Uktamdjanov

O‘zbekneftegazning hamkoriga AQSH sanksiyalari joriy etilibdi

Kecha AQSH Rossiyaning Ukrainaga qarshi agressiyasiga javoban yangi sanksiyalarini e’lon qildi. Ushbu sanksiyalar asosan Rossiyaning energetika sektoriga yo‘naltirilgan boʻlib, birinchi marta Gazprom neft va Surgutneftegaz kabi Kremlga bog‘liq kompaniyalar, shuningdek ularning rahbarlari va bir qator sho‘ba tuzilmalari ham qora ro‘yxatga tushgan. Ushbu sanksiyalardan keyin, Buyuk Britaniya ham rus energetikasiga sanksiyalar joriy qilgan.

E’tiborli jihati, sanksiyaga tushgan Gazprom neft va uning asosiy burg‘ulovchi bo‘linmasi — Gazpromneft-Noyabrskneftegaz O‘zbekneftegaz bilan yaqin hamkorlikda ish olib boradi.

Shuningdek, AQSH bir qator neft va gaz kompaniyalarini ham qora ro‘yxatga kiritgan, ular orasida O‘zbekistondagi neft va gaz konlarini ta’mirlash va burg‘ulash bilan shug‘ullanadiganlar ham mavjud.

Ro‘yxatga, shuningdek, O‘zbekistonda AES qurishni rejalashtirayotgan Rosatom bosh direktori Lixachev va uning yettita o‘rinbosari ham kiritilgan.

Bu sanksiyalarning ahamiyati shundaki, sanksiyaga tushgan kompaniyalar bilan hamkorlik qilgan boshqa subyektlar ham sanksiyalarga uchraydi.

https://t.me/Political_Insight

Abduqodir Husanovning transfer jarayonini kuzatib borayotganlar bormi?
Oxirgi xabarlarga qaraganda bu Manchester Cityga 50 mln dollarga tushgan. Bu degani, Osiyo futbol tarixida bunday mablagʻdagi transfer hali boʻlmagan.

Xatto, Osiyoning eng zoʻr oʻyinchisi Son Hyon Min ham bunday katta pulga sotilmagan edi. Ehtimol, hozirgi transfer narxi ham bunchalik emasdir.

https://t.me/Political_Insight

Eron harbiy rahbarlari mamlakat siyosiy rahbariyatining Suriyadagi vaziyat boʻyicha asosiy narratividan chetga chiqmoqda. Shu kunlarda brigada generali Behruz Esbatiyning bir hafta oldin qilgan nutqining audioyozuvi ommaviy axborot vositalariga sizdirildi. Unda general Damashqdagi hukumatning qulashi Tehron uchun strategik mag‘lubiyat boʻlganini ochiq aytgan.

Esbatiyning qayd etishicha, Eron qo‘mondonligi va hokimiyatdan ag‘darilgan prezident Bashar al-Assad o‘rtasidagi munosabatlar 8-dekabrgacha nihoyatda keskin bo‘lgan. Eron hamda unga yaqin shia tuzilmalari rahbarlari uzoq vaqtdan beri Asadni Gʻazo sektori uchun oʻch olish maqsadida Isroilga qarshi front ochishga koʻndirishga harakat qilgan, biroq prezident saroyi barcha iltimoslarni eʼtiborsiz qoldirib kelgan.

Esbatiy nutqidagi muhim nuqta: General Moskva Suriya kampaniyasining bir qismi sifatida Tehronni muntazam ravishda aldagan deb hisoblaydi. Uning fikricha, Rossiya tomoni Suriyada "zarur" boʻlgan narsalarni bombardimon qilmadi va yahudiy davlati havo hujumlarini boshlagan paytda "radarlarni oʻchirib qoʻyib" Isroil operatsiyalariga amalda yoʻl qoʻyib bergan.

