Oliy ta'lim yangiliklari va yutuqlari

#Eslatma

📌 Talabalar stipendiyasi bo‘yicha ayrim tushuntirishlar

Yangi o‘quv yili boshlangani munosabati bilan barcha talabalar, ayniqsa, 1-kursga kirganlar stipendiya bo‘yicha quyidagi qoidalarni bilib qo‘yishsa zarar qilmaydi:

1️⃣ Davlat grantida o‘qiydiganlar uchun:

👉 umumiy qoidaga ko‘ra, davlat grantida o‘qiydiganlarning barchasi bazaviy 517 ming 880 so‘m stipendiya oladi;

👉 agar davlat grantida o‘qiydigan talaba semestr yakunida barcha fanlardan “aʼlo” (5) baho (reyting ko‘rsatkichi 86 ball va undan yuqori) olsa, unda unga stipendiyaning bazaviy miqdori 20%ga oshirilgan holda, yaʼni hozirda 621 ming 456 so‘m miqdorida stipendiya tayinlanadi;

👉 agar davlat grantida o‘qiydigan talaba 30% va undan ortiq fanlardan “qoniqarli” (3) baho (reyting ko‘rsatkichi — 71 balldan kam) olsa keyingi semestr davomida stipendiya to‘lanmaydi.

👉 agar davlat grantida o‘qiydigan talaba barcha fanlarni to‘liq 5 bahoga yopmagan yoki 30%dan ko‘prog‘ida 3 baho olmagan bo‘lsa, unda unga bazaviy stipendiya — 517 ming 880 so‘m tayinlanadi.

2️⃣ To‘lov-kontrakt asosida o‘qiydiganlar bo‘yicha:

👉 agar talaba stipendiyali kontrakt to‘lagan bo‘lsa, unda har oy o‘zlashtirish ko‘rsatkichidan qatʼi nazar bazaviy 517 ming 880 so‘m stipendiya oladi, agar stipendiyasiz to‘lagan bo‘lsa, unda olmaydi;

👉 agar to‘lov-kontraktda o‘qiyotgan talaba semestrda barcha fanlarni “5” bahoga yopsa, unda quyidagicha stipendiya oladi:

➖ kontraktni stipendiyali to‘laganlar — 621 ming 456 so‘m (517 880 + 103 576);

➖ kontraktni stipendiyasiz to‘laganlar — 103 ming 576 so‘m (517 800 so‘mdan 20%).

❗️Demak, hattoki stipendiyasiz kontraktda o‘qiyotgan talabalar ham barcha fanlardan “5” baho olsa, unda ularga OTMning Talabalarni rag‘batlantirish jamg‘armasi hisobidan 103 ming 576 so‘m stipendiya tayinlanadi. Stipendiyali kontraktda o‘qiyotganlarniki esa 20%ga ko‘p, yaʼni 621 ming 456 so‘m tayinlanadi;

👉 to‘lov-kontraktni stipendiyali to‘lagan talabalar sessiyani 3 yoki 4 bahoga yopishidan qatʼi nazar, ularga kafolatlangan har oylik 517 ming 880 so‘m stipendiya beriladi.

3️⃣ Alohida toifadagi talabalarning stipendiya olishi:

➖ avvalgi o‘quv semestri yakuni bo‘yicha fanlardan o‘zlashtirish ko‘rsatkichlaridan qatʼi nazar 1 va 2-guruh nogironligi bo‘lgan o‘zlashtirayotgan (fanlardan qarzi bo'lmagan) talabalarga (grant yoki kontrakt) stipendiyaning bazaviy miqdoriga nisbatan 50 foiz yuqori 776 ming 820 so‘m (517 800 + 258 940) miqdorda stipendiya tayinlanadi va to‘lanadi.

➖ avvalgi o‘quv semestri yakuni bo‘yicha fanlardan o‘zlashtirish ko‘rsatkichlaridan qatʼi nazar to‘liq davlat taʼminotida bo‘lgan o‘zlashtirayotgan (fanlardan qarzi bo'lmagan) yetim bolalar va ota-ona qaramog‘idan mahrum bo‘lgan bolalar sirasiga kiruvchi talabalarga Talabalarni rag‘batlantirish jamg‘armasi mablag‘lari hisobidan stipendiyaning bazaviy miqdoriga nisbatan 50 foiz yuqori 776 ming 820 so‘m (517 800 + 258 940) miqdorda stipendiya tayinlanadi va to‘lanadi.

