Postal

Мульти-бот с премиум emoji Постинг+приветствие!

Продам канал с доходом 138090

Всего за 55 000. Срочно нужны деньги.

Статистика Избранное

Шаҳобиддин Одил

@Shahobiddin_Odil

Гео и язык канала: Узбекистан, Узбекский

Категория: Книги

Филология фанлари номзоди, адабиётшунос олим, шоир Шаҳобиддин Одилнинг шахсий канали.
Аллоҳим, афвингга муҳтож ожиз бандангман...

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Шаҳобиддин Одил

21 Dec, 09:04

00:04

Видео недоступно для предпросмотра

Смотреть в Telegram

#RUHIYAT

📝 TAVBA

Tavbalar qilaman yolg‘iz Allohga–
O‘zidan o‘zga hech iloh yo‘q Zotga,
Mangu U barhayot, Tirik Ilohga,
Va afvin so‘rayman bor Odamzotga.

🕊Shahobiddin Odil✍

@Shahobiddin_Odil

373 0 0 17

Шаҳобиддин Одил

21 Dec, 09:04

00:06

Видео недоступно для предпросмотра

Смотреть в Telegram

#РУҲИЯТ

📝 ТАВБА

Тавбалар қиламан ёлғиз Аллоҳга–
Ўзидан ўзга ҳеч илоҳ йўқ Зотга,
Мангу У барҳаёт, Тирик Илоҳга,
Ва афвин сўрайман бор Одамзотга.

🕊Шаҳобиддин Одил✍

@Shahobiddin_Odil

362 0 8 20

Шаҳобиддин Одил

21 Dec, 06:05

00:29

Видео недоступно для предпросмотра

Смотреть в Telegram

Эй Роббим! Ҳар биримизнинг қалбимиздаги орзу-ниятларимизни Ўзинг яхши биласан.

Илло, биз ўзимиз билмасдан оқибати хайрли бўлмаган нарсаларни ҳам орзу қилиб юрган бўлишимиз мумкин.

Сендан ўтиниб сўраймиз, бизларга ҳар бир нарсанинг динимизда ва дунёвий ҳаётимизда ҳам аввали-ю охири фақат хайрли бўлганларини насиб эт!

@Shahobiddin_Odil

401 0 7 20

Шаҳобиддин Одил

20 Dec, 02:10

#RUHIYAT

📝✨ JUM’A

Bugun jum’a deya ko‘ngillar intiq,
Bomdoddan boshlaboq masjidga shoshar...
Kunlarning ulug‘i,
fayzi ham ortiq,
Jamoat savobi
tog‘lardan oshar.

Ikki rak’at sunnat bomdod namozi,
Bori dunyolardan afzal, yo‘q qiyos.
Farzining savobin tortmas tarozi,
Alloh nasib etsa, jannatdir, xolos...

Zikr-u salovotdan tolmas qalbu til,
Fikru yodim faqat qilmoq ibodat.
Duo qabul bo‘lar bir soat bordir,
In shaa Alloh, uni toparman albat.

Behuda ishlar-u, bekorchi gap-so‘z,
Bugun aslo-aslo, joiz emasdir.
Sajdaga va yoki ko‘kka boqar ko‘z,
Hattoki nigohlar bir so‘z demasdir...

Allohumma solli a’la Muhammad,
Alayhis-salotu vasallam doim,
Masjidga boraylik, yur, do‘stim Ahmad,
Jum’a namoziga bo‘laylik qoim...

23/06–2023y.

🕊Shahobiddin Odil✍

@Shahobiddin_Odil

635 0 9 19

Шаҳобиддин Одил

20 Dec, 02:04

#БИР_ҲАДИС_ШАРҲИ

Абдуллоҳ ибн Умар ва Абу Ҳурайра розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам:

«Ё одамлар жумани тарк қилишдан тўхтайди, ё Аллоҳ уларнинг қалбларини муҳрлаб ташлайди! Сўнгра ғофиллардан бўлишади!» деб айтдилар.
(Имом Муслим ривояти)

Демак, узрсиз ҳолда жумъа намозидан қолиш оғир гуноҳ экан.