Demak, Suriya boʻyicha ittifoqchilarning bir-biriga boʻlgan ishonch inqirozi nafaqat Eronning "qarshilik oʻqi" ichida, balki Rossiya-Eron tandemida ham pishib yetilgan boʻlishi mumkin.

Qiziqarlisi, bularning bari Eron prezidenti Maʼsud Pezeshkiyonning Moskvaga tashrifi arafasida yuz bermoqda. U yerda esa ikki tomonlama muhim shartnomalar imzolanishi kutilayotgan edi.

https://t.me/Political_Insight

Falastinlik yozuvchi Ahmad al-Hilaning fikricha, Eron Gʻazo sektorida Falastin qarshilik koʻrsatish harakati janglarining dastlabki oylarida Hizbullohning Isroilga keng koʻlamli hujumini boshlashiga toʻsqinlik qilib, strategik xatoga yoʻl qoʻydi.

Bu haqda urushning birinchi kunlarida ham, undan keyingi kunlarda ham atroflicha yozilgan edi, yaʼni Eron va Hizbulloh Falastin xalqini genotsid qilinishiga amalda yoʻl qoʻyib bergan.

Unga koʻra, Al-Qassam brigadalari va boshqa Falastin qarshilik koʻrsatish harakatlari oʻz kuchining eng yuqori choʻqqisiga chiqqan bir paytda, Isroilni tiyib turishi lozim edi. Bu esa oʻz navbatida, oʻrtada siyosiy muvozanat yaratishga hamda "Qarshilik oʻqi" va Falastinga harbiy yordam berishga imkon berardi.

Bu yerda esa Asad rejimining Falastinni qo‘llab-quvvatlashdagi o‘rni haqida juda qiziq material berilgan.

https://t.me/Political_Insight

Suriya oʻtish davri hukumatining ilk xorijiy tashriflari

Suriya oʻtish davri hukumati tashqi ishlar vaziri Asaad Hasan al-Shiboniy mintaqa davlatlariga ilk tashrifini amalga oshirdi. Shu haftada u BAAga rasmiy tashrif bilan bordi va u yerda tashqi ishlar vaziri Abdulla bin Zoid Ol Nahayon bilan muzokaralar o‘tkazdi. Vazirlar “mamlakatlarning qardoshlik munosabatlarini mustahkamlash yo‘llarini muhokama qildilar”. BAA tashqi ishlar vaziri “Amirliklar Suriya mustaqilligi va suverenitetini qo‘llab-quvvatlash borasidagi qat’iy pozitsiyasini tasdiqladi”.

Birlashgan Arab Amirliklari Suriyaning yangi hukumati mamlakatdagi rejim oʻzgarishidan keyin tashrif buyurgan uchinchi davlat boʻldi. Bungacha Suriya oʻtish davri hukumati vakillari Qatarga tashrif buyurgan, yanvar oyi boshida Ar-Riyodda Saudiya Arabistoni tashqi ishlar vaziri Faysal bin Farxon bilan muzokaralar oʻtkazgan edi. Suriya delegatsiyasi yaqin kunlarda Iordaniyaga tashrif buyurishni ham rejalashtirmoqda ekan.

Suriya yangi hukumatining birinchi xorijiy tashrifi sifatida Fors koʻrfazi monarxiyalarining tanlanishi tasodif emas. Iqtisodiyotni tiklash, tan olinish va siyosiy vaznga ega boʻlish uchun Suriya nufuzli, kuchli hamda moliyaviy jihatdan xavfsiz mintaqaviy oʻyinchilarning yordamiga muhtoj.

https://t.me/Political_Insight

🇮🇷🇱🇧🇸🇾 Bir qator manbalarga koʻra, Suriyadagi frontlar barqarorligini taʼminlab turgan Eronning Islom inqilobi qoʻriqchilari korpusi va Hizbulloh guruhlari Isroil hujumlari yoki ularning tahdidi tufayli emas, balki Asadning talabi bilan Suriyaning muhim hududlaridan olib chiqilgan. Bu, talab shuningdek, 30-respublika gvardiyasi diviziyasi joylashgan Aleppoga ham taalluqli boʻlgan, ushbu hududni ushlab turgan ham IRGC va Hizbulloh guruhlari edi.

