Munajjimlar bashorati ⚡

ТАРОЗИ (24. 09 — 23. 10)

Кунингиз идеал тарзда ўтади деб бўлмайди. Бироқ фалокат ва жиддий кўнгилсизликлар ҳам кўзга ташланмайди. Барча ишлар силлиқчасига адо этилади. Режаларингизни зинҳор ўзгартира кўрманг. Куннинг иккинчи ярмида тадбиркорлар янги учрашувлар, шартномаларга имзо чекиш амалларини бошдан кечиради. Оммавий тадбирларни бошқа кунга қолдиринг. Кечқурун оила даврасида вақт ўтказинг. Сурункали хасталикка йўлиққан бўлсангиз, муолажалар бошлаш ҳақида қайғуринг.

ЧАЁН (24. 10 — 22. 11)

21 феврал куни режаларни тамоман ўзгартириб юборишни истаб қоласиз. Аммо тақдир сизга кутилмаган ҳадяларни юбориши мумкин. Шошилманг. Ишхонангизда ишларингиз бароридан келиши тайин бўлиб турибди. Тушдан кейин янги ишга жойлашган ходим сизни дафъатан танқид остига олиши мумкин. Бу воқеа раҳбарлар қаршисида содир бўлиши сизга алам қилади албатта. Муҳаббатда оиласизлар бўлғуси жуфтини кафе ёки ресторанга таклиф этсалар, мақсадга мувофиқ бўларди.

ЎҚОТАР (23. 11 — 21. 12)

Бугун идеал кетидан қувманг. Ҳатто, иш жойингизда ҳам камтар бўлинг. Айниқса, яқинда бу жамоага келиб қўшилган бўлсангиз, сиз учун камтарлик жуда муҳим. Молиявий муаммолар кун интиҳосига етмай туриб ижобий ҳал бўлади. Бу ишда сизга интернет орқали дўстлашган инсон яқиндан кўмак беради. Кечқурун тўғри овқатланишга эътибор қаратинг. Режимни бузманг. Тоза ҳавода сайр қилгачгина ухлашга ётинг. Ўзингизни эҳтиёт қилинг.

ТОҒ ЭЧКИСИ (22. 12 — 20. 01)

21 февралда кутилмаганда омад сизга кулиб боқади. Азбаройи қувонганингиздан, бу бахтни ҳатто рақобатчи ва ҳасадгўйлар билан ҳам бўлишгингиз келиб қолади. Лекин бу қадар ишонувчан бўлишингиз тавсия қилинмайди. Акс ҳолда борингиздан ҳам айрилиб қолишингиз ҳеч гап эмас. Саломатликни халқона йўллар билан мустаҳкамлаш имкони туғилади. Бу имкониятдан унумли фойдаланинг. Айниқса, бел ва оёқ оғриғидан халос бўлишда халқона усуллар катта ёрдам беради.

ҚОВҒА (21. 01 — 19. 02)

Кунингиз жуда ажойиб бошланади ва сиз ҳар бир вазиятни ўз хоҳишингиз бўйича ташкил этиш имконига эга бўласиз. Асосийси, қўрқманг. Дадил ва мардона олдинга қадам ташланг. Зарарли одатлар анчадан бери сизга қийинчиликлар туғдираётган бўлса, бугун улардан халос бўлиш пайти етди. Оиласизлар олис сафарга отлансалар, бу сафар уларга бахт ато этади. Сафар давомида орзуингиздаги инсон билан танишасиз. Серқатнов йўлларда ниҳоятда эҳтиёт бўлинг. Ёмон кўзлардан нари бўлинг.

БАЛИҚ (20. 02 — 20. 03)

21 феврал куни кайфиятингиз тушкун ҳолатда бўлиши мумкин. Бундай кайфиятдан сизни фақат яқинларингизгина халос эта олади. Ўзингизни ёлғиз ҳис этишдан тийилинг. Ҳаётга реал кўз билан боқинг. Жуда бўлмаса, аламингизни ишдан олинг. Суюкли инсонингизга кўпроқ меҳр кўрсатинг. Кечқурун сизни дўстлар билан учрашув ва қизиқарли суҳбатлар кутиб қолади.