#BIR_HADIS_SHARHI

Abdulloh ibn Umar va Abu Hurayra roziyallohu anhumodan rivoyat qilinadi:

«Rasululloh sollallohu alayhi vasallam:

«Yo odamlar jumani tark qilishdan to'xtaydi, yo Alloh ularning qalblarini muhrlab tashlaydi! So'ngra g'ofillardan bo'lishadi!» deb aytdilar.
(Imom Muslim rivoyati)

Demak, uzrsiz holda jum'a namozidan qolish og'ir gunoh ekan.

@Shahobiddin_Odil

439 0 2 15

Шаҳобиддин Одил

20 Dec, 01:58

#РУҲИЯТ

📝✨ ЖУМЪА

Бугун жумъа дея кўнгиллар интиқ,
Бомдоддан бошлабоқ масжидга шошар...
Кунларнинг улуғи,
файзи ҳам ортиқ,
Жамоат савоби
тоғлардан ошар.

Икки ракъат суннат бомдод намози,
Бори дунёлардан афзал, йўқ қиёс.
Фарзининг савобин тортмас тарози,
Аллоҳ насиб этса, жаннатдир, холос...

Зикр-у саловотдан толмас қалбу тил,
Фикру ёдим фақат қилмоқ ибодат.
Дуо қабул бўлар бир соат бордир,
Ин шаа Аллоҳ, уни топарман албат.

Беҳуда ишлар-у, бекорчи гап-сўз,
Бугун асло-асло, жоиз эмасдир.
Саждага ва ёки кўкка боқар кўз,
Ҳаттоки нигоҳлар бир сўз демасдир...

Аллоҳумма солли аъла Муҳаммад,
Алайҳис-салоту васаллам доим,
Масжидга борайлик, юр, дўстим Аҳмад,
Жумъа намозига бўлайлик қоим...

23/06–2023й.

🕊Шаҳобиддин Одил✍

@Shahobiddin_Odil

402 0 14 15

Шаҳобиддин Одил

19 Dec, 23:04

📚📖📚ЖУМА КУНИДА ДУОЛАР АНИҚ ИЖОБАТ БЎЛАДИГАН ВАҚТ БОР

عَنْ أَبِي مُوسَى رَضِيَ اللهُ عَنْهُ قَالَ: سَمِعْتُ رَسُولَ اللهِ صلى الله عليه وسلم يَقُولُ: «هِيَ مَا بَيْنَ أَنْ يَجْلِسَ الْإِمَامُ إِلَى أَنْ تُقْضَى الصَّلَاةُ». رَوَاهُ مُسْلِمٌ وَأَبُو دَاوُدَ وَالتِّرْمِذِيُّ.
وَلَفْظُهُ: «إِنَّ فِي الْجُمُعَةِ سَاعَةً لَا يَسْأَلُ اللهَ الْعَبْدُ فِيهَا شَيْئًا إِلَّا آتَاهُ اللهُ إِيَّاهُ». قَالُوا: يَا رَسُولَ اللهِ، أَيَّةُ سَاعَةٍ هِيَ؟ قَالَ: «حِينَ تُقَامُ الصَّلَاةُ إِلَى الِانْصِرَافِ مِنْهَا».
Абу Мусо розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг: «Ўша (соат) имом (минбарга) ўтирганидан бошлаб, намоз ўқилиб бўлгунча», – деганларини эшитдим».
(Муслим, Абу Довуд ва Термизий ривоят қилишган)

Термизийнинг лафзида:
«Жумада бир соат бордир. Банда унда Аллоҳдан нимани сўраса, албатта Аллоҳ уни берур», – дедилар. Одамлар: «Эй Аллоҳнинг Расули, у қайси соат?» – дейишди. У зот соллаллоҳу алайҳи васаллам: «Намозга иқомат айтилганидан бошлаб, уни тугатгунича», – дедилар».

