

🫘 Турли аралашмалар ёки омбордаги зараркунандалар билан зарарланган ёрма, ун, қуритилган мевалар ва бошқа маҳсулотлар;

🎂 Кремли қандолат маҳсулотлари (торт ва пишириқлар);

🍤Холодец, парранда ва туёқли ҳайвонлар оёғидан тайёрланган ҳамда калла гўшти рулетлари, ўпка-жигарли ва қондан қилинган колбасалар;

🍶Пастеризация қилинмаган творог, термик ишлов берилмаган, идишда сақланган творог ва қаймоқ, қўлбола қатиқ, эпизоотик нохуш хўжаликлардан олинган, шунингдек дастлабки ишлов берилмаган ва пастеризация қилинмаган сут ва сут маҳсулотлари, қимиз ва таркибида этанол бўлган (0,5 фоиздан ортиқ) бошқа ачитилган сутли маҳсулотлар;

📌 Қўзиқоринлар ва улардан тайёрланган маҳсулотлар;

🍻 Квас;

🔍Хом дудланган гўштли гастрономик маҳсулотлар ва колбасалар, шу жумладан, қайнатилган колбаса;

🌯Сирка, хантал, хрен(ерқалампир), ўткир қалампир (қизил, қора) ва бошқа ўткир зираворлар;

🥗 Ўткир таъмли соуслар, кетчуплар, майонез, консервалар, маринадланган сабзавот ва мевалар;

🥤 Табиий кофе, тетиклантирувчи ва қувватни оширувчи энергетик ва алкогол ичимликлар;

🧈 Пазандалик мойлари, чўчқа ёғи, маргарин ва бошқа гидроген ёғлар;

🍷 Данакли меваларнинг мағзи, сақич, мева ва резаворлилардан тайёрланган яхна ичимликлар ва морслар (термик ишловсиз);

🍗 Окрошка ва совуқ шўрвалар, ёғда қовурилган тухум, паштет, гўшт ва творогли қуймоқлар.

🍜 Тез тайёрланадиган қуруқ озиқ-овқат концентратлари асосидаги биринчи ва иккинчи таомлар мактаб ошхоналарида бўлиши тақиқланади.

💬Telegram | 🌐Facebook


❗️ ТВССБ: Давлатимиз раҳбарининг тегишли қарори билан юртимизда аҳолига сифатли шошилинч тез тиббий ёрдам кўрсатиш мақсадида Республика тез тиббий ёрдам маркази Тошкент вилояти филиалига 15 та “Volkswagen Caddy” автомашиналари топширилди.

🚑 Бугунги кунда филиалнинг барча ҳудудларида зарур моддий-техник база билан таъминлашга катта эътибор қаратилаяпти. Жумладан, марказнинг Тошкент вилояти филиалида ҳам бу борада бир қатор тадбирлар амалга оширилмоқда.

📹 Бу ҳақда "O'zbekiston 24" ҳамда "Нурафшон" телеканали томонидан тайёрланган юқоридаги видеолавҳадан батафсил билиб олишингиз мумкин.

💬Telegram | 🌐Facebook


#Скрининг_текширув

🔵Ўзбекистон Республикаси Президентининг 2021 йил 27 майдаги ПҚ 5130-сонли қарорига асосан, Тошкент вилояти ҳокимининг маҳаллий бюджет маблағлари ҳисобидан РИО ва РИАТМРнинг Тошкент вилояти филиалига бир дона мобил маммограф аппарати билан таъминланди.

✅Ушбу мобиль маммограф ёрдамида 45-65 ёшдаги аёлларни скрининг текширувидан ўтказиш режага асосан Бўстонлиқ туман аҳолиси скрининг кўригидан ўтиши лозим бўлган аёллар тўлиқ қамраб олинмоқда.

💬Telegram | 🌐Facebook


Биласизми?

❗️Кетоген парҳез аслида касалликка даво сифатида яратилган

❓Ҳозирда ортиқча вазндан халос бўлишга интилиш борасида модага айланган кето-диета аслида қандай пайдо бўлгани ва нима учун ўйлаб топилганини биласизми?

