Оналар Канали

Ёмон йўлга юрмайсан зинҳор,
Эзгу тилак қонингда бўлса,
Омадинг бор, доим бахтинг бор,
Ота онанг ёнингда бўлса.

Бировлардан бўлмайсан ҳеч кам,
Қалбингни ҳам эзмас алам, ғам,
Барака бор ишларингда ҳам,
Ота онанг ёнигда бўлса.

Бири ойинг, бири қуёшинг,
Оқмас сира кўзингда ёшинг,
Мағрурдирсан, эгилмас бошинг,
Ота онанг ёнингда бўлса.

Фарзандларинг юзида кулгу,
Босмас дилинг ғафлату уйқу,
Дўстинг ҳам шу, давлатинг ҳам шу,
Ота онанг ёнингда бўлса.

Дуолари бўлиб ижобат,
Кунларингда шодлик ҳаловат,
Тарк этмайди сени бахт, омад,
Ота онанг ёнингда бўлса.

Бўлма нодон, бўлма нотавон,
Қадрига ет иккисин ҳар он,
Дилингда ҳеч бўлмайди армон,
Ота онанг ёнигда бўлса.

Барча, онасини яхши кўрадиганлар учун канал👇

@Onalar_kanali

https://telegram.me/+TvtkEzLNY9xZb6Jw

Ғамсиз хаёт кимда бор,
Кимда тўкис бахт бор.
Яшаркан инсон зоти,
Юрак тилган дарди бор.

Туш кўргандек умр ҳам,
Ўтиб кетар кун сайин.
Гох бу хаёт дегани,
Кимга аччиқ ё қийин.

Суйганинг ҳам бир куни,
Умрбод ташлаб кетар.
Дўст деб билганинг гохо,
Ортингдан тошлар отар.

Хаёт йўли текис эмас,
Бир йиқилиб бир турасан.
Пешонангда не бўлса,
Қайга қочма кўрасан.

Ғамсиз хаёт кимда бор,
Кимда тўкис бахт бор.
Қанча бўлма сарсона,
Дунёда бир каминг бор.

© Юсупова Зулфия

Барча, онасини яхши кўрадиганлар учун канал👇

@Onalar_kanali

https://telegram.me/+TvtkEzLNY9xZb6Jw

Ҳаёт – неъмат. Яратганга шукр қилиш керак.
Ҳаёт – мактаб. Сабоқларин ўқиш керак.
Ҳаёт – бозор. Ҳикматларин олиш керак.
Ҳаёт – савол. Жавобини излаш керак.
Ҳаёт – синов. Чидаш учун бардош керак.
Ҳаёт – саҳро. Ундан булоқ излаш керак.
Ҳаёт – дарё. Унда равон сузиш керак.
Ҳаёт – қоғоз. Унда ижод қилиш керак.
Ҳаёт – тупроқ. Унга сайқал бериш керак.
Ҳаёт – шамол. Ҳар он қадрин билиш керак.
Ҳаёт – олов. Ҳар дам фаол бўлиш керак.
Ҳаёт – жарлик. Оҳудайин сакраш керак.
Ҳаёт – зулмат. Бу ҳолатдан чиқиш керак.
Ҳаёт – тоқат. Сабр билан кутиш керак.
Ҳаёт – умид. Дилга доим ишонч керак.
Ҳаёт – ниҳол. Меҳр ила қараш керак.
Ҳаёт – осмон. Бахт юлдузин топиш керак.
Ҳаёт – шодлик. Дўст-ёр ила яйраш керак.
Ҳаёт – қайғу. Доим тайёр туриш керак.
Ҳаёт – ситам. Аламларга чидаш керак.
Ҳаёт – турфа. Оқ-қорани фарқлаш керак.
Ҳаёт – ўрнак. Унга назар ташлаш керак.
Ҳаёт – таҳлил. Ҳар нарсани ўлчаш керак.
Ҳаёт – шиддат. Ғафлатлардан қочиш керак.
Ҳаёт – ғоя. Ривож учун ўйлаш керак.
Ҳаёт – мозий. Ўзлигингни англаш керак.
Ҳаёт – Ватан. Жонни фидо қилиш керак.
Ҳаёт – амал. Унда меҳнат қилиш керак.
Ҳаёт – аждод. Доим ёдда тутиш керак.
Ҳаёт – авлод. Келажакни асраш керак.
Ҳаёт – бу сен. Теран мақсад қўйиш керак.
Ҳаёт – имкон. Яшаш мағзин чақиш керак.
Ҳаёт – виждон. Поклик ила яшаш керак.
Ҳаёт – иймон. Оллоҳ фарзин узиш керак.
Ҳаёт – фоний. Эзгу амал қилиш керак.
Ҳаёт – ўлим. Бу тенгликни англаш керак.

© ФАХРИДДИН ХУРРАМОВ

Барча, онасини яхши кўрадиганлар учун канал👇

@Onalar_kanali

https://telegram.me/+TvtkEzLNY9xZb6Jw

Оналарни асра

Онам десанг, болам деган,
Сен суянган тоғим, деган.
Фарзанд учун жонин берган ,
Оналарни асра Аллоҳим.