ҚЎЙ (21. 03 — 20. 04)

Бугун шошма-шошарлик билан қарорлар қабул қилишингиз тавсия этилмайди. Чунки вазият кун давомида юзлаб маротаба ўзгариши мумкин. Шундай экан, бардош қилишингиз ва кузатувчи сифатида атрофга боқишингизга тўғри келади. Молия билан боғлиқ ҳар бир операцияни ҳуқуқшунослар ёрдамидагина амалга оширинг. Жуда бўлмаганда, ўзингизга нисбатан тажрибалироқларнинг маслаҳатига қулоқ тутинг. Негаки, айнан молиявий масалада катта йўқотишлар ва инқироз хавфи бор.

БУЗОҚ (21. 04 — 21. 05)

21 февралда табиатингизга хос бўлмаган жиҳатлар пайдо бўлади. Сиз жуда сергак ва эътиборли одамга айланасиз. Молиявий муаммолар сизнинг фойдангизга ҳал бўлади. Агар йўл-йўлакай пайдо бўладиган имкониятларни қўлдан чиқармасангиз, шахсий иш билан отланадиган сафарингиз бароридан келади. Иммунитетингиз паст. Ўз вақтида ухлаш ва керакли витаминлар ичиб юришни унутманг. Кечқурунги тоза ҳаво сайри ҳам сиз учун фойдадан холи бўлмайди.

ЭГИЗАКЛАР (22. 05 — 21. 06)

Куннинг биринчи ярмида дўстларингиздан қайсидир бири билан орангизда келишмовчиликлар юзага келиш эҳтимоли бор. Сиз ўйлаб кўринг, ўша дўстингизнинг ўрнига ўзингизни қўйиб боқинг. Жанжални бас қилинг. Сабаби, жанжаллар, баҳслар ҳаётингизнинг бошқа жиҳатларига ҳам салбий таъсир кўрсатиши ҳеч гап эмас. Айниқса, асабингиз чарчаган бўлса, саломатлик ҳам жабр чекиши мумкин. Кечқурун ёши улуғ қариндошлар билан сен-менга бориб қолишдан сақланинг.

ҚИСҚИЧБАҚА (22. 06 — 23. 07)

21 феврал куни дўстлар ва қондошлар қаршисида бошингизни баланд кўтарган ҳолда муносабат юритинг. Улар орасида кимлардир сизга қарши нималардир қилиб юрган кўринади. Сиз билмасликка, сезмаганликка олинг. Кун давомида ён бериш масаласига алоҳида эътибор қаратинг. Ишхонангизда сизни мамнун эта оладиган ёрқин бир ҳодиса содир бўлиши кутилади. Ҳойнаҳой, сизга янги лавозим таклиф этсалар керак. Муборак бўлсин!

АРСЛОН (24. 07 — 23. 08)

Бугунги кунингиз алоҳида аҳамиятга эга бўлади. Сиз катта ишларга қўл уришингиз мумкин. Бу ишда сизга ҳамкасблар ҳам, дўстлар ҳам яқиндан ёрдам беришади. Душманларингизнинг ҳеч бири халал бера олмайди. Моддий аҳволингизни яхшилаш йўлида ҳам муаммо бўлмайди. Пул ортиғи билан келиб чўнтагингизга тушади. Саломатликни тиклаш учун танани чиниқтирувчи муолажалар олинг. Сузиш машқлари ҳам зиён қилмайди.

ПАРИЗОД (24. 08 — 23. 09)

21 февралда эрталаб ҳамкасблардан бири ҳақида ғалати бир хабарни эшитасиз ва ҳайратдан тош қотасиз. Бундай лаҳзаларда хотиржамликка эрк беринг, бардошли бўлинг. Бусиз вазиятни кескинлаштириб қўйишингиз мумкин. Тадбиркорлар кун давомида янги ҳамкорлар билан фойдали шартномага имзо қўйишлари кутилмоқда. Энди ҳаракатни тезлаштиришингиз керак. Катта пул тикишингизга тўғри келади. Акс ҳолда ҳамкорлар қаршисида уялиб қолишингиз мумкин.

