Armonim Onam

Пайғамбаримиз (с.а.в) Аллоҳ берган умрни роҳатда, ҳузур ичида яшаш ва Аллоҳ ризолигига эришмоқ учун қуйидагиларга мутлоқ амал қилишимизни буюрадилар:

     1. Доимо тоза овқатларни енг.

     2. Жуда иссиқ ва жуда совуқ еманг.

     3. Кўп чайнаб, секин енг.

     4. Овқатдан олдин ва кейин қўлларингизни ювинг.

     5. Доимо овқатдан иштаҳали бўлиб туринг, кўп еманг.

     6. Овқат ейиш давомида кўп сув ичманг.

     7. Қишда бироз кўпроқ ёғли овқатлар, ёзда эса енгилроқ овқатлар ва кўкатлардан енг.

     8. Овқатларингиздан хурмони кам этманг.

     9. Узум, хурмо ва зайтун. Аллоҳга шукур этмоқ учун сизга сиҳат ва қувват беради.

     10. Чарчаган вақтингизда ширинликларни енг.

     11. Синиқ косаларда овқат еманг, бундай идишда сув ҳам ичманг.

     12. Овқатланаётганда доимо яхши кайфиятда бўлинг, ёлғиз овқат еманг.

     13. Доимо овқатдан сўнг дуо ўқиб, шукр қилинг.

     14. Ҳар ойда бир кун рўза тутингки, вужудингиз дам олсин.

     15. Асал еб туринг, у минг дардга даводир.

«Илоҳий мўъжизалар» китобидан.

Armonim Onam

Бахтли инсон ҳеч қачон бировга озор бермайди ва бировнинг ҳаётига аралашмайди, чунки уни бунга вақти йўқ....

Бошқаларни ҳаётига аралашиб озор бериш бу бахтсиз инсоннинг иши, шундай экан ундайлар билан курашманг.
Аксинча бахт тиланг ва йўлингизда давом этинг…

Билмаймиз кимнинг қанча умри қолган, зеро шундай экан бу гўзал ҳаётда фақат ўзингиз билан ишланг ривожланинг, қўлингиздан келса яхшилик қилинг, қўлингиздан келмаса ёмонлик ҳам қилманг. Чунки олдинда ҳар бирини тўлови бор....

Ўзингизни кунингиз, вақтингиз ва умрингиз билан яшанг !

Armonim Onam

​​ОНА БИРГА НАМОЗ ЎҚИЙМИЗ

Ёмон кунлар бўлиб унутлар,
Бошимиздан кетиб булутлар,
Дуодан сўнг айтиб ўгитлар,
Она бирга намоз ўқиймиз.

Кўп соғиндим сизни онажон,
Дийдоргача бўлинг соғ омон,
Жойнамозни тўшаб ёнма-ён,
Она бирга намоз ўқиймиз.

Бораман ғамларни охирлаб,
Турибман ўзимни ҳозирлаб,
Ўтганлар руҳини хотирлаб,
Она бирга намоз ўқиймиз.

Юрмайман ортиқ абгор бўлиб,
Кунда беш бор беғубор бўлиб,
Жаннатидан умидвор бўлиб,
Она бирга намоз ўқиймиз.

Сизни кўриб, кўнглим қилиб тўқ,
Фарзларин адо этиб тўлиқ,
Менга бундан зиёда бахт йўқ,
Она бирга намоз ўқиймиз

Armonim Onam

ОНА!
Она қаранг йиллар ўтмоқда,
Юзларингиз гўзал, ажойиб.
Қўлларингиз суртай кўзимга,
Сизга фарзанд бўлдимми лойиқ?

ОНА!
Юринг бирга бозор борамиз,
Олиб берай гулли кўйлаклар.
Этагида жимжимадор ним,
Пушти, гўзал, оқ, капалаклар.

ОНА!
Дийдорингиз соғиндим  бугун,
Кўзларимдан ёшлар  тўхтамас.
Олам бир ён, ўзингиз бир ён,
Ҳеч бир инсон сизга   ўхшамас.

ОНА!
Ҳеч қиймати йуқки дунёда,
Дийдорингиз дилимга малҳам.
Ўзиз емай, бизга едирган,
Ҳар луқмани кўргансиз  баҳам.

ОНА!
Айланамиз кенг кўчаларни,
Кабобхўрлик қиламиз бугун.
Қолсин майли дунёнинг иши,
Дийдорингиз ҳар недан устун.