✅ Кето-диета ёки кетоген парҳез — бу махсус овқатланиш режими бўлиб, унда рационда углевод камайтирилади, ҳужайраларнинг углевод очлиги натижасида организм энергия олиш учун ёғни парчалашни бошлайди ва кўп сонли кетон таналарини ҳосил қилади. Бу ҳолатда ёғлар энергия манбаига айланади. Рационнинг моҳияти ҳам шунда — углеводларни истеъмол қилишни қатъий чеклаш ва ёғ миқдорини ошириш.

📜 Дастлаб, ҳақиқатан ҳам кето-диета ортиқча вазнга қарши курашда кенг қўлланилган, шу тарзда вазн йўқотишни таклиф қиладиган санаторийлар очилган.

📋 1921 йилга келиб, ушбу парҳез усулидан эпилептик тутқаноқларни бостириш усули сифатида фойдаланиш ҳақида биринчи нашрлар пайдо бўлган. 1925 йилда АҚШнинг Мэйо клиникаси педиатри Майн Петерман эпилепсия билан оғриган болаларни ушбу усулда даволаб, яхши натижаларга эришди. Унинг муваффақияти ҳақидаги хабар тезда тарқалди. 1857 йилда пайдо бўлган бром ва 1910 йилдаги фенобарбиталдан сўнг, кетоген парҳез эпилепсияни даволашнинг учинчи усулига айланди.

📌 Унинг таъсир механизми ҳали тўлиқ аниқланмаган бўлса-да, у ҳозиргача болалар эпилепсиясини даволаш усулларидан бири бўлиб келмоқда. Айниқса, тутқаноқлар даволанишга чидамли бўлган тақдирда бу усул самаралидир.

💊 Дори терапиясининг кўплаб ножўя таъсирларини ҳисобга олган ҳолда, кетоген парҳез истиқболли усул ҳисобланади.

👩🏻‍🔬 Яқинда кето-диетани когнитив функцияни яхшилаш ҳамда Паркинсон касаллиги ва ён амиотрофик склероз каби нейродегенератив бузилишлар аломатларини енгиллаштириш усули сифатида ўрганишни бошлашди.

📎 Маълумот учун: ён амиотрофик склероз — марказий асаб тизимининг сурункали дегенератив касаллиги. Бемор прогрессив мушаклар фалажидан азият чекади, кейинчалик ютиш, гапириш ёки нафас олишда қийинчиликлар пайдо бўлади.

💬Telegram | 🌐Facebook


Жаҳон тиббиётидаги тадқиқотлар

❗️Олимлар кимё терапия пайтида
мия ҳужайраларини ҳимоялаш усулини кашф қилдилар

📌 Кимё терапия саратоннинг кў
плаб турларини даволашнинг энг яхши усулларидан бири ҳисобланади. Аммо, афсуски, унинг ён таъсири бутун танада, шу жумладан мияда ҳам сезилади.

✅ Беморларда хотира, диққатни жамлаш ва қарор қабул қилиш билан боғлиқ муаммола
р кузатилиши мумкин. Бу эса уларнинг фикрлаш ва хатти-ҳаракатларида намоён бўлади. Гарчи мазкур ҳолат одатда кимё терапия тугаганидан кейин йўқолса-да, бир неча ой давомида кундалик ҳаётга таъсир этади.

🧑🏻‍🔬 Массачусетс технология институти (MIT) олимлари томонидан олиб борилган янги тадқиқот ушбу ножўя таъсирларни даволашнинг жуда оддий усулини кашф этган бўлиши мумкин ва энг муҳими, бу кимё терапияга қараганда кам инвазивдир. Бунинг учун ҳар куни милтилловчи чироқларга қараш ва маълум бир частотали товушларни тинглаш кифоя.

📊 Тажрибалар ёруғлик ва товуш терапиясидан сўнг яллиғланишнинг, асаб тизимининг дегенерациясига олиб келиши мумкин бўлган токсик оқсилларнинг камайганини ҳамда когнитив тестларнинг яхшиланганини кўрсатди.

🧠 Кимё терапия курси давомида ҳар куни гамма-тўлқин терапиясини олган тажриба объектларида акс аломатларнинг барчаси сезиларли даражада пасайган. Уларнинг хотираси ва ижро этувчи функцияларини ўлчаш бўйича тестлар анча яхши натижаларни кўрсатган.