📚📖📚JUMA KUNIDA DUOLAR ANIQ IJOBAT BO‘LADIGAN VAQT BOR

Abu Muso roziyallohu anhudan rivoyat qilinadi:
«Rasululloh sollallohu alayhi vasallamning: «O‘sha (soat) imom (minbarga) o‘tirganidan boshlab, namoz o‘qilib bo‘lguncha», – deganlarini eshitdim».
(Muslim, Abu Dovud va Termiziy rivoyat qilishgan)

Termiziyning lafzida:
«Jumada bir soat bordir. Banda unda Allohdan nimani so‘rasa, albatta Alloh uni berur», – dedilar. Odamlar: «Ey Allohning Rasuli, u qaysi soat?» – deyishdi. U zot sollallohu alayhi vasallam: «Namozga iqomat aytilganidan boshlab, uni tugatgunicha», – dedilar».

@Shahobiddin_Odil

372 0 4 16

Шаҳобиддин Одил

19 Dec, 22:24

📚📖📚БУГУНГИ ЖУМА СИЗ УЧУН МУБОРАК–БАРАКАЛИ БЎЛИШИНИ ИСТАЙСИЗМИ?

Ундай бўлса, шариатда буюрилган амалларни кўпроқ қилиб, бугунги кунингизга барака киритинг!

Жуманинг энг улуғ фарзи–жума намозини масжидда ўқиш!

Жуманинг вожиблари:
–имомнинг хутбасини жим ўтириб тинглаш;
–кунни дуо билан ўтказиш!

Жуманинг суннатлари:
1. Жума намози учун ғусл қилиш;
2. Хушбўйланиш;
3. Покиза кийимларни кийиш;
4. Соч-соқолни тартибга келтириш;
5. Тирноқларни олиш;
6. Кўп саловот айтиш;
7. Масжидга вақтлироқ бориш;
8. Жума намозидан олдин ва кейин тўрт ракъатдан суннат намози ўқиш.

Шу амалларнинг ҳар бири учун савоб ололсангиз, кунингиз баракали, яъни муборак бўлади.

Жума кунининг бидъати–дуо ўрнига табриклар билан машғул бўлиш.

Жуманинг макруҳлари:
1. Имомнинг хутбасини тингламаслик;
2. Хутба пайтида сўзлашиб ўтиришлик;
3. Одамлар орасини ёриб ўтиб жой қидириш;
4. Атайлаб орқароққа ўтиб ўтириш.

ЖУМАНГИЗ МУБОРАК БЎЛИШИ УЧУН МАКРУҲ ВА БИДЪАТ ИШЛАРДАН ЙИРОҚ БЎЛИНГ!

📚📖📚BUGUNGI JUMA SIZ UCHUN MUBORAK–BARAKALI BO‘LISHINI ISTAYSIZMI?

Unday bo‘lsa, shariatda buyurilgan amallarni ko‘proq qilib, bugungi kuningizga baraka kiriting!

Jumaning eng ulug‘ farzi–juma namozini masjidda o‘qish!

Jumaning vojiblari:
–imomning xutbasini jim o‘tirib tinglash;
–kunni duo bilan o‘tkazish!

Jumaning sunnatlari:
1. Juma namozi uchun g‘usl qilish;
2. Xushbo‘ylanish;
3. Pokiza kiyimlarni kiyish;
4. Soch-soqolni tartibga keltirish;
5. Tirnoqlarni olish;
6. Ko‘p salovot aytish;
7. Masjidga vaqtliroq borish;
8. Juma namozidan oldin va keyin to‘rt rak’atdan sunnat namozi o‘qish.

Shu amallarning har biri uchun savob ololsangiz, kuningiz barakali, ya’ni muborak bo‘ladi.

Juma kunining bid’ati–duo o‘rniga tabriklar bilan mashg‘ul bo‘lish.

Jumaning makruhlari:
1. Imomning xutbasini tinglamaslik;
2. Xutba paytida so‘zlashib o‘tirishlik;
3. Odamlar orasini yorib o‘tib joy qidirish;
4. Ataylab orqaroqqa o‘tib o‘tirish.

JUMANGIZ MUBORAK BO‘LISHI UCHUN MAKRUH VA BID’AT ISHLARDAN YIROQ BO‘LING!

@Shahobiddin_Odil

433 0 2 15

Шаҳобиддин Одил

19 Dec, 13:55

#RUHIYAT

📝 "HAYOT QONUNI"

Yirtqichlik yomon, deb biz,
Ov qilib go‘shtin yeymiz...
Oqlashchun o‘zimizni:
"Hayot qonuni", deymiz...

