Iymon Haqiqatlari

#iqtibos

Gunohning yo'li:

1. Boshida qiyin bo'ladi.
2. Keyin osonlashadi.
3. Keyin odatlanadi.
4. So'ngra mubtalo bõladi.
5. So'ngra voz kecholmaydigan bir holga keladi.
6. Ortiq boshqa gunohlar izlashni boshlaydi.

Iymon Haqiqatlari

#nafsimga_eslatma

Ey quloqsiz, o'zboshimcha, unutuvchi nafs! Bu Qur'on hayotimizni tartibga solish uchun yuborilgan kitob emasmi?

Zamonning zayli bilan buzilgan o'lchovlarni tuzatish uchun yuborilgan tarozi emasmi?

Bugun zamon o'zgardi, odamlar o'zgardi dema, chunki o'lim o'zgarmadi!

Iymon Haqiqatlari

#tarjima #kitobdan_parcha

Vafo

Xandanning bobosi ular bilan birga yashar edi. Juda qari edi. Ko'p ishlarni o'zi qilolmaydigan bo'lib qolgan edi. Qo'llari yaxshi ushlamagani uchun ovqat yesa, yarmini ustiga to'kar edi. Bugun ham ovqatlanib bo'lishganida, o'tirgan yeri non ushoqlari bilan to'lgan edi. Xandanning dadasi, bobosi dasturxondan turganida, egilib birma-bir yerdagi ushoqlarni terishni boshladi. Xandan dadasiga o'girilib "Hatto kichkina ukam ham bunchalik ovqatini to'kmaydi. Bobom yosh bolaga o'xshaydilar," dedi. Xandanning dadasi "jim bo'l" ishorasini qildi. Sõngra, bobosining eshitmaganiga amin bo'lgach, pichirlab dedi:
"Xandancham, bobong endi juda qarilar. Qo'llarini avvalgidek ishlatolmaydilar. Biz yedirib qo'yamiz desak, o'zlari qilolmaganlari uchun xafa bo'ladilar. Shuning hozir u kishi to'kadilar, biz to'playmiz. Vaqtida esa biz to'kkanmiz, u kishi to'plaganlar. Shukurki Robbim u kishiga uzoq umr, bizga esa u kishiga xizmat qilish imkonini nasib etdi. Robbimiz nima deb marhamat qiladi: "Agar otangdan-onangdan yoningda qarib qolganlari bo'lsa ularga hatto "uff" ham dema. Doimo shirin so'z ayt." Biz ham Robbimimizning buyrug'iga bo'ysunamiz, otamizga vafoyimizni ko'rsatamiz."
Xandan juda mamnun bo'ldi. "Siz qariganingizda men ham sizga hech jahl qilmayman, dadajon, xohlaganingizcha to'kavering," dedi. Dadasi kuldi. "Katta rahmat, qizalog'im," deb uni o'pdi.

Isro surasi. 23-oyat: Robbing faqat Uning O'zigagina ibodat qilishingni va ota-onaga yaxshilik qilishingni amr etdi. Agar huzuringda ularning birlari yoki ikkovlari ham keksalikka yetsalar, bas, ularga "uff" dema, ularga ozor berma va ularga yaxshi so'z ayt!

Iymon Haqiqatlari

#iqtibos

Men Robbimga azobdan qõrqib ibodat qilishdan uyalaman. Chunki u holatda yomon qulga õxshab qolaman. Qõrqsam, amal qilaman, qõrqmasam qilmayman.

Men Robbimga savob istagida ibodat qilishdan uyalaman. Chunki u holatda amalning ajrini oladigan bõlsa, amal qiladigan, olmaydigan bõlsa, qilmaydigan yomon mardikorga õxshab qolaman.

Men Robbimga Unga bõlgan muhabbatim yuzasidan ibodat qilaman.

Abu Hozim Madiniy

Xislatli hikmatlar sharhi kitobidan

Iymon Haqiqatlari

#iqtibos

Tavhidning yeri ijtimoiy hayotdir.

#yani

Senda tavhid bor yoki yõqligi tilingdagi "Alloh, Alloh" dan ma'lum bõlmaydi. Balki, yashash tarzingdan ya'ni ijtimoiy hayotingdan ma'lum bõladi.

#õylab_kõr

Dunyoning qaysidir burchagida hidoyatdan mosuvo, Allohdan bexabar birisi bor. Bu yoqda esa sen borsan.

U odamning hayoti uxlash, yeyish, ishlash, kun bõyi bõsh vaqti bõldi deguncha telefonini olib umrini ijtimoiy tarmoqlarda õtkazishdan iborat. YouTube dan zeriksa Instagram kiradi, keyin tik tok, keyin telegram va hokazo.

Ishida ham iloji boricha kõproq foyda qilish asosiy maqsadi. Buning uchun kerak bõlsa, yolğon ham ishlatadi, pora oladi yo beradi, yashayotgan uyi va haydayotgan mashinasi esa kreditga(riboga).

Ishdan kelsa, qornini tõydiradi, yeyayotgan narsasining harom-halolligi albatta qiziq emas. Qorni tõygach kõngilxushlik qilishni tusab qoladi. Bugun esa bu ishni qilish uchun telefonning õzi yetarli. Hamma harom ichida bor.

Telefonni oladi yarim tungacha kõziga kirmagan harom qolmaydi. Albatta, unga bular qiziq emas, chunki u uchun harom degan sõzning õzi yõq. Nimadan lazzat olsa shuni qilaveradi.

Endi bu yoqda sen borsan, aziz, mukarram birodarim. Hidoyat ne'mati bilan Alloh seni boshqalardan aziz qilibdi. Ammo qiyoslab kõr, tilingdagi "musulmonman" degan sõzdan boshqa hayotingda yuqoridagi hidoyatsiz, badbaxtning hayotidan qanaqa farq bor?

Agar sening ham hayoting õsha badbaxtning hayotiday bõladigan bõlsa, bunday tavhid senga oxiratda foyda beradimi?

Uyğonish vaqti kelmadimi?

Shu post oldingga bekorga chiqmadi. Hikmatini angla. Hayotingni tuzat.

Unutma! Tavhidning yeri ijtimoiy hayot!

Iymon Haqiqatlari

#duo

Allohim dunyodagi har bir ota-onaning farzandi uchun qilgan fidokorliklari haqqi-hurmati, ularni Jannating bilan mukofotla. Omin.

Iymon Haqiqatlari

#iqtibos

Yerda qancha tanilmagan insonlar bordir. Ular Arshda mashhurdirlar.

Iymon Haqiqatlari

Uzun va foydali videolar kõproq kõring. Tik-tok, instagramni õchirib tashlang. Masalan YouTube da Iymon Haqiqatlari degan kanalda yaxshi videolar bor)