🩺 Шунингдек, тадқиқотчилар гамма-тўлқин терапияси билан даволанганда яллиғланиш ва ҳужайралар нобуд бўлиши билан боғлиқ генлар сусайганини аниқладилар.

📋 Фойдали таъсирлар даволанишдан кейин тўрт ой давомида ҳеч бўлмаганда қисман давом этиши кузатилди. Бундан ташқари, ушбу янги усул кимё терапиядан кейин эмас, балки у билан бир вақтнинг ўзида қўлланилганда анча яхши натижа бериши қайд этилди.

👩🏻‍⚕️ Бу усул барча босқичлардан муваффақиятли ўтса, у беморларда кимё терапияни амалга оширишнинг стандарт қисмига айланиши, шу билан ҳаётий муҳим даволанишнинг ёқимсиз томонларини камайтириши мумкин.

📓 Тадқиқот “Science Translational Medicine” журналида чоп этилган.

💬Telegram | 🌐Facebook


#Sogʻlom_hayot_sari

Sog‘lom hayot sari 5000 qadam

Piskent tuman aholi orasida sog‘lom turmush tarzini keng targ‘ib qilish, yoshlar va xotin-qizlar, keksa avlod vakillarini faol hayot tarziga chorlash maqsadida maqsadida Piskent tumanida sport - sog‘lomlashtirish tadbirlari, musobaqalar va turnirlar muntazam tashkil etib boriladi.

Salomatlikni mustahkamlash maqsadida "Ommaviy badantarbiya" va "Sog'lom hayot uchun 5 ming qadam skandinavcha yurish" sport tadbirlari bo'lib o'tdi! Tadbirda  tumanning 150 dan ziyodi aholisi faol ishtirok etdilar!!!

💬Telegram | 🌐Facebook


❗️Кунига 11 дақиқа пиёда юриш эрта ўлим хавфини 10 фоизга камайтиради

🏃🏻 Буюк Британиянинг Кембриж университети олимлари кунига 11 дақиқа давомида ўртача интенсивликдаги жисмоний фаоллик инсонларда эрта ўлим хавфини 10 фоизга камайтиришини аниқлади.

📉 Бунинг учун мазкур йўналишда ўтказилган 196 та тадқиқот натижалари ўрганиб чиқилди. Якунда ҳафтасига 75 дақиқа пиёда юриш ўлим хавфини 10 фоизга, юрак-қон томир касалликларига чалиниш эҳтимолини 5 фоизга пасайтириши маълум бўлди.

🩺 Шунингдек, юқоридаги давомийликда яёв юрганлар саратон хасталигига чалиниш хавфидан 3 фоиз кўпроқ ҳимояланади, деган хулосага келинди.

‼️ Тадқиқотчиларнинг тавсия қилишича, ишхона, мактаб, коллеж ва университетларга пиёда ёки велосипедда боришни одат қилиш лозим. Қолаверса, кундалик ҳаёт тарзига ўзимизга ёқадиган жисмоний машғулотларни киритиш катта самара беради.

💬Telegram | 🌐Facebook


Видео недоступно для предпросмотра
Смотреть в Telegram
Буни билишингиз керак!

🫀Юрак ишемик касаллиги — юрак миокарди мушагида қон таркибидаги кислород мувозанатининг бузилиши.

🩸 Бунинг оқибатида қон оқимида тўсқинлик пайдо бўлади.

🚫 Касаллик сабаби аниқ топилмаган, у бир вақтнинг ўзида кўплаб омиллар таъсирида ривожланади.

🚸 Касаллик хавф гуруҳларига 55 ёшдан ошган эркаклар, 65 ёшдан ошган аёллар ва наслий мойиллиги бўлган инсонлар киради.

💬Telegram | 🌐Facebook


Видео недоступно для предпросмотра
Смотреть в Telegram
Буни билишингиз керак!

Электрон сигареталар тамакига қарши кураш бўйича ҳаракатларни чиппакка чиқарадими?

❗️Бугун электрон сигареталардан фойдаланиш катталар орасида унчалик кўп тарқалмаган. Аммо улардан фойдаланилаётган 50 та мамлакатда электрон сигареталардан фойдаланишнинг болалар ва ўсмирлар орасида ошиб бораётгани аниқланган.

