OTFIV | Toshkent

Xotin-qizlarni ijtimoiy-siyosiy faolligini oshirish, ularni tazyiq va zo‘ravonlikdan asrash hamda qo‘llab-quvvatlash ishlarini takomillashtirish va tizimli yo‘lga qo‘yish bo‘yicha o'quv-seminar bo'lib o'tdi.

Joriy yilning 30-yanvar kuni Toshkent soliq texnikumida Kasbiy ta'lim muassasalaridagi Xotin-qizlar maslahat kengashi raislariga o'quv seminar o'tkazildi.

Mazkur seminarda Ichki ishlar, Sog'liqni saqlash mutaxassislari, psixolog va bir qancha hamkor tashkilotlardan taklif etilgan ekspertlar o'z ma'ruzalari bilan ishtirok etdilar.

Seminar davomida ishtirokchilar Xotin-qizlar maslahat kengashi raislarining ish jarayonidagi normativ hujjatlarni yuritish, o'quvchi qizlar bilan ishlash bo'yicha bilimlarni bo'lishdilar.

O'quv seminar yakunida ishtirokchilarga Boshqarma boshlig'i nomidan sertifikat va tashakkurnomalar topshirildi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

Bugun 30-yanvar kuni Toshkent shahar Oliy ta’lim, fan va innovatsiyalar boshqarmasi va O‘zbekiston Ekologik partiyasi Toshkent shahar partiya tashkiloti o‘rtasida o‘zaro tushunish va hamkorlik memorandumini imzolash marosimi bo‘lib o'tdi.

Ushbu memorandum doirasida yosh avlodda ekologik bilim, ong va madaniyatni shakllantirish hamda    "Yashil iqtisodiyot"ga o‘tish, uning asosi bo‘lgan qayta tiklanuvchi energiyadan foydalanish ko‘rsatkichlarini keskin oshirish, shuningdek, ekologiya sohasidagi ilm-fanni jahonning ilg‘or innovatsion texnologiyalarini jalb etgan holda yanada takomillashtirishga erishish ko'zlangan.

Uchrashuv davomida tomonlarning kelishuviga asosan ushbu Memorandum ijrosi yuzasidan amalga oshirilgan ishlar va qilinishi lozim bo‘lgan dolzarb vazifalar xususida yil yakunida ko‘rib chiqish va o‘zaro hamkorlikning kelgusidagi muhim yo‘nalishlari muhokama qilindi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

Bugun Prezident Shavkat Mirziyoyev O‘zbekistondagi Islom sivilizatsiyasi markazida amalga oshirilayotgan ishlar bilan tanishadi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

❗️Turkiy davlatlar xalqaro universiteti tashkil etiladi

"Turkiy davlatlar xalqaro universitetini tashkil etish to‘g‘risida"gi Prezident qarori (PQ-24-son, 25.01.2025 y.) qabul qilindi.

🔰 Qarorga ko‘ra, Toshkent shahrida Turkiy davlatlar xalqaro universiteti tashkil etiladi.

🔍 Quyidagilar Universitet faoliyatining asosiy yo‘nalishlari etib belgilandi, jumladan:

🔹muhandislik, qurilish, logistika, axborot texnologiyalari va dasturlash, sog‘liqni saqlash, qishloq xo‘jaligi, oziq-ovqat sanoati hamda iqtisodiy va ijtimoiy soha uchun xalqaro standartlarga muvofiq oliy ma’lumotli kadrlar tayyorlash;

🔹o‘quv dasturlarini xorijiy, shu jumladan, Turkiyaning yetakchi oliy ta’lim tashkilotlari bilan hamkorlikda, shuningdek, qo‘shma ta’lim dasturlari asosida joriy etish hamda ilmiy-tadqiqotlar olib borish.

📝 Universitet nodavlat oliy ta’lim tashkiloti hisoblanadi hamda o‘z faoliyatini O‘zbekistonning ta’lim sohasidagi qonunchilik hujjatlari asosida amalga oshiradi.

🗓 2025/2026 o‘quv yilidan Universitetda ta’lim jarayoni ta’lim sohasida xalqaro e’tirof etilgan tashkilotlar reytingida birinchi 1000 talik ro‘yxatga kirgan, shuningdek, o‘z yo‘nalishida yetakchi hisoblangan Turkiya Respublikasi oliy ta’lim tashkilotlarining o‘quv dasturlari asosida tashkil etiladi.

✅ Universitetda talabalarni o‘qitish to‘lov-kontrakt asosida amalga oshiriladi hamda qabul parametrlari va to‘lov-kontrakt miqdori Universitet tomonidan belgilanadi.

📁 Universitet faoliyatini yo‘lga qo‘yish va muvofiqlashtirish bo‘yicha boshqaruv kengashi tashkil etiladi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

#Xalqaro_hamkorlik

Toshkent shahridagi Tibbiyot texnikumlari o'quvchilari Yaponiya davlatida amaliyot o'tashlari rejalashtirilmoqda

Joriy yilning 27-yanvar kuni Toshkent shahar Oliy ta’lim, fan va innovatsiyalar boshqarmasi boshlig‘i B.Radjabov, Yaponiyaning HOUONKAI ijtimoiy tashkilot ijrochi direktori Okuno Kazutoshi, Kobe xalqaro universiteti xalqaro aloqalar bo‘limi boshlig‘i Horiguchi Aki, JICA Kansai markazi fuqarolar bilan ishlash va hamkorlik bo‘limi boshlig‘i Oi Akiko bilan uchrashdi.

Uchrashuvda Yaponiyaning "KOBE modeli" asosida Hamshiralar akademiyasi va Yunusobod va 1-Respublika Abu Ali ibn Sino nomidagi jamoat salomatligi texnikumi o’quvchilarini Yaponiyada munosib mehnat sharoitlarida ish va amaliyotga yuborish masalalari muhokama qilindi.

Ushbu loyiha doirasida yapon tilini o'rgangan o'quvchilarni Yaponiya davlatida o'quv amaliyot o'tashlari, keyinchalik esa u davlatda ishlash imkonini yaratib berish hamda o'quvchilarning xorijiy davlatda bo'lgan davrda xavfsizligini ta'minlash maqsadida ikki tomonlama memorandum imzolashga kelishib olindi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter