103_Press_Official

Aziz va munis onaxonlar va dilbar opa-singillar, sohamizning barcha muhtarama ayollari hamda goʻzal qizlari!

Barchangizni Respublika tez tibbiy yorda markazi nomidan nafis bahor, muhabbat, goʻzallik, latofat va mehr ramzi boʻlgan 8-mart Xalqaro xotin-qizlar bayrami bilan chin qalbimdan tabriklayman!

Biz bu qutlugʻ bayramni doimo orziqib, katta quvonch va hayajon bilan kutamiz. Chunki bu shukuhli ayyom yurtimizga yasharish va yangilanish faslini – fasli navbahorni boshlab keladi. Bu bayram dilimizdagi siz, azizlarga boʻlgan samimiy hurmat va ehtiromimizni, mehru muhabbatimizni yana bir bor ifoda etishga imkon beradi.

Siz hamisha el-yurt ardogʻidasiz. Sizning salomatligingiz, baxtingiz, shaʼn va huquqingiz biz uchun koʻz qorachigʻidek azizdir. Yangi Oʻzbekistonni barpo etishda, Uchinchi Renessans bunyodkori boʻlgan yosh avlodni tarbiyalashda sizlarga, sizlarning buyuk murabbiylik fazilatlaringizga tayanamiz.

Barchangizni yer kurramizda keng miqyosda nishonlanib kelinayotgan 8 – mart Xalqaro xotin-qizlar kuni munosabati bilan samimiy qutlab, Sizlarga sihat-salomatlik, oilalaringizda toʻkin-sochinlik, baxt-saodat, shodu- hurramlik, sharafli ishlaringizda yangidan-yangi zafarlar tilayman.

Ayollik baxti, bekalik taxti, onalik martabasi Sizlarga hamisha hamroh boʻlsin!

Abduvoitjon Xuseynovich Gafurov
Respublika tez tibbiy yordam markazi direktori

#tez_tibbiy_yordam #8mart #tabrik

Telegram | Facebook | Instagram | Web-site | YouTube

Bugun Respublika tez tibbiy yordam markazi Navoiy viloyati filialida "8-mart - Xalqaro xotin-qizlar kuni" munosabati bilan Filialning bir guruh faol, namunali va fidoiy ayol xodimalariga tashakkurnoma va esdalik sovgʻalari topshirildi, ayol xodimalar eʼtirof etildi, bayram tabriklari va maqtovlar eʼlon qilindi.

Tadbirda Filial rahbari F.F.Jumayev hamda kasaba uyushmasi tashkiloti raisi S.A.Ostonovlar ishtirok etib, barcha ayollarni chin qalbdan qutlab, kelgusi ishlariga yangi muvaffaqiyat va omadlar tiladi.

Tadbir koʻtarinki kayfiyatda oʻtdi.

#tez_tibbiy_yordam #8mart #Navoiy

Telegram | Facebook | Instagram | Web-site | YouTube

Oʻzbekiston Respublikasi Sogʻliqni saqlash vazirining tegishli buyrugʻiga asosan Respublika tez tibbiy yordam markazi Samarqanqand viloyati filiali Toyloq tuman tez tibbiy yordam stansiyasi katta feldsheri Maxmudova Dildora Raxmatovna tez tibbiy yordam tizimidagi xizmatlari uchun "Oʻzbekiston Respublikasi sogʻliqni saqlash aʼlochisi" koʻkrak nishoni bilan taqdirlandi.

Shu munosabat bilan Respublika tez tibbiy yordam markazi Dildora Raxmatovnaga kelgusidagi ishlariga omad tilaydi.

#tez_tibbiy_yordam #mukofot #8mart #Samarqand

Telegram | Facebook | Instagram | Web-site | YouTube

🇺🇿🇹🇷 Respublika tez tibbiy yordam markazi Samarqand viloyati filiali direktori Turkiyada boʻldi

Samarqand viloyati Sogʻliqni saqlash boshqarmasi boshligʻi boshchilidagi delegatsiya joriy yilning 24-fevraldan 1-martga qadar Turkiya Respublikasining Sakarya viloyatida xizmat safari bilan boʻldi.

Delegatsiya aʼzosi sifati Respublika tez tibbiy yordam markazi Samarqand viloyati filiali direktori M. Eshbekov ham boʻldi.

Tashrif davomida Respublika tez tibbiy yordam markazi Samarqand viloyati filiali direktori M. Eshbekov Sakarya viloyati tez tibbiy yordam xizmatida tashkil etilgan Call-markazning asosiy ish mexanizmlari, xodimlar uchun yaratilgan shart-sharoitlar, xodimlarning qishki va yozgi maxsus formalari, dori-darmonlar bilan taʼminlanganligi, ularni saqlash sharoitlar, maxsus avtomobillarning holati, triaj (chaqiruvlarni saralash) mexanizmlari va algoritmlari, xodimlar uchun oʻquv-simulyatsiya markazi hamda avtomatlashtirilgan elektron boshqaruv tizimi yaqindan tanishdi.