🇺🇿 Юртимиздаги ҳолат ҳақида гапирсак, 2019 йилда ўтказилган тадқиқотларга кўра, 18-29 ёшдаги эркаклари орасида электрон сигареталарни чекиш даражаси 30-69 ёшдаги эркаклар орасидагидан икки марта кўп бўлган.

📈 Жаҳон соғлиқни сақлаш ташкилотининг таъкидлашича, электрон сигареталардан фойдаланадиган болалар ва ўсмирлар кейинчалик одатдаги сигареталарни икки баравар кўпроқ истеъмол қилишни бошлайдилар.

⚠️ Бундан келиб чиқадики, ўсмирлар орасида тамаки, хусусан, электрон сигареталарнинг тарқалишини чеклаш ҳар қачонгидан ҳам долзарб бўлиб қолмоқда.

👆Юқоридаги видеолавҳа айнан шу ҳақида!!!

💬Telegram | 🌐Facebook


Видео недоступно для предпросмотра
Смотреть в Telegram
Буни билишингиз керак!

Жаҳон соғлиқни сақлаш ташкилоти маълумотига кўра, инсон саломатлиги 55 фоиз ҳолатда соғлом турмуш тарзига боғлиқ

🧸 Ортиқча вазн ёки бирор ёндош касалликлари бор, соғлиғига етарлича эътибор бермайдиган кишиларда ҳар қандай касаллик оғир кечади.

💊 Соғлом турмуш тарзига амал қилмаслик ноинфекцион касалликларнинг пайдо бўлишига сабаб бўлади.

Булар:
📌 юрак-қон томир;
📌 қандли диабет;
📌 онкологик;
📌 нафас йўллари
хасталиклари кабилар бўлиб, Ўзбекистонда 78 фоиз ўлим ҳолатлари айни шу хасталиклар билан боғлиқ.

🔋 Биринчи навбатда тўғри ҳаёт тарзини йўлга қўйиш талаб этилади. Соғлом турмуш тарзига амал қилишнинг эса 4 та асосий усули мавжуд:

🥒 тўғри овқатланиш;
🚴🏻 жисмоний фаоллик;
🧘🏻‍♂️ руҳий саломатлик;
🚬 зарарли одатлардан воз кечиш.

❗️Қачонки халқимиз онгли равишда ўз истаги билан соғлом турмуш тарзи қоидаларига амал қилишга одатланса, уни ҳаётини бир бўлаги сифатида қарасагина самарали натижага эришиш мумкин.

👆Юқоридаги видеолавҳа айнан шу ҳақида!!!

💬Telegram | 🌐Facebook


❗️ЖССТ: Дунёда вабога қарши вакциналар тақчиллиги кузатилмоқда

🔎 Сўнгги йилларда қатор минтақалар бўйлаб авж олаётган вабо эпидемияси миллионлаб инсонлар ҳаётини хавф остида қолдирмоқда. Гарчи бу оғир хасталикдан ҳимояланиш чораси аллақачон топилган бўлса-да, бироқ унга қарши вакциналар захираси ниҳоясига етди.

📰 Жаҳон соғлиқни сақлаш ташкилоти бош директори Тедрос Гебрейесус ва Замбия президенти Хакаинде Хичилем муаллифлигида эълон қилинган таҳлилий мақола айни шу ўткир муаммога бағишланди.

📈 Қайд этилишича, уч йилдан буён сайёрамизда мазкур эпидемия билан боғлиқ вазият тобора ёмонлашяпти. Масалан, 2021 йилда 223 минг киши бу дардга чалинган бўлса, 2022 йилда мавжуд кўрсаткич икки баробар ошиб, 473 мингтага етди.

📊 2023 йилги ҳисоб-китоблар эса янада хавотирли. Жаҳон бўйича ўтган йили 700 мингдан кўпроқ беморга вабо ташхиси қўйилган. Энг ёмони, ҳозир ҳам 23 мамлакатда касалланиш ҳолатлари рўйхатга олиняпти ва 1 миллиарддан зиёд инсоннинг саломатлиги хавф остида.

