Жуда ёмон сигнал.
Наманганлик фермер Сардорбек масаласида 2-3 кундан бери ёзяпмиз(
1 - мақола,
2- мақола ).
Кўпчилик ўқигандир.
Сардорбекка қандайдир модда билан 3 сутка маъмурий қамоқ жазоси берилганди. Бугун соат 18⁰⁰да тугаши керак эди.
Панелнида.
Бугун яқинлари борса, "бу ерда йўқ, Сурхондарёга олиб кетишган, ўша ёққа боринглар" дейишибди.
Бутун бошли одам, паспортининг ортки қисмига "бу паспорт эгаси Ўзбекистон Республикаси ҳимоясидадир" деб ёзиб қўйилган фуқаро 5 суткадан бери дом дараксиз йўқ. Бу билан на прокуратуранинг, на иибнинг на бошқасининг иши йўқ.
Куппа-кундуз куни номери аниқ, русуми аниқ машинада олиб кетишган, лекин ҳеч ким билмайди.
Бу жудаям, жудаям ёмон сигнал.
Бу масалага етакчи нашрлар, фаоллар(ўзларини энг фаол деб биладиган блогерлар, ҳуқуқшунослар, сиёсатчилар - умуман жамиятни барча фаол қатлами) тўхталмаётганидан шу нарса аниқки масала ДХХни қўлида, одатда DXX назоратидаги ишларга кўпчилик муносабат билдиришда эҳтиёткор бўлади. Буни тушунаман, ҳамма ўз тоқатидан келиб чиқиб ҳаракат қилади, бу мутлақ нормаль ҳолат.
Лекин бу вазиятда - эркин фикри ёки эътиқодий қараши(соқоли) учун 5 кундан бери бир инсонни на ўлиги на тириги ҳақида маълумот берилмаслиги бу жуда ёмон сигнал. Кимни тоқати етса, шу масалада жим турмайлик. Сардорбекни, оиласини умуман у яшайдиган қишлоқни ҳам билмайман, танимайман. Мингбулоқ туманига бормаганман ҳатто. Яъни масала шахсият эмас, вазият.
Эртага бу вазият сиз ва мени бошимдан ҳам ўтиши мумкин. Ҳозирдан ҳаракат қилиб, бу тизимга одамларни хоҳлаган вақтида ўғирлаб кетиб, хоҳлаган тажрибаларини ўтказишга йўл қўймаслик керак. У инсон ҳатто ватан хоини, давлат тўнтарувчиси бўлса ҳам унга қонунлар доирасида муносабатда бўлишлари шарт. Шу сабаб айни вазиятга эътиборсиз бўлмасликка чақираман.
Ҳеч кимни тег қилмадим, ҳаммани тоқати хар хил.
Ким-кимни маъқул кўрса тег қилсин, тоқати кўтарган ёзсин, тоқати етмаганлар дуо қилинглар.
Сардорбекка Аллоҳ нажот берсин. Бемор(инсульт) отасини бағрига тезроқ қайтсин. Уни шу куйга солаётганларни ҳам отаси бордир ахир...
Кузатувчиларим орасида DXX ходимлари ҳам борлигига шубҳам йўқ. Сардорбек қаерда, қай ҳолатда, қайси қилган ўта оғир жинояти учун 5 кун ҳаммадан яширяпсизлар, ёки аллақачон у дунёга равона бўлдими?
Сардорбек қаерда?
Бош Прокуратура нега бу вазиятда ҳеч бир чора ёки ҳаракат қилмаяпти?
Нега? Нега? Нега?
Sherzod Asadov ака, шахсан мен Ўзбекистонга Президент Шавкат Мирзиёев - Shavkat Mirziyoyev нинг сиёсатига ишониб қайтганман, худди мендек миллионлаб ўзбеклар айни сабаб билан ватанга қайтишган.
Лекин мана бундай 5 кунлаб йўқ бўлиб қолишлар одамларда ваҳима, давлат раҳбарига ишончсизлик уйғотади.
Сардорбекни қаерда экани, қандай сабаб билан ушлаб турилганига аниқлик киритишда ёрдам беринг.
Мутасаддиларни, фаолларни тег қилинглар, бу масалага эътибор қаратинглар, бефарқ бўлманглар.