ТАРОЗИ (24. 09 — 23. 10)

Эрталабдан кўнглингиз ғашланиши кутилади. Аммо эҳтиросларга йўл берманг. Эмоциянгизни жиловда тутинг. Шунда сиз ҳар қандай кўнгилсизликни четлаб ўта оласиз. Асабларни бугун жуда эҳтиёт қилишингиз зарур бўлади. Ҳали синаб кўрилмаган таомларни истеъмол қилманг. Заҳарланиб касалхонага тушиб қолишингиз хавфи бор. Саломатлигингизга алоҳида эътибор билан ёндашинг. Айримлар кечқурун яқин дўстлар ёки танишларникига меҳмон бўлиб бориши мумкин.

ЧАЁН (24. 10 — 22. 11)

20 феврал куни ниҳоят ҳаётнинг қайси йўлидан бориш лозимлигини англаб етасиз. Албатта, бу йўлда ишончли ҳамроҳсиз ҳаракатлана олмайсиз. Молиявий масалада дафъатан ёрдамчилар пайдо бўлиши мумкин. Аммо уларга ишонманг. Ёрдамчилар даромаддан кўра харажатлардагина сизга кўмак бера олади. Оилалилар хонадонида бугун кечқурун ажойиб ва бир-биридан қувончли лаҳзалар юзага келади. Тайёр туринг. Ухлашга ётишдан олдин енгил ҳазм бўлувчи таомлар истеъмол қилинг.

ЎҚОТАР (23. 11 — 21. 12)

Ҳаётингизни ижобий тарафга ўзгартира олмайдиган вазиятлар, ишлар ва ҳодисалардан нари бўлишингиз тавсия этилади. Ҳар қандай кўринишдаги учрашувлардан ҳам воз кечинг ва дам олинг. Муҳаббатда оиласизлар эҳтиёткор бўлмаса, кулгили вазиятда қолиб кетишлари мумкин. Моддий аҳволингиз бугун безовталанадиган даражада бўлмайди. Хотиржам бўлинг. Саломатликни сақланг. Яқинларингизни эҳтиёт қилинг.

ТОҒ ЭЧКИСИ (22. 12 — 20. 01)

20 февралда принсипларингизга қарши бора кўрманг. Ундан кўра, иш жойингизда зиммангиздаги вазифани аъло даражада адо этишгагина эътибор қаратинг. Айниқса, ақлий меҳнат кишиси бўлсангиз, принсиплардан албатта воз кечишингиз талаб этилади. Куннинг иккинчи ярмида биров сизга сердаромад ишда ҳамкорликни таклиф этиши мумкин. Албатта рози бўлинг. Ёмон ниятли одамлар назаридан нари бўлишга ҳаракат қилинг.

ҚОВҒА (21. 01 — 19. 02)

Эрталабданоқ ишхонангизда мартабангиз орта боришига шахсан гувоҳ бўласиз. Истеъдодингизга ҳамкасбларнинг барча-барчаси қойил қолади. Оила қурмаганлар тушдан кейин бир инсонни учратишлари кутилмоқда. Шу инсон юрагингиздаги ҳаловатни ўғирлаб қўйиши турган гап. Лекин кўнгил изҳорларига шошилманг. Ҳаммаси меъёрида бўлса, муносабатларингиз тез орада янада мустаҳкамланишига шубҳа йўқ. Саломатлигингиз масаласида жуда эҳтиёткор бўлинг.

БАЛИҚ (20. 02 — 20. 03)

20 феврал куни не ишга қўл урманг, қувонч ва хурсандчиликларга эришасиз. Бу ҳам ўзингиз севган иш билан машғуллигингизнинг натижасидир. Молиявий аҳволингиз ҳавас қилса арзийдиган даражада кечади. Демак, ёқимли харидларга эрк берсангиз ҳам зиён кўрмайсиз. Яқинларингизга совғалар харид қилинг. Афсуски, кечқурун кутилмаган бир шахснинг хонадонингизга ташрифи кайфиятингизни бузиши мумкин.

