Namangan davlat pedagogika instituti Aniq va tabiiy fanlar fakulteti

#xalqaro_kun

Xalqaro ilm-fan sohasidagi xotin-qizlar kuni muborak bo‘lsin!

Har yili 11-fevral sanasida ilm-fan taraqqiyotiga beqiyos hissa qo‘shayotgan xotin-qizlarimizni ulug‘laymiz.

Bugungi kunda oliy, o‘rta maxsus va kasbiy ta’lim tizimida faoliyat yuritayotgan xodimlarning qariyb 48 foizini xotin-qizlar tashkil etadi. Ular orasida 737 nafar fan doktori, 4 652 nafar fan nomzodi yoki falsafa doktori (PhD) mavjud. Shuningdek, ilmiy unvonlarga ega ayollar soni 3 770 nafarni tashkil etadi.

Oliy ta’lim muassasalarida rahbarlik lavozimlarida ham xotin-qizlar munosib o‘rin egallagan. Xususan, 7 nafar ayol rektor, 45 nafar prorektor, 70 nafardan ziyod xotin-qizlar fakultet dekani sifatida faoliyat yuritmoqda. Shu bilan birga, mamlakatimizda 13 214 nafar xotin-qiz oliy ta’limdan keyingi ta’lim bosqichida tahsil olmoqda. Bu esa umumiy izlanuvchilar sonining 50 foizini tashkil etadi.

Xotin-qizlarning izlanishlari, kashfiyotlari va innovatsiyalari insoniyat taraqqiyoti uchun beqiyos ahamiyat kasb etmoqda.

Oliy ta’lim, fan va innovatsiyalar vazirligi jamoasi ayol tadqiqotchilarni ushbu sana bilan chin dildan tabriklaydi! Yangi yutuqlar, ilmiy muvaffaqiyatlar va kashfiyotlar sizlarning hamrohingiz bo‘lishini tilaymiz. Ilm-fan sohasidagi mehnatingiz yosh avlod uchun namuna bo‘lib, ularni yangi marralar sari ilhomlantirsin!

Bizni kuzating

Facebook | Instagram | YouTube | Telegram

🔤🔤🔤🔤🔤🔤🔤

❗️O'zbekiston Respublikasi Prezidenti (magistr) davlat stipendiyalariga hujjat topshirish jarayonlari qay tartibda o'tkaziladi?

📌O'zbekiston Respublikasi Prezidenti (magistr) davlat stipendiyalariga talabgorlar tegishli muddatlarga qadar quyidagi hujjatlar va ilmiy tadqiqot ishlarini shakllantirib borishlari lozim hisoblanadi:

✅1. Sinov daftarchasidan ko'chirma (fakultet dekani tomonidan tasdiqlangan holatda);
✅2. Dekan tavsiyanomasi;
✅3. Ilmiy rahbarining xulosasi
✅4. Ilmiy ishlar ro'yxati tasdiqlangan holatda (3x4 shakl);
✅5. Qo‘shimcha yutuqlar ro‘yxati tasdiqlangan holatda (turli tanlov va olimpiadalarda erishilgan yutuqlar, diplom, sertifikat va tashakkurnomalar);
✅6. Ilmiy-ijodiy ishlarning elektron nusxalari (to'plamning to'liq holati va tegishli tartibda ajratilgan qismi);
✅7. Erishgan qo'shimcha yutuqlarni tasdiqlovchi hujjatlar (agar mavjud bo'lsa);
✅8. Til bilish darajasi bo'yicha (milliy va xalqaro) sertifikat (agar mavjud bo'lsa);
✅9. Passport nusxasi;
✅9. Ma’lumotnoma (obyektivka);

💡O'zbekiston Respublikasi Prezidenti (magistr) davlat stipendiyalariga nomzodlar uchun oliy ta'lim muassasasida dastlab "O'zbekiston tarixi" hamda "Xorijiy til" (Xorijiy til yo'nalishida tahsil oluvchi talabgorlar uchun ikkinchi chet tili) bo'yicha suhbat o'tkaziladi hamda ularning bilimlari soha mutaxassislari va komissiya a'zolari tomonidan sinovdan o'tkaziladi.

🔔Eslatma tariqasida, O'zbekiston Respublikasi Prezidenti (magistr) davlat stipendiyasiga nomzodlar hujjatlari birinchi bosqich yakunlanganidan so'ng stipendiya.edu.uz tizimiga yuklanadi hamda barcha fanlar faqat a'lo (5) baholarga o'zlashtirilgan bo'lishi lozim.

🔝Shuningdek, O'zbekiston Respublikasi Prezidenti (magistr) davlat stipendiyasiga nomzodlar Bilim va malakalarni baholash agentligida "O'zbekiston tarixi", "Axborot texnologiyalari" va "Xorijiy til" bo'yicha test sinovidan o'tadilar hamda ekspertlar guruhi tomonidan talabgorning ilmiy tadqiqot ishi, erishilgan yutuqlar hamda test sinovi natijalari yaxlitlangan holda, yakunda uch nafar nomzodlar sinovning suhbat bosqichiga tavsiya etiladi.

❤️Iqtidorli talabalarning ilmiy tadqiqot faoliyatini tashkil etish bo'limi telegram kanali:
https://t.me/NamDPI_iqtidorli

#MAZMUNLI_HAFTA

Namangan davlat pedagogika instituti Aniq va tabiiy fanlar fakulteti tomonidan "Mazmunli hafta" loyihasi doirasida sportning shaxmat, shashka va voleybol turi bo'yicha o'yinlar tashkil etildi.

https://t.me/Namdpi_Aniq_tabiiy

🇺🇿Yoshlar Kengashida talabalarning taklif va tashabbuslari tinglandi.

O’zbekiston yoshlar ittifoqi institut boshlang’ich tashkiloti Yoshlar Kengashining navbatdagi yig’ilishi bo’lib o’tdi.

Dastlab koordinatorlar tomonidan yanvar oyida amalga oshirilgan ishlar hisoboti tinglandi.Kelgusida amalga oshirilishi rejalashtirilgan loyihalar va ish rejada belgilangan vazifalar ko’rib chiqildi.

Shundan so’ng, talabalar tomonidan kiritilgan muhim masalalar va takliflar muhokama qilinib, tegishli yo’nalish koordinatorlariga faoliyati yuzasidan topshiriqlar berildi.

Bizni ijtimoiy tarmoqlardagi rasmiy sahifalarimizda kuzatib boring
🌐Telegram 🌐Instagram 🌐Facebook