Улар меҳрла бешик тебратган,
Неча-неча бедор ўтказган тунлар.
Йўлин пойлаб, фарзандин кутган,
Оналарни асра Аллоҳим.

Бошингда кўтаргин онангни дўстим,
У борки оиланг бут, кўнглинг хотиржам.
Қўлдан келса кийдир меҳрдан пўстин,
Оналарни асра Аллоҳим.

Улар-ку тухфа этган, дунёга бизни,
Хаётда тўғри йўл кўрсатган улар.
Онамни танидим, таниб улгурмай ўзни,
Оналарни асра Аллоҳим.

Онажон қарздорман сендан бир умр,
Адо этолмасман оқ сутинг ҳаққин .
Онажон умринга қўшилсин умр,
Оналарни асра Аллоҳим.

© Қодиров Шахзоджон

Барча, онасини яхши кўрадиганлар учун канал👇

@Onalar_kanali

https://telegram.me/+TvtkEzLNY9xZb6Jw

Иродали инсонларга хос 12 хислат

1. Нолиш билан вақт ўтказмайди. Иродаси мустаҳкам инсон ҳеч қачон қўлини қовуштириб, соатлаб арзи ҳол қилмайди. Чунки улар масъулиятни ҳис қилишади ва ҳаётларида ўзлари бош роль ижрочиси эканлигини англашади.

2. Ўзига-ўзи ҳукрмон. Бошқаларнинг ишларини назорат қилишмайди ва уларни атрофдагилар бошқаришига йўл қўймайди. Айниқса, иш борасида ҳис-ҳаяжонини ташқарига чиқаришмайди, ақл билан йўл тутишади.

3. Ўзгаришлардан ўзини олиб қочмайди. Чунки матонатлилар ўзгаришлардан қўрқмайди. Ўзгаришлар иложсиз ишдек туюлмайди. Шунинг учун бошлаган ишларини омадли якунлашади.

4. Арзимас воқеалар учун куйинмайди. Улардан ҳеч қачон тиқилинч йўлда қолиб кетгани ёки бирор буюмини йўқотиб қўйгани ҳақидаги шикоятни эшитмайсиз. Диққатларини бир жойга тўплаб, вазиятнинг ечимини излашади.

5. Ҳаммага ёқишга уринмайди. Сабаби у билади, ҳамманинг кўнглини бирдек олиб бўлмайди. Ва кимдир уни рад қилишидан қўқрмайди. Уларга салбий муносабатда бўлганларга ҳам яхши гапиришда давом этиб, хушмуомалалик билан илтимосларини амалга оширади.

6. Таввакал қилишдан чўчимайди. Тўғри, улар шошқалоқлик билан ўйламасдан қадам ташлашмайди, аммо керак пайтда таввакал қилишни ҳам билишади. Чунки аввало ақл тарозисида ҳаммасини тортиб кўришади-да.

7. Ҳассасини бир марта йўқотади. Яъни хатоларидан хулоса чиқариб, иккинчи бор бунга йўл қўйишмайди.

8. Ўзгаларнинг ютуғига ҳасад қилмайди. Ва атрофдагиларни чин дилдан қутлашади. Билишадики, кимки меҳнат қилса, унга омад кулиб боқади.

9. Омадсизликка дуч келса, ортга қайтмайди. ҳар қандай мағлубиятдан киши ўзига нимадир олиши, дунёқараши ўсиши мумкинлигини билишади.

10. Катта натижаларни кутишмайди. Сабаби вақт ва кучини аниқ марра сари сарфлаб, натижани олдиндан чамалашади.

Манба: Руҳиятдан

Барча, онасини яхши кўрадиганлар учун канал👇

@Onalar_kanali

https://telegram.me/+TvtkEzLNY9xZb6Jw

Иймонингиз сустлик қилиб дунёликка учдингиз,
Оллох демай кимлар билан бирга шароб ичдингиз,
Ёрингизни кўзин бойлаб бегонани қучдингиз,
Яратгандан қўрқмайсизми хиёнаткор аёллар,

Ўз ёрингиз уйда туриб ўзгасини кўзлайсиз,
Ўйнаш билан учрашмоққа бахоналар излайсиз,
Махшар куни хали буни битта битта сўзлайсиз,
Яратгандан қўрқмайсизми хиёнаткор аёллар.

Асил ёрдан ўйнашингиз сизга азиз булдими,
Болангиз хам кўзингизга кўринмайин қолдими,
Хиёнатга қўл ургандан кейин кўнгил тўлдими,
Яратгандан қўрқмайсизми хиёнаткор аёллар.

Ўзим айтиб ишонмайман айтаётган сўзимга,
Ишонмайин қолдим хатто кўриб турган кўзимга,
Қилмишингиз ўйлаб хатто бегонаман ўзимга,
Яратгандан қўрқмайсизми хиёнаткор аёллар.

Оро берган кўзларингиз суймаганни суйдирар,
Бегонага боққан кўзга билсангиз нил қуйдирар,
Додингизга қулоқ тутмай жаханнамда куйдирар,
Яратгандан қўрқмайсизми хиёнаткор аёллар.

Барча, онасини яхши кўрадиганлар учун канал👇

@Onalar_kanali

https://telegram.me/+TvtkEzLNY9xZb6Jw