Barcha javoblar Vazirlar Mahkamasining 2020 yil 31 yanvardagi 59-son qarori asosida tayyorlangan.

Kanalga obuna bo’ling⤵️
https://t.me/OTM_Minbari

❓Yangi yil bayramida necha kun dam olinadi?

✅ Qisqa javob: hozircha 4 kuni aniq, lekin yana o‘zgarishi mumkin.

📋 Batafsil javob: har yili qo‘shimcha dam olish kunlari oldindan ma’lum qilinadi. 2024-yil uchun Prezident farmoni mavjud, ammo hali 2025-yilgi dam olish kunlari haqida farmon chiqmadi. Shu sababli ham Yangi yil bayramidagi dam olish kunlari hozircha to‘liq ma’lum emas, sababi yil boshida taqvim qanaqa bo‘lishini bilmaymiz.

Ammo yil oxirida qanday bo‘lishi ma’lum:

❌✅ 28-dekabr (shanba) — 6 kunliklar uchun ish kuni, 5 kunliklar uchun dam olish kuni;

✅ 29-dekabr (yakshanba) — barcha uchun odatiy dam olish kuni;

✅ 30-dekabr (dushanba) — 6 kunliklar uchun qo‘shimcha dam olish kuni, 5 kunliklar uchun 14-dekabr (shanba) kunidan ko‘chirilgan dam olish kuni;

✅ 31-dekabr (seshanba) — barcha uchun qo‘shimcha dam olish kuni;

✅ 1-yanvar (chorshanba) — Yangi yil bayrami.

Bundan kelib chiqadiki, hozircha olti kunlik ish haftasidagi xodimlar uchun ketma-ket 4 kun, besh kunlik ish haftasidagi xodimlar uchun ketma-ket 5 kun dam olish kuni bo‘ladi.

Ammo 2025-yil uchun chiqishi kutilayotgan farmonda yil boshida yana qo‘shimcha dam olish kunlari e’lon qilinishi ham mumkin. Masalan, 2-yanvarni dam olish kuni deb e’lon qilsa bo‘ladi (besh kunliklarga 4-yanvar, shanbadan ko‘chirgan holda). Shunda olti kunliklar ketma-ket 5 kun, besh kunliklar ketma-ket 6 kun dam olishi mumkin bo‘ladi. 3 va 4 yanvar — barcha uchun ish kuni bo‘ladi. Bu shunchaki variant xolos, rasmiy tasdiqlangan emas.

Balki yil boshi uchun hech qanaqa dam olish kuni berilmas va barcha 2-yanvardan ishga chiqib ketishi ham mumkin.

Kanalga obuna boʻling⤵️
https://t.me/OTM_Minbari

#Respect

📌 Oliy ta’lim vaziri Qoʻngʻirotboy Sharipov jamoat transportida, ayniqsa, metroda koʻp yurishi haqida tez-tez eshitardik.

Bugun esa bunga shaxsan guvoh boʻldik. Vazir amaldor boʻlmagan har bir fuqaro singari metroda qaytayotgandi.

Metrodan chiqib ham piyoda manziliga yurib bordi. Rasmga olish sal noqulay boʻldi. Lekin tan bermay iloj yoʻq.

Shunaqa holatlarni tasodifan, shaxsan koʻrgach hurmat oshaveradi. Kamtarlik va oddiylik oʻz isbotini topaveradi.

Darvoqe, ayrim manbalarga ko‘ra, vazir ko‘pincha mustaqil harakatlanadi. Ya’ni turli tadbirlarga bormoqchi bo‘lsa, bir gala odam bilan emas, bir o‘zi ham ketaverarishi haqida ma’lumotlar bor.

P/S: Bu postdan maqsad kimnidir maqtash yoki ulugʻlash emas. Shunchaki vazirning kamtarligini koʻp marta eshitganmiz, bugun bunga guvoh boʻlib, oʻsha gaplar qanchalik rost ekanini bildirib qoʻyishni lozim topdik. C

Kanalga obuna bo’ling⤵️
https://t.me/OTM_Minbari

📌 Talaba almashinuvi yoki akademik mobillik haqida

Akademik mobillik – talaba yoki o'qituvchilarning mamlakatidagi yoki xorijdagi OTMlarda kelishuv asosida ma'lum muddat o'qish yoki dars berishini anglatadi.

