BIR STAKAN SUVNING OGʻIRLIGIProfessor qo‘liga suv to‘ldirilgan bir stakanni olib, talabalarga yaqin keldi va dedi:
— Mana shu stakandagi suvning og‘irligi qancha bo‘lishi mumkin?
Auditoriya arining uyasidek «g‘uv-g‘uv» bo‘lib ketdi.
— Taxminan, ikki yuz gramm!
— Yo‘q, uch yuz gramm!
— Balki besh yuz grammdir.
Professor g‘ala-g‘ovurni tinchitib, dedi:
— Men buni taroziga tortib ko‘rmagunimcha aniq og‘irlik o‘lchamini ayta olmayman. Hozir esa bu ishning mavridi emas. Sizlarga berajak savolim quyidagicha: ushbu suvi bor stakanni bir necha daqiqa davomida ushlab tursam nima sodir bo‘lishi mumkin?
— Hech narsa!
— To‘g‘ri, fojia yuz bermaydi, albatta, — javob berdi professor, — biroq shu xolatda stakanni ikki soat ushlab tursam nima o‘zgarishi mumkin?
— Qo‘lingizda og‘riq seza boshlaysiz.
— Kun mobaynida ushlab tursam-chi?
— Qo‘lingiz uvishib, mushaklaringiz harakatdan to‘xtashi hech gapmas. Kasalxonaga ham borishingizga to‘g‘ri kelar, ehtimol, — dedi talabalardan biri.
— Sizningcha, stakanni kun bo‘yi ushlab tursam, uning vazni o‘zgarishi mumkinmi?
— Yo‘q! — birvarakayiga javob berishdi talabalar.
— Unda nima qilish kerak?
— Stakanni stol ustiga qo‘ysangiz, bas, — quvnoq ohangda dedi talabalardan biri.
— To‘g‘ri! — takrorladi professor unga hamohang. — Hayot mashaqqatlari ham mana shunday mufassal yengib boriladi. Masalan, biror bir muammo haqida bir necha daqiqa bosh qotirib ko‘ring, u «o‘zingizniki» bo‘ladi-qoladi. Bir necha soat shu haqida o‘ylasangiz, u sizni mahv eta boshlaydi. Bordiyu kun bo‘yi shu haqida o‘y sursangiz, tamom — «falajlanasiz»-qolasiz. Biror masala borasida qancha vaqt bosh qotirmang, uning «og‘irligi» misqolcha ham kamaymaydi. Har bir masala yo muammoni o‘z vaqtida yechganingiz ma’qul, agar iloji bo‘lmasa, unda o‘zingizni qiynab o‘tirmang, undan voz keching.
🔥
@RobertKiosaki