O‘xshab qolsa ovimiz,
Ko‘paytirib dovimiz,
Harom-halolga boqmay,
Yog‘laydirmiz chovimiz.

Bundan badtardir ammo,
Bizdagi zo‘r muammo.
Biror jon tubanlikda
Bizga yetolmas aslo.

Jigar qonin ichganlar,
Inson go‘shtin yeganlar,
Odam etin halol deb,
To‘ng‘iz harom deganlar...

Ko‘p erur bundaylar ham,
O‘zi o‘ziga hakam,
Nasli inson-u, ammo,
Faqat nomidir odam.

G‘iybat qilgan har inson,
Odamxo‘rdir begumon.
To‘ng‘iz go‘shtin yegani
Bundan ko‘ra ko‘p oson.

Garchi haromdir gohi,
Kamroq erur gunohi...
Ammo, har g‘iybatchining
Shayton erur hamrohi.

G‘iybat-bo‘hton dedirar.
Inson go‘shtin yedirar,
Iymoningni o‘g‘irlab,
Insofingni ham qirar.
1974–2024y.

🕊Shahobiddin Odil✍

@Shahobiddin_Odil

497 0 1 15

Шаҳобиддин Одил

19 Dec, 13:49

#РУҲИЯТ

📝 "ҲАЁТ ҚОНУНИ"

Йиртқичлик ёмон, деб биз,
Ов қилиб гўштин еймиз...
Оқлашчун ўзимизни:
"Ҳаёт қонуни", деймиз...

Ўхшаб қолса овимиз,
Кўпайтириб довимиз,
Ҳаром-ҳалолга боқмай,
Ёғлайдирмиз човимиз.

Бундан бадтардир аммо,
Биздаги зўр муаммо.
Бирор жон тубанликда
Бизга етолмас асло.

Жигар қонин ичганлар,
Инсон гўштин еганлар,
Одам этин ҳалол деб,
Тўнғиз ҳаром деганлар...

Кўп эрур бундайлар ҳам,
Ўзи ўзига ҳакам,
Насли инсон-у, аммо,
Фақат номидир одам.

Ғийбат қилган ҳар инсон,
Одамхўрдир бегумон.
Тўнғиз гўштин егани
Бундан кўра кўп осон.

Гарчи ҳаромдир гоҳи,
Камроқ эрур гуноҳи...
Аммо, ҳар ғийбатчининг
Шайтон эрур ҳамроҳи.

Ғийбат-бўҳтон дедирар.
Инсон гўштин едирар,
Иймонингни ўғирлаб,
Инсофингни ҳам қирар.
1974–2024й.

🕊Шаҳобиддин Одил✍

@Shahobiddin_Odil

530 0 11 17

Шаҳобиддин Одил

19 Dec, 05:59

00:06

Видео недоступно для предпросмотра

Смотреть в Telegram

#РУҲИЯТ

Бугун ҳам тонг отди–қуёш сочар нур.

Бугун ҳам тирикман– қалбимда сурур.

Нақадар бахтлиман– иймоним бутун,

Бугун ҳам мўъминман– Ўзингга шукур!
29/05-2016й.

🕊Шаҳобиддин Одил✍

#RUHIYAT

Bugun ham tong otdi–quyosh sochar nur.

Bugun ham tirikman– qalbimda surur.

Naqadar baxtliman– iymonim butun,

Bugun ham mo‘minman– O‘zingga shukur!
29/05-2016y.

🕊Shahobiddin Odil✍

@Shahobiddin_Odil

542 0 4 17

Шаҳобиддин Одил

18 Dec, 16:25

#RUHIYAT

📝 XIYONAT

Kechirilmas katta jinoyat–
Omonatga qilmoq xiyonat.
Agar mo‘min ham bo‘lsa xoin,
Demak, yaqin qoldi qiyomat.

Farz–omonat, qarz ham–omonat.
Qalb omonat, ko‘z ham omonat.
Assalomga alik omonat.
Tilga kelgan har so‘z omonat.

Omonatdir o‘g‘il-qizimiz,
Hatto, bosgan har bir izimiz.
Har kunimiz, har nafasimiz,
Omonatmiz, hatto, o‘zimiz.

