Qaraqalpaqstan Respublikası Ba'sekilikti rawajlandırıw ha'm tutınıwshılar huqıqların qorg'aw komiteti

Нархи сифатига номуносиб бўлган товар пули қайтарилди
Рақобат қўмитаси томонидан Тошкент шаҳридаги Самарқанд дарвоза савдо комплексидан сотиб олинган устки кийим сифатсиз чиққанлиги юзасидан фуқародан тушган мурожаат ўрганиб чиқилди.

Ўрганишлар давомида фуқаро 3 млн 500 минг сўмга харид қилган қишки кийими ёмғирли ҳавода сувни ва совуқни ўтказиб юборгани, савдо шохобчасидан сотилган сифатсиз товарга тўлаган пулини қайтариб берилмаётганлиги маълум бўлди.
Қўмитанинг тегишли сўров хатига жавобан савдо комплекси томонидан нархи сифатига номуносиб бўлган куртка учун тўланган 3 500 000 сўм миқдоридаги пул маблағлари қайтарилиши таъминланди.

Йўқолган багаж учун фуқарога компенсация тўланди
Рақобат қўмитаси Тошкент вилоятида яшовчи фуқаро К.Ғ.нинг “Qanot Sharq” МЧЖ авиакомпанияси хизматидан норозилиги билдирилган мурожаатни кўриб чиқди.

Ўрганишлар давомида учишга тегишли ҳужжатлар, ариза, чипта ва талонлар фуқаронинг “Пукет-Тошкент” йўналишида учиб келганини тасдиқлади. Аммо орадан 4 ойдан ортиқ вақт ўтишига қарамай, багажи етказиб берилмаган. Хизмат кўрсатувчи иккита авиакомпания хулосалари багажни йўқолганини тасдиқлади ва “Qanot Sharq” МЧЖ 15 кг багаж учун компенсация тариқасида 4 300 000 сўмдан ортиқ маблағни тўлаб берилиши таъминланди.

Нуқсонли телевизор сифатлисига алмаштирилди
Қашқадарё вилояти Китоб туманида яшовчи фуқаро Н.О. “IDEA” савдо дўконидан 4 500 000 сўмга телевизор сотиб олган, уйга келтирилганда нуқсони борлиги учун умуман кўрсатмаган. Истеъмолчи мазкур масала бўйича дўкон ходимларига бир неча бор мурожаат йўллашига қарамасдан муаммо ижобий ҳал қилиб берилмаган.

Рақобат қўмитаси Қашқадарё вилояти ҳудудий бошқармасига фуқаро қолдирган мурожаат ўрганиб чиқилганида савдо шохобчаси фуқарога сотиш жараёнида мазкур телевизорни олдиндан ишлатиб, текшириб бермаганлиги маълум бўлди. Натижада савдо дўконидан олинган нуқсонли телевизор маҳсулоти худди шу нархдаги ва русумдаги янги телевизорга алмаштириб берилиши таъминланди.

“Uzum market” фуқарога товар пулини қайтариши таъминланди
Навоий шаҳрида истиқомат қилувчи фуқаро К.Д. “Uzum market” савдо платформаси орқали 860 минг сўмга пайвандлаш ускунасига буюртма қилиб, тўловни олдиндан амалга оширади. Маҳсулот рекламасида ўзгарувчан ва ўзгармас токда ишлаши кўрсатилган бўлса-да, амалда эса ўзгармас токда пайвандлаш имкони йўқлиги маълум бўлган.

Маҳсулотни қайтариш ва тўланган маблағларни олиш юзасидан қолдирилган мурожаатни Рақобат қўмитаси Навоий вилояти ҳудудий бошқармаси томонидан ўрганиб чиқилди ва натижада пайвандлаш ускунаси учун тўланган маблағ тўлиқлигича “Uzum market” МЧЖ ХК томонидан қайтарилиши таъминланди.

🌀 Иш белгиланган тартибда кўриб чиқилгандан сўнг ўрганиш натижалари бўйича қўшимча ахборот тақдим этилади.

Қорақалпоғистон Республикаси мисолида
Рақобат қўмитаси томонидан жами 1 464 та турли ўлчам ва кўринишдаги реклама воситалари “Реклама тўғрисида”ги Қонун талабларига мувофиқлиги юзасидан ўрганиш ва мониторинг ишлари олиб борилди.

Ўтказилган ўрганишлар давомида 6 та корхона – “ISKANDER TOURS”, “DIYOR MARKET KUNGRAD”, “OKS TOURS”, «AMUDARYO TELEVIDENIYESI» МЧЖлар ва АТ “XALQ BANKI”, АТБ “TURON BANK” томонидан реклама қонунчилиги талабларини бузганлиги маълум бўлди.

Бошқарма махсус комиссияси томонидан уларга нисбатан ишлар қўзғатилиб, бажарилиши мажбурий бўлган кўрсатмалар берилди.

Бухоро вилояти мисолида
Ҳудудий бошқарма томонидан олиб борилган ўрганишларда жами 2 998 та турли ўлчам ва кўринишдаги реклама воситалари 11 та корхонага тегишли яъни “UMNAYA MALISHKA” ХТМ, “AZIMED HOSPITAL” ОК, «SAНOAT GILAM» МЧЖ ҚК, ЯТТ “TAIROVA MEXRIНISO KAXRAMOНOVNA” ҳамда “MUHAMMADSODIQ HAKBERDIYEV”, “MEGA HOUSE STROY LYUKS”, “OSIYO XALQARO UNIVERSITETI”, “TURON CONSALT”, “DERA BUKHARA”, «BUXORO INNOVATSION TIBBIYOT INSTITUTI» ва “BUXORO KITOB OLAMI” МЧЖларда реклама қонунчилиги талабларига риоя қилинмаган.