ОНА!
Меҳрибоним, жаннатим, Сизсиз,
Бойлигимсиз оламларга  тенг.
Сиз бахтимсиз, Дунёйим сиз  сиз,
Хокисорим қалби, бағри кенг.

ОНА!
Айтмаганман бир сўзни дилдан,
Балки ғўрман, буни биламан.
Қалбим бугун ҳайқириб айтар,
Сизни жуда яхши кўраман.

Armonim Onam

ЎХШАШИ ЙЎҚ МЕНИНГ ОНАМНИНГ...

Тилларидан тушмайди дуо,
Тўхташи йўқ менинг онамнинг.
Ўн саккиз минг оламда танҳо,
Ўхшаши йўқ менинг онамнинг...

Чиройидан осмонда ой лол,
Баҳор таъзим айлайди хушҳол.
Йўқдир ундай соҳиби жамол,
Ўхшаши йўқ менинг онамнинг...

Болам дея дил бўлди адоқ,
Болам дея қўллари қадоқ.
Узук кўрмай ўтди бу бармоқ,
Ўхшаши йўқ менинг онамнинг...

Тоғнинг тоғга ўхшаши бордир,
Боғнинг боғга ўхшаши бордир.
Ойнинг доғга ўхшаши бордир,
Ўхшаши йўқ менинг онамнинг...

Ўн саккиз минг оламда танҳо,
Ҳурдан гўзал, малакдан зебо.
Ҳайқираман, эшит, эй, дунё,
Ўхшаши йўқ менинг онамнинг...

Онам каби буюк Она ер,
Жар соламан, ким не деса дер.
Юрагимдан отилди бу шеър -
Ўхшаши йўқ менинг онамнинг!..

Armonim Onam

Онамга...

Жаннатлардан эсиб келар бўйларингиз,
Хаёлимдан ҳеч чиқмайди ўйларингиз,
Мендай қўмсар сизни ҳовли, уйларингиз,
Қўмсар сизни тантана-ю тўйларимиз,
Онажоним, Онаизор, Онагинам!

Меҳрин қўшиб, оқ сут бериб, фарзанд боққан,
Посбон бўлиб қароқлардай, қулоқ қоққан,
Юрагини тумор қилиб, менга таққан,
Узоқ тунлар жигарини шамдай ёққан,
Онажоним, Онаизор, Онагинам!

Илм йўлига кетганимда қолган ғашлаб,
Билдирмасдан йиғлаган-у кўзин ёшлаб,
Деган, сўлғин лабларини қимтиб, тишлаб:
-Тақдир қайга олиб кетди, болам бошлаб?!
Онажоним, Онаизор, Онагинам!

Дадам берган пулга қўшиб, ёнингиздан,
Астагина пул бергансиз енгингиздан.
“Ол, болам!” деб, ёш айланган кўзингиздан,
Мен айланай ўзингиздан, сўзингиздан!
Онажоним, Онаизор, Онагинам!

Косасидан гўштни олиб бизга тутган,
Қотган нонни сувга бўкиб ўзи тотган,
Она шундай бир меҳрибон хилқат экан,
Жаннатмакон Она экан... Она экан...
Онажоним, Онаизор, Онагинам!

Буни қаранг, етмай қопман қадрингизга,
Жон бўлай деб, жон бўлмапман жонингизга,
Ёш ҳам етиб келди қайтар жойимизга,
Тез орада борадурман ёнингизга,
Онажоним, Онаизор, Онагинам!

Бизлар киммиз, биз ҳам бир кун кетажакмиз,
Бу дунёда ном талашиб нетажакмиз,
Сиз етишган кавсарларга етажакмиз,
Балки сиздай жаннати ҳам бўлажакмиз…
Онажоним, Онаизор, Онагинам!

Armonim Onam

Қиёмат куни сизни энг кўп хафа қиладиган ҳолат...

Қаттиқ севишингизга қарамай ота-онангиз, ҳатто болангизга биттагина яхшилигингизни беролмайсиз...

Бунинг қаршисида эса ёмон кўриб, ғийбат қилган одамингизга ана шу яхшиликларни мажбуран бериб юборасиз..😔😔😔😔😔😔😔

Armonim Onam

Бир кун ҳаммаси яхши бўлади, деймиз.. Аслида бугунимиз ҳам энг яхшиси эканлигини билмаймиз.

Бир кун ўша ёр ҳам келар, муаммолар кетар, қарз узилар, уй олинар, ватанга қайтилар, соғайиб кетилар...

Аммо... Аммо ўша вақтда бугунингиздаги каби ёшроқ бўлмайсиз. Ўша бир куни бугунги иштиёқингиз, шижоатингиз, кучингиз, қувватингиз бўлмаслиги мумкин. Ўша куни бугун хоҳлаётганингизни хоҳламай қолишингиз мумкин...

