SAT EDUCATION O'quv markazi

SABABLAR.

Hunayn g‘azoti Nabiy sallollohu alayhi va sallamning g‘azotlari ichida alohida o‘ringa ega. Masofa qisqa edi. Dushmanning soni ham, quroli ham oz edi. O‘sha kuni go‘yo natija oldindan ayon edi. Raqib go‘yo oson yutiladigan taomday, g‘alaba esa faqatgina vaqt edi xolos

Demak g‘alabaning barcha sabablari muhayyo edi. Hatto sahobalar roziyollohu anhum ham: "Shu ozgina qo‘shindan mag‘lub bo‘lamizmi?!", deya ozroq g‘ururga berilishdi.

Ammo sabablarning Robbi bu ummatni tarbiyalashni iroda qildi. U bizga sabablarni olishni o‘rgatdi, ularga suyanishni emas. Zero nusrat Uning qo‘lida edi, qilich va nayzalarda emas.

Ikki qo‘shin to‘qnashdi. Jang avvalida musulmonlar mag‘lub bo‘la boshlashdi. Hatto ba’zilar qocha boshladi. Ana shunda Nabiy sallollohu alayhi va sallam tuyalari bilan shunday deya jangga kirishdilar:
"Men rostdan ham Nabiyman. Abdulmuttolibning zurriyodiman!".

Ana shundan so‘ng musulmonlar uyg‘onib suyukli Nabiylari sallollohu alayhi va sallamning atroflarini o‘rab olishdi. Robbilariga nisbatan niyatlarini isloh qilishdi. Nihoyat g‘alabaga erishishdi.

Hunayn va Badr o‘rtasini yengilgina solishtirish bizga g‘alabaning sirini ochadi.

Badrda barcha kuch-quvvat sabablari quraysh mushriklarida edi. Musulmonlar esa ozchilik bo‘lib barcha umidlarini Robbilariga bog‘lagan edilar. Alloh taologa iltijo qilishgan edi.

Musulmonlarning o‘sha kundagi ahvolini Hamza roziyollohu anhuning quraysh qo‘shiniga qarab aytgan gapi ifodalaydi:
"Oldimizda turganlar meni qo‘rqitmaydi. To‘g‘ri, ular bizdan ko‘p. Ammo biz iymonimiz bilan ulardan kuchlimiz!".

Mana shu Allohga suyanishdir, sabablarga emas. Sabablar mahkam tutiladi, ammo unga suyanilmaydi. Nusratni jalb qilgan narsa shudir. Alloh ularning qalbini sobit qilib farishtalar bilan quvvatladi.

Hunaynda esa urushga nisbatan qarashlar turlicha bo‘ldi. Dushmanni oz hisoblashdi. O‘zlarini katta tutishdi. Alloh ularni o‘z holiga tashlab qo‘ydi. Hatto musibat bo‘lishiga oz qoldi. Ammo musulmonlar Rabboniy odobni yana mahkam tutishgach, darsni tezlik bilan tushunishgach, sabablarga suyanishni tashlab qalblarini Allohga bog‘lagach dushmanlari oldida avvalgi siyratlariga qaytishdi.

Ummatga aytilgan gap yakka shaxslarga ham taalluqlidir. Kim Allohga e’timod qilsa Alloh sabablarni muhayyo qiladi. Ular Allohga bo‘lgan e’timodlari samarasini albatta ko‘rishadi.

Kim sabablarga suyansa Alloh uni sabablariga tashlab qo‘yadi. Alloh insonga ikki marta odob beradi:
1. Sabablarga suyanib qolsa.
2. Sabablarni butkul unutsa.

O‘rganing, harakat qiling! Ammo muvaffaqiyat Allohning qo‘lidadir. Imtihonga aqlingizga suyanib kirmang. Allohga suyanib kiring!

Muolaja qiling, davo qidiring! Ammo shifo Allohning huzurida ekanligini unutmang!

Ishlang, tijorat qiling! Ammo Razzoq Alloh ekanini unutmang! Rizq Allohning huzurida. Ishlash va harakat esa rizqning eshigi xolos!