Бошқарма махсус комиссияси томонидан ушбу реклама берувчи субъектларга иш қўзғатилди ва бажарилиши мажбурий бўлган кўрсатмалар берилди.

Жиззах вилояти мисолида
Ҳудудий бошқарма томонидан жами 3042 та турли ўлчам ва кўринишдаги реклама воситаларини ўрганиш жараёнида 1218 та нотўғри жойлаштирилган ёки давлат тилида ёзилмаган ҳамда имловий хатолари бўлган рекламалардаги камчиликлар жойида бартараф этилди.

Хусусан, 6 та ташкилот яъни “Ipoteka-bank” АТИБ Жиззах филиали, “AT Aloqa bank” Жиззах филиали ҳамда “ASIA SCHOOL”, “KARINA KAYU”, “MEXR ISHONCH UMID” ва “RENDOOR” МЧЖларга реклама қонунчилиги талабларини бузгани учун тегишли огоҳлантириш хатлари берилган. Аммо камчиликлар белгиланган муддатда бартараф қилинмагани боис бошқарма махсус комиссияси томонидан уларга нисбатан иш қўзғатилиб, бажарилиши мажбурий бўлган кўрсатмалар берилди.

Наманган вилояти мисолида
Ҳудудий бошқарма томонидан жами 2 274 та турли ўлчам ва кўринишдаги реклама воситаларини “Реклама тўғрисида”ги Қонун талабларига мувофиқлиги юзасидан ўрганиш ва мониторинг ишлари олиб борилди.

Ўрганишларда 30 та жисмоний ва юридик шахслар томонидан яъни “Imkon ta’lim”, “MURODlNl YEDU”, “NAMANGAN FLAMINGO RESTORAN”, “KOKOBANGO”, «CHUST TANHO MMM», “MARMARA TREVAL”МЧЖлар ҳамда “NAMANGAN YANGILIKLARI”, “SHOPIRLAR” ва “AL BUXORIY TRAVEL” телеграм каналлари, шунингдек, 20 дан ортиқ жисмоний шахслар томонидан реклама қонунчилиги талаблари бузилганлик ҳолатлари аниқланди ва ушбу субъектларга бажарилиши мажбурий бўлган кўрсатмалар берилди.

Навоий вилояти мисолида
Ҳудудий бошқарма томонидан жами 1 147 та турли ўлчам ва кўринишдаги реклама воситалари қонунчилик талабларига мувофиқлиги юзасидан ўрганиш ва мониторинг ишлари олиб борилди.

Хусусан, 10 та корхонанинг – “NAVBAHOR CHICKEN FOOD”, “CHASHMI-NUR NAVOIY”, “NAVOIY PROFESSIONAL PLYUS”, “BIZNES FUNDAMENT”, “NAVOIY COMFORT YELITE SERVICE”, “NAVOIY KOMFORT QURILISH SERVIS”, “NAVOIY-FERUZ-FAYZ”, “AZAMAT OIL PLUS” ва “DINOR OIL” МЧЖлар ҳамда “NAVOIY GOLD CHICKEN” ОК томонидан рекламага берилган талаблар бузилган.

Бошқарма махсус комиссияси мазкур субъектларга нисбатан иш қўзғатиб, қонунбузилиш ҳолатларини бартараф этиш ва уларга бажарилиши мажбурий бўлган кўрсатмалар берилди.

Тошкент вилояти мисолида
Ҳудудий бошқарма томонидан жами 1 014 та турли ўлчам ва кўринишдаги реклама воситалари ўрганиб чиқилди. Мазкур ўрганишларда 905 та турли ўлчам ва кўринишдаги реклама воситалари қонун талабларига мослаштирилди.

Шунингдек, вилоятдаги 4 та хўжалик юритувчи субъектларга «ORANGE MEDIA», «X FITNES», «NORTROM TRADE», «IZZA CITY PLAZA» МЧЖларнинг реклама қонунчилиги талабларини бузганлиги маълум бўлди ва белгиланган тартибда иш қўзғатилиб, бажарилиши мажбурий бўлган кўрсатмалар берилди.

Фарғона вилояти мисолида
Ҳудудий бошқарма томонидан Фарғона шаҳрида жойлашган “G POWER” МЧЖга тегишли бўлган “GARANT” кредит дўкони, «DRINK FER»МЧЖга тегишли бўлган «THE KITCHEN» ресторани, Марғилон шаҳрида жойлашган «MARG‘ILON ISHONCH» ОКга қарашли бўлган «Ishonch» гилам ювиш корхонаси ҳамда Қўқон шаҳрида жойлашган «OBRU-777 SALTS» МЧЖлар томонидан реклама қонунчилиги талаблари бузилганлиги аниқланди.

Шунга кўра, “G POWER” МЧЖ, «OBRU—777 SALTS» МЧЖ, «MARG‘ILON ISHONCH» ОКга нисбатан қонун талаблари бузилганлиги ҳолатлари юзасидан «DRINK FER» МЧЖга нисбатан тегишли тартибда иш қўзғатилиб, бажарилиши мажбурий бўлган кўрсатмалар берилди.