Бугунингизни қадрланг! Аслида энг яхши кун бугундир!

Armonim Onam

Ассаламу алайкум олисдаги кадирдонларим иссиқларда чарчамай юрибсизларми барчага жума айёми муборак булсин. Каналга актив бўла оладиган админ админкалар оламиз .

Armonim Onam

Абдуллоҳ ибн Умар розияллоҳу анҳумо айтадилар:

“Ота-онанинг йиғлаши оқ бўлиш ва кабира гуноҳлардандир”.

Бухорий ривоят қилган.

Фарзанд ота-она билан муомала қилишда қуйидаги одобларга риоя қилиш зарур:

– гаплашганда овозни баландлатманг;

– хўмрайиб тик боқманг;

– гаплашганда қўлни кўтарманг;

– гапларини бўлманг;

– гаплари нотўғри бўлса ҳам жеркиб берманг;

– муаммо ва ташвишларни айтиб безовта қилманг;

– кўнглиги ранжийдиган хабарларни, айниқса, бетоб бўлса, “Фалончи оламдан ўтди” каби гапларни айтманг;

– камчиликларини юзига солиб ранжитманг;

– гуноҳ бўладиган хатолари бўлса, мулойимлик билан тушунтиринг;

– улар билмаган дин аҳқомларини мулойимлик билан, жеркимасдан ўргатинг;

– улар ёнида болаларингизга қаттиқ гапириб, уриб-сўкманг.

Салафи солиҳ зотлардан бирлари бир йигитга насиҳат қила туриб, шундай дедилар: “Шуни билингки, қачон ота-онанг сен билан гаплашишганда “Аччиғи чиқиб қолмасмикин” ёки “безовта қилиб қўймасмикинман”, деб ҳадиксираб гапларини ўйлаб гапиришга ўтишса яъни сенга ёқадиган гапни топиб гапиришга уринишса, демак, сен уларга оқ бўлибсан”.

Ота-онага химмат қилиш, уларга яхшилик қилиш, эъзозлаш жаннатга кириш учун энг катта восита.

Armonim Onam

Келинлик давримда


Бир аёл киши ёзибди.

СУПИРГИДА УЙ СУПИРАРДИК,
ПАХТА ТЕРИБ ДАЛАДА ЧЎЛДА,
КИРМАШИНА ҚАЕРДА ЭДИ,
ЮВАР ЭДИК КУН ОРА ҚЎЛДА,

СУВ ТАШИРДИК ЧЕЛАКНИ ТУТИБ,
УЗОҚДАГИ ҚИШЛОҚ ЧЕТИДАН,
МОЛ БОҚАРДИК ҚЎЙЛАР БОҚАРДИК.
ТУКУЧ ТЕРИБ ЕРНИ БЕТИДАН.

НОЛИМАСДИК ЮГУР ЮГУРДАН,
САХАР ТОНГДА НОНЛАР ЁПАРДИК.
ҚАНЧА МЕХНАТ ҚИЛСАК УНДАН КЎП,
ТАНАМИЗГА СОҒЛИК ТОПАРДИК.

БОЛАМИЗ ҲАМ ЎСАРДИ СОҒЛОМ,
ТЎЛҒОҚ БИЛАН ТУҒАРДИ ОНА.
ЁРИБ ОЛМАС ЭДИ ҚОРИНДАН,
КЕСЕРВАСИ ЭДИ БЕГОНА.

ИШТОНЧАЛАР ЮВАРДИК ДОР~ДОР, ,
ОНАЛИКНИ ҚИЛАР ЭДИК ХИС.
БЕШИКЛАРГА БОҒЛАБ БОЛАМИЗ,
ДАРКОР ЭМАС ЭДИ ПАМПЕРС.

ҚОШИМИЗГА ҚЎЯРДИК ЎСМА,
КЎЙЛАКНИ ҲАМ КИЯР ЭДИК ЖЎН.
АЛЛА АЙТСАК УХЛАРДИ БОЛА.
ҚУЛОҒИГА ҚЎЙМАСДИК ТЕЛЕФОН.

КИЙМАС ЭДИ КЕЛИНЛАР КАЛТА,
ТОНИКАНИ БИЛМАСДИК Ё РАБ..
ҚАЙНОНАЛАР ДОНИШМАНД ЭДИ,
ИШ ҚИЛАРДИК ИЗМИГА ҚАРАБ.