Omonatdir bizlarga iymon,
Har daqiqa, har bir o‘tgan on.
Xiyonatdan qochadi har kim,
Bo‘lsa u chin mo‘min-musulmon.

Qalb aytganin tasdiqlagach til,
Shariatga bo‘ysungay oqil.
Amal bilan tasdiq etmaslik–
Pok iymonga xiyonat deb bil...

————–——————
Iymon–Alloh taoloning bizlarga bergan omonati!
Unga xiyonat qilmang!

Alloh taologa bergan ahdingizga sodiq qoling!

Din oldi-qochdi gaplardan iborat emas va biz abadiy yashamaymiz!

Har daqiqaning qadriga yeting! Ilm o‘rganing, ilm tarqating!

Dinga xolis amal qiling!

O‘tkinchi dunyodagi yengil-yelpi orzu-havaslar, mayda-chuyda tashvishlar bilan o‘ralashib qolmang!

🕊Shahobiddin Odil✍

@Shahobiddin_Odil

565 0 1 16

Шаҳобиддин Одил

18 Dec, 16:19

#РУҲИЯТ

📝 ХИЁНАТ

Кечирилмас катта жиноят–
Омонатга қилмоқ хиёнат.
Агар мўмин ҳам бўлса хоин,
Демак, яқин қолди қиёмат.

Фарз–омонат, қарз ҳам–омонат.
Қалб омонат, кўз ҳам омонат.
Ассаломга алик омонат.
Тилга келган ҳар сўз омонат.

Омонатдир ўғил-қизимиз,
Ҳатто, босган ҳар бир изимиз.
Ҳар кунимиз, ҳар нафасимиз,
Омонатмиз, ҳатто, ўзимиз.

Омонатдир бизларга иймон,
Ҳар дақиқа, ҳар бир ўтган он.
Хиёнатдан қочади ҳар ким,
Бўлса у чин мўмин-мусулмон.

Қалб айтганин тасдиқлагач тил,
Шариатга бўйсунгай оқил.
Амал билан тасдиқ этмаслик–
Пок иймонга хиёнат деб бил...

————–——————
Иймон–Аллоҳ таолонинг бизларга берган омонати!
Унга хиёнат қилманг!

Аллоҳ таолога берган аҳдингизга содиқ қолинг!

Дин олди-қочди гаплардан иборат эмас ва биз абадий яшамаймиз!

Ҳар дақиқанинг қадрига етинг! Илм ўрганинг, илм тарқатинг!

Динга холис амал қилинг!

Ўткинчи дунёдаги енгил-елпи орзу-ҳаваслар, майда-чуйда ташвишлар билан ўралашиб қолманг!

🕊Шаҳобиддин Одил✍

@Shahobiddin_Odil

580 0 13 22

Шаҳобиддин Одил

18 Dec, 06:14

00:07

Видео недоступно для предпросмотра

Смотреть в Telegram

🕋Пешонам саждада,
Қалбим Каъбада...✨

📚📖📚МЎМИН-МУСУЛМОНЛАРНИНГ ТОНГДАГИ ИЛК КАЛОМЛАРИ–ЗИКР, ДУО ВА САЛОМДИР!

📚📖📚✨ЗИКРЛАР:

Аъуузу биллааҳи минаш-
шайтонир-рожийм!

Бисмиллааҳир-
Роҳмаанир-Роҳийм!

Алҳамду
лиллааҳиллазий аҳйаанаa баъда мо амaaтанаа ва илайҳин-нушуур!

Алҳамдулиллааҳи Роббил оламийн!

Ашҳаду ан-лаа илааҳа иллаллоҳу ва ашҳаду анна Муҳаммадун ъабдуҳу ва росулуҳу!

📚📖📚✨ШУКУР ВА ҲАМД-У САНО:
Тонгда иймон билан уйғотганинг учун шукур, Аллоҳим!
Бу ожиз қулингга яна бир кун ҳадя қилганинг учун Сенга беҳад ҳамд-у санолар бўлсин, ё Зал-Жалоли вал Икром!

