PI MADAD | Профилактика инспекторлари учун ёрдам

Валижон Шамсиевни чет-эллик фирибгарлар чув туширди, 35 000 000 сўмга алдаб кетишди.

Ўзбекистон Республикаси Президентининг “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонига шарҳ

Хусусий ОАВлари ички ишлар органларига бепул ёрдам кўрсатишади

Ўзгартириш ва қўшимчалар қуйидаги қонунларга киритилмоқда:

Президент томонидан 13.03.2024 йилдаги “Ўзбекистон Республикасининг айрим қонун ҳужжатларига жиноятчиликка қарши курашиш бўйича фаолиятнинг ҳуқуқий асосларини такомиллаштиришга қаратилган қўшимча ва ўзгартиришлар киритиш тўғрисида”ги ЎРҚ-920-сонли Қонун имзоланди.

Ўзгартириш ва қўшимчалар қуйидаги қонунларга киритилмоқда:

«Тезкор-қидирув фаолияти тўғрисида»ги;
«Ички ишлар органлари тўғрисида» ги;
«Маъмурий қамоқни ўташ тартиби тўғрисида»ги.

Эндиликда жиноятларнинг ҳолатларини аниқлаш, жиноятларни содир этган шахсларни аниқлаш ва қидириш, шунингдек, жазони ўташдан бўйин товлаётган ёки бедарак йўқолган шахсларни қидириш мақсадида хусусий ОАВларнинг имкониятларидан ҳам бепул фойдаланишга доир ички ишлар органларининг ҳуқуқлари белгиланмоқда (илгари фақат давлат ОАВлари бўлган).

Шунингдек, тезкор-қидирув тадбирлари ахборот-коммуникация технологиялари қўлланилган ҳолда, шу жумладан кибермаконда ва (ёки) унинг имкониятларидан фойдаланилган ҳолда ўтказилиши мумкинлиги белгиланмоқда.

Махсус қабулхоналардаги тезкор-қидирув фаолияти жиноятларнинг олдини олиш, уларни аниқлаш, уларга барҳам бериш ва уларни фош этиш, шунингдек жиноятларга тайёргарлик кўришга ва уларни содир этишга дахлдор бўлган шахсларни аниқлаш, топиш ҳамда қидириш мақсадида, қонунчиликда белгиланган тартибда амалга оширилиши кўзда тутилмоқда.

https://t.me/PI_MADAD

ИИВ Жамоат хавфсизлиги департаменти тузилмасида Стратегик таҳлил маркази ташкил этилади

Марказ зиммасига жамоат хавфсизлиги концепцияси ва жамоат хавфсизлигини таъминлаш тизимини ривожлантириш стратегиясини амалга ошириш бўйича ҳукумат топшириқлари ижросини эксперт-ҳуқуқий ва ахборот-таҳлилий таъминлаш вазифалари юклатилади.

Вазирлар Маҳкамасининг “Криминологик фаолиятни илмий таъминлаш чора-тадбирлари тўғрисида”ги қарори лойиҳаси эълон қилинди.

Ички ишлар органлари жамоат хавфсизлиги бўлинмаларининг штат бирликларини мақбуллаштириш ҳисобидан амалдаги пул таъминоти доирасида Ички ишлар вазирлиги Жамоат хавфсизлиги департаменти бошқарув аппарати тузилмасида 10 та штат бирлигидан иборат Стратегик таҳлил маркази ташкил этилади.

Стратегик таҳлил маркази зиммасига Ўзбекистон жамоат хавфсизлиги концепцияси ва жамоат хавфсизлигини таъминлаш тизимини ривожлантириш стратегиясини амалга ошириш бўйича ҳукумат топшириқлари ижросини эксперт-ҳуқуқий ва ахборот-таҳлилий таъминлаш вазифалари юклатилади.

Ички ишлар вазирлиги:

манфаатдор вазирлик ва идоралар билан биргаликда ҳуқуқбузарликлар профилактикаси тўғрисидаги қонунчилик нормаларини жиноятчилик омилларини комплекс илмий диагноз асосида аниқлаш методикасига мувофиқлаштириш, шунингдек, “тергов профилактикаси”ни қўллаш механизмларини белгилашни назарда тутувчи қонун лойиҳасини ишлаб чиқади ва Вазирлар Маҳкамасига киритади;
2024 йил 30 декабрга қадар криминология соҳасида буюртма асосидаги илмий-амалий тадқиқот лойиҳасини бажариш ҳисобидан Криминология тадқиқот институти фаолиятини рақамлаштириш ва электрон иш юритувини амалга оширишни назарда тутувчи E-kriminologiya ахборот тизимини яратади ва ушбу тизимни ишга тушириш билан боғлиқ барча ташкилий-техник чора-тадбирларни амалга оширади.

Эстония ноқонуний яшаётганларни Ўзбекистонга унинг сўраган шахсларни топширади.

https://t.me/PI_MADAD