Inson modomiki "men", "meniki", "mendan", "menda" der ekan Alloh unga albatta uning "men"i qanchalar zaif ekanligini ko‘rsatadi. Bandaning huzuridagi narsalar qanchalar oz, qanchalar kuchsiz ekanligini anglatadi.

Agar banda "bu Allohniki", "men Alloh bilanman", "men Allohga qaytaman" desa Alloh u bilan bo‘ladi.
Alloh bilan bo‘laylik!

Adham Sharqoviy.

HASAD

Nabiy sallollohu alayhi va sallam sahobalar bilan masjidda o‘tirgan edilar. Ularga dedilar:
-Hozir sizning huzuringizga jannat ahlidan bo‘lgan bir kishi chiqadi!
Shu payt ansorlardan bir kishi chiqdi. Uning soqollaridan tahoratining suvlari oqib turar edi.

Ertasi kuni ham Rasululloh sallollohu alayhi va sallam sahobalarga dedilar:
-Hozir sizning huzuringizga jannat ahlidan bo‘lgan bir kishi chiqadi!

Yana kechagi ansoriy kirib keldi.
Uchinchi kuni bo‘lganda yana Rasululloh sallollohu alayhi va sallam:
-Hozir sizning huzuringizga jannat ahlidan bo‘lgan bir kishi chiqadi!-dedilar.
Masjidga yana o‘sha ansoriy kirib keldi!

Majlis tarqalgach, Abdulloh ibn Amr ibn Os roziyollohu anhu o‘sha ansoriydan so‘radi:
-Men otam bilan xusumatlashib qoldim. Uch kecha uning uyiga kirmaslikka qasam ichdim. Shu uch kunda senikida qolsam bo‘ladimi?
Ansoriy:
-Marhabo! Xush kelibsan!-dedi.

Abdulloh uning uyida uch kun turdi. Ansoriy kechasi ham, kunduzi ham biror-bir ortiqcha nafl ibodat qilmadi. Faqatgina kechasi uyg‘onganida Allohni zikr qilib qo‘yar edi. Toki muazzin bomdodga azon aytgunicha ana shu holatda tong ottirdi. So‘ngra turib bomdodni o‘qidi!

Uch kun o‘tganidan so‘ng Abdulloh uning qiladigan amallarini oz deb o‘yladi va ansoriyga dedi:
-Men bilan otam o‘rtasida hech qanday xusumat va kelishmovchilik bo‘lmagan edi. Ammo uch kun Rasululloh sallollohu alayhi va sallam: “Hozir sizning huzuringizga jannat ahlidan bo‘lgan bir kishi kiradi!”, dedilar. O‘sha uch kunda ham sen kirib kelding. Sen bunga nima bilan erishganingni bilmoqchi bo‘ldim!

Ansoriy dedi:
-Ko‘rib turganingdek ortiqcha amalim yo‘q. Ammo menda mo‘min-musulmonlarga nisbatan g‘ash-aldov yo‘q, Alloh ularga bergan narsalarda qalbimda hasad yo‘q!
Abdulloh ibn Amr roziyollohu anhu unga dedi:
-Sen mana shu amaling bilan jannatga erishgansan. Biz toqat qila olmaydigan narsa ana shu!

Qalbingizni isloh qiling. Ana shunda farzlardan boshqa ibodatlar qilmasangiz ham sizga zarar bermaydi. Insonlarning boshiga kelgan narsa qalblarining xarobligidan kelgandir!

“Ammo menda mo‘min-musulmonlarga nisbatan g‘ash-aldov yo‘q!”.
Ya’ni, muomalada rostgo‘ylik, savdoda rostgo‘ylik, maslahatda rostgo‘ylik, nasihatda rostgo‘ylik...
Hadisda keladi: “Kim bizni aldasa bizdan emas!”.
“Alloh ularga bergan narsalarda qalbimda hasad yo‘q!”.

Shirkdan keyin qalbdan joy oladigan eng yomon narsa hasaddir. Hasad Allohga qilingan birinchi gunohdir. Iblisning Odam alayhis salomni yomon ko‘rib qolishiga, Alloh unga Odam alayhis salomga sajda qilishni amr qilganida sajda qilmaganiga sabab hasaddir! O‘shanda u o‘zini Odam alayhis salomdan afzal deb o‘ylagan, bu maqomga o‘zini munosib deb bilgan edi!