БОШ ҚОРОНҒУ БЎЛСАДА КЕЛИН,
СЕЗМАС ЭДИ  БИРОВ НЕГАДИР,
ОҒРИМАСДИ БЕЛИ ОЁҒИ,
ҚЎЛЛАРИДАН ТУШМАСДИ КАПГИР.

БЕЛИН УШЛАБ ЮРМАСДИ СИРА,
ҚЎЙВОРМАСДИ БУТУН ТАНАСИН.
ТО ТУҚҚУНЧА ХИЖОЛАТ ТОРТИБ.
КЎРМАС ЭДИ ОТА ОНАСИН.

ХАММА ҚИЗ ҲАМ ЎҚИМАС ЭДИ,
ИЛМИ КУЧЛИ БЎЛГАНИ БИЛАН.
ҚЎЛ УШЛАШИБ ЮРМАСДИ СИРА.
КЎЧА КЎЙДА СЕВГАНИ БИЛАН.

СЕВИШНИ ҲАМ БИЛМАСДИ ЧОҒИ,
БОШЛАРИНИ ЭГИБ ЎТАРДИ.
КИМГА ОТА МУНОСИБ КЎРСА,
ИНДАМАСДАН ТЕГИБ КЕТАРДИ.

ЙИГИТЛАР ҲАМ СОДДАДИЛ ЭДИ,
НУР ЁҒИЛАР ЭДИ ЮЗИДАН,
ОТАСИГА ТИК БОҚМАС ЭДИ,
ҚУВМАС ЭДИ ҚИЗЛАР ИЗИДАН.

ҒИРИНГ ДЕМАЙ УЙЛАНАР ЭДИ,
ОНАСИНИГ ТОПГАН  ЖУФТИГА.
ОНАЛАРИН БОШИГА ҚЎЙИБ,
ЁРЛАРИНИ ҚЎЙИБ КАФТИГА.

БУЗИЛМАСДИ БИРОР ОИЛА,
ИНОҚ ЭДИ АММА~ХОЛАЛАР,
БАХТЛИ ЭДИ БАХТИЁР ЭДИ,
ЕТИМ ҚОЛМАС ЭДИ БОЛАЛАР.

БИР ПАЙТЛАР БИЗНИ ЗАМОНЛАР,
ЭРТАКЛАРДАЙ ТУЮЛАР МЕНГА.
Ё ОДАМЛАР ЎЗГАРИБ КЕТГАН.
Ё ЎЗГАРИШ ТЕККАН ЗАМОНГА.

СЎЗЛАРИМНИ ЎҚИГАН ЁШЛАР,
КУЛИШИНГИЗ ТАЙИН СЎЗИМГА.
ЁЗЯБМАНУ ЎШАЛ ДАМЛАРНИ,
САВОЛ БЕРИБ ЎЗИМ ЎЗИМГА.

У ПАЙТЛАР СОДДА ЭДИКМИ,
КЎЗ ЎНГИМДАН КЕТМАЙДИ ҲАМОН.
ҚОШЛАР СОХТА ГЎЗАЛЛИК СОХТА.
Ё ЎЗГАРГАН ҚИЁСИ КАМОН.


🌼🌸🌺
┄┅অঠই 🕋 ইঠঅ┅┄

Armonim Onam

Тонгларингда очгинг келмас кўз,
Қулоғингга кирмайди бир сўз.
Борлигингдан қиларсан афсус,
КЕРАГИНГГА КЕРАК БЎЛМАСАНГ...

Айланасан хиссиз бир тошга,
Не хаёллар келмайди бошга.
Йўл қолмайди кетишдан бошқа,
КЕРАГИНГГГА КЕРАК БЎЛМАСАНГ....

Чидашга хам қолмас имконинг,
Ҳеч қолмайди борар маконинг.
Тарк этгандай бўлади жонинг,
КЕРАГИНГГА КЕРАК БЎЛМАСАНГ....

Кўринмайди ҳеч ким кўзингга,
Ишонмайди биров сўзингга.
Ғам тасвири қўнар юзингга,
КЕРАГИНГГА КЕРАК БЎЛМАСАНГ...

Кўринмасанг эсламас биров,
Хавотирл-ла изламас биров.
Сўрашмайди ахволинг бирров,
КЕРАГИНГГА КЕРАК  БЎЛМАСАНГ...

Доим тушкун, ёлғиз бўласан,
Кутишдан хам буткул толасан.
Ҳеч кимсага ёқмай қоласан,
КЕРАГИНГГА КЕРАК БЎЛМАСАНГ...

Armonim Onam