💉 Бироқ фармацевтика компаниялари паст рентабеллик туфайли бу касалликка қарши вакциналар ишлаб чиқаришни тўхтатиб қўйган. Чунки аксарият вабо ўчоқлари энг қашшоқ мамлакатларда аниқланяпти. Табиийки, улар бундай ҳимоя воситаларини катта миқдорда харид қилишга қодир эмас.

📌 Шунга қарамай, жорий йилда 37-50 миллион доза вакцина ишлаб чиқарилиши прогноз қилинмоқда. Лекин бу миллионлаб одамлар эҳтиёжларини қоплаш учун етарли эмас.

‼️ Шундан келиб чиқиб, ЖССТ ишлаб чиқарувчилар, ҳомийлар ва ҳукуматларни бу борада ҳамкорликка ҳамда вабога қарши курашиш учун барча зарур чораларни кўришга чақирди.

💬Telegram | 🌐Facebook


🔵Якунланган ҳафта давомида каналимизда эълон қилинган энг муҳим хабарлар дайжести

📌Тадқиқот: Респиратор вирусли касалликлар хавфини камайтириш усули топилди


🖌ЖССТ: Жаҳонда 5 млрд инсон трансёғларнинг зарарли таъсиридан ҳимояланмаг
ан

🖌ЖССТ: Дунё аҳолисининг 43,1 фоизи неврологик касалликлардан азият чекмо
қда

✅Юқори Чирчиқ тумани Тиббиёт бирлашмасида Сумалак сайли ташкил этилди.

🏥Qibray tumani Tibbiyot birlashmasiga qarashli Madaniyat oilaviy shifokorlik punktiga oilaviy poliklinika maqomi berildi.

🩺Qibray tumanida aholining murojaatlari ijrosini ta’mirlash va aholiga ko’rsatiladigan tibbiy xizmat sifatini yanada yaxshilash borasida amaliy ishlar olib borilmoqda.

💉Оҳангарон туманида аёллар учун тиббий кўрик ташкиллаштирилди.

❇️Тошкент вилояти болалар фтизиатрия сиҳатгоҳида Тошкент тумани халқ депутатлари депутати, сиҳатгоҳ бош шифокори Юлдашева Феруза Иркиновна ташаббуси билан  ХДП билан биргаликда  “Ассалом, Наврўзи олам” деб номланган байрам тадбири ўтказилди.

🔰"Tibbiyotdagi islohotlar - inson qadri uchun" tamoyili asosida o‘tgan davr mobaynida mamlakatimizda ko‘plab islohotlar hayotga aylantirildi. Xususan, oilaviy shifo maskanlarining holatlari hamda tibbiy xizmat darajasi yaxshilandi.

✳️Qibray tuman tibbiyot birlashmasiga OP, OSHP lari o’z faoliyatini boshladi

🔸24 март — Бутунжаҳон туберкулёзга қарши кураш куни


💬Telegram | 🌐Facebook


24 март — Бутунжаҳон туберкулёзга қарши кураш куни

📊 Юртимизда туберкулёз касаллигига қарши кураш соҳаси эришилаётган ютуқлар борасида 13 та фактни эътиборингизга ҳавола қиламиз.

🫁 1. Ўзбекистон Жаҳон соғлиқни сақлаш ташкилотининг Европа минтақавий бюросига аъзо мамлакат сифатида 53 давлат орасида туберкулёзга қарши курашиш дастурининг бажарилиш натижалари бўйича бир неча йилдан бери етакчи ўринларни эгаллаб келмоқда.

👨🏻‍💻 2. 2023 йил 22 сентябрь куни АҚШнинг Нью-Йорк шаҳрида БМТ Бош Ассамблеясининг навбатдаги 78-сессияси доирасида туберкулёз касаллиги бўйича Олий даражадаги мажлисига Ўзбекистон томони туберкулёзга қарши курашишда эришган ютуқларини инобатга олиб, раислик қилди.

🧪 3. Ҳозирда туберкулёз касаллигини аниқлаш бўйича туман, шаҳар, туманлараро, вилоят ва марказий лабораториялардан иборат 5 босқичли замонавий тизим ишлаб турибди.