Alloh sizga bergan narsaga qanoat qiling, kishilarning eng boyi bo‘lasiz. Boshqalarning qo‘liga qaramang. Agar boshqalarga berilgan ne’matlarga qarayversangiz o‘zingizga berilgan ne’matlarga shukr qilish uchun vaqt topa olmay qolasiz.

Hadisda keladi: “Hasaddan saqlaninglar! Chunki hasad olov o‘tinni yegani kabi yaxshiliklarni yeb bitiradi!”.

Xudo hohlasa 15:00 da yetib boraman

Bugun Prezident maktablariga tayyor guruhlari uchun matematikada dars kuni emas
Bugun xudo xohlasa 15:30 da DTM guruh A1 qism boʻyicha dars boʻladi

Assalomu alaykum bugun Abduvohid Yuldashev ustoz darslari bugunga malum sabablarga koʻra boʻlmaydi
Xudo hohlasa bu yakshanba bugungi guruhga qoʻshimcha dars boʻladi

RIZQ.

Hasan Basriy rohimahulloh aytadi:
“Rizqimni mendan o‘zga hech kim olmasligini bilganimdan so‘ng xotirjam bo‘ldim!”.

Imom Shofi’iy rohimahulloh aytadi:
“Kim agar rizq kuch bilan keladi deb o‘ylasa bilsinki, chumchuq burgut bor joyda hech narsa yeya olmas edi”.

Shayx Sha’roviy rohimahulloh aytadi:
“Seniki bo‘lgan narsa zaif bo‘lsangda senga keladi. Seniki bo‘lmagan narsaga kuchli bo‘lsangda erisha olmaysan!”.

Biz rizqning ma’nosini tor olganmiz. Uni faqat molda deb o‘ylaymiz. Bu xatodir va rizq mazmuniga yuzaki qarashdir. Ko‘p rizqlar borki, biz ularni rizq sanamaymiz. Chunki biz faqatgina cho‘ntakka kirgan narsani rizq deb o‘ylab qolganmiz. Go‘yoki boshqa narsa rizq emas.

Olamda qalbi tosh xotinlar ko‘p. Ammo seni uyda kutib o‘tiradigan mehribon umr yo‘ldoshing rizqingdir.

Dunyoda qalbi qattiq erkaklar ko‘p. Agar seni himoya qiladigan suyukli ering bo‘lsa bu sening rizqingdir.

Ota-onasiga oq farzandlar tiqilib yotibdi. Agar sening solih farzandlaring bo‘lsa bu sening rizqingdir.

Buzuq qizlar ko‘p olamda. Agar seni jannatga olib kiradigan soliha qizing bo‘lsa bu sening rizqingdir.

Qancha-qancha ko‘zlar uxlay olmaydi. Agar sen kechasi yaxshi uxlayotgan bo‘lsang bu sening rizqingdir.

Atrofing to‘la bemor. Agar sen sog‘ va salomat bo‘lsang bu sening rizqing.

Dunyoda oyog‘i kesilganlar ko‘p. Sening oyog‘ing butun bo‘lsa bu sening rizqing.

Atrofingda ko‘rlar ko‘p. Sening ko‘zlaring ochiq bo‘lsa bu sening rizqingdir.

Sening mehribon onang bor. Qancha-qancha bolalarning onasi yo‘q. Bu sening rizqingdir.

Yetimlar dunyoni to‘ldirib turganida sening otang bor. Bu sening rizqingdir.

Sayyoraning ko‘p joylarida kishilar ochlikdan o‘lmoqda. Sening esa yeyishga bir necha xil taoming bor. Bu sening rizqingdir.

Atrofingda birodarlaring bor. Olamda esa yolg‘iz insonlar qancha! Bu sening rizqingdir.

Farzandlaringni ko‘ksingga bosayapsan. Qancha-qancha onalar guldek farzandlarini qabrga qo‘yishgan. Bu sening rizqingdir.

Bashariyatning yarmi o‘qishni bilmaydi. Sen esa o‘qishni bilasan. Bu sening rizqingdir.