2023-yil 7-oktyabrdagi hujumdan sal oldin Bashar al-Assad, Hasan Nasrulloh va Islom inqilobi qo‘riqchilari korpusining (IRGC) Shomdagi oliy qo‘mondoni Muhammad Rizo Zohidiy muzokaralar oʻtkazish uchun uchrashishgan.

Ushbu uchlikni birlashtirgan soʻnggi sessiya esa nihoyatda keskin oʻtgan. Unda Asad Suriyadagi Eron va Livan (Hizbulloh) kuchlarini qayta joylashtirishni va ularni Halab, Xama hamda Xoms kabi bir qancha muhim viloyatlardan olib chiqib ketishni talab qilgan.

Manbaga ko‘ra, Nasrulloh Asadni bu yo‘nalishdagi qadamlardan ogohlantirib: “Bunday chekinish [evakuatsiya qilingan kuchlar] keyin Suriyaga tahdidlar qanchalik jiddiy bo‘lmasin bizni qaytmasligimizni anglatadi va bu mamlakatni yana jarlik tomon yetaklab, terrorizmning qayta bosh koʻtarishiga olib keladi” deb aytgan deydi Amwaj. media

Shunday qilib, aytish mumkinki, Asadning Eron va uning Livan, Iroq hamda Yamandagi ittifoqchilari Isroilga qarshi e’lon qilgan "Front birligi"ni qo‘llab-quvvatlashdan bosh tortishi, uning yakuniy qulashiga sabab bo‘lgan. Rejimning Isroilga qarshi kampaniyada faol ishtirok etishi nafaqat Suriyadagi “qarshilik o‘qi” tuzilmalarini saqlab qolgan, balki uning barqarorligini ham ta’minlagan boʻlardi.

Asad rejimi nafaqat Isroil va uning hujumlaridan qoʻrqib, unga Eronparast kuchlar joylashgan joylar roʻyxatini berdi, balki Gʻazo va Livandagi mojaro paytida “qarshilik oʻqi” bilan aloqalarini uzishga undagan Birlashgan Arab Amirliklarining signallariga ham oʻta ishonib yubordi. Bu paytda esa Idlibdan chiqqan qilich allaqachon halokatli zarbaga tayyor boʻlib turgan edi va Asad qoʻrqqan narsa sodir boʻldi: Joʻlaniy bilan yakkama-yakka oʻzi qolib ketdi.

https://t.me/Political_Insight

Suvaysh kanalidagi muammolar Misr uchun qanchalik qimmatga tushyapti?

Misr prezidenti Abdulfattoh as-Sisi, Qizil dengizdagi hujumlar va yuk tashish hajmining pasayishi tufayli Misr 2024-yilda Suvaysh kanalidan taxminan 7 milliard dollar daromad yo‘qotdi, dedi. 2023 yilga nisbatan Misrning kanaldan oladigan daromadi 60 foizdan ko‘proqqa kamaygan.

Yaman husiylari G‘azo sektori bilan birdamlik ramzi sifatida 2023-yil noyabr oyidan beri Qizil dengizni kesib o‘tuvchi kemalarga 100 ga yaqin hujumlar uyushtirdi. Buning fonida Suvaysh kanali orqali yuk tashish hajmining keskin kamayishi esa Misrning usiz ham og‘ir bo‘lgan iqtisodiy ahvolini yanada yomonlashtirdi.

