Ko‘ngil nima bilasizmi ? Ko‘ngil – bu shunchaki yurak emas, u insonning eng nozik joyi. Uni na ko‘z bilan ko‘rish, na qo‘l bilan ushlash mumkin. Lekin bir og‘iz so‘z bilan sindirish – hech gap emas. Ko‘ngil – bu shisha. Bir marta sinib, yelimlangan bo‘lsa ham, avvalgidek tiniq bo‘lolmaydi.
Ko‘ngil – bu ishonch. Agar uni aldasangiz, qayta tiklash juda mushkul. Ishonch qayta tiklangan taqdirda ham, unda chizgilar qoladi. Odam ba’zan kechirishi mumkin, lekin hech qachon unutmaydi.
Ko‘ngil – bu daryo. Ba’zan jim, sokin oqadi, hech kim sezmaydi ichidagi to‘lqinlarni. Ba’zan esa shunday toshqin bo‘ladiki, butun qalbni chayqab tashlaydi. Ba’zan, hatto, quruq qoladi. Mehr va e’tibor bo‘lmasa, qumga singib ketadi.
Ko‘ngil – bu dunyo. Kim uchundir ulkan, keng va cheksiz. Kim uchundir esa tor, o‘z ichiga qamalib qolgan. Odamlar uni qanday bo‘lsa, shunday qabul qilishni o‘rganishlari kerak.
Man shunday deb o‘ylayman, sizda qanday – bilmadim...
Jahongir Murodov (Altair)
@MyLife_Events