ҚЎЙ (21. 03 — 20. 04)

Худонинг куни-да. Бугун кун давомида сизни жаҳлдорлик, тушкунлик, нафрат ва майда кўнгилсизликлар таъқиб этиши мумкин. Қанча ҳаракат қилманг, барибир улардан қочиб қутула олмайсиз. Лекин улар сизга зиён етказмайди. Куннинг иккинчи ярмида молиявий муаммоларингиз сизнинг фойдангизга ҳал бўлади. Бу муаммони яқин танишлардан бири ҳал этади. Кечқурун тоза ҳавода сайр қилинг. Тўғри овқатланинг. Айримлар кечқурун дўстлар билан кафеда учрашиб суҳбатлашиши мумкин.

БУЗОҚ (21. 04 — 21. 05)

20 февралда оиласизлар ўз муҳаббати учун қаттиқ курашиши талаб этилади. Рақиблар жиддий. Шунинг учун белни маҳкам бойлаб курашга отланинг. Молиявий масалада харажатлар даромадлар билан элликка эллик бўлиши кутилади. Аниқроғи, ҳам йўқотасиз, ҳам топасиз. Кимдир кечқурун олис сафарга отланишни мақсад қилган бўлса, бу сафарни бошқа кунга қолдира туринг. Бугун қилинадиган сафар сизга муваффақияцизлик келтириши ҳеч гап эмас.

ЭГИЗАКЛАР (22. 05 — 21. 06)

Бугун эҳтирослар, эмоция етагида қолиб кетмасликка ҳаракат қилинг. Шундоқ ҳам муаммоларни бартараф этиш учун керагидан кўп куч сарфлагансиз. Дам олинг, нафас ростланг. Ким янги ишга ўтган бўлса, хурсанд бўлаверсин. Сизни янги жамоада муваффақиятлар муштоқ кутмоқда. Кечки пайт баъзи дўстларимиз қисқа масофага сафар қилишлари мумкин. Бу сафар сизга моддий манфаат ҳам ҳадя этишини унутманг. Ўзингизни эҳтиёт қилинг.

ҚИСҚИЧБАҚА (22. 06 — 23. 07)

20 феврал куни ишхонангизда фикрингизнинг қанчалар тўғрилигини исботлашга уринасиз. Негалигини ҳатто ўзингиз ҳам билмайсиз. Ҳойнаҳой, кимдир сизни танқид остига олади-ю, унга жавоб сифатида шу ҳаракатларни содир этасиз. Аммо бунинг қўрқинчли жойи йўқ. Ҳаммаси ўткинчи. Жуфтингизни бугун алдашга ҳаракат қилманг. Бунинг оқибати яхшилик билан тугамаслиги мумкин. Кечқурун сизни унутилмас лаҳзалар кутиб қолади.

АРСЛОН (24. 07 — 23. 08)

Бугун чин кўнгилдан дам олиш учун алоҳида вақт ажратишингиз тавсия қилинади. Аммо дам олиш экан деб дўкон айланиш, спиртли ичимликларни истеъмол қилиш ва туни билан кўчада юришингиз шарт эмас. Ёлғиз қолинг ва шу тахлит дам олинг. Суйганингиз билан кино ёки театрга тушинг. Бугун ҳаммомга тушиш, саломатликни тиклашга мўлжалланган сув билан боғлиқ муолажалар хайрли кечади.

ПАРИЗОД (24. 08 — 23. 09)

20 февралда пашшадан фил ясаш, ҳар бир вазиятдан шубҳаланиш яхшиликка олиб бормайди. Ўз вақтида ҳаёт йўналишингизни ўзгартиринг. Омад, муваффақият қаршингизда турибди. Кўзларни каттароқ очинг. Ҳаётга реал кўз билан боқинг. Молиявий муаммоларни бартараф этишда янги усулларни қидиринг. Харидлар, қарзлар ва инқироз ҳақида ўйлашдан тийилинг. Асабни асранг. Кечқурун тоза ҳавода сайр қилишни унутманг.