Zakovat: Namangan

|| Intellektual Olimpiada 2024 dagi Namangan jamoalarini ishtiroki haqida

Har yili yil yakunida bo‘lib o‘tadigan Intellektual Olimpiada Zakovatchilarning bir yillik mehnatlari samarasini ko‘rsatadi.

Qaysi bilimdon yoki jamoa o‘z ustida ko‘proq ishlagan bo‘lsa, yil yakunida albatta rohatini ko‘radi.

Endi esa Namangan jamoalarining Olimpiadadagi ishtiroki haqida yozadigan bo‘lsam:

Namangan davlat universiteti

NamDU jamoasi biror marta ham respublika turnirida sovrinsiz qaytmagan bo‘lsa-da, yangi avlodning kuchi qanday ekanligi qiziq edi.

Shaxsiy fikrimcha, jamoa Zakovat va shaxsiy o‘yinda yaxshiroq o‘ynashi kerak edi. Sababi: jamoa a’zolari Zakovatga ko‘proq moslashgan, Diyorbek esa shaxsiy o‘yin bo‘yicha O‘zbekistonning eng yaxshi bilimdonlaridan biri. Natijalar esa kutilmaganda shunday bo‘ldi:
• Erudit-Kvartetda kumush medal;
• Zakovatda birinchi o‘rin uchun yaxshi imkoniyat;
• Breyn-ringda knopkadagi tajribasizlik tufayli erta yakun;
• Shaxsiy o‘yinda esa ishtirok kutilmaganda juda erta yakunlandi.

Jamoa Zakovat yo‘nalishida kuchli uchlikni saqlab qolsa, o‘z plankasini nisbatan saqlab qoladi.

Namangan muhandislik-texnologiya instituti

NamMTI jamoasi juda qisqa vaqt ichida katta o‘sishga erishdi. Aynan 2024-yilda bo‘lib o‘tgan intellektual haftalikda debyut qilgan jamoa muvaffaqiyatsiz ishtirok etgan edi.
Olimpiadada esa kutilgandan ancha yaxshi ishtirok etmoqda. Jamoadagi Amirbekning kelajagi porloq: Pentagon uni Olimpiadadan oldin transfer qilib olgani jamoaning omadi bo‘ldi.

NamMTI butun Namangan jamoalariga yaxshi namuna bo‘ldi. Ya’ni, har qanday jamoa Olimpiadada yaxshi ishtirok etishi mumkin, buning uchun esa o‘z ustida tinmay ishlash kifoya.

Jamoa a’zolariga ertangi Zakovat yo‘nalishida omad tilaymiz. NamMTI tarix yaratishga juda yaqin.

Turan xalqaro universiteti

Turan jamoasi Olimpiadada debyut qilmoqda. Olimpiada esa tajribasiz jamoalarni hech qachon ayamagan. Lekin, aynan mana shunday tajribasiz jamoalar keyingi turnirlarda o‘z darajalarini bir necha barobarga oshirganiga ko‘p bora guvoh bo‘lganmiz.

Jamoaning kelajak rejalari ulkan, tarkibida bilimli talabalar yig‘ilgan. Jamoa sardori ham juda tajribali bilimdon – Azamjon Isroilov.
Turan Zakovat klubi juda faol va yaqin yillarda yanada kuchli bilimdonlar yetishib chiqishi tayin.

Jamoa a’zolariga tushkunlikka tushmasdan, tinimsiz bilim olishni tavsiya qilaman.

Umumiy xulosa qiladigan bo‘lsam:
Namangan Zakovat klubi kundan-kunga rivojlanib bormoqda, bilimdonlarning saviyasi ham juda tez o‘smoqda. Lekin bu yetarli emas.
2025-yilda yangi turnirlar tashkil qilishga va shaxsiy o‘yinga bog‘liq loyihalarni ko‘paytirishga urg‘u beramiz.

— @ShavkatbekShokirovblogi