📚📖📚✨ДУО:
Аллоҳим, ё Роббал оламийн, ҳар бир мўмин бандангнинг бугунги кунини кечаги кунидан кўра ҳам хайрли ва баракали қилгин!

Роббанаа ъатинаа фид-дунё ҳасанатан ва фил-охирати ҳасанатан ва қинаа азобан-нор!

📚📖📚✨САЛОМ:
Ассалому алайкум ва роҳматуллоҳи ва барокатуҳу!

Мўмин-мусулмоннинг ҳар бир янги йили, янги ойи ва янги куни
айнан мана шундай бошланади.

Биз учун маълум бир кунлар, ойлар ва йиллар эмас, иймон билан уйғонганимиз ҳар бир тонг, АЛЛОҲНИНГ ЗИКРИ
билан бошланган ҳар бир кунимиз муборакдир, байрамдир!

@Shahobiddin_Odil

700 0 6 19

Шаҳобиддин Одил

17 Dec, 06:46

#RUHIYAT

📝 NAMOZ

Joynamoz ustida qiyom turaman,
Belni bukib "ruku’–shu" deb bilaman.
Sajdaga bosh qo‘yib qayta va qayta,
O‘zimcha rak’atni ado qilaman...

Ammo halovat yo‘q, dilim to‘la dog‘,
Xayolim parishon, atrofimda choh...
Ellik yil shu tarzda yotib-turdim-u,
Bir marta ham namoz o‘qimabman, oh!

Nafsimni kishanlab, dardimni yutib,
Sajdada Robbimdan mujdalar kutib,
Qaniydi salot*ni qoim etolsam,
Bu dunyoi dun*ni tamom unutib.

Yo Robbim, ahvolim O‘zingga ayon,
Menga ham nasib et mukammal iymon.
Saloti xamsa*ga qalbim bog‘lab qo‘y,
Dunyoni unuttir azon* aytgan on.

——————————

*salot–duo, namoz. Aslida namozning arabcha nomi "salot"dir. Va "salot" so‘zining asl ma’nosi "duo"dir.
*dunyoi dun–pastkash dunyo.
*saloti xamsa–besh vaqt namoz
*azon–namozga chaqiriq.

🕊Shahobiddin Odil✍

@Shahobiddin_Odil

770 0 2 19

Шаҳобиддин Одил

17 Dec, 06:40

#РУҲИЯТ

📝 НАМОЗ

Жойнамоз устида қиём тураман,
Белни букиб "рукуъ–шу" деб биламан.
Саждага бош қўйиб қайта ва қайта,
Ўзимча ракъатни адо қиламан...

Аммо ҳаловат йўқ, дилим тўла доғ,
Хаёлим паришон, атрофимда чоҳ...
Эллик йил шу тарзда ётиб-турдим-у,
Бир марта ҳам намоз ўқимабман, оҳ!

Нафсимни кишанлаб, дардимни ютиб,
Саждада Роббимдан муждалар кутиб,
Қанийди салот*ни қоим этолсам,
Бу дунёи дун*ни тамом унутиб.

Ё Роббим, аҳволим Ўзингга аён,
Менга ҳам насиб эт мукаммал иймон.
Салоти хамса*га қалбим боғлаб қўй,
Дунёни унуттир азон* айтган он.

——————————

*салот–дуо, намоз. Аслида намознинг арабча номи "салот"дир. Ва "салот" сўзининг асл маъноси "дуо"дир.
*дунёи дун–пасткаш дунё.
*салоти хамса–беш вақт намоз
*азон–намозга чақириқ.

🕊Шаҳобиддин Одил✍

@Shahobiddin_Odil

619 0 16 17

Шаҳобиддин Одил

17 Dec, 06:22

00:20

Видео недоступно для предпросмотра

Смотреть в Telegram

📚📖📚МЎМИН-МУСУЛМОНЛАРНИНГ ТОНГДАГИ ИЛК КАЛОМЛАРИ–ЗИКР, ШУКУР, ДУО ВА САЛОМДИР!

أَعُوذُ باللهِ مِنَ الشَّيطَانِ الرَّجِيمِ
Аъуузу биллааҳи минаш-
шайтонир-рожийм!

بِسْمِ اللهِ الرَّحْمٰنِ الرَّحِيم
Бисмиллааҳир-
Роҳмаанир-Роҳийм!

