КЕЛИН ҚИЗИМГА(Қайнона номидан)Бугун бахтдан бошларим ҳам айланади,
Она сўзи қайнонага айланади.
Кечагина чопиб юрган ўғлим ажаб,
Келинчакка куёв бўлиб сайланади.
Ёр ёр билан уйим нурга тўлдиради,
Шунча чеккан азобларим ўлдиради.
Кўпаяди қаро кўзим қизим яна
Уйим ҳали набирага тўлдиради.
Она қизим, насиҳатим озроқ сизга,
Бахтдан кулиб юрсангиз бас доим бизга.
Ўғлим бироз дилни ғашлаб қўйса агар,
Тезда чора кўришнида қўйинг бизга.
Қайноналик қилиб агар қайнасам гоҳ,
Ота уйга борманг яна айтиб оҳ воҳ.
Эркалайман она бўлиб, баъзан сизга
Шуни билинг, айтдим сизни қилиб огоҳ.
Сингилларин эркаласа, ҳеч жаҳл қилманг,
Қошингизни чимириб сиз аразламанг.
Улар ҳамки сиз каби қалбим эркаси
Ака сингил орасини асло бузманг.
Чеҳрангиздан бахт ҳамиша кулиб турсин,
Душманларим кўришолмай роса куйсин.
Сўзласангиз эриб кетсин ёшу қари,
Жоним қизим ўгитларим ёдда турсин.
Шу қўрғонда қолиб кетсин бари гаплар,
Кўпаймасин миш-миш деган ғалат отлар.
Остонани махкам қилинг, чиқолмасин,
Қўшниларга эштилмасин уруш додлар.
Шу қўрғонга бор меҳрингиз беринг тинмай,
Сизла шодон яшар ўғлим ғамни билмай,
Бахтдан ўйнай, набиралар кўрганимда
Сизни қизим деганимга аттанг қилмай.
Яноқлардан оқсин фақат қувонч ёши,
Уйимизда порлаб турсин бахт қуёши.
Қўша қариб ёшга ёшлар қўшилса ҳам,
Сиз бўлинг ёлғиз ўғлимнинг сирдоши.
© ИРОДАХОН ҚОСИМОВАБарча, онасини яхши кўрадиганлар учун канал👇
@Onalar_kanalihttps://telegram.me/+TvtkEzLNY9xZb6Jw