Shuningdek, Sakarya viloyati tez tibbiy yordam xizmati shahobchalariga ham tashrif buyurdi. U yerdagi yaratilgan shart-sharoitlar bilan tanishdi.

#tez_tibbiy_yordam #Turkiya #Samarqand

Telegram | Facebook | Instagram | Web-site | YouTube

⚡️Ijtimoiy tarmoqlarda “103” xizmati haydovchisining videomurojaati tarqaldi.

Unda Toshkent shahar tez tibbiy yordam xizmatiga davlat tomonidan ajratilgan mablagʻlar talon-toroj qilinayotgani, avtomashinalarga qimmat narxda yoqilgʻi quyilayotgani, ularga texnik xizmat koʻrsatish va xodimlarga oylik toʻlashda muammolar borligi hamda sohadagi kamchiliklarni ijtimoiy tarmoqlar orqali maʼlum qilgan xodimlar tazyiqlarga uchragani haqida shikoyat qilingan.

Mazkur holat yuzasidan quyidagilar maʼlum qilinadi.

Oʻtgan 2024-yil may oyidan hozirgi kunga qadar ijtimoiy tarmoqlarda tez tibbiy yordam xizmati haydovchilari – A.A. M.D. va N.N.lar tomonidan bir qancha tanqidiy videomurojaat eʼlon qilingan.

Mazkur shikoyatlarda keltirilgan faktlarga aniqlik kiritish maqsadida 2024-yil avgust oyidan boshlab Respublika tez tibbiy yordam markazi va uning Toshkent shahar filiali, shuningdek, Sogʻliqni saqlash vazirligining Audit boshqarmasi, Nazorat inspeksiyasi va Tibbiy-profilaktika boshqarmasi masʼul xodimlaridan iborat komissiyalar tomonidan tekshiruvlar oʻtkazilgan.

Biroq oʻrganishlar davomida ushbu videomurojaatlarda keltirilgan hech bir fakt oʻz tasdigʻini topmagan. Qolaversa, yuqoridagi murojaatlarda aytilgan muammolar qator ommaviy axborot vositalari tomonidan oʻtkazilgan jurnalistik tekshiruvlari davomida ham aniqlanmadi.

Jumladan, bugungi kunda Toshkent shahrida belgilangan standartlarga muvofiq har kuni 235 ta tez tibbiy yordam avtomashinasi poytaxt aholisiga sifatli tibbiy xizmat koʻrsatmoqda.

Yonilgʻi, yonilgʻi-moylash va sarflov materiallari hamda ehtiyot qismlari taʼminotida muammolar yoʻq. Barcha avtomashinalarda asosiy jihozlar, shu jumladan, konditsioner va isitish tizimi soz holda ishlamoqda.

Shuningdek, muassasa xodimlarining shaxsiy kartalari OʻZASBO axborot tizimi orqali oʻrganilganda haydovchilarning ish haqi va boshqa ragʻbatlantirish toʻlovlari tasdiqlangan nizomlarga muvofiq (sinf, sinf va smena soniga qarab) amalga oshirilayotgani maʼlum boʻldi.

Tez tibbiy yordam xizmati haydovchilari – A.A. M.D. va N.N.larning ijtimoiy tarmoqlardagi ushbu chiqishlari jamoada nosogʻlom muhitni yuzaga keltirish, xodimlar oʻrtasida norozilik keltirib chiqarish va tez tibbiy yordam xizmati faoliyatini obroʻsizlantirish maqsadida qasddan amalga oshirilganini koʻrsatmoqda.

Shu bois Respublika tez tibbiy yordam markazi Toshkent shahar filiali rahbariyati tomonidan mavjud materiallar asosida Yunusobod tumani prokuraturasiga murojaat qilingan. Ayni paytda mazkur holat yuzasidan Jinoyat kodeksining tegishli moddalari boʻyicha jinoiy ish qoʻzgʻatilib, tergov harakatlari olib borilmoqda.

Shuningdek, A.A. oʻz xohishiga koʻra, Respublika tez tibbiy yordam markazi Toshkent filiali direktorining 2024-yil 12-dekabrdagi tegishli buyrugʻi bilan ishdan ozod etilgan.

Respublika tez tibbiy yordam markazi

#tez_tibbiy_yordam #rasmiy_munosabat

Telegram | Facebook | Instagram | Web-site | YouTube