الحَمْدُ للهِ الذِي أحْيَانا بَعْدَ مَا أمَاتَنَا وإلَيْهِ النَشُور

«АЛҲАМДУ ЛИЛЛААҲИЛЛАЗИЙ АҲЙААНАА БАЪДА МАА АМААТАНАА ВА ИЛАЙҲИН НУШУУР.»

(Уйқудан турган заҳоти бир марта ўқилади.)

ٱلۡحَـمۡدُ للهِ رَبِّ ٱلۡعَـٰلَمِينَ
Алҳамдулиллааҳи Роббил оламийн!

أَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
Ашҳаду ан-лаа илааҳа иллаллоҳу ва ашҳаду анна Муҳаммадун ъабдуҳу ва росулуҳу!

Тонгда иймон билан уйғотганинг учун шукур, Аллоҳим!
Бу ожиз қулингга яна бир кун ҳадя қилганинг учун Сенга беҳад ҳамд-у санолар бўлсин, ё Зал-Жалоли вал Икром!

Аллоҳим, ё Роббал оламийн, ҳар бир мўмин бандангнинг бугунги кунини кечаги кунидан кўра ҳам хайрли ва баракали қилгин!

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

«БИСМИЛЛААҲИЛЛАЗИЙ ЛАА ЙАЗУРРУ МАЪАСМИҲИ ШАЙ'УН ФИЛ АРЗИ ВА ЛАА ФИС САМАА'И ВА ҲУВАС САМИЪУЛ АЛИЙМ.»

(Юз-қўлни ювиб бўлгандан кейин уч марта ўқилади.)

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Роббанаа ъатинаа фид-дунё ҳасанатан ва фил-охирати ҳасанатан ва қинаа азобан-нор!

ٱلسَّلَامُ عَلَيْكُمْ وَرَحْمَةُاللهِ وَبَرَكَاتُهُ
Ассалому алайкум ва роҳматуллоҳи ва барокатуҳу!

Мана шу⬆️мўмин-мусулмоннинг тонг оттиришидир. Яъни, тонгимиз, кунимиз айнан шундай каломлар билан, дуо ва саломлар билан бошланиши керак!

Уйғондик, аниқроғи ўлимдан кейин қайта тирилдик–
алҳамдулиллоҳ!

Бизга яшаш учун яна бир кун ҳадя этилди–
алҳамдулиллоҳ!

Иймонимиз қалбимизда ҳам, тилимизда ҳам турибди–
алҳамдулиллоҳ!

Ўлдирганидан кейин қайта тирилтиргани учун Роббимизга шукрона айтамиз.

Яна бир янги кунни ҳадя этгани учун шукрона айтамиз.

Иймонимизни саломат сақлагани учун яна шукрона айтамиз!

Яъни, мўмин-мусулмон ҳар тонгни айнан ана шундай шукроналик билан кутиб олади
Янги кундаги ҳаётини тонгданоқ ЗИКР ВА ДУОЛАР билан, яъни ибодат билан бошлайди.

Зеро, биз учун маълум бир кунлар, ойлар ва йиллар эмас, иймон билан уйғонганимиз ҳар бир тонг, АЛЛОҲНИНГ ЗИКРИ билан бошланган ҳар бир кун байрамдир, муборакдир!

@Shahobiddin_Odil

544 0 1 16

Шаҳобиддин Одил

16 Dec, 14:30

#RUHIYAT

UNUTMA!

Unutma, o‘tmishing aslo unutma!
Xiyonat qilgandan oqibat kutma!

Aldov-tuhmatlarga uchib aldanma,
Otang qotiliga onangni berma!

O‘ng yuzingga ursa, chap yuzing tut deb,
Shayton malaylari so‘zga berar zeb.

Nohaqlikka zarra qilmagin toqat,
Iymondan emasdir bunday qabohat.

Gar sen mo‘min ersang, boshingni ko‘tar,
Bu zulmat kunlar ham bir kuni o‘tar.

Shayton fitna qilsa, qahringni ko‘rsat,
Nafsingni yengishga bermagin fursat.