💊 4. Хасталик профилактикаси, диагностикаси ва муолажаси учун зарур барча дори воситалари билан давлат томонидан бепул таъминланмоқда ва бунга ажратилаётган маблағлар ҳажми йилдан йил ошириляпти. Давлат бюджети хисобидан ҳар йили ЖССТ преквалификацион сифатига эга туберкулёзга қарши дори воситалари Global Drug Facility (GDF) халқаро платформаси орқали харид қилинмоқда.

🔬 5. Авваллари юртимизда туберкулёзни аниқлаш учун 3-4 ойлаб вақт талаб этилган бўлса, ҳозирги кунда генно-молекуляр усул орқали бор-йўғи 70 дақиқа ичида касаликка аниқ ташхис қўйилмоқда.

📋 6. Сўнги йилларда ЖССТ тавсиялари асосида фтизиатрия бўйича барча клиник кўрсатмалар янгиланди, жами 2000 нафар мутахассис қайта тайёргарликдан ўтди.

🤱🏻 7. Туберкулёз касаллиги тарқалишининг олдини олиш учун ҳар йили янги туғилган чақалоқларнинг 97 фоизи эмланмоқда.

👩🏻‍🔬 8. Мамлакатимиз бўйлаб 97 та ПЗР лабораторияси фаолият кўрсатмоқда, улардан 40 таси бирламчи тиббий-санитария ёрдами муассасаларида жойлашган.

📆 9. Илғор операция усуллари жорий этилиши, самарали дори-дармонлар қўлланилиши натижасида туберкулёзнинг турғун шакли билан касалланган беморларни даволаш муддати 2 йилдан 6-9 ойга қисқарди.

📊 10. Сўнгги ўн йил ичида Ўзбекистонда туберкулёз касаллиги билан касалланиш ва аҳолининг ўлим даражаси сезиларли пасайиб бормокда.

🧑🏻‍⚕️ 11. Туберкулёз касаллигини даволаш самарадорлиги 90 фоизга етказилди ва бу ЖССТнинг касалликни тугатиш стратегияси мақсадларига мос келади.

🚐 12. Вилоятларнинг олис ҳудудларида истиқомат қиладиган аҳолининг туберкулёз ва респиратор касалликларга скринингини ўтказиш мақсадида маҳаллий бюджет маблағлари ҳисобидан “Ўпка саломатлиги” мобил бригадалари микроавтобуслар ва 4 турдаги (сунъий интелект тизими билан мобил рақамли рентген, ПЦР, электрокардиограф, мобил спирометр) ускуналар билан таъминланди.

💻 13. Рақамли технологиялар ёрдамида беморларни қўллаб-қувватлаш мақсадида амбулатор даволашнинг видеоназорат усули бутун мамлакат бўйлаб тадбиқ қилинди. Ушбу инновацион ёндашув, айниқса, олис чекка ҳудудларда яшовчи аҳолида даволаниш имкониятларини кенгайтиради.

Маълумот учун: ўтган йилги каби Бутунжаҳон туберкулёзга қарши кураш куни бу йил ҳам дунё бўйлаб “Ҳа! Туберкулёзга барҳам бера оламиз!” шиори остида ўтказилмоқда. Ушбу сананинг рамзи соғлом нафас олишнинг тимсоли бўлган оқ мойчечак ҳисобланади.

💬Telegram | 🌐Facebook


Видео недоступно для предпросмотра
Смотреть в Telegram
#tuhfa

Qibray tuman tibbiyot birlashmasiga OP, OSHP lari o’z faoliyatini boshladi

So‘nggi yillarda yurtimizda barcha sohalarda bo‘lgani kabi tibbiyot yo‘nalishida ham katta islohotlar amalga oshirilmoqda.

Tibbiy sanitariya xizmatini aholiga yaqinlashtirish va tibbiy yordam samaradorligini oshirish maqsadida
16 mingdan ortiq aholiga tibbiy xizmat ko’rsatib kelayotgan, Qibray tumani Tibbiyot birlashmasiga qarashli Madaniyat oilaviy shifokorlik punktiga oilaviy poliklinika maqomi berildi.

📹 "Nurafshon" telekanali orqali efirga uzatilgan yuqoridagi videolavhada shu haqda batafsil so’z boradi.

💬Telegram | 🌐Facebook

Показано 17 последних публикаций.