Misr iqtisodiyotini tiklash uchun yanvar oyida XVJdan yana 1,2 milliard dollar olishi kutilmoqda ekan. Yuqori inflyatsiya va valyuta tanqisligi bilan kurashayotgan Misr mart oyida Xalqaro Valyuta Jamgʻarmasi bilan kengaytirilgan moliyalashtirish kelishuviga erishdi.

https://t.me/Political_Insight

Tarbiya:
– qachon gapirishni bilishing.
Axloq:
– kim gapirayotganini eshita olishing.
Adab:
– gapirayotgan odamning gapini bo‘lmasliging.
Zakiylik:
– har bir gapiruvchiga ishonavermasliging.

https://t.me/Political_Insight

🇸🇾☪️ Shayx Usoma Rifoiy va Muhammad Rotib Nabulsiy kabi yetakchi ashʼariy olimlarning Suriyaga qaytishi muhim voqea boʻldi.

Maʼlumot uchun, shayx Rifoiy dunyo islom ulamolarining beshligiga kiradi.

Ushbu ikki katta ulamo shaxsan Suriya rahbari Joʻlaniy tomonidan qabul qilingan. Qiziq tomoni, ular urush paytida Joʻlaniyni shafqatsiz boʻlmaslikka chaqirib kelib, uning keskin siyosatiga (Asadga ham qarshi edilar) qarshi chiqqandirlar. Yaʼni, Joʻlaniyni muntazam tergab turishgan.

Shuningdek, ularning tanqidlari Idlibda salafiylar amal qiladigan diniy asoslar va tamoyillarning tatbiq etilishiga ham tegishli boʻlgan. Yaʼni, bu ikki ulamo keskin siyosat yuritmaslik, insonlarga yaxshi munosabatda boʻlish, qon toʻkmaslik, kofirga (takfir) chiqarmaslik kabi haqiqiy diniy taʼlimni ilgari surishgan.

Aslida, Suriyada salafiylik bilan yuqori darajada kurasha oladigan eng kuchli ash’ariy maktablardan biri mavjud. Bunday kuchli va sof ashʼariylik taʼlimoti esa har qanday qon toʻkishlarga qarshi chiqadi.

Misrdagi Al-Azhar universiteti rasmiy hukumat bilan koʻp masalada yaqinlashib ketgani uni obroʻsizlantirdi. Bu ham oʻz-oʻzidan boʻlgani yoʻq albatta, chunki avtoritar As-Sisi boshliq rasmiy davlat ushbu ilm dargohini bosimda ushlab turishda harakat qilib keladi. Al-Azharning bunday yondashuvi esa oʻz navbatida Misrda salafiylar pozitsiyasining kuchayishiga olib keldi.

Suriyalik olimlar sohta salafiylarga qarshi kurashishda ancha izchil boʻlib chiqdi, bu terrorchilar tomonidan oʻldirilgan va Asad rejimini qo'llab-quvvatlagan deb qaralgan rahmatli shayx Ramazon Butiyga ham tegishli. Shayx, arab bahori paytida tashqi kuchlar koʻzlagan inqilob davlatga juda qimmatga tushishini oldindan bilgan edi.

Rahmatli olim haromni harom, halolni halol deb atardi, ruxsat etilgan narsalarni harom qilmas, shariat qoralagan narsalarni rag‘batlantirmasdi.

Uning oʻrniga muftiylik qilgan "dunyoviy musulmon" (u oʻzini shunday atagan) Ahmad Hassun, uni Asadga sodiq deb hisoblamasliklari uchun qoʻlidan kelgan hamma narsani qildi.

https://t.me/Political_Insight

Ancha yillardan beri oʻzimni xuddi oʻrtada qolib ketgandek his qilaman.

Davlatni yonini olib, qonunlarga amal qilish kerak desam xalqqa dushmandekman. Xalqni yonini olsam esa, davlatga qarshidekman. Juda murakkab holat va bundan rosti juda qiynalib kelaman. Aslida esa xalq bilan davlat uygʻunlashib, bir butunlikni hosil qilishi kerak.