Nochorlikda qolsang, g‘azabingni yut,
Zulmatdan so‘ng chiqar quyoshingni kut.

Unutma, insonning sha’ni mukarram,
Zulmga bosh egma, zulmat bossa ham.

Allohning atosi ila kut yordam,
Oxiratni izla, sabr ila har dam.

Ammo, zolimlardan marhamat kutma,
Dunyolik nasibang aslo unutma.

Kimki unutgaydir Haqqning Kalomin,
Unutilar butkul o‘zi ham, omiyn.

Barcha kutuvchidir, kutinglar-chi, bas,
Allohning Kalomi hech yolg‘on emas.

Vaqt kelib bilursiz kim topgay najot,
Kimga nasib etar mangulik hayot.

Kimga yo‘lboshchidir Qur’oniy oyat,
Har ikki olamda topgay hidoyat.

🕊Shahobiddin Odil✍

@Shahobiddin_Odil

691 0 4 19

Шаҳобиддин Одил

16 Dec, 14:24

#РУҲИЯТ

УНУТМА!

Унутма, ўтмишинг асло унутма!
Хиёнат қилгандан оқибат кутма!

Алдов-туҳматларга учиб алданма,
Отанг қотилига онангни берма!

Ўнг юзингга урса, чап юзинг тут деб,
Шайтон малайлари сўзга берар зеб.

Ноҳақликка зарра қилмагин тоқат,
Иймондан эмасдир бундай қабоҳат.

Гар сен мўмин эрсанг, бошингни кўтар,
Бу зулмат кунлар ҳам бир куни ўтар.

Шайтон фитна қилса, қаҳрингни кўрсат,
Нафсингни енгишга бермагин фурсат.

Ночорликда қолсанг, ғазабингни ют,
Зулматдан сўнг чиқар қуёшингни кут.

Унутма, инсоннинг шаъни мукаррам,
Зулмга бош эгма, зулмат босса ҳам.

Аллоҳнинг атоси ила кут ёрдам,
Охиратни изла, сабр ила ҳар дам.

Аммо, золимлардан марҳамат кутма,
Дунёлик насибанг асло унутма.

Кимки унутгайдир Ҳаққнинг Каломин,
Унутилар буткул ўзи ҳам, омийн.

Барча кутувчидир, кутинглар-чи, бас,
Аллоҳнинг Каломи ҳеч ёлғон эмас.

Вақт келиб билурсиз ким топгай нажот,
Кимга насиб этар мангулик ҳаёт.

Кимга йўлбошчидир Қуръоний оят,
Ҳар икки оламда топгай ҳидоят.

🕊Шаҳобиддин Одил✍

@Shahobiddin_Odil

647 0 14 19

Шаҳобиддин Одил

15 Dec, 14:42

#RUHIYAT

📝🌴MADIYNADA

Ehrom bog‘lagani keldim, ey Alloh,
Shaytonning makridan O‘zing ber panoh.
Meni o‘z nafsimdan qilib qo‘y ogoh,
Qaytib shirkka botib qolmayin nogoh.

Ziyoratga keldim, yo Rasulalloh,
Salom berib sizdan olmoqchun alik...
As-Salom Robbimiz, ul Qodir Alloh,
Ikrom qildi bugun menga shunchalik...

Alloh panohida asrasin bizni,
Salomat aylasin iymonimizni.
Jannatda salom-la kutib olganda,
Ko‘rmoq nasib etsin bizlarga sizni.

Firoq og‘ir ekan, yo Rasulalloh,
Netaylik, qismatda bor ekan bu ham.
Umra-yu hajjlarni nasib et Alloh,
Rasuling sog‘inchi qiynagan har dam.

"Ey, Abdulloh o‘g‘lim, qilay nasihat,
So‘rasang, Allohdan so‘ragin albat.
Hojating ne bo‘lsa ado etgay U,
Yordam ham, madad ham Undandir faqat!"

🕊Shahobiddin Odil✍

@Shahobiddin_Odil

871 0 3 24

Показано 20 последних публикаций.

21 902

подписчиков

Статистика канала

Язык сайта

Postal

Продам канал с доходом 138090

Шаҳобиддин Одил

Гео и язык канала

Категория

21 902

Популярное в канале