🎓 Mobil talabalar, asosan, 2 guruhga bo‘linadi:

👉erkin harakatlanuvchilar – bunday turdagi talabalar o'z xohish va tashabbuslari bilan ta'lim olish uchun boshqa hududlarga borishadi;

👉dastur doirasidagi talabalar – bunda OTMning o'zi yoki uning biror fakulteti boshqa OTM bilan kelishgan holda talabalar uchun o'zaro almashinuv dasturlarini amalga oshiradi. Dasturlar milliy va xalqaro darajada ham bo'lishi mumkin.

🔅 Talabalar ma'lum muddat boshqa bir OTMda o'qishi uchun eng katta imkoniyat – talaba almashinuv dasturlari hisoblanadi.

✔️ Bunda talaba o'zi o'qiyotgan OTM bilan hamkor bo'lgan xorij yoki boshqa viloyatdagi OTMlaridan birida ma'lum muddat o'qib qaytishi mumkin.

Almashinuv dasturlari qisqa – 1 haftadan 3 oygacha, uzoq – 6 oydan bir yilgacha bo'lishi mumkin.

📃 Talabalarni o'zaro almashtirish dasturi – bu turli ta'lim muassalari o'rtasida talabalarni o'zaro ma'lum muddatga almashtirish bo'yicha tuziladigan kelishuvdur. Bu kabi dasturlar oliygoh talabalarini 1 yoki 2 o'quv semestri davomida xorijda o'qish imkonini beradi. Talabalar almashinuvi oliygohlar orasida tuzilgan hamkorlik shartnomalari asosida amalga oshiriladi.

Bu orqali talaba boshqa viloyat yoki xorijiy OTMda bilim almashish imkoniyatiga ega bo'ladi.

Kanalga obuna bo’ling⤵️
https://t.me/OTM_Minbari

#Kredit_modul
#Talabalar_diqqatiga

📌 1- va 2-bosqich talabalar qanday holatlarda akademik qarzdor hisoblanadi!?

1️⃣- HOLAT: Agar talaba bir fanga ajratilgan auditoriya soatining 25 foizi va undan ortiq hajmini sababsiz qoldirsa;

2️⃣ - HOLAT: Fan yakunida joriy nazorat bo‘yicha to‘plagan o‘rtacha bali 60 dan kam bo‘lgan talaba;

3️⃣ - HOLAT: Agar talaba fan yakuni bo`yicha oraliq (ON) yoki yakuniy nazorat (YaN) imtihonlaridan 60 dan kam bal to'plasa.(Bunda talabaga ONni qayta topshirish uchun 2 marta (dekanat ruxsati va koordinatsion kengash qarori asosida), YaNni qayta topshirish 2 marta (1-marta dekanat ruxsati bilan, 2-marta koordinatsion kengash qaroriga binoan pullik asosida attestatsiya davrida amalga oshiriladi, bunda to‘lov qiymati yozgi semestr uchun to‘lanadigan pul miqdorining 30%ni tashkil qiladi) imkoniyat beriladi.

✅ Akademik qarzdor talabalarga o‘z xohishiga ko‘ra, yozgi ta’til vaqtida o‘rnatilgan tartibda to'lovni amalga oshirgandan so‘ng qayta ta'lim olishi imkoniyati beriladi.

ASOS

Kanalga obuna bo’ling⤵️
https://t.me/OTM_Minbari

📌 Qishki “perevod” uchun arizalar qabul qilish boshlandi

Uzrli sabablarga koʻra oʻqishni koʻchirish toʻgʻrisidagi arizalarni qabul qilish boʻyicha hududiy Ishchi guruhlar faoliyati yoʻlga qoʻyildi.

✅ Arizalar 20 dekabridan 20 yanvarga qadar (oʻsha kuni ham) qabul qilinadi.

Qishki “perevod”ga barcha ham hujjat topshirolmaydi. Faqat 2 ta uzrli sababi borlarga ruxsat.

✅ Quyidagilar uzrli sabablar hisoblanadi:

1️⃣ talaba oila qurishi munosabati bilan turmush oʻrtogʻi doimiy yashaydigan hududdagi OTMga oʻqishini koʻchirish uchun;

2️⃣ davlat organlarining xodimlari ish joyi oʻzgargan taqdirda uning turmush oʻrtogʻi yoki voyaga yetmagan farzandi oʻqishini koʻchirish uchun (tegishli vazirlik (idora) rahbarining tavsiyasi asosida).