Shaxsiy fikrimcha, yuqoridagi muammoga sabab bizdagi siyosatchilarning uquvsizligidir. Chunki ular xalq bilan jips boʻla olmadi va olmayapti.

https://t.me/Political_Insight

Donald Trampning boʻlajak prezidentlik faoliyati davri boʻyicha ayrim prognozlar

Quyida davom etishi yoki rivojlanishi mumkin boʻlgan asosiy yoʻnalishlar berilgan:

1. Amerika izolyatsiyasi: Tramp “Birinchi navbatda Amerika” siyosatini ilgari surishda davom etadi. U AQShning xalqaro mojarolardagi ishtirokini kamaytirishga va milliy manfaatlarga koʻproq eʼtibor qaratishga intiladi. Bunga Parij iqlim kelishuvi kabi kelishuvlarda va xalqaro tashkilotlarda ishtirok etishni qisqartirish hamda AQShning NATOdagi ishtirokini kamaytirishga qaratilgan saʼy-harakatlarni yangilash kiradi.

2. Xitoy bilan munosabatlar: Tramp Xitoyga nisbatan qattiq siyosat yuritishda davom etadi, ayniqsa, iqtisodiy sohada. Savdo kamomadini kamaytirish, Xitoyning "iqtisodiy josusligi"ga qarshi kurashish va Huawei kabi Xitoy texnologiyalari hamda avtosanoatiga bosim oʻtkazishda davom etadi. Texnologiya va xavfsizlik sohasida raqobat kuchayadi.

3. Rossiya bilan munosabatlar: Tramp Ukrainadagi urush kabi geosiyosiy o‘zgarishlar fonida Rossiyaga nisbatan yumshoqroq pozitsiyani ilgari surayotgan bo‘lsa-da, u o‘z pozitsiyasini qayta ko‘rib chiqishga majbur bo‘ladi. Uning siyosiy platformasida AQShning boshqa davlatlar ishlariga haddan tashqari aralashuvi boʻlmaydi, bu esa Moskva bilan munosabatlarda "muvozanat" izlash davom etishini anglatishi mumkin.

4. Yaqin Sharq va Eron: Yaqin Sharqda Tramp Amerikaning mavjudligini cheklash hamda Isroil va Saudiya Arabistoni kabi mintaqadagi ittifoqchilar bilan hamkorlik qilish siyosatini davom ettirishi mumkin. U, shuningdek, Eronga nisbatan qatʼiy siyosat olib borishga intiladi, ehtimol hatto "maksimal bosim" ga qaytadi, bu esa yangi sanksiyalar va cheklovlarni oʻz ichiga olishi mumkin. Isroil-Falastin masalasida katta ehtimol bilan toʻliq va keskin ravishda yahudiylar tomonida turadi.

5. Migratsiya siyosati: Tramp tashqi siyosatining asosiy elementlaridan biri noqonuniy migratsiyaga qarshi kurashni davom ettirish bo‘ladi. Bu chegara siyosatining keskinlashishiga va migratsiya oqimini jilovlash uchun qo‘shni davlatlarga bosim kuchayishiga olib kelishi mumkin.

6. Ittifoqlarni qayta tiklash: Tramp, ehtimol, NATO kabi mudofaa boʻyicha qoʻshma tashabbuslarga koʻproq hissa qoʻshishni talab qilib, AQSh ittifoqchilarini endi AQSh harbiy yordamiga qaram boʻlmaslikka undaydi. Bu boʻlsa AQShning anʼanaviy hamkorlari bilan ziddiyatga olib keladi.

Umuman olganda, Trampning 2024-yildan keyingi tashqi siyosati uni transformatsiya qilish va xalqaro majburiyatlarni kamaytirishga qaratilgan bo‘lib, bu ham ichki qo‘llab-quvvatlashga, ham xalqaro hamjamiyat tomonidan tanqidlar yomgʻiriga sabab boʻladi.

https://t.me/Political_Insight

Davlat insonlarni himoya qilishi kerak, insonlar davlatdan himoyalanishi emas.

https://t.me/Political_Insight

Глаза не врут, они всё скажут и кто любил, и кто играл,
Со временем судьба покажет, кто в жизни больше потерял.

https://t.me/Political_Insight