Senda qanday ovqat tayinlash tanlovi bor. Qancha –qancha ayollar ovqat qilishga masalliq topa olishmaydi. Bu sening rizqingdir.

Farzanding maktabga borganida qaytmasligidan xavotir olib qo‘lingni qalbing ustiga qo‘ymasliging rizqdir.

Qancha-qancha bemorlar ovqat yeyishdan mahrum bo‘lishganda sening ishtaha bilan ovqat yeyishing rizqdir.

Qancha-qancha ayollar bolalariga nonushta topib bera olishmayotgan paytda sen ertalab qahva ichib o‘tirishing rizqdir.

Olamda ko‘p rizqlar borki, ularning qiymatini mol bilan o‘lchab bo‘lmaydi. Alloh senga taqsim qilib bergan rizqqa rozi bo‘l, ana shunda eng boy inson bo‘lasan.

Boshqalar qo‘lidagi narsalarga boqma, saodatli bo‘lasan!

Assalomu alaykum
Xudo hohlasa ertaga soat 8:00 da
Prezident maktablariga tayyorlov guruhi uchun matematika darsi boʻladi
10:00 da DTM A1 guruh uchun qoʻshimcha dars boʻladi

Mavzu : Foiz mavzusiga oid masalalar va qisqa koʻpaytirish mavzulari ishlanib tahlil qilinadi

3-4-sinflar kelinglar men keldim

Ustoz va virtual o‘yinlar jangi

O‘ylanaman, nega o‘yin sanoati shu darajada rivojlandiyu, maktablar ortda qolib ketdi?

O‘quvchilarga qo‘yib bersangiz — bir umr telefon o‘ynasa.

Bu o‘lgur telefonni shayton chiqargan deb, vaziyatga oson yechim topamiz.

Ammo bizga oddiy ko‘ringan virtual o‘yinlar ortida — katta ilm yotadi.

Keling, bugungi kunda maktablarimizda mavjud bo‘lmagan, ammo video-o‘yin sanoati mutaxassislari foydalanadigan 5 uslubni ko‘rib chiqamiz:

1. Video-o‘yinda aniq maqsad bor. Bolalar nima vazifa bajarishni, qayerda nima qilish kerakligini, vazifani a’lo darajada bajarsa uni qanday mukofot kutib turganini aniq biladi.

2. Qiyin ham emas, oson ham. Virtual o‘yinlar shunday mohirlik bilan tuziladiki: bolani kayfiyatini cho‘ktiradigan — qiyin ham, uni zeriktiradigan — oson ham emas.

3. O‘yinlarda bolaning har bir harakati uchun shu zahotiyoq aniq izoh beriladi. O‘yinchi yaxshi harakat qilsa unga darrov imtiyoz, aksincha, sekinlashsa — sustlashgani ko‘rsatilib turiladi.

4. Xatolar jazolanmaydi. Bolalar million martalab mag‘lub bo‘lsada, yana o‘yin o‘ynashni istashini ko‘rib, hayratlanasiz.

Sababi — o‘yinning ichki muhiti xatoni normal qabul qilishga o‘rgatadi. Ishtirokchi o‘yinda o‘ldimi — darrov yangi jon beriladi, bola tahqirlanmaydi, hammani oldida yerga urilmaydi..

Xatolar = yangi imkoniyatga = imkoniyatlar ko‘proq harakatga = harakatlar esa g‘alabaga sababchi bo‘ladi.

G‘alaba = mukofotga = mukofot qiziqishga = qiziqish esa qaramlikka olib boradi.

5. Mustaqillik. Video-o‘yinlar bolaning mustaqil chiqargan qarorlarini qo‘llab-quvvatlaydi, mukofotlaydi. Bola o‘zini erkin his qiladi. Oilada, maktabda ko‘rmagan izzat-ikromini virtual olamdan oladi.

Yuqoridagi hiylalar — bolani «Flow” holatiga tushiradi. Ya’ni diqqatini shu darajada tortadiki — bola dunyodan uzilib, o‘yin ichiga kirib ketadi.

Xulosa

Telefon o‘lgur yoshlarni buzapti emas — biz o‘qituvchilar o‘yin-yaratuvchi muhandislardan ortda qolib ketdik.


@SAT_EDUCATION_SAT