📒 Hududiy ishchi guruhlarga quyidagi hujjatlar taqdim etiladi:

➖ oʻqishni koʻchirish boʻyicha ariza (ariza blankasi hududiy ishchi guruhi tomonidan beriladi va talaba tomonidan joyida toʻldiriladi);
➖ talabaning reyting daftarchasi yoki belgilangan shakldagi akademik maʼlumotnoma yoki transkript nusxalari (bittasi boʻlsa yetarli);
➖ pasport nusxasi;
➖ yuqorida qayd etilgan uzrli sabablarni asoslovchi tegishli hujjatlar.

Oʻqishni qayta tiklash boʻyicha (koʻchirib tiklash bundan mustasno) arizalar talabaning chetlatilganligiga necha yil boʻlganligidan qatʼi nazar bevosita oʻzi tahsil olgan OTMga taqdim etiladi.

❌ Xorijdagi OTMdan Oʻzbekistondagi davlat OTMga oʻqishni koʻchirish uchun arizalar hozir qabul qilinmaydi. Xorijdagilar faqat yozda onlayn ariza topshiradi hamda testga kirishadi.

Kanalga obuna bo’ling⤵️
https://t.me/OTM_Minbari

#Rasman

📌 Bugundan o'qishni ko'chirish bo'yicha arizalar qabul boshlandi

Qishki perevod haqida batafsil mana bu postlar orqali tanishib chiqishingiz mumkin.

1. https://t.me/OTM_Minbari/37574
2. https://t.me/OTM_Minbari/50219

Kanalga obuna bo’ling⤵️
https://t.me/OTM_Minbari

📌 Talabalarning poyezdga boʻlgan talabi va elektron chipta xaridi oshib ketgani sabab bayram arafasida poyezdlarga qoʻshimcha vagonlar ulanmoqda.
 
Temir yoʻl transporti chiptalariga talablar ortib borayotganligi sababli tez sotilib ketmoqda va bunday holatlarga “Oʻztemiryoʻlyoʻlovchi” AJ tomonidan aholiga qulayliklar yaratish maqsadida qanday chora tadbirlar olib borilmoqda. Bu haqda Jamiyat matbuot xizmati xabar qildi.
 
Maʼlum boʻlishicha, bayram arafasi hamda taʼtilga oz qolganligi sababli aholi va talabalarning temir yoʻl transporti xizmatiga boʻlgan talablari ortmoqda va buning oqibatida ilovalardan elektron chiptalarni xarid qilish keskin koʻpaymoqda.
 
Ushbu holatni bartaraf etish va aholiga qulaylik yaratish maqsadida “Oʻztemiryoʻlyoʻlovchi” AJ tomonidan yoʻlovchi poyezdlariga qoʻshimcha vagonlar ulanishi hamda yangi yoʻlovchi poyezdlari qatnovi yoʻlga qoʻyilmoqda.
 
Bundan tashqari aholi va talabalar temir yoʻl chiptalarini chiptaxonalardan tashqari mobil ilova orqali onlayn xarid qilishlari mumkin.
 
Chiptalarni elektron xarid qilishda eticket.railway.uz sayti va Android va iOSilovalaridan foydalanish mumkin.
 
2024-yil 15-dekabrdan 2025-yil 12-yanvarga qadar bir qator yoʻnalishlarda qoʻshimcha poyezd qatnovlari tashkil etiladi.

Qoʻshimcha qatnovlar:
 
Toshkent — Urganch — Toshkent yoʻnalishida 2024-yil 17-dekabrdan boshlab 18 ta qoʻshimcha qatnov amalga oshiriladi.
 
Samarqand — Toshkent — Samarqand yoʻnalishida 2024-yil 15-dekabrdan boshlab, «Afrosiyob« tezyurar elektropoyezdi qoʻshimcha 30 ta qatnovni amalga oshiradi.
 
Quyidagi yoʻnalishlarda 2024-yil 20-dekabrdan har kuni 4 ta qoʻshimcha plaskart vagonlari qoʻshiladi.
 
Toshkent — Qoʻngʻirot — Toshkent;
Toshkent — Termiz — Toshkent;
Toshkent — Urganch — Toshkent;
Toshkent — Sariosiyo — Toshkent.
 
Eslatib oʻtamiz, OTM talabalari va texnikum, kasb-hunar maktabi, akademik litseylar oʻquvchilari 25-dekabrdan qishki taʼtilga chiqdi. Darslar 8-yanvardan boshlanadi.

Kanalga obuna bo’ling⤵️